兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#21] 國產膽機 SORRY!師兄請再收PM. Thx! 多謝師兄詳細資料，極有參考價值，謝謝！ 最後修改時間: 2011-10-23 23:59:58 |
pp33 正式會員210.xxx.xxx.230 |
2011-10-23 23:58 | |
|
|
|||
| [#22] 國產膽機 其實當初玩膽机時,雜誌都寫melody sp6話好正,當時好用心聽都唔覺得(以為自已隻耳仔不行),後來又聽人讚cayin cd17a,但我都冇feel,不過最近去過hit-audio,當進入第一隻門時,聽到很美妙的女聲,跟着就進入大房,个人覺得好正(音色都幾毒),旁邊有个似係老手都話好正,之後我就從線材走法,估應該係大型机陣當中最細個部(本身都細部),我都好懷疑是否睇錯,接着,老手問sales隻牛係什麽牌子,sales話係廠自己做的,之後我問sales係邊部机放歌,原來真的係最細個部,但價錢多少就冇問過,如有時間,可上去睇睇. Thanks |
wd3933 正式會員 183.xxx.xxx.187 |
2011-10-24 00:00 |
| [#23] 國產膽機 不知師兄有否聽過美國 VTL 的 tiny 小膽機 , 單聲道四支膽仔卻幾好聲 , 二十多年前一對就要賣過萬四元了 , 這不就是火牛造得好的功用嗎 ? 你試一下去買部大陸或香港造的同樣機聽一下便知道沒辦法可比的了 , 人家收你千五蚊一部膽仔機 , 點幫你用心機嚟造一隻續條續條線排住去 , 然後層層包青殼紙再油侵既牛牛呢 ? 不又是一個線圈架用繞線機亂繞一隻出來既貨色 , 一個鐘頭繞十幾隻嗰啲貨色 . 當你試過自己用手繞火牛你就知道味道了 , 繞過幾千圈後 ! 到時你只想你精心泡製出嚟嗰隻牛牛賣十萬元都有似 ! 繞完一隻牛後手指頭都甩晒皮. 部機好唔好聲除咗零件外隻牛佔咗好重既影響份量 , 所以日本靚牛都要賣二三千元一隻 , 要 diy 膽機既就不如花時間去拜師學好繞牛牛仲有用 , 學識楂辣雞跟住人家個設計去焊線路係冇用既 , 唔通去工廠坐 line 做女工咩 ? 人家美星膽機廠都有好多女工焊機好靚 , 你咪去同佢哋鬥焊得靚咯 ! 另外買小廠膽機最好即場聽啱嗰部就要嗰部 , 開過箱比另一部機你肯定唔會同聲 . 可能示範機用咗特別靚料製造( 咁就一定唔會比你攞走 ), 又可能你聽開嗰部天生特別靚聲等 . 但到你買一部番屋後就係另一回事了 . 我唔敢話人哋搵笨 , 正如你去大昌買部思域仔都唔會比部落場車你楂番屋企吖! 最後修改時間: 2011-10-24 04:09:27 |
mastercook 正式會員 219.xxx.xxx.40 |
2011-10-24 04:02 |
| [#24] 國產膽機 大致認同 mastercook 和 wd3933 的意見。 大陸的原子粒機做得不壞，mastercook 兄所說的 Vincent/Sheng Ya 就是一個例子。 |
doctorjohn 正式會員 121.xxx.xxx.89 |
2011-10-24 06:14 |
| [#25] 國產膽機 完全同意Mastercook C-Hing所講,要玩胆機平平地又靚聲最好在R33二手市場找部人地盡量用近乎原庄料已整修好之英國Leak胆機啦,玩完賣返出去都唔使點蝕.大家時常都講大陸胆機冇二手市場你買一萬就唔見一萬,何必呢! |
levis 正式會員 219.xxx.xxx.98 |
2011-10-24 09:22 |
| [#26] 國產膽機 其實我地香港都可以造到好高水準的膽機牛及膽機, 但呢D人材現時就少之又少啦。 300B單端專用雙C-core輸出牛, Made in Hong Kong.  最後修改時間: 2011-10-24 14:39:28 |
