兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 國產膽機 有無ching玩國產膽機?? 有咩好介紹?? budget ~5,000 |
cyruschow 正式會員202.xxx.xxx.95 |
2011-10-21 14:02 | |
|
|
|||
| [#2] 國產膽機 你先要知自己鐘意聽乜先，就咁講很難介紹。 |
pp33 正式會員 210.xxx.xxx.230 |
2011-10-21 15:26 |
| [#3] 國產膽機 上深圳華強北路的萬商電業城，在你的預算範圍內大把選擇。 |
canary1964 正式會員 218.xxx.xxx.203 |
2011-10-21 17:32 |
| [#4] 國產膽機 得閒真係要北上去望望...... |
cyruschow 正式會員 202.xxx.xxx.95 |
2011-10-21 18:04 |
| [#5] 國產膽機 香港都咁多國產膽機，重要北上去望望？貪人仔平的？又水脚又冇保用重要自已托返來，除非自已識整？ 自已識整不如DIY一部好過啦。 |
freemanfung 正式會員 223.xxx.xxx.166 |
2011-10-21 18:25 |
| [#6] 國產膽機 其實唔駛去咁遠、旺角都有好多‧任試任听‧我都用緊、好聲好力–港幣對人仔得番八折、咁遠運番耒又咁重、冇命啦、重有交通費、時間等等、、、– |
sunny33 正式會員 116.xxx.xxx.116 |
2011-10-21 18:27 |
| [#7] 國產膽機 畢值問題黎，自己上華強買二千五都有得揀，响香要五千至多D選擇。不過依家國產都隨時過萬…如在港買！ |
spyder 正式會員 223.xxx.xxx.74 |
2011-10-21 18:40 |
| [#8] 國產膽機 上廣州海印，機價可比深圳萬商再平些，搭直通巴士上順路玩兩日一夜，行街食飯。 |
零號機 正式會員 203.xxx.xxx.116 |
2011-10-21 19:09 |
| [#9] 國產膽機 廣州海印我去過很多次了, 賣貨的店家誠信麻麻! 而且坐直通巴上到東方賓館或花園酒店仲要轉的士落去. 海印那三條街入夜好靜, 得幾間大食店可光顧, 嗰區好正經 ,冇洗頭卡拉可玩. 不過住一晚酒店唔算貴, 百零蚊晚既海印賓館已經好靚. 我上次去睇一台MICRO SEIKI DDX-1500直驅盤, 他們在淘寶網標明價錢和照片, 我於是攞定預算上去即買, 點知去到佢同我講要收歐元, 唔收人仔, 更加唔收港水, 又話現在已重新定價, 比之前貴! 他們的思想仍然停留了在未開發的年代裡, 甚麼叫誠信都不懂,口講是假的, 貨不對板很多, 見人喜歡的就手起刀落斬. 我在淘寶見到的照片樣本跟本不是我要買那一台機, 在架上賣的全是垃圾殘貨. 所以要買大陸膽機, 還是在香港買或者上去深圳萬商新圓通買好過, 新圓通我跟那老闆譚先生買過貨, 好有信用, 招呼一流, 膽機有零件做不好,打個話即時幫我向廠方來料更換. 而且他們大有以前香港阿二無線電的任聽唔嬲作風, 反之對面賣QUAD那家就不得了, 入去望一眼都多餘, 問價之後佢回答我一句: 要幾萬元架喎? 我只好回答佢冇錢就唔玩音響喇傻佬! 所以上大陸買機還是要睇人睇店, 總之花費上廣州就係正一上廣州了!有得罪了四方的請多多原諒,心直口快之人! 最後修改時間: 2011-10-21 19:53:55 |
mastercook 正式會員 219.xxx.xxx.243 |
2011-10-21 19:48 |
