兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 首頁 | 寄件者 | 傳送日期
|
| [#61] 國產膽機 RHLBIGCAT師兄既遭遇我都遇過唔少 , 靚仔時唔知頭唔知路睇咗萬里一本叫自製收音機既製作書仔就去買零件砌機 ( 得個他錶就製收音機 , 好天真 ! ) , 點知問老豆攞完十蚊又十蚊 , 結果砌完部收音機出嚟連千人震都不如 ! 咁就冇咗五十蚊 ! 後來經學校老師介紹我哋中學第一屆畢業既學長大人比我認識之後至走好運 , 而且學長大人好疼鍚我哋啲學弟 , 有幫忙既一定出錢出力 , 我當年去考英軍時都係學長大人擔保我既 . 眨吓眼就半生人已過 ! 我跟學長計埋已有半個世紀既交情 , 真係好難得 , 我會好好珍惜 , 謝謝rhlbigcat 師兄既意見 ! 另外回應pp33師兄 ! 33師兄今日已成了玩膽機大家 , 小弟豈敢跟師兄同日而語 , 以後有好多嘢要跟師兄學習! 我哋當年有邊個 diy 原子粒機唔係用2n3055 架!貪佢平同適用性廣, 小製作用到佢已經唔係初級生嚟架啦 , 高級過人哋只懂 diy 千人震好多! 玩膽機 DIY 潮既年代係八零年 , 當時 LUXMAN 輸入咗一批 LUXKIT , 係有錢仔專玩既電子套件 , 同時仲有合併式膽機 , 聲名一時鵲起 , 人人都講 LUXMAN 膽機既話題 , 到九十年代初日本 AIRTIGHT 膽機由小鬚子李先生引入香港 , 當時跟FIRST SOUND 大VOLUME 一同代理 . AIRTIGHT 好似就係 LUXMAN 另一個專門製造膽機牌子既名稱 ! ( 有誤敬請指正 ) 我用呢部 10W CLASS A 仔推過我對靜電喇叭 , 好夠力 , 因為電流大電壓低 , 啱晒我對靜電喇叭要求 , 不過聲就唔係幼細嗰類 , 只係玩吓 , 出到好甜既聲仲唔柯尼吉諦咩 ! 後嚟九十年代貪得意攞去大昌陳列室比朋友聽一下 , 點知個推廣大員硬要攞嚟跟金仔P-102 當場比試 , 大員想一 Q 就打低我部 A仔 , 然後叫我甘心幫佢買一組 M-1000 , 所以專登攞星球大戰出嚟開大部前級 C-280 啲聲嚟片低 A 仔 , 即時引來好多人觀禮 , 當爆棚時金仔即場腳軟 , 係人都聽到 , 我部 A 仔都比佢爆到窒咗兩聲 , 然後繼續同佢對 TANNOY 座地大喇叭死過 ! 好似戰犬一樣死都要咬住TANNOY 唔放口 , 要砌低佢至心熄! 就係咁贏咗少少毛頭 , 我部 A 仔雖然冇臨場腳軟 , 不過就咳咗兩聲 , 一部 10W 土砲比得上一部 20W 日本名機既力度 , 我仲唔番屋企偷笑咩 ! 講音色緊係冇得同金仔比喇 , 否則中國人製音響早就多一個頂級牌子叫 " 呃 Q FACE " 咯 ! 當年讀電子工程有同學跟住當年無線電製作仿製一部機, 結果出唔到聲 , 打電話去雜誌社問作家大佬技術問題 , 結果回覆係佢都唔知 ? 有冇搞錯 , 我哋成班FRIEND 幾乎要打到雜誌社去取人首級 . 同學吃咗虧後精進咗技術同知識 , 後來當上咗某大集團電子工程師 , 因禍得福 ! |
mastercook 正式會員218.xxx.xxx.124 |
2011-10-31 18:47 | |
|
|
|||
| [#62] 國產膽機 COMERCUBE 師兄展示既係跟小弟學砌玩電子千人震年代同期或更早期既套件 , 我當年冇咁高級知道呢組機既消息 , 但睇佢測試嗰部合併式音頻測試儀應該係七十年代中期既玩意 . 全對稱輸出級電路結構喺當年算得上係高級機 , MARANTZ 都未必部部有 ! http://tw.myblog.yahoo.com/agoodman-suson/article?mid=-2&prev=9176&l=f&fid=36 |
mastercook 正式會員 218.xxx.xxx.124 |
2011-10-31 19:14 |
