兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#21] 原全無玩拖版同電源線 諗起 Russ Andrews mains 拖板都係 hard wired…… 冇用 Russ Andrews 拖板，不過入牆用緊 Russ Andrews mains cord ，或者其他跟機線，全部換晒 Russ Andrews 13A fuses。可能靜咗少少，但係主要考慮係有 fuse protection 有乜事希望可以到 claim 保險。 尤其係擴大器，用過幾個牌子嘅 manual 都係寫明唔用佢條跟機線有事佢哋唔揹。 |
Kenny 正式會員14.xxx.xxx.113 |
2025-09-02 17:25 | |
|
|
|||
| [#22] 原全無玩拖版同電源線 內部接線行純銀線嘅拖板唔多 印象中好似只有Oyaide 同埋 Siltech 自己整平靚正，仲可以揀物料 |
Thanatos 正式會員 183.xxx.xxx.14 |
2025-09-02 18:01 |
| [#23] 原全無玩拖版同電源線 c兄可否分享一下聽感效果 |
anthlai 正式會員 59.xxx.xxx.212 |
2025-09-02 23:05 |
| [#24] 原全無玩拖版同電源線 厚、滑、甜、和諧、空氣感極強烈、樂器層次分明度大幅提升、有一種暗湧令你感覺到能量有一種深藏不露嘅感覺。唔係大爆吵鬧嗰種能量，而係潛藏不露嗰種能量，你feel到佢背後有好強大內力 聽小提琴多咗一種漿力，好煙韌嘅來回，我估呢個係microdynamics最極致嘅表現 之前聽某啲音樂，你會覺得係聽緊音響器材 而家越嚟越多時間令到自己進入咗音樂，唔記得咗係聽緊音響，個感覺好似成個人「溶化」左入去音樂裏面，聽歌聽到好似我座禪「入定」嗰一種完全冇晒雜念冇晒時間觀念嗰一種融合。 越嚟越唔想熄機 嚟緊個星期日本來屋企有飯局，由於依家套嘢太靚聲，屋企飯局已經被我推咗 搞到我越嚟越宅 不過去到今時今日嘅音效唔止淨係個拖板，仲有好多Kondo訊號線喇叭線電源線、膽機裏面好多Black Gate、Audio Note Silver tantalum等等，加加埋埋煲咗三四個月 有樣嘢要提提大家，要去到音樂嘅化境，有一樣嘢好重要，冇乜人提過：所有線材，插咗入去就唔好再裝裝拆拆，唔好郁到條線。如果大家能夠忍手幾個月唔郁所有音響線，會產生一種和諧感。你一郁咗，呢種和諧感就會即刻消失，又要等返幾個月先出現返。 我師傅曾經同我講過有一條MIT(唔記得咗係信號線定喇叭線)，每隔三幾個月要攞出嚟按摩先至好聲。我認為佢當年聽錯咗，唔可能。佢可能接受唔到有啲音色過分順滑，故意要返啲棱角。 我自己就強烈建議所有發燒友，裝好咗啲音響線，就唔好再郁到佢。你能夠忍手幾個月，就會產生一種超強和諧感。 而家一兩篇關於metallurgy 嘅研究指出，某啲金屬例如銀、銅，唔郁到佢嘅話佢會自己愈合一啲微裂痕，晶體會越嚟越靚。如果真係有咁嘅self healing property, 咁樣keep住唔郁啲線絕對對聲音有幫助。 大家不妨回憶一下，你哋一生人一定遇過一啲音響系統，係幾十年都冇人移動過，嗰啲系統係有一種和諧嘅秀麗氣質，有一種好和平安詳嘅感覺。你點整都整唔到出嚟。就係呢一種聲 有關於呢個拖板，我所使用嘅Mundorf線，感覺上比以前嘅Mundorf硬身一點。應該係改良型。而家嘅Mundorf好全面地靚聲，有晒銀同埋銅嘅最佳優點。清通空靈，中音甜美得嚟又唔會有純銅嗰一種輕微污濁感。Mundorf現代嘅金銀潤似乎真係做到好平衡。我會揀佢唔揀單晶銀。 |
Thanatos 正式會員 104.xxx.xxx.136 |
2025-09-02 23:32 |