Twins-Audio 正式會員 220.xxx.xxx.167 |
2011-10-24 14:25 |
| [#27] 國產膽機 用於300B mono block膽機:  |
Twins-Audio 正式會員 220.xxx.xxx.167 |
2011-10-24 14:28 |
| [#28] 國產膽機 TWINS-AUDIO 老闆沒講錯!香港係有一班繞火牛好叻既人才,以前喺紅磡紅寶石酒樓商場就有一間專代人設計製造靚火牛既電工店 , 我細路仔時成日去睇牛牛,成日問佢繞隻大牛牛要幾多錢,嗰時五十蚊可以幫你繞隻成十安培既大火牛,當年香港美聲電子賣過一隻日本牛,次級28V-0-28V , 5A ,都係賣五十元啫 , 而家如果你屋企有一隻既話就好值錢喇 ! 不過近二十年嚟香港牛牛專家既環境江河日下 , 啲人電子玩意多咗好多 , 曾經有一段時日冇乜人玩音響,連阿婆都去炒股票打遊戲機 ! 所以牛牛人才都要退隱深山 , 新一代既就求其了事 , 而家請人幫你繞隻靚牛幾乎冇可能 .以前有人用鐵粉芯繞電源牛,後來消失了! 以前香港啲火牛廠掃埋都有超過三十間 , 執吓一間執吓又一間 , 請問而家仲有冇人喺火牛廠開工呢 ? 我以前都做過火牛 , 大大話話都製造過一萬幾千隻喇!不過係裝火牛外殼啫!暑期工坐LINE 嘛! TWINS-AUDIO老闆隻雙C牛唔錯,請問好唔好聲? 最後修改時間: 2011-10-25 00:11:57 |
mastercook 正式會員 219.xxx.xxx.164 |
2011-10-25 00:07 |
| [#29] 國產膽機 mastercook兄, 做音頻牛同做其它牛的要求不同, 音頻牛做得好除左師傅的技術及經驗外, 師傅仲要具備一定的音樂修養, 喜歡聽音樂, 能夠分辨到器材重播音樂的質量, 識得校聲... 呢只香港製造的4組並繞做法雙C輸出牛專用於300B單端機, 工序繁複, 難度好高, 初級為2.7K(同Audio Note TR300 opt一樣), 次級0-8-11-15 ohm, 可以同時滿足LS3/5A 11 ohm及15 ohm版本的需要。 隻雙C牛好唔好聲? 我就好仲意, 韌力十足, 收放自如, 又有音樂味。 如果得閑可以過來聽下。  |
Twins-Audio 正式會員 220.xxx.xxx.167 |
2011-10-25 10:57 |
| [#30] 國產膽機 很是喜這篇文章的討論, 像是袋錢落我們新手的銀包~!! 但有一問, 那國產中階或以下膽機, 是否因以下師兄們講的原因如成本等就一定不入流? Twins-Audio兄, 可以在那裡試聽你的器材~!? 謝謝~!!:) |
小傑 正式會員 203.xxx.xxx.48 |
2011-10-25 14:02 |
| [#31] 國產膽機 以前有人用鐵粉芯繞電源牛 可能果個人傻既，或者有人記錯。 |
simon62 正式會員 183.xxx.xxx.85 |
2011-10-25 14:34 |
| [#32] 國產膽機 這篇文章已達到拋磚引玉的效果,高手漸漸浦頭了!謝謝樓主CYRUSCHOW兄!未知CYRUSCHOW兄有何意見?找到了合你意的膽機嗎?同時也謝謝TWINS-AUDIO老闆的名器好介紹,老闆的雙C牛的確是精心製作的好器材,有時間的一定要聽聽和見識一下!謝謝TWINS-AUDIO兄的邀請! 總之一句話,玩大陸膽機唔好講求咁多嘢!聽啱聲就收貨,話晒膽機係有佢天性上既限制,音色滿意既就好了!如果要求幾千蚊既大陸膽機有高分析力,好定位,空氣感同音色質感的話,咁就係明明同自己過唔去!呢啲要求一直係音響玩家追求既夢想,三幾千蚊既大陸合併機要有齊晒以上優點既話?不如你嚟開廠我幫襯你好過!大陸膽機已成了主流,又怎會不入流呢?人有人講,我有我玩至係真章! 當你知道聲音出名準確既CONVERGENT 膽前級現在要賣到一萬歐元一台後便明白這個小道理! 祝大家討論開開心心! 最後修改時間: 2011-10-25 21:25:47 |