| [#63] 國產膽機 現有師兄的音響歷程如下， 很值得大家來分享！ 回想小弟ニ十年來Hi-Fi之旅，大半器材買入皆以目代耳；雖俱不是貴格貨式，但平均每兩年貨如輪轉，細數下來都約有我的半層居屋的樓價！(請勿誤會，小弟的居屋只是數十萬而矣)如當年有幸得點指導，小弟可肯定少走點錯路和多點近身錢。 所以請大家有空便多發帖，把經驗分享，幫助一班初入Hi-Fi之旅的同好，和一眾身仍在泥沼不能自拔之眾，用另一個角度觀看Hi-Fi之道，免被一班別有用心的商人牽着鼻子走，把血汗掙來的金錢，花在那些巧立名目的產品身上。 會員留言！ |
mastercook 正式會員 218.xxx.xxx.124 |
2011-10-31 20:49 |
| [#64] 國產膽機 mastercook師兄 你千奇唔好攞我嚟講笑呀，喱度真係好多猛料人及專家，我都係跟佢哋學緊嘢咋，你咁講佢哋唔教我，我就慘啦。 |
pp33 正式會員 210.xxx.xxx.230 |
2011-10-31 20:52 |
| [#65] 國產膽機 cornercube hing, Universal Tiger was a very popular circuit in the 70s and was claimed to have very low 'TIM'. I couldn't spare to buy the expensive MJ802/MJ4502 complimentary power output transistors so I experimented with cheap cheap 2955/3055 in series and parallel as replacement. At the end I blew my Sansui speakers :(((( |
kslsfz 正式會員 173.xxx.xxx.196 |
2011-10-31 22:13 |
| [#66] 國產膽機 得mastercook & 各C Hing 分享經驗, 我再9唔搭8up下, 望拋磚引玉. 個人對膽有偏見, 皆因diy過2 kit, 1部就高低音都有(hum+noise), 另1部就好靜, 無hum無noise, 不過連聲都無, 重比佢電到飛起都整唔到佢出聲, 所以當見有原子粒U tiger Kit出現....就再節衣縮食, (中學時) 儲得嘅錢只夠diy 單聲道, 幸後有膠3055, 2955 廉價代替品始能完成兩聲道, 服役近7-8年始轉廠機, 之後就無DIY. 期間(1983)見灣仔零件鋪有LUXKIT A501, 價約$1XXX近2千..自己雖已工作數年, 都缺$$$買(鐘意又無$$, !!), 之後夠$$又無得賣. E+有時見到2手都想買番. LUXKIT A501: http://www.diybuy.net/thread-339367-1-9.html ＞＞＞＞＞.... the expensive MJ802/MJ4502 ...... ---------------------------------------------- 係呀, kslsfz C Hing, 唔好話MJ802...我就算龜殼3055都... D driver 管40410, 40409都唔夠$$$...好彩可以用3053, 4037代用先至埋到尾. 最後修改時間: 2011-10-31 22:48:06 |
cornercube 正式會員 42.xxx.xxx.252 |
2011-10-31 22:33 |
| [#67] 國產膽機 哈哈...!COMERCUBE 師兄! 細佬上星期比示波器支膽電到跳舞,用他錶量程都唔夠度到有幾多伏,估計千五伏,結果係千七伏,好在機內有隻隔離牛,否則去見上帝攞評分都可以的了!但細佬仲未知死, 同樣比狗咬十幾次都仲要玩狗仔一樣! 好玩大晒! |