| [#25] 原全無玩拖版同電源線 少少提議、完成 wiring continuity testing 之後、最好考慮 color tag。  最後修改時間: 2025-09-03 00:02:27 |
Kenny 正式會員 218.xxx.xxx.199 |
2025-09-03 00:02 |
| [#26] 原全無玩拖版同電源線 ＞＞＞ 冇乜人提過：所有線材，插咗入去就唔好再裝裝拆拆，唔好郁到條線 非常同意丶成套野純左丶音場闊大鬆容丶上下伸延盡 電非常非常重要丶個拖板總龍丶影響好大丶如果吾係廠線丶兩個頭尾頭要花點時間才能玩＂盡＂。 自我經驗丶cd 唱兩小時才開始靚聲，試過一時忘記丶長play 兩日（repeat)丶音樂感丶密度丶動態勁 每次換上＂好野＂丶煲好丶重聴同一cd, 覺得cd 其實可以好靚聲 Audio note ANVZ 玩過丶如要另一口味銀線丶siltech 也直得一試丶尤其是上代二手算＂低＂買 |
phil.ng 會員 223.xxx.xxx.1 |
2025-09-03 06:29 |
| [#27] 原全無玩拖版同電源線 ＞＞＞ 揀佢唔揀單晶銀 現用金銀Silech, 考慮換單晶 Siltech , 因這句丶都係要想清楚丶加上現時二手放野不易。 |
phil.ng 會員 223.xxx.xxx.1 |
2025-09-03 06:34 |
| [#28] 原全無玩拖版同電源線 我響一個發燒友家中聽過全套Double Crown, |
Thanatos 正式會員 104.xxx.xxx.129 |
2025-09-03 10:24 |
| [#29] 原全無玩拖版同電源線 謝謝丶慳返丶不換了丶金銀夠聽了 太＂高級＂通常有好強特性丶都係小心為上。 多看 r33 的經驗、得益不少 |
phil.ng 會員 223.xxx.xxx.1 |
2025-09-03 11:04 |
| [#30] 原全無玩拖版同電源線 有時我自己都會有偏袒，所以一定要大家一齊討論，咁先會搵到一個中立客觀嘅定位 我最明顯發現自己嘅偏袒之處，就係我有一對西電300B，一直以來都誤以為佢係新裝膽，Date code 926，我一直以為佢係2009年出廠。聽咗好多年都唔覺得佢特別靚聲，嫌佢唔夠立體感。某一日屎窟痕，上網搵吓926即係乜嘢年代生產，結果發現原來係1949年。當堂覺得佢靚聲咗。中音嘅味道零舍唔同。咁我就對自己有一個重大警惕，就係我對耳仔其實一早已經bias左。以後我都要好小心先了解自己對耳仔，之後先至再品評音響。 我對單晶銀嘅結論係響好多唔同場合聽出嚟，亦都有兩位發燒前輩同意。 |
Thanatos 正式會員 104.xxx.xxx.129 |
2025-09-03 11:15 |
| [#31] 原全無玩拖版同電源線 再請教多様，是數碼線，有什麼心水 |
phil.ng 會員 223.xxx.xxx.1 |
2025-09-04 00:42 |
| [#32] 原全無玩拖版同電源線 #31 數碼線我都仲摸索緊 同埋我對數碼線嘅理解，大部份都係源於dCS community嗰個網站，同班鬼佬嘅討論 綜合佢哋嘅討論，有以下幾點 1. 阻抗匹配重要嘅（雖然我喺另一條thread同一位師兄討論過，數碼線咁短、頻率又唔係高，未必太重要，但你知道音響啲嘢度出嚟同聽出嚟兩回事) 2. 唔好短過1.5m 3. 唔係越貴越好，就算同一間廠，都有機會平價打低貴價貨品 4. 真係有條友攞過啲線去度過佢發現Crystal Cable 嘅 impedance 最準確 5. Transparent XL 同埋 Shunyata Omega 都有好多人讚不絕口 我自己覺得，一間廠嘅一條線，佢用喺模擬嘅時候有啲乜嘢聲音特性，用喺數碼嘅時候都會有類似嘅特性 師兄你用緊Siltech 金銀線，品質其實都已經好高，唔似係系統嘅樽頸位冇急切性去更換。唯一諗嘅就係Siltech數碼線用twisted pair，如果行AES/EBU可能都冇乜問題，但係如果行75 Ohm 我真係唔肯定佢可唔可以做到75 Ohm. Crystal Cable 佢真係有得俾你揀同軸。 不過香港買Crystal Cable 有啲貴，俾現金都冇乜折 |
