兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 分享比Hifi 玩的經驗 今日空閒,不如大家分享下多年來比Hifi玩的經驗,我講先- 記得初玩Hifi,只是要求夠勁,爆得,朋友來時爆到彭彭聲,D朋友嘩嘩聲,自已那時覺得好威吓(其實聲大夾冇準).後來去了朋友家,佢老豆用Quad夾AR,D聲剛柔並濟,才知其實自己套野係垃圾.甘得閑咪睇吓發X音響,行下Hifi 鋪,換過Krell,MF合拼機,最後換左套SonicFrontiers 合拼胆機 配 Tannoy 613坐地,學人聽下發燒碟,7,8年間玩過下ProAc 仔,Roger 仔,Kef 等 ,其他的平價配線及器材如MF X10D, Dac in the box ……等等就好多.後來搬屋就把所有器材賣走.重新setup 過. 那時訂立的目標是要甜美細致自然,可以細細聲出到無盡的美聲,最後買入Cary 2A3SE mono Block 及 Matisse Fantasy Line, Cary 302/200 cd player ,配 Soliloquy SM2A3 喇叭(配2a3太靚聲,冇玩2A3 Amp,但喇叭仍保留收臧), 配線全用TarLabs and Kimber中高階系列.聽左4到5年,期間都係換吓胆,換吓線. 心想再可唔可以好D,又去研究下,D人成日話簡單就是美,多隻香爐多隻鬼,心想把器材的元件盡可能減少,可能會有好效果. 待續…………………………………. 最後修改時間: 2012-08-07 14:15:48 |
million2000 正式會員220.xxx.xxx.157 |
2012-08-07 14:13 | |
|
|
|||
| [#2] 分享比Hifi 玩的經驗 Amp 已經是用單端細亙直熱,KR 2A3 胆monoblock,幾好不用換,前級改用Audio Systhensis無源音控(24級Halco電阻左右獨立音量制),喇叭用無分音全音書架,美國的Omega TS-1 .接線全用Taralabs 及 Kimber. Cd player 仍用 Cary 306/200. (3V輸出)簡單就是美,冇前級,冇喇叭分音,4W 單端输出,結果是完全失敗.無神無氣,得個中音.心想可能Amp的輸入靈敏度夠,於是買入 Audio Systhensis 原廠配無源前級 class A amp, 有神有氣了,但音質全完比唔上2A3.最後加回 Matisse Fantasy Line 前級,用回2A3推全音域,一切回復正常,一聽又4,5年了. 今次又搬屋,家裡多左2個人,胆機係時候拜拜了.買本Stereo Sound ,上下網睇下有乜好野,發現Elac 攞好多獎,個jet高音好正吓,Burmester都用佢.個spec 又堅.セElac 唔係AV 野咩?上網 search 吓,細喇叭出大氣勢,德國造,發燒,AV皆宜,價唔貴,於是買入 243LE.配 amp 方面都係用合拼,省地方.Elac 出名高音正,冇試就買左出名高音正的Goldmund 合拼仔 去配,今次中招,Goldmund 得個中高音,低音少,聲又快,同 Elac 唔係好夾,得個爽字.都係怪自己冇做功課.再上綱 search 吓,請教下D 師兄,最後在四,五部合拼機中,買入同是德國血统,好評如潮的MBL 7008.今次ok 拉,可以收貨.Cary 306/200 又壞咗,10年唔修了, 用Sony SCD 9000es 做轉盤,再買入W4S Dac2 及 電腦學人玩吓CAS.再upgrade 吓 D 線材,大功告成,開心聽歌仔.一聽又年幾. 待續…………………………………. |
million2000 正式會員 220.xxx.xxx.157 |
2012-08-07 14:16 |