mastercook 正式會員 219.xxx.xxx.166 |
2011-10-25 21:20 |
| [#33] 國產膽機 我想回應一下 DOCTORJOHN 兄既話題! 現在大陸音響廠製造既原子粒機已經唔再係以前嗰啲咁差既水平, 以前我喺南沙港人民大會堂睇話劇時親眼見住演員後面嗰部大陸製造既合併式原子粒機出煙 , 跟住聲音沙啞 , 然後冇晒聲 ! 話劇團要搵人出嚟跳 FLOOR SHOW 娛賓至冇人嘈. 而家大陸啲音響廠多數跟外國音響廠合作生產 , 冇合作既都會想辦法去搵啲靚線路番嚟製作 , 甚至係老翻人哋既設計 , 咁樣成本就低好多 . 如果你話佢哋唔可以自己設計既咩 ? 咁我話比你知 , 佢哋啲中小型廠冇咁多本錢 , 一組設計人員一年要花好多錢去供養既 , 呢條數日本仔一早已諗掂咗 ! 日本廠家好多時會跟日本業餘電子自作會成員取得線路生產 , 咁樣成本就低好多 , 唔信既可以寫信去問一下現在日本音響自作會會長前田好一先生 . 而大陸廠家就搞中外合作同老翻人哋既機 , 因為中外合作同老翻都有國家照住! 所以而家買平靚正既國產音響已經唔代表唔入流 , 請睇一下SHANLING 既 CD 機 ? 有冇人話佢唔好聲 ? 話佢係大陸垃圾呢 ? 冇喎 ! 反而好多人話佢係中國人之光 , 我哋唔好講到咁誇張 . 但係我見過一個好喜歡音樂但係唔玩音響既小姐第一次聽到 SHANLING CD-300 既聲音後一分鐘唔夠就話啲聲好好聽 . 音響呢味嘢問音響玩家好唔好會有好多人講意見 , 天花龍鳳 , 有真有假有創作 , 想知自己組機好唔好 ? 想知自己組機水準高唔高 , 唔使請高手嚟比意見 , 只要搵個唔鐘意聽音響既朋友嚟聽一下就知 , 連佢都話好聽既 , 咁你組機咪算入流囉! 咁也嘢至算得係入流呢 ? 有好多人認同一組機好聲既係咪就算入流呢 ? 我認為玩者自滿就夠了 ! 除非你要做廣播 , 要成街人都嚟聽你既音響 , 否則何需別人嚟認同呢 ? 你喜歡玩 ACCUPHASE , 佢喜歡玩 HTC , 兩者都可以話係 HI-FI , IPOD 都可以係好高級既音響 . 懂尊重人家玩既玩意就可以人人都玩得開心 , 玩乜機都唔會再有個唔見人既瘀字 ! 所以而家買大陸音響唔會好失禮 , 而且玩音響人人都有自己既要求 , 唔係人人都一樣 , 各有各玩 , 互相尊重就百花齊放 , 唔使因為人哋講一兩句話大陸機怎樣就唔玩 ! 另外點解咁多人去買大陸膽同玩大陸膽機呢 ? 大概因為大陸以前封閉 , 所以得以保留咗好多蘇聯既製膽技術 , 同時八十年代英國著名 MULLARD 貓乸膽製造廠全條生產線賣晒去大陸湖南 , 所以全球最好既製膽技術就落地中國生根 , 當年買咗英國貓乸廠技術製膽嗰間大陸廠就係現在既曙光 ! 英國 MULLARD 去咗大陸後 , 因而造就咗好多人留意大陸膽 , 當時大陸未有生產高級膽機前 , 我經常去東北買一啲蘇聯製造或大陸製造既特別用膽 , 可惜打爛晒居多 , 當時一支好似211既大型發射膽都係賣十幾蚊一支 , 入到人民商場就會見到好多膽喺櫃內 , 可以用糧薄飯票換貨 , 我有當地戶口 , 所以食唔晒既糧薄就用嚟買膽收藏 . 現在人人都玩大陸膽機 , 起源就係有間英國貓乸膽廠建立喺中國 , 由造膽至到造膽機 , 由造膽機至現在全線音響生產 , 我哋中國人以後仲會有好多機會玩靚機 , 唔係淨係日本人至有呢個特權 , 分別係日本人唔會睇少自己生產既貨色 , 而我哋就相反 , 呢啲係意識分歧 , 最好由大陸音響廠家既製品嚟改觀一下我哋既音響流派意識 , 咁大陸音響咪會入流咯 ! 十幾億中國人使用既音響仲唔算入流嗎 ? |