Thanatos 正式會員 104.xxx.xxx.135 |
2025-09-04 10:26 |
| [#33] 原全無玩拖版同電源線 有同感！ #24 有樣嘢要提提大家，要去到音樂嘅化境，有一樣嘢好重要，冇乜人提過：所有線材，插咗入去就唔好再裝裝拆拆，唔好郁到條線。如果大家能夠忍手幾個月唔郁所有音響線，會產生一種和諧感。你一郁咗，呢種和諧感就會即刻消失，又要等返幾個月先出現返。 最後修改時間: 2025-09-04 17:50:17 |
hello3693 新會員 14.xxx.xxx.248 |
2025-09-04 17:49 |
| [#34] 原全無玩拖版同電源線 "唔好短過1.5m" 試下3m，可能會有意外收獲。 |
spyder 正式會員 86.xxx.xxx.85 |
2025-09-07 11:30 |
| [#35] 原全無玩拖版同電源線 如果只想幾千蚊upgrade 拖板，有冇建議呢？ |
rickkklam1 會員 1.xxx.xxx.221 |
2025-09-07 14:51 |
| [#36] 原全無玩拖版同電源線 呢D好唔好？  |
rickkklam1 會員 1.xxx.xxx.221 |
2025-09-07 14:58 |
| [#37] 原全無玩拖版同電源線 我自己用緊呢一隻 用料一流，成件實心鋁挖空銑出嚟，Furutech IEC inlet，瑞士Gotham走線，德國ABL蘇底 手工都一流：螺絲簪位銅線屈返轉頭多一截接觸點就算扭鬆螺絲都逼到實一實------有心機之作，咁樣整法師傅隻手隨時會勞損 買全純銅最靚聲，唔需要買啲電鍍古靈精怪嘢 雖然我最後都將內部走線換晒Mundorf金銀潤，但係我都買多一隻原裝冇改動過作為備用 https://audioaccessoryhk.com/product/labkable-powertap-發燒電源排插/  |
Thanatos 正式會員 104.xxx.xxx.132 |
2025-09-07 15:36 |
| [#38] 原全無玩拖版同電源線 #36呢d唔好搞喇 拖扳唔好買濾波filter之類的，簡單排插已經夠用。 最後修改時間: 2025-09-07 21:23:47 |
Bluesilver 正式會員 13.xxx.xxx.11 |
2025-09-07 21:22 |
| [#39] 原全無玩拖版同電源線 謝謝Thanatos兄分享，金銀潤果然有料到，換入牛皇全銅拖板代替了Hamonic Tech Emperor. |
anthlai 正式會員 210.xxx.xxx.146 |
2025-09-09 16:31 |
| [#40] 原全無玩拖版同電源線 最緊要知道，Mundorf似乎靜悄悄地改良咗佢哋嘅金銀潤 因為線身硬度完全唔同晒 (同20年前比較) 舊款軟身好多，分析力冇咁高。新款分析力同質感強好多，又唔會有純銀咁強嘅中高音特別嘅聲底 有咗呢樣嘢，就唔需要再掙扎純銀好聲啲定係純銅好聲啲，又或者要點樣響一套系統用一點銀線用一點銅線 突然記起好多年前自己砌膽MC pre pre, 由於信號微弱，對所有嘢都好敏感，包括焊錫。當年揀Mundorf含金量最高焊錫，而放棄咗Siltech焊錫，我而家明白點解。 |
Thanatos 正式會員 104.xxx.xxx.136 |
2025-09-09 19:46 |