| [#3] 分享比Hifi 玩的經驗 在比Hifi 玩的過程我有以下的體會: (1) 最好首先要想清楚自已的聆聽環境,由其是買喇叭,要買合適的size及能力. 如我大部份時間都係晚上細細聲聽野,器材要細細聲都好聽,細節微動態要出得到.(好多器材細細聲聽係冇料到,小心.) (2) 要知道自已喜歡同常聽的音樂類型及聲音,靚聲人人標準唔同,自己喜歡就得.(呢樣就難D,發燒友都係貪心,套嘢最好10項全能) (3) 電源處理器只用在訊源如Dac,cdplayer,效果最好,Amp 就好多時有得有失,不過我覺用獨立供電比套機最好, 電源處理器可免則免. (4) Amp 及 喇叭的配合最重要,如果買回來一開聲己經唔掂,都唔使浪費時間煲 機換線較聲,煲機換線只能夠冇甘差,並不能變成好,一定要換機. (5) 好Amp 一定貴,好喇叭就唔一定貴. (6) 我好喜歡用靚訊號線配平價喇叭線,靚訊號線成功率高,靚喇叭線就週時中招.(不過仍然死心不熄,不斷中招),喇叭線唔一定粗就好,高階型號就好(一般同一品牌愈高階愈粗,我試過用同一品牌反而中階平衡過高階.有時配合是最重要. 完..... |
million2000 正式會員 220.xxx.xxx.157 |
2012-08-07 14:21 |
| [#4] 分享比Hifi 玩的經驗 師兄! 邊隻線中招! 邊隻線最大路好用呀? |
oto 正式會員 202.xxx.xxx.11 |
2012-08-07 16:16 |
| [#5] 分享比Hifi 玩的經驗 玩 HI FI, 大多都要交d學費 平有平玩,貴有貴玩 專家的話不可盡信,要信自已對耳 |
dy111 正式會員 221.xxx.xxx.120 |
2012-08-07 16:28 |
| [#6] 分享比Hifi 玩的經驗 中招D線咪講拉,人人套野都唔同,我比較喜歡Taralabs的中上價訊號線如the two ,the one,分析力好,靜又立體,kimber Cable 的下價喇叭線如8TC,monocle 同PBJ訊號線(kimber係以前我Email 問 Cary Audio ,佢地介紹).喇叭線其實用D優質studio 線,價平,試下不同的粗幼度,找出最平衡的聲,都巳經唔錯.訊號線我就建議買靚D.喇叭線用幾粗真係無準則,我玩對全音域 94db靈敏度喇叭,正路唔需要大能量高電流,喇叭線幼幼地就得,但係結果用到Kimber monocle XL,甘粗最好聲,所以一定要粗幼都試下. 最後修改時間: 2012-08-07 17:03:15 |
million2000 正式會員 220.xxx.xxx.157 |
2012-08-07 16:47 |
| [#7] 分享比Hifi 玩的經驗 訊號線要平靚正,我最近發現對好野,好幼身,平衡通透,同The one LE 比是冇甘清,聲軟D,人聲更舒服,大廠出品,The one LE 已被打入冷宮,暫作收臧. |
million2000 正式會員 220.xxx.xxx.157 |
2012-08-07 17:34 |
| [#8] 分享比Hifi 玩的經驗 多謝分享 講真句D Hifi都冇腦既佢点識玩你哋吖，呢D只係學習setup過程中一少部分，D人成日幻想出嚟，如果呀A+呀B今次就真係靚聲La,要玩都係自己玩自己，幾皮幾叉買條線（掋玩喎），對喇叭拉出多幾吋就話（核凸），最基本唔洗錢或少少錢已有大改善，就九百幾個理由唔去試...咁你話La |
Countrysong 正式會員 1.xxx.xxx.252 |
2012-08-07 20:18 |
| [#9] 分享比Hifi 玩的經驗 玩到成個二手佬咁樣,成屋器材,公司都摆滿,中毒太深,無法自拔,末登极樂,繼續沉醉,吓!吓!吓!吓.有心幾的話我相信一定玩得好,繼續努力. 最後修改時間: 2012-08-08 00:00:16 |
007007ck 正式會員 113.xxx.xxx.33 |
2012-08-07 23:51 |
| [#10] 分享比Hifi 玩的經驗 ching 同小弟個老友一樣，成屋連小型貨倉都係音響器材，但係 佢現時主力聽Mp3，話買定日後退休時喪玩喎…^-^ |
Countrysong 正式會員 1.xxx.xxx.252 |
2012-08-08 00:36 |
| [#11] 分享比Hifi 玩的經驗 買完又賣...賣完又買...買完又賣...賣完又買.....惡性循環 高價買入 ... 心急想買 低價賣出 ... 心急想放 死未 |
mark1 正式會員 202.xxx.xxx.202 |
2012-08-08 19:40 |
| [#12] 分享比Hifi 玩的經驗 最初是土砲膽機十mission. 覺得喇叭分析力唔夠。 跟著買了tad 300仔，嘩了一聲。有分析力，音色濶。發揮到膽機的好處。 跟著訂閱台灣的雜誌，十分出色的音響雜誌，好過香港的十倍，但是⋯。有一個寫手常用Pmc lb1sign作試機，最終我也買了。 |