mastercook 正式會員 219.xxx.xxx.166 |
2011-10-26 00:25 |
| [#34] 國產膽機 請大家繼續熱烈討論罷! (我未買機呀....) |
cyruschow 正式會員 219.xxx.xxx.65 |
2011-10-26 07:16 |
| [#35] 國產膽機 SHANLING d 機, 幾年前d鬼佬音響雜誌都有佢踪影, 不過當時諗法係 放蟮放到去鬼佬度都算佢把炮. 最後修改時間: 2011-10-26 08:16:56 |
cornercube 正式會員 58.xxx.xxx.40 |
2011-10-26 08:16 |
| [#36] 國產膽機 正如mastercook所說, 大陸在多方面得到外國廠方合資, 令到產品質素確實提升不少. 但中國人實在太聰明了, 你用1kg銅製造一隻牛, 他們可以用更少銅製造更多的牛. 又正自如閣下所說,聽到那台機好聲便取那台,不要取新貨,分分鐘不同聲. 相反買外國野,幾大要新機唔要陳列品, 這始終是信心問題. |
fullranger2011 正式會員 219.xxx.xxx.85 |
2011-10-26 08:48 |
| [#37] 國產膽機 mastercook兄抬舉了, 我的機算不上什麼名器, 有時間過來聽下野, 吹下水, 識多個朋友。 新輸出牛已經開聲。  |
Twins-Audio 正式會員 220.xxx.xxx.167 |
2011-10-26 11:53 |
| [#38] 國產膽機 好夠份量的雙C輸出牛, 尚未浸油.  |
Twins-Audio 正式會員 220.xxx.xxx.167 |
2011-10-26 11:57 |
| [#39] 國產膽機 請問Melody super34 好嗎?(super88 是高級版) Below 9k..... 隔離台好多人讚呢部野喎..... 最後修改時間: 2011-10-27 01:48:29 |
cyruschow 正式會員 219.xxx.xxx.65 |
2011-10-27 01:34 |
| [#40] 國產膽機 twins audio 老闆早晨 ! 請問你賣一對300B 後級要幾多銀 ? 細佬外省籍 , 大陸落嚟 ! 唔多熟香港地 , 所以真係唔知貴店喺邊度 ? 可否在此公開地址比大家一齊去貴店搵好機玩可以嗎 ? 謝謝 ! 阿拉係中國人 , 我都認為中國人聰明過頭變縮骨精 ! 不過中國人縮骨係而家至多咗 ! 幾十年前我仲係細路仔時去買一隻 28V 5A 火牛 , 電工店老闆話五十蚊一隻 , 我問點解咁貴 , 人哋訂造 10A 都係五十蚊 , 個老闆話比我知佢哋賣既火牛全部足電流既 , 然後拉咗我入店睇牛 . 哈哈.! 呢鑊甘喇 ! 唔睇由自可 , 一睇不得了 , 老闆收我五十蚊賣比我嗰隻牛好似張加大碼櫈仔咁大 , 我點都攞唔起 , 牛面有個大電木牌印明 " 中華人民共和國製造 " , 後來我至知當年大陸製造既火牛係好靚既 , 比得上來路貨 , 當時日本仔造既牛仲係學緊打秋風 , 偷偷工 ! 近日我去鴨記華輝睇牛 , 一隻粗製約 2A 牛體積大小既牛仔竟然標明有七安培電流 ? , 賣一百四十蚊一隻 , 我睇到後立即走去油麻地砵蘭街公園仔側嗰間回收店睇睇佢哋啲二奶牛 , 同樣係低電壓牛 , 好新淨 , 不過成部推車仔咁大隻 , 一個機箱內有兩隻 , 連埋開關靚電掣 , 箱底仲有四個靚車轆 . 