| [#10] 國產膽機 在此順便回應一下CYRUSCHOW 師兄的問題. $5000元預算買大陸膽機買唔到好靚聲既,一台美星MC-34B 都卜咗你三千幾港紙,啲聲麻麻地,因為你出嗰五千元都未夠買一對靚輸出牛,所以要部機有好聲就只好迷信去買,睇劏蟮雜誌大把垃圾介紹. 我則建議你去買部VINCENT 或者聲雅HYBRID 玩好過,呢兩個牌子機都唔錯聲,有人話佢聲硬又乾! 但我用部膽前級推聲雅(VINCENT)SP-331後級,啲聲好靚吖!靚過其他幾千元既前後合併膽機多多聲,力度超強橫,聽結他弦聲好似比鞭打咁勁(失真),大有當年restek 後級聲底七成冷僻, 用柔聲或中性聲底前級配就好到冇得彈,聽出耳油. 雖然我部前級唔止五千元,但都要部後級出到靚聲至得 . 現在R33有位師兄放緊VINCENT SP-T100 MONO , 四千二元,合晒CYRUSCHOW 師兄預算.不過這個聲雅廠的造工很粗,懂的就開機箱用辣雞跟一下線路內容(尤其是輸入膽則那一枚橫向電阻,不夠watt數, 好快變叉燒濃),不懂的就聽聲收貨好了. 祝各位師兄開聲大吉! 最後修改時間: 2011-10-21 20:39:05 |
mastercook 正式會員 219.xxx.xxx.243 |
2011-10-21 20:20 |
| [#11] 國產膽機 就是繪圖上那兩粒電阻要更換火數大一點的才好!我部機上的已嚴重金黃成了叉燒,快要燒濃了!除咗呢點外重有要執執啲焊鍚,焊工好鬼差.但整體設計唔錯,唔係懂Diy就可以造得到,呢部機係德國佬設計,聽聞係THORENS有份參予既,就當佢吹水好了,聽聲收貨.而且花時間diy不如用嚟聽嘢!呢台機最好係機架設計,線路板都有用底盤承起,唔似adcom 設計咁原始!  最後修改時間: 2011-10-21 21:09:41 |
mastercook 正式會員 219.xxx.xxx.243 |
2011-10-21 20:54 |
| [#12] 國產膽機 去大陸買hifi最笨實，算把啦。 |
Coolman88 正式會員 113.xxx.xxx.200 |
2011-10-22 03:13 |
| [#13] 國產膽機 有冇兄弟在淘寶買過擴音機？ |
pp33 正式會員 210.xxx.xxx.230 |
2011-10-22 15:56 |
| [#14] 國產膽機 pp33, 淘寶買机要小心易請難走(返大陸要收稅),真的要買,最好叫賣家先試過机及打箱,最緊要買你覺得銀碼細而香港又冇得賣. |
wd3933 正式會員 183.xxx.xxx.187 |
2011-10-22 17:42 |
| [#15] 國產膽機 各位師兄唔好意思!細佬點錯各位!今日連深圳新圓通都已經唔多老實了!我今天上去深圳新圓通找譚先生買個唱盤,佢居然攞咗個兩三年前做陳列品既盤出嚟比我,佢仲話係新機,而且價錢仲要貴過當年三十個巴仙!點買得落手?大家以後上去大陸買機既就要格外小心了! 最後修改時間: 2011-10-23 01:19:13 |
mastercook 正式會員 218.xxx.xxx.111 |
2011-10-23 01:12 |
| [#16] 國產膽機 回應wd3933師兄!我認為喺淘寶買音響直頭買唔過!喺深圳買都好多問題同誠信唔得.正如wd3933師兄所言,你攞番部機上去換嗰時睇下大陸海關收唔收咗你吖嗱! 另外話喺廣州拉部機落嚟? 嗰部最好係mini hi-fi?上得去買既多數係貴價大陸機,重型大後級巨型膽機等!拉住部機山長水遠咁拖到番嚟人機都短幾年命喇!唔通你抱住部三隻大牛既膽機掹巴士番嚟咩!咁做就真係正宗上廣州喇! 玩音響最緊要唔好玩到自己,聽嘢講享受吖嘛!唔通連飲紅酒都要自己去釀至夠班? 有冇人咁老襯去法國旅行拖番兩箱紅酒番嚟咁豬錦春呢? 我以前上去買膽機係朋友有車送番嚟香港我至買,否則得鬼閒咩!咁啱今日又有車車我上去我至想到買個盤,點知搵笨既!於是走人好了! 最後修改時間: 2011-10-23 01:46:06 |
mastercook 正式會員 218.xxx.xxx.111 |
2011-10-23 01:32 |