mastercook 正式會員 218.xxx.xxx.124 |
2011-10-31 22:57 |
| [#68] 國產膽機 比電電襯個下感覺, 非常之醒神, 之後, 好似死過番生咁, (雖然無損傷, 自知亦係最無壞個隻,只得2-300V, 同你千七伏無得比) 陰影揮之不去. 就算好好玩都唔敢再攝隻手埋去. 最後修改時間: 2011-10-31 23:18:10 |
cornercube 正式會員 42.xxx.xxx.252 |
2011-10-31 23:14 |
| [#69] 國產膽機 只要部機有隻隔離牛就唔怕電 ! 老實講 , 電多兩嘢你就會上電架喇 , 都唔知幾過癮 ! |
mastercook 正式會員 218.xxx.xxx.124 |
2011-10-31 23:26 |
| [#70] 國產膽機 2n3055,mj2955,突然之間諗返三十幾年前,響鴨記鴻興電子,買料砌部AB類,中學生,死慳死抵,好似用左十幾二十蚊,買左二對,當年都未識乜野叫配對。焊完部機,一上電,烽煙四起,唉!又要扎炮。 |
baker.steven 正式會員 58.xxx.xxx.185 |
2011-10-31 23:39 |
| [#71] 國產膽機 I remember RCA 2N3055 was cheaper than MJ3055 but RCA don't have PNP type 2955 so I 'modified' the circuit as semi-complimentary output using only 2N3055 焊完部機,一上電,烽煙四起,唉!又要扎炮。 |
kslsfz 正式會員 173.xxx.xxx.196 |
2011-10-31 23:47 |
| [#72] 國產膽機 講真!樓上部M7,擺明開模造,絕非普通DIY,似大陸A貨多D。 |
baker.steven 正式會員 58.xxx.xxx.185 |
2011-10-31 23:51 |
| [#73] 國產膽機 嘩! 拋磚引玉真係有效 , 難怪PP33師兄怕出頭 , 原來R33咁多高人大哥 , 細佬要 " 蟲子以後不講話 " 了, 收皮 ! 留番比啲有料師兄分享 ! 謝謝各位師兄 ! 請盡情發表意見 ? 咦 ! 呢個版好似唔係我嗰喎 ? 係 CYRUSCHOW 師兄嫁 ! 唔好意思 ! 細佬 HACK 咗師兄個版 ! 對唔住 ! 立即隱形 ! |
mastercook 正式會員 218.xxx.xxx.124 |
2011-10-31 23:58 |
| [#74] 國產膽機 咪閃往,師兄!好多細路唔知幾十年前,DIY族係冇資源之下,堅持自作自受,差D連粒鑼絲都想自己造。講多些少啦。 |
baker.steven 正式會員 58.xxx.xxx.185 |
2011-11-01 00:14 |
| [#75] 國產膽機 "所以請大家有空便多發帖，把經驗分享，幫助一班初入Hi-Fi之旅的同好，和一眾身仍在泥沼不能自拔之眾，用另一個角度觀看Hi-Fi之道，免被一班別有用心的商人牽着鼻子走，把血汗掙來的金錢，花在那些巧立名目的產品身上" 有時講多兩句,反被咬往唔放。D後輩開POST話就話請指教,真係當你指岀錯漏,佢地永不受教。POST D機,砌得工整小小,又話你你職業砌機佬,冇癮。 最後修改時間: 2011-11-01 00:37:40 |
baker.steven 正式會員 58.xxx.xxx.185 |
2011-11-01 00:26 |