LB1i 正式會員 202.xxx.xxx.34 |
2012-08-08 22:20 |
| [#13] 分享比Hifi 玩的經驗 玩了十幾年,吾玩啦,買飛睇現場的,真係好過玩hifi,真心話!! 最後修改時間: 2012-08-08 23:15:12 |
cat369 正式會員 183.xxx.xxx.223 |
2012-08-08 23:14 |
| [#14] 分享比Hifi 玩的經驗 玩了十幾年,吾玩啦,買飛睇現場的,真係好過玩hifi,真心話!! x 2 |
MakiGoto.. 正式會員 112.xxx.xxx.204 |
2012-08-08 23:34 |
| [#15] 分享比Hifi 玩的經驗 買了pmc後，發覺膽後級唔喺好得，明白一濶三大是什麼意思了。唉! |
LB1i 正式會員 202.xxx.xxx.208 |
2012-08-08 23:49 |
| [#16] 分享比Hifi 玩的經驗 當時未有上網,只靠睇音響書,唔多認識其他hifi友,又無時間周圍去音響店聽野(一星期得一天假期,仲要預留時間聽野) 1.sonex吸音棉,買左五千銀,用得幾年,就可以爛 2.攞左部膽後換電容,用左三千銀,跟手仲換埋支膽, 盛惠二千四 3.睇發燒音響,信左佢,買左套,本地牌子既原子粒機 4.係國貨公司,買左台升壓牛,牛龜咁大隻,又使左二千幾 5.用左九佰蚊,買左套"紫檀"水晶釘 6.係秋葉源買左數十尺MAS電源線,自己DIY 7.為左追看一位作者文章,買(搵)左好多"過期"雜誌,仲要 信埋佢,係美國訂左2隻subwoofer回來,計埋運費,使左 三萬銀 8.自己做音響架,應該係器材磚塊承放音響,全部器材排晒係地下,牛龜電視機都無位放,要搬入房,總之係音響大過天 自己從來不知自己想要乜,只係不斷求變,買呀買,改呀改, 直到開始聽現場音樂會,數年後,想反樸歸真,正好撞正,樓 市大跌,從此沒有再掂音響了 |
jing 正式會員 65.xxx.xxx.187 |
2012-08-09 08:55 |
| [#17] 分享比Hifi 玩的經驗 現今資訊發達，途徑亦較多，實在比以前較易玩得到理想效果，所以禾好尊重D前輩高手，佢哋既經驗係用錢同時間買返嚟！ 禾只係得益者…^-^ 小弟感覺（現場/音響）係並存的，沒方向才是至命傷！ 最後修改時間: 2012-08-09 12:05:32 |
Countrysong 正式會員 14.xxx.xxx.81 |
2012-08-09 12:03 |
| [#18] 分享比Hifi 玩的經驗 現今資訊發達，途徑亦較多，實在比以前較易玩得到理想效果，所以禾好尊重D前輩高手，佢哋既經驗係用錢同時間買返嚟！ 禾只係得益者…^-^ 小弟感覺（現場/音響）係並存的，沒方向才是至命傷！ ＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜＜ 深有同感,現今資訊發達,真係交少好多學費!! |
million2000 正式會員 220.xxx.xxx.157 |
2012-08-09 14:14 |
| [#19] 分享比Hifi 玩的經驗 玩了十幾年,吾玩啦,買飛睇現場的,真係好過玩hifi,真心話!! 唔係化!! 我想聽卡拉揚 , 陳百強 , 點聽現場呀? 真心話!! 最後修改時間: 2012-08-09 17:34:26 |
mark1 正式會員 202.xxx.xxx.196 |
2012-08-09 17:27 |
| [#20] 分享比Hifi 玩的經驗 聽現場要睇下點現場法,如果是一般演唱會,要用mic加揚聲器的就唔慌會好聲,以前聽過藤田惠美演唱會,D聲又干又惡,我在家聽CD正好多,如果是直接真樂器出聲就唔同,聽完你回家聽番套Hifi,你會發現你喜愛的音場定位結像其實好人工化,微細零碎聲,現塲坐甘遠,根本聽唔到,聽到都是比Hifi微弱好多,不過在Hifi聽又真係假得幾好聽,而且任何時間可以聽,現場聽冇可能完全取代Hifi. |
million2000 正式會員 220.xxx.xxx.157 |
2012-08-10 11:59 |