| [#17] 國產膽機 咁麻煩，貴D都要起香港買！ |
pp33 正式會員 210.xxx.xxx.230 |
2011-10-23 13:39 |
| [#18] 國產膽機 mastercook, 其實我可以分享下个人及朋友的實際經驗. 1) 最近我都在淘宝買過size細少的wav隨身聽的player及有耳擴功能的dac,兩者共通點都要係生產商或被授權的代理商,位處要在深圳(方便日後維修或升級,以及深圳在電子方面普遍較其他國內城市出色,除上海外),首一年包工及料,終身包工,至於信用及其他用家對賣家及產品要有高評價(當然要過往已售出相當數量,仲要係單件,更加要睇差評的內容是否自已接受,再與賣家討論相関內容(從而了解產品及賣家對客户的態度及對產品的熱誠及要求. 最近,我都有給hifi朋友(佢地都有市場較出名的sony隨身聽over HKD$3000-)及非hifi朋友聽過(事前我唔講係什麽牌子),佢地聽後就問什麽牌子,幾多錢. 其實,我要做這麽多的research都係想有好聲的隨身聽,我亦當佢係小型的枱上hifi cas用(因可外置最高32G SD card,已可儲存900多首wav歌,最正係有遙控,但部机絕不靚仔,卻好好賣),對我來講已足夠哂. 在香港,我都去過旺角金聲總店聽佢地的耳擴,唔覺有什麽太特別(比較我部player). 所以我都好開心有緣遇上這部机 2)至於dac連耳擴,來到時拆盒見机底有條很少的花痕,就要賣家換部新机,最後佢包哂所有運費及換過另一部新机(點解我知係新机,因机身serial no.係大過之前果個部),後來我又將佢當作枱上hifi dac用,差別相當明顯,再用佢推我的beyerdynamic DT990 600歐姆,控制得非常好(至於音質當然好正),但唔駛一千人仔,其實現在我都心思思買部dac給stello cdt100用,但都怕差不遠, spec:max support192k/24bit dyn:127db snr=116db freq:20h-30khz ch sep:100db earphone snr=120db 以上數值已很強,但我又為何想買多部dac, 因stello dac100s有得玩升頻至192k/24bit及i2s. 3)3年前我同朋友上深圳相関牌子的代理買amp及cd机,整个過程非常愉快,邊飲功夫茶,邊試不同机/不同線材/不同組合,完全冇sales給的壓力,只覺係分享心得及了解不同机的長短處,最後買了cd机,amp,線(近萬元人仔),試了新机,包好了(整个過程大約4个鐘到,如香港.....),再由速遞運來港(自已搬,冇可能,兩部机加起來足80LBs),到現在朋友以及朋友的朋友.....都幫親佢,都冇出過事. 4)事實國內有些商人好x,我裝修時,買嘢都中過招(佢地講到天下無敵(唔眨眼),最後就貨不對辨,仲要好差個隻),所以國內買嘢要選有口啤的. 以上只係想分享下. |
wd3933 正式會員 183.xxx.xxx.187 |
2011-10-23 14:22 |
| [#19] 國產膽機 mastercook兄 請收pm. |
pp33 正式會員 210.xxx.xxx.230 |
2011-10-23 15:08 |
| [#20] 國產膽機 請問PP33師兄有何指教,小弟等咗一粒鐘都收唔到師兄PM! 在此要對樓主CYRUSCHOW兄道歉,用咗你個版吹水!不如我講一啲大陸選購膽機既經驗比你聽吓,方便你去選擇. 珠海美星出既膽機搭棚搭得好靚,但係音色麻麻,最好既係廠方有即時通小姐跟你講解同介紹,你喺深圳定咗機然後去問佢有冇接過單,佢會立即幫你跟進,然後回覆你並跟進你部機去到邊度(多數寄巴士或小貨車比深圳接貨人),呢個係非常好既服務,比跟香港細店仔買更有安全感.不過近來佢哋既機貴咗好多,值唔值得要考慮清楚.而且美星出品間中會改一下用料,你睇中既機未必會係跟你買到既一樣. 