| [#76] 國產膽機 ＞講真!樓上部M7,擺明開模造,絕非普通DIY,似大陸A貨多D。 You are correct Here's the ad in China http://www.tubebbs.com/viewthread.php?tid=184984&extra=&page=1 Very stupid in copying Kondo and M77 is the worst sounding Kondo preamp 有時講多兩句,反被咬往唔放。D後輩開POST話就話請指教,真係當你指岀錯漏,佢地永不受教。POST D機,砌得工整小小,又話你你職業砌機佬,冇癮。 No need to be 冇癮 One type of rice feeds 100 type of person |
kslsfz 正式會員 173.xxx.xxx.196 |
2011-11-01 01:20 |
| [#77] 國產膽機 一樣米養百樣人 , 咁世界至會有姿彩 , 如果比你去到一個世界只有君子而冇小人既話 , 你可能會悶到作嘔 ! 人人都有權發表意見 , 應該互相尊重 , 有失禮既都係個人榮辱之見 , 總之我尊重你比面你彈人家本來做得好既嘢 ! 你攞咗彩就好走 . 呢部機睇真啲真係開模啤孔造既喎 ! 咁大工程 , 睇嚟己經開咗 LINE 生產架喇 ! 咁好快有得買 ! 好嘢 ! 回應 BAKER STEVEN 兄同 KSLSFZ 師兄一番話 ! 現今後生仔女好好運 ! 好多電子玩具 , 呢啲都係我哋上兩代人冇得玩 , 即使通宵達旦坐LINE 去製造都造唔到出嚟既嘢 ! 我以前睇到一個跳字電子鐘 , 好想自己都有一個 , 好得意 , 有數字會跳既 , 但係買一個要成千銀 , 於是想自己去裝一個 , 睇高級電子雜誌有介紹電路 , 立即去買齊料開工 , 當時嗰片啱啱面世既 CMOS IC , 係用鍚紙包住嚟賣 , 好似要百幾蚊一片 , 我當時戇居居咁先買咗底板 ,電阻 , 晶體管 , 電容同火牛 , 因為係最平既嘢 ! 然後去買數字膽 ( 嗰時既數字管係好似膽機啲膽一樣 ) , 跟住至去買 IC . 當時去到鴨記街檔問根本冇呢啲咁先進既料買 , 後來喺佐敦道致群電子問到有貨 , 但係要成百幾蚊一片 , 嗰時既細路仔邊會有百幾蚊咁多架 , 好多做人老豆既都係得八百蚊一個月咋 ! 於是電子鐘啲料我留到今日做咗古董 , 當年咁辛苦餓肚買料 , 你話我點放棄得嚟呢 ? 後來我認識咗學長後先致唔使去執垃圾 ! 所以我真係睇唔到現今既細路有乜咁大唔滿意既理由要去跳樓 ! 離譜咁講一句 , 若果而家世界大戰有香港份 , 我睇八九十後既細路仔聽到比 CELLO 播出嚟更像真既鎗聲可能會嚇到賴晒屎尿唔識郁都唔定 . 現今啲小朋友上網討論一吓又話唔比人講 , 行出街又話人阿叔唔好學人講電話 , 事實越大哥既越冇料 , 真係打起仗嚟阿叔可以唔會講個驚字 , 你可以話我吹水 , 但得唔得同有冇試過我自己知就算 ! 一時感慨講到離題萬丈了! 我哋細路仔時最普遍得到DIY材料來原係拆垃圾機 , 拆垃圾電視機 , 洗衣機都拆 ,咁咪有基本既材料咯 , 千人震唔使買電子零件造 , 街邊執隻垃圾牛用一粒電芯倒轉次級輸入 , 閃一吓就夠電到人跳 MUMBO . 而家既細路又知唔知可以咁玩呢 ? 都唔使咯 ! 人人都有部 IPOD 在手 , 叫你 " 阿叔 " 我學你去玩火牛 ? 老嘢你都老到傻咗喇 ! 二十年前我教過一個八歲細路仔用他錶 , 佢一學識咗就即時有料問我 , 佢問既問題係點解接咗條收音機天線入個他錶度, 他錶支指針跟住就會郁既 ( 當時他錶測試掣設在 X 1 ohm ) ? 唔通空氣會有電 ? 我聽到後不期然讚佢一句 - 好嘢 ! 咁高級既理論問題佢都可以自我產生出嚟 , 證明現今既細路係優質 " 器材 " 唔使花錢買補品都可以有大作為 ! 後來嗰個細路入咗大學讀資訊科技, 做咗IT人 . 最後修改時間: 2011-11-01 02:47:20 |
mastercook 正式會員 218.xxx.xxx.124 |
2011-11-01 02:39 |
| [#78] 國產膽機 推推推 |
cyruschow 正式會員 219.xxx.xxx.222 |
2012-12-19 00:56 |
