根據張敬軒解釋，應該不是低音多少的問題，他指出在錄音室裡，會用三對不同的喇叭去監聽錄音，目的是需要評估，在消費者不同的器材上，聆聽上所得出的最終結果

音響入門嘅新手一般都會買比較平嘅器材，所以這市場是最大的，有條件延續嘅其實比例好少，無錢又有要求的話就會睇下邊部分可以自己搞，大部分唔太識電子嘅人都會由喇叭開始，外國好多人都會自己造喇叭箱，有啲單元廠都會賣kit，用家跟建議規格自己造箱便可，唔要求外觀的話好多人都有能力做，香港以前都有KEF、FOCAL及ETON等供應，玩得一段時間有咗經驗及技術之後自然越來越玩得大，睇見人地天價喇叭就會研究吓人地嘅設計。

想音響播放系統中數碼音源做優化，其實識電子嘅都應該會識，唔識嘅就唔敢掂，識少少嘅可以參考吓，高價靚嘅器材理應完美就唔講啦，就攞部平價機睇下，拆機殼後先會睇佈局，睇得明之後先至睇線路，主要睇DAC之後嘅線路，先上網睇粒DAC嘅輸出規格，主流多數都係輸出電流經外置opamp做i/v轉換成輸出電壓作輸出，可以嘅話就係在這個位輸出就最好，不過有條件限制，i/V輸出係平衡輸出，不過兩條線對地都係有電壓差，即係他表度嘅話對地長期有幾v電壓，正常作為音響器材平衡規格係唔可以有電壓差的，所以好多設計都會係經opamp將呢個平衡輸出轉為傳統2V單端RCA輸出，要平衡輸出就再由呢個2V單端訊號再經opamp轉做對地為0V嘅兩條平衡輸出線，噉樣一來一回就要經多兩層opamp處理，電壓亦由原本i/v輸出嘅大約4, 5V嘅高電壓轉為2V低電壓然後再轉回高電壓平衡輸出，可想而知中間嘅損失，不過呢啲香爐在產品規格要求下唔可以唔放啫，所以只有自己動手先至可以拆走呢啲香爐。