萬商伯樂有部300B陳列品賣三千幾蚊,我聽過不過不失,跟美星MC-34B一樣唔算係HI-FI級,用嚟聽收音機過吓膽機癮會好好玩.伯樂老闆好好人,同時介紹我聽佢精心製作既火牛放大,不過全店機聽過後只得一部陳列品300B聽得吓!乜乜火牛放大就唔好諗,鄧麗君個口都可以大過飛機頭,真正火牛放大. SPARK 好唔好就要睇人睇機,貴價機佢都有HI-FI味,但唔係好出色之作,或者我雙耳生鏽喇!聽唔到跟價值成正比既聲音,總之唔好睇完垃圾雜誌講完就跟住去買,更加唔好聽我吹水就唔買,還是由你隻耳仔收貨. 另外萬商上其他雜九店賣既機都唔掂,尤其機頂插燈膽,機面有木條嗰隻牌子"蚊瘀"牌就睇都唔使睇,送比我都浪費屋企地方.另外一隻中型廠重型合金製機身嗰隻"啞琴"牌子機就幾得意,買番嚟做室內襯飾唔錯睇!但有好幾部啲聲就仲差過我幾十年前既膽電視機,不過佢最貴五六七千既機則還可以,都係一樣唔算HI-FI,所以唔好要求佢有高分析力同音色超靚,除非你試過五六七千蚊可以娶到香港小姐做老婆既就去信佢喇! 另外萬商有一間WILLIAMSON(抄人美國佬牌子)自製既土炮膽機幾好聲,係原型機,前級機箱裝火牛,後級機箱裝前級,成個地上一舊舊嘢!睇到我一頭霧水,不過啲聲靚到暈,老闆娘直認係佢對SONUS FABER好聲啫!好客氣!聽完問一下幫我整部同樣聲既後級要幾錢時至知佢係大陸CAT.老翻人哋線路造既,連價錢都老翻埋!不過佢似乎收藏咗好多靚膽,得閒路過不妨入去觀摩一下,有嘢學!有錢使唔晒既就訂番一兩件支持吓佢! 買大陸膽機千祈唔好以為自己挪住一兩萬上去就可以要求買一套convergent音色既器材,即使jadis都做唔到,膽機聲準係得CAT一部,其他都係大口婆機,唔好玩過界.大陸膽機只可以當玩具玩,唔好當佢高級HI-FI,否則玩摷自己都玩唔到好聲就唔好怪人推薦唔得,除非你換埋機上既火牛用日本名牛喇! 仲有!唔好做傻仔同做廣州仔去抄膽番嚟聽,有傻佬賣一隻300B兩萬五千銀,你會去買一部美國名牌機還是買一隻膽?大陸機缺點係火牛唔得,冇嘢可換架喇!換嚟換去都係要過火牛圈至有聲出,啲銀紙浪費咗喺隻垃圾牛上走圈圈,然後又走入你對喇叭圈中再走一輪圈圈至叫你隻耳仔收貨,你話啲錢去咗邊?咪係隻大陸牛食晒落肚咯! 我買過一部美星MC-34B,就係睇佢搭棚搭得幾靚就買番嚟聽收音機,點知聽咗一個星期唔夠就發覺有啲好討厭既聲,講唔出係乜聲,總之一聽到就唔想要,最後空置咗半年後千八元放咗比冷氣工程公司老闆放喺廠內播收音機用. 買大陸膽機就係咁嫁喇!冇得要CELLO音色還是CAT音色,只得全部大陸音色,CYRUSCHOW師兄要選擇既其實係想要乜聲機?要聽靚音樂既就唔好玩膽機,要聽醉人電台既最好買部300B,保證過癮!要買玩具既就選"啞琴",外觀好靚嘛!melody既都一樣麻麻,否則唔會咁多師兄放機,要平玩既去二手區執部平靚正sp-3好了! 買300B既要記住,膽好貴,唔好買啲有成十二瓦咁貪心既單端300B,否則你玩得兩個月要換膽時就鵝啫仔了!300B一般得八瓦輸出,推唔到LS3/5A好大聲,更加推唔到十二吋低音,要好小心選喇叭.要買大力膽機可選KT-88,6550等膽,推挽式手拉手輸出就好夠力,但係唔會平.其他鵝啫仔咁細粒既幼膽功率管機就唔好望一眼,唔會有理想音色,啲聲肯定差過套件機. 所謂直熱式膽嘛!唔使識佢係乜,只要識睇部機上隻隻膽都大碌又粗既嗰啲就係喇!膽越多錢越貴! 要買高身211膽同845膽既就更要小心,呢啲膽係有好大幅射既發射用膽,屬工業用大power膽,屋企有細路,狗仔貓仔同bb仔就千祈咪玩.請記住!玩大陸膽機後級換膽係冇用既,換牛至會換聲!前級換一下膽都可以有所改善. 謝謝!祝大家玩得開開心心! 最後修改時間: 2011-10-23 18:39:03 |
mastercook 正式會員 219.xxx.xxx.242 |
2011-10-23 18:02 |
