兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#41] 音響經驗分享 師兄,獻醜不如藏拙. |
Kennychow123 會員1.xxx.xxx.123 |
2024-09-19 15:26 | |
|
|
|||
| [#42] 音響經驗分享 樓上尼位師兄實係高人，請賜教^^ |
newforever 會員 124.xxx.xxx.146 |
2024-09-19 17:11 |
| [#43] 音響經驗分享 有關Rogers 3/5A的回憶雖然不算愉快，不過當年初初接觸音響嘅經驗對往後體會必然有累積嘅影響，3/5A是密封箱（氣墊式）設計，好似話係英國本來設計比BBC廣播車監聽用嘅，可能推出時個量大所以價格算親民又有一定音質所以受歡迎，不過當然唔太全面適合家居玩音響對低頻嘅要求，細喇叭來說其實佢低頻都算有，主要是靠箱體共嗚出，試過換落厚啲聲箱完全唔得，內部分音高音部份有五級選擇（要焊接），應該係就不同監聽環境需求用。氣墊式喇叭低頻效率低，不過數字上無氣孔反射式嘅失真，曾經有一派推崇這設計，當年技術上認為可以用EQ控制所有頻率就可得出低失真理想音響重播，不過現實算是失敗了，當年作為音樂錄音監聽嘅B&W 801都由初時氣墊式改為反射式，所以好多時用氣墊式喇叭會很難重播出最滿意效果，因為監製在監聽控聲時是以反射式喇叭作標準，這已與失唔失真無關了。 |
peter827 正式會員 43.xxx.xxx.118 |
2024-09-20 16:58 |
| [#44] 音響經驗分享 作為一名工程師自然明白一切都是在現實限制下作出的決擇，重播系統中每一角色都有其特定功能，其功能特性同時會跟其他部件互動配合才能發揮出設計預期，一環出事就全盤崩潰，玩音響過程中換機配搭都是想調較出理想聲音，傳統經驗係前級主導聲音特性，過去CD輸出訊源為RCA嘅2V入前級，合拼機就好多會直接放大至推動喇叭，前後級就多一個前級放大，可以說是作為buffer去控音，好多發燒友都會試過無源前級（只做音量衰減），一般會覺得分析力好咗但力水少咗，當現成器材嘅客觀限制下玩來玩去兜兜轉轉都難以魚與熊掌兼得，最後明白如果可以一條龍處理應該會合理啲，由訊源到喇叭輸出一體考慮。個人經驗要推高分析力都是要盡量減少訊號經過太多零件，避免經過不必要的opamp buffer、炭膜可變電阻、電容、電感、電阻等，尤其係炭膜可變電阻，這一般作為音量衰減使用的電位器在很多高級音響器材都會轉用多級選擇器接上固定電阻作不同電位的控制，很多新手摩機都會改這電位器去改善音質，不過這一少步已經是絕大部分人難以踏出的一步。 |
peter827 正式會員 182.xxx.xxx.213 |
2024-09-25 11:58 |
| [#45] 音響經驗分享 AAVA沒有電阻衰減訊號，會不會是目前最理想的音量控制器 |
mark1 正式會員 124.xxx.xxx.158 |
2024-09-25 16:10 |
| [#46] 音響經驗分享 AAVA 用 V to weighted I 方法調節音量，可以不用電阻去weighted？ |
LaLaLam 會員 42.xxx.xxx.161 |
2024-09-25 17:23 |
| [#47] 音響經驗分享 AAVA設計中訊號一入就先來一個buffer，跟著將電壓轉電流分流，再以電路控制開放不同電流閘門搭配輸出所需電流，最後再將電流轉回電壓輸出，其中訊號會經過大量半導體，如果唔咪需要用來解決一個無其他方法可以解決嘅問題時好難話佢用得理性，佢話好處係無咗電阻電位器嘅輸出輸入阻抗變化嘅問題，不論好壞，以純analog訊號處理佢可以話搵到賣點，但是數碼訊源的話就好多嘢應該在數碼部分做好包括音量，所以佢用於傳統前級是有其考慮。 從這設計意念可以睇得出輸出輸入阻抗匹配嘅重要性，係調音上嘅重點。  |
peter827 正式會員 182.xxx.xxx.213 |
2024-09-25 23:27 |
| [#48] 音響經驗分享 其實AAVA要做到summation of weighted current to voltage是一個復古的設計，16組的weighted current亦需要一組R-2R的ladder resistors去處理，下圖紅圈示，廠家利用volume旋鈕改變b1-b16編碼,Vref是音頻電壓輸入，由於電阻工作於current mode，而廠家對處理噪音的方法有佢獨到之處，效果不錯，但成本過高了！  |
LaLaLam 會員 42.xxx.xxx.161 |
2024-09-26 08:03 |
| [#49] 音響經驗分享 路過，我唔清楚AVAA核心枝術係乜，但睇到peter827話個訊號要經多過buffer. 如果個buffer 係一個电子綫路有active component 如FET，咁就太荒謬，等於個原來訊號要經過多層circuit process, Accuphase 唔會咁豬啩，抑或唔係buffer circuit只係講錯 最後修改時間: 2024-09-26 17:42:27 |
niceday009 正式會員 182.xxx.xxx.190 |
2024-09-26 17:39 |
| [#50] 音響經驗分享 #49 整个AAVA 要經過三級。我見到是OPAMP。都是active的 1 buffer 2 voltage to current convertor 3 current to voltage cconvertor 上面全部都可以用opamp 做  |