淨係牛箱上個電掣都值一百幾十蚊一個 , 係有紅錄燈既電掣 , 賣百零蚊一大車 , 如果我要裝大POWER 後級 , 睇怕一隻呢啲牛可以推動單聲道五十對功率管都夠用有突 , 用嚟 DIY 番一部只有三十瓦 CLASS A POWER AMP 就好夠力 , 比得上CLASSE AUDIO 開山嗰部三十瓦 CLASS A 機力水有餘 , 咁仲使唔使去買隻瘦得咁可憐既七安培搏矇牛呢 ? FULLRANGER 師兄話買外國機幾大都要新既唔要舊 ! 我有個朋友買嘢要新要勁要獨有 . 幾十年前佢要買HI-FI , 行到去旺角泰林睇到一座好巨型既 NEC 雷霆 HI-FI 組合 , 當年呢組機係啱啱入機示範 , 仲未開倉有售 , 貨仍然喺日本 , 香港得一組示範機 , 朋友即時試機 , 伸手將 VOLUME 掣一擰而盡 , 當場嚇死個售貨佬 ? 朋友試完後就咁話 : 唔 ! 唔錯 ! 個 VOLUME 可以擰盡都仲好聲 ! 我就要一組喇 ! 於是問價 ! 店員報上 LIST PRICE 五千大元 ! 七十年代五千大元等於而家成三萬銀架喇 ! 朋友想都唔想即時要買一組 , 此時售貨面有難色話貨未到 , 先生可以先訂貨 , 朋友諗一諗覺得唔鍾意等 , 於是乎就要咗泰林門口陳列緊嗰套全香港得一組既 NEC 雷霆音響 ! 我呢個朋友好好玩 , 佢哋全村男丁玩 HI-FI 既文化唔係聽靚聲 , 係要玩嘢鬥大聲 , 你試我部機要一擰而盡唔 , 我試你部機都一樣 , 要擰盡後唔燒機既先至叫做好嘢 , 咁至夠水準 , 所以我以前成日要去同佢哋整機 . 當年既日本組合音響就係因為我呢班生番朋友而使我學識咗原來日本仔設計既組合音響係可以容許全系機超額負載下工作 , 擴音機音量可以擰到盡嚟聽唔燒機 , 喇叭可以接受最大功率唔爆凸音盤 , 於是朋友們既結論係玩日本組合機係好抵玩既 . 有一次 , 同村另一個兄弟買咗一組名機 , 係不同配搭既名器 , 呢個玩名器既黑仔去咗番工後 , 佢啲同村玩機兄弟模入佢屋企試吓佢組名貴音響可唔可以一擰而盡 , 大家開機擰過了後 , 聲好大 , 全村都聽到 , 不過個黑仔收工番到屋企開機聽嘢時組機冇晒反應 , 擴音機個 RELAY 跳吓跳吓咁 , 一 CHECK 之下 ! 原來 POWER 級打咗柴 ! 黑仔燒咗機最慘係仲要比同村兄弟唱佢組機比唔上佢哋啲日本組合呀 ! 真係冇陰公咯 ! 又講吓山靈機 ! 我近年番大陸時第一次聽過山靈 CD-300 既聲 , 好靚 ! 而且外型好得我心 , 用料夠重型 ! 使我成日都諗住呢部 CD 機 , 結果終於買咗 ! 最近我將我部新膽前級同其他音響開箱 , 用番幾十年前靚仔讀書時用開個唱盤接入膽前級 , 推 HYBRID 後級再推動 NHT 喇叭 , 結果開聲竟然贏咗山靈 CD-300 啲聲 , 同一張唱片 LP 音色自然通透過 CD , 原來 CD 聽起嚟係好死板聲 , 只係背景好靜 . 到此我至明白 CD 由三十年前開始至今音色原來一直在走下坡 , 只係我哋冇辦法唔接受 , 因為除咗數碼聲外都係數碼聲 , 買一萬銀既機聽既係數碼聲 , 買十萬銀機聽既都一樣 , 上網聽 , 行街聽 , 電話聽既全部都係數碼聲 , 因此 ! LP 一出山 ! 贏晒 ! 所以我諗好快會有唱片公司重新印製 LP 發售的了 ! 有時去旺角見到一啲九十後哥仔摷中古 LP 時我個心都會感到好欣慰 , 因為連佢哋都識欣賞 LP , 咁就即是代表咗 LP 未來還有希望喇 . 我至今仍然認為 LP 係最好聽既重播軟件 , 其他音樂軟件唔使要喇 ! 原來樓主 CYRUSCHOW 師兄重係青頭仔 ! 仲未買到膽機 ? 咁要快啲去 TWINS AUDIO 老闆間舖聽吓佢啲用心製作既名機啱唔啱你心水喇 ! 最後修改時間: 2011-10-27 02:53:39 |
mastercook 正式會員 219.xxx.xxx.247 |
2011-10-27 02:39 |
