兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1460] Any Fanling or Sheung Shui hifi friends 4 有時對一樣嘢嘅喜愛或者接近癡愛對旁人嚟講係好難理解，正如呢隻蝴蝶偏偏就喜愛遺棄咗響地上嘅一隻臭手襪，我多番靠近佢都只係迴避飛嚟飛去最終都係去返隻臭手襪上面，可能佢錯認咗手襪上有啲氣味以為係一啲食物或者佢嘅同伴。同某啲人對某啲事物有相同嘅執著一樣，旁人有時真係難以理解。  最後修改時間: 2025-07-11 14:59:23 |
DY2036 正式會員125.xxx.xxx.109 |
2025-07-11 14:59 | |
|
|
|||
| [#1459] Any Fanling or Sheung Shui hifi friends 4 航母英姿。  最後修改時間: 2025-07-06 14:58:20 |
DY2036 正式會員 182.xxx.xxx.3 |
2025-07-06 14:58 |
| [#1458] Any Fanling or Sheung Shui hifi friends 4 畢竟每個人都唔係聖人，整個人生過程總會有做錯事嘅時候或者做咗啲後悔嘅事，通常無論乜嘢事都好經過時間嘅洗禮總會被沖淡大多數人都會漸漸遺忘。但係呢位藝人等咗十年又十年，十年再十年呢件事都仲係籠罩兼纏繞住佢，咁樣會唔會太過份對佢嚟講係咪太殘忍。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-01 20:19:12 |
DY2036 正式會員 124.xxx.xxx.26 |
2025-07-01 20:16 |
| [#1457] Any Fanling or Sheung Shui hifi friends 4 其實呢位歌手都有唔少膾炙人口嘅作品，就係一句說話斷送咗大好前程。其實當今無論歌手或者藝人都係活響放大鏡之下，如果言行或者生活上有啲乜嘢差錯可能一日就從天堂跌落地獄。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-30 00:45:56 |
DY2036 正式會員 124.xxx.xxx.26 |
2025-06-30 00:45 |
| [#1456] Any Fanling or Sheung Shui hifi friends 4 突然間諗起發明同創作呢個問題，即好似我幾年前執到本絕世秘笈創作咗一條內部結構與別不同嘅RCA連接線，當然喺自家器材發覺有驚天動地嘅改善，自然就想睇下人哋啲器材（特別啲貴價器材）係咪都有相同嘅效果。 自己識嘅有錢朋友唔多，咁就唯有利用呢個網站呼籲或者挑釁一啲師兄去作比拼。好彩當時都有前輩睬我呢個初哥，滿懷信心帶住第一代和第二代線去踢盤，當然結果就踢著鐵板輸到連底褲都甩埋，其實最終諗返個問題主要係當時我套器材實在太雞所以先有咁明顯嘅改善。不過唔緊要因每次交流都令你知道你條線欠缺啲乜嘢，然後再嘗試響嗰方面作改善。當然去到今時今日條DIY線已經超過十代，暫時交流都未逢敵手。所以每件產品要成功最終都需要時間去浸任兼細琢，慢慢改善。 |
DY2036 正式會員 125.xxx.xxx.109 |
2025-06-28 16:32 |
| [#1455] Any Fanling or Sheung Shui hifi friends 4 人嚮唔同階段會有唔同嘅性格，特別係後生初出道嘅時候可能懷住一片理想想闖一番事業，通常呢段期間特別捱得苦比較堅持自我（不過而家啲後生開始躺平）。呢種性格做研發就相當好，但係當人與人相處咁就通常都會拆出唔少火花，職場時間會慢慢將年青人的菱角漸漸搓圓咗，時間一長開始希望有一個安定不變嘅工作環境。當然對公司嚟講呢個絕對係件壞事，所以國內有一間知名嘅公司每年都會將考勤最低個幾個%員工裁掉，希望打造個個拼搏嘅氛圍。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-26 22:45:42 |
DY2036 正式會員 124.xxx.xxx.26 |
2025-06-26 22:45 |
| [#1454] Any Fanling or Sheung Shui hifi friends 4 而家好多時聽到人哋成日講乜嘢人生嘅勝利組，咁點為之勝利呢？計到邊個時段？每段人生都可能有一兩個高峰亦都可能有唔少嘅低谷，咁點樣計喺條數？ 我嘅答案好簡單「留得青山在，哪怕冇柴燒。」，只要一日仍然生存，機會仍然都有。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-26 00:51:34 |
DY2036 正式會員 124.xxx.xxx.26 |
2025-06-26 00:50 |
| [#1453] Any Fanling or Sheung Shui hifi friends 4 之前魔改部HD1969嗰陣時就發現咗一個奇怪現象，當將功率管由2N2955改成NJW0302G時發覺啲聲變差咗，奇怪嘅就係ON管無論響功率同電流輸出同埋放大倍數都遠遠好過2N2955，咁究竟乜嘢導致咗呢個結果。講真淘寶買返嚟嘅管其實真係好平兩三蚊一粒，會唔會係假貨？呢個亦都導致咗我冇乜動力去砌部機出嚟嘅原因之一，當然最大原因係冇時間兼且懶。 為咗要解除呢個心魔，終於借咗部Curve Tracer返嚟嘗試將我手頭上嘅管測試一下，未測試之前先要搞清楚部機點樣運作，需要啲時間。  最後修改時間: 2025-06-15 22:14:49 |