WilliamsonAudio 正式會員 182.xxx.xxx.162 |
2024-09-26 18:38 |
| [#51] 音響經驗分享 好早之前我一睇到呢個線路我就已經抗拒，點解...? 因為N年前我試過將部6V6合併機輸入VR改佢嘅線路，將佢變成一支電阻然後VR變值落地。呢支電阻對音效變化相當敏感，當時我亦都買咗唔同材質甚至十幾文一粒嘅碳膜電阻去調音，真係支支都唔同聲。所以我見到呢個噉嘅線路，由好多支電阻、又串又並最後屘會聚一齊，事實上唔同阻值加上寄生電容對訊號會產生唔同嘅相移，之後再將佢夾埋一齊我會覺得相當混亂。 DAC用呢個線路反而冇問題，因為佢嘅信號唔係連續佢可以等整個狀態穩定咗之後才將呢個電壓送到輸出，所以冇太大問題。但係呢個係輸入線路信號係連續性，佢冇可能等一啲延遲咗嘅信號才輸出，遲咗就係遲咗。都唔好再計op-amp同analog switch嗰啲失真。 |
DY2036 正式會員 124.xxx.xxx.26 |
2024-09-26 19:43 |
| [#52] 音響經驗分享 如果個AVAA Volume 真係要將原訊號經過幾組opamp 處理，咁簡直係傻瓜做法，信枝电阻都唔會信粒複雜綫路opamp, 原訊號經幾層active circuit 處理過仲点樣保持原訊號之純度？ 唔怪得冇其他廠跟風，原來係傻瓜做法 最後修改時間: 2024-09-26 21:18:06 |
niceday009 正式會員 218.xxx.xxx.235 |
2024-09-26 21:14 |
| [#53] 音響經驗分享 C-2810 service manual https://elektrotanya.com/accuphase_c-2810.pdf/download.html |
info2k 正式會員 124.xxx.xxx.208 |
2024-09-26 22:22 |
| [#54] 音響經驗分享 Peter 兄長篇大論真係好驚人 容許我問一個簡單問題： 人類能否做出一件完美的音響產品？ |
newforever 會員 203.xxx.xxx.0 |
2024-09-27 16:24 |
| [#55] 音響經驗分享 ＃54 如果最成功搵到錢計可以係iphone，如果以聽得最開心計就係令你再無太大追求嘅一套系統。 BTW我所講嘅只係最基本表面嘅一啲經驗，唔駛一定睇得太認真。 |
peter827 正式會員 182.xxx.xxx.243 |
2024-09-27 16:55 |
| [#56] 音響經驗分享 多年前轉用CAS後就一直用sound card driver嘅音量控制（改線性電供sound card，亦有改opamp同晶振），不需再用音量衰減器，當時用嘅後級係金田明彥線路，以sound card line out直入效果係分析力高但低音力水不足，用Headphone out入就比較平衡，記得都聽咗一輪，直到約八年前開始用Class D，係一個好大改進，開始時都無惗過差咁大，只能話不得不相信科技進步。 |
peter827 正式會員 182.xxx.xxx.161 |
2024-09-27 19:36 |
| [#57] 音響經驗分享 D類擴音機剛剛出嗰陣時又係吹到天上有地下無，但係每次有更新換代又講之前嘅技術點樣不濟，好喇而家開始流行氮化鎵晶體管，更加踩到之前嗰啲mosfet機一文不值。商家佬即係商家佬，信佢一成雙目失明。 |
DY2036 正式會員 124.xxx.xxx.26 |
2024-09-27 19:49 |
| [#58] 音響經驗分享 自己聽嘢只可信自己，好多年無信廣告了。 |
peter827 正式會員 182.xxx.xxx.161 |
2024-09-27 20:40 |
| [#59] 音響經驗分享 初試class d時感覺聲音無傳聞中嘅種種缺陷，應該係我入手遲及選擇玩Chips，Chips好處係變數比較少，睇規格已可知是否自己適用，輸入係直接可以玩balance，我從DAC chip出i/V嘅opamp就直入做到極致線路簡化（要全程浮地），D類一個重要好處係能量損耗低，供給電源輕易可以做穩壓供電，可以做到極限音壓下保持低失真，因為易玩我試完單機就試Bi amp又覺得好咗，一不做二不休就做埋電子分音，最後六份後級推三路，如果唔咪這D類易玩都好難有動力搞，其中調音都好簡單，因為Damping 足夠有多Damp得太過份時只要串電阻降gain就可以控制，三路電分下可以獨立控制各路音量及gain，雖然這設定需要長時間正常聆聽慢慢調校先可以找出最適合設定，不過總體算係可控易玩，在這條件下連喇叭都可以輕鬆配搭調校出更理想音效，因為無咗passive分音器嘅限制，喇叭單元只要計好阻抗就點配搭都可以，那時開始終於可以爆到盡了。 |
peter827 正式會員 182.xxx.xxx.161 |
2024-09-28 17:53 |
| [#60] 音響經驗分享 三路電分下可以獨立控制各路音量及gain，雖然這設定需要長時間正常聆聽慢慢調校先可以找出最適合設定 高中低三隻單元的靈敏度也不相同，如果單用耳朵去聆聽去調校，會不會很難調校到三隻單元的音壓一致？ |
mark1 正式會員 124.xxx.xxx.197 |
2024-09-29 00:17 |