DY2036 正式會員 124.xxx.xxx.26 |
2025-06-15 22:14 |
| [#1452] Any Fanling or Sheung Shui hifi friends 4 播埋呢隻歌機基本都講出咗呢位歌手嘅心路歷程。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-14 17:32:36 |
DY2036 正式會員 124.xxx.xxx.26 |
2025-06-14 17:31 |
| [#1451] Any Fanling or Sheung Shui hifi friends 4 好歌唔好畀佢停，繼續... DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-05 22:58:16 |
DY2036 正式會員 124.xxx.xxx.26 |
2025-06-05 22:57 |
| [#1450] Any Fanling or Sheung Shui hifi friends 4 呢位資深嘅搖滾歌手嚟緊8月有兩場演唱會，為表支持幫佢開場優先嘅演唱會序幕，播返幾隻經典嘅歌曲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-04 23:36:55 |
DY2036 正式會員 124.xxx.xxx.26 |
2025-06-04 23:36 |
| [#1449] Any Fanling or Sheung Shui hifi friends 4 再來一首。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-06-02 23:11:09 |
DY2036 正式會員 124.xxx.xxx.26 |
2025-06-02 23:10 |
| [#1448] Any Fanling or Sheung Shui hifi friends 4 瘋言瘋語： 從沒擁有學人講Horn 舌申（利申）我從沒擁有過horn嘅喇叭亦都冇太多聆聽嘅經驗，但係我見好多師兄玩horn玩得好過癮，忽發奇想都想表達下自己一啲想法。當然題目都寫住「瘋言瘋語」，大家真係無聊先好睇下唔好認真。 Horn嘅喇叭特徵就係發聲體細，聲音通常都需要經過長嘅引導管然後個嘴開得又扁又闊。本來咁樣嘅喇叭設計冇乜特別問題，問題就在於如果發聲單元係超過一個甚至係多過組成咁究竟啲聲會唔會有變化？當然我以下講嘅嘢唔係基於長期聆聽，講真我對佢都唔係太認識只不過我基於我嘅基本認識同邏輯分析講講我嘅想法。 打個比方如果而家發聲單元有兩個，每個單元以45度角接入horn咀，假設如果而家擴音機只推動其中一個單元，而單元正在向前推動1cm，呢個加咗壓嘅空氣會向horn咀嘅方向進發，但係去到三叉位呢個氣壓會驟降，因為旁邊個單元並沒發聲。情況其實更加惡劣因為呢個氣壓會擾流到旁邊然後先再送出去horn咀，失真必定會變大。當然如果兩個單元同時發聲個問題會大大降低，但俗語都有話：「若要人似我，除非兩個我。」，啲單完就算同一個生產線甚至係同一時間生產，佢嘅特性都不能夠完全相同，所以在運作時兩個單元並不是100%同步，咁樣就會產生之前講嘅擾流，失真必然會比只用一個單元大，單元越多問題越大。如果一定要用兩個單元嘅話，其實每個單元自己接上一個獨立嘅horn嘴似乎呢個方案比較可取。當然疊加響上面嘅horn嘴需要調節向下一定角度，呢個角度係幾多好視乎皇帝位嘅位置。 不過話時話，呢個失真究竟最終係美化咗個原聲定係醜化咗個原聲，我諗要留返畀資深玩horn喇叭嘅發燒友自己搵答案。 最後修改時間: 2025-05-30 20:48:23 |
DY2036 正式會員 124.xxx.xxx.26 |
2025-05-30 20:39 |
| [#1447] Any Fanling or Sheung Shui hifi friends 4 冇咁快完，通常都要encore一兩次。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-05-27 23:55:25 |
DY2036 正式會員 124.xxx.xxx.26 |
2025-05-27 23:54 |
| [#1446] Any Fanling or Sheung Shui hifi friends 4 繼續舞照跳，歌照播。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-05-17 22:14:43 |
DY2036 正式會員 124.xxx.xxx.26 |
2025-05-17 22:13 |
| [#1445] Any Fanling or Sheung Shui hifi friends 4 話咗砌部無負回輸放大器講都講咗兩三年，暫時都仲係淪落響紙張嘅階段（最主要我冇乜金工嘅器材可以開窿得牙）。之前模擬測試都係用正弦波，頻率係可以去到1Mhz當然輸出訊號會有一啲相位差。近期嘗試用方波睇睇個情況如何，似乎響上沿同下沿都有少少鈴震嘅現場，加上無負回輸放大器響低頻控制力係相對弱一啲，咁就漸漸打擊咗我繼續落去嘅信心。 反觀有負回輸嘅電流放大電路，無論正弦波同方波嘅放大能力都相當出眾。剛剛模擬咗一個兩倍放大嘅電流放大器，輸入8V 100KHz方波輸出得出一個16V接近完美嘅方波。咁就令到我可能轉變思路，先砌咗呢個電壓放大加電流放大嘅功率放大器。  最後修改時間: 2025-05-15 17:04:46 |
DY2036 正式會員 125.xxx.xxx.109 |
2025-05-15 17:03 |
| [#1444] Any Fanling or Sheung Shui hifi friends 4 呢位著名歌手年紀都有返咁上下，不過近期非常活躍響內地啲音樂節目，不過氣量已經不服當年勇，突然間想聽聽佢全盛時期嗰啲歌，咁不如即刻播返幾隻止下癮。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-05-10 00:28:29 |
DY2036 正式會員 124.xxx.xxx.26 |
2025-05-10 00:26 |
| [#1443] Any Fanling or Sheung Shui hifi friends 4 5月1號JBL嘅遊學團有倖成為當中一份子，第一場就係15a師兄DIY喇叭陣列。對我嚟講DIY任何產品都冇喇叭咁困難，17呎長horn身將佢卷成兩三個圈，真係講就容易做就相當難。我都成日話砌件嘢出嚟要出到聲唔係太難，但係要出到合符要求嘅聲就相當艱難。  如果睇返張相你就發覺嗰個喇叭嘅大細基本上佔咗個空間超過咗三分之二，加上每邊有四個大低音作推挽輸出，樓頂兩旁再加上兩支低音炮再加上幾路電子分音。其實一睇咁嘅格局就好擔心佢嘅低音可能會撞到亂曬籠，但一出聲基本上佢嘅樂器分離度同分析力相當唔錯，聽一啲大合唱嘅歌如果你合埋對眼可能以為自己置身於一個音樂廳四週嘅牆壁彷彿好似不存在一樣，不過如果你係嗰啲要勁到撲穿頭或者揼心口嗰類低音，似乎就唔係你杯茶因為呢套機係攞嚟聽音樂嘅。 至於葉sir嗰度先賣過關子，每個人都可能會有根深蒂固嘅概念或者思想，即係你聽緊十零廿萬嘅CD機遇著一個聽差唔多價錢嘅LP師兄，對方第一句就會話：「CD機有數碼聲唔係我杯茶」。奇怪就係當聽CD呢位師兄遇到聽串流或者CAS嘅另一位師兄佢都係講返同一段說話：「串流啲數碼聲咁大點聽得㗎。」。故事當然未完，對於我呢啲聽開file或其他師兄聽開串流，一聽到有人用藍牙聽歌自然暟之以鼻，無他因為藍牙嘅標準基本上同串流和CD機簡直唔係同一個檔次。講咁多廢話其實正正就想講葉sir開聲嗰部機就係一部香港人設計嘅藍牙串流機，呢排啲音樂書都有介紹其實我都好好奇，藍牙啲聲可以靚成點樣？估唔到咁快就有機會聽當然第一個舉手報名。 葉sir係用手機響Tidal嗰度用手機揀歌嚟播放當然相當方便（播放自己手上嘅wav file都得)，開頭播咗幾隻音樂和歌曲，因為我都冇呢啲歌所以冇可比較嘅內容，只可以話有唔錯嘅表現。後來我點首鄧麗君嘅歌但係因為版本不一樣亦都唔可以作直接嘅比較，嚟到呢度劇情往往就會反轉，當葉sir佢哋播一隻男低音歌嘅時候，低音可以去到嘅程度你唔會覺得佢不足，不但足夠男聲嘅厚度亦都足以難忘，低音嘅勁度同狠度都聽得相當過癮，呢一刻已經完全忘記咗乜嘢制式嘅限制。 其實好多發燒友忘記咗機械嘅黃金期已經過咗好耐...好耐...，要再進步簡直難如登天，相反響電子或者軟件呢邊嘅進步真係一日千里，你冇可能唔會相信檔案播放系統最終會勝過傳統機械類比系統。 呢隻碟近期會出現響音響雜誌播放系列裏面或者大家互相交流嘅時候必播嘅歌曲，咁我都趁下熱鬧錄製咗其中嘅一首。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-05-03 17:01:33 |
DY2036 正式會員 124.xxx.xxx.26 |
2025-05-03 16:13 |
| [#1442] Any Fanling or Sheung Shui hifi friends 4 自從屋企加咗對鉛刀之後，整個聲音都有明顯嘅改變，真係牽一髮而動全身。因應呢個改變整個吸音嘅佈局都需要作微調去配合，而家稍為覺得比較滿意。 黃昏呢張相係響汀九橋嗰度影，試下記住以下呢段說話：「日已西沉，浮雲變色，轉眼夜晚經以來臨。」 然後合埋雙眼在腦海裏面諗幾轉，你會見到啲乜嘢？ DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-05-02 00:11:45 |
DY2036 正式會員 124.xxx.xxx.26 |
2025-05-02 00:08 |
| [#1441] Any Fanling or Sheung Shui hifi friends 4 日已西沉，浮雲變色，轉眼夜晚經以來臨。  最後修改時間: 2025-04-22 18:05:44 |
DY2036 正式會員 182.xxx.xxx.105 |
2025-04-22 18:05 |
