兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1101] Any Fanling or Sheung Shui hifi friends 4 如果一個人唔係用母語同人溝通，而佢又唔係經常使用嘅話當然無論書寫或者說話都可能會出現錯誤，笑話好多時就喺響呢度出現。特別係早二三十年前當香港人（包括我自己）上大陸搵食嘅時候講埋啲唔鹹唔淡嘅普通話（特別係我其中一個手下係北京嚟嘅）或者同外國人用英語交談都會出現好多笑話，當然外國人講返廣東話一樣會發生相同嘅現象。所以笑咗就算唔需要記響心裏面。 呢隻歌令我諗起小鄧開演唱會嘅時候，如果佢唱英文歌似乎都一定會唱呢隻歌。好似上面咁講中國人唱英文歌通常嘅情況之下比起外國人唱好似硬係爭咁啲啲，當然我唔係話佢唱得唔好，唱得好唔好係兩件事。噉不如搵個外國人用返佢嘅母語再唱一次，睇下大家認唔認同我嘅講法。 如圖擴音機推喇叭出聲再用mic收錄。 最後修改時間: 2024-04-26 00:04:16 |
DY2036 正式會員124.xxx.xxx.26 |
2024-04-26 00:03 | |
|
|
|||
| [#1102] Any Fanling or Sheung Shui hifi friends 4 如果講到邊個國家最迷信，可能大家都有個錯覺會係中國，因為中國人係又拜唔係又拜石頭樹木都拜一餐。當然正宗嘅佛祖或者觀世音比較多人拜祭或者供奉，但係一啲虛構角色例如孫悟空同豬八戒都有唔少人拜祭。歷史人物關雲長黑白兩道大家都會供奉，但係當然就唔係因為呢個人升咗做神仙，而係大家認同佢嗰種忠義嘅精神（即係供奉嘅係一種精神或者信念）。雖然大陸裏面係滿天神佛，但係大家坐埋都唔會質疑對方個信念或者佢拜嘅神嘅能力，大家只會抱著你有你拜我有我拜互不相干。除非嗰個人係拜鬼仔或者拜啲邪靈噉就可能啲人會怕咗佢。 但係響西方或者中東呢啲國家有唔少嘅教派，雖然佢哋嘅名稱不一樣不過歸根究底佢哋崇拜嘅神都可能係同一個。似乎大家都一齊去爭取誰為正宗噉樣就導致大家處於對立嘅狀態，有時可能去到唔係你死就係我亡嘅境界。而家有兩場可能影響世界嘅戰爭正在進行中，決戰雙方可能都係信奉同一個神，但係當雙方都祈求唔同結局嘅時候，噉究竟神會點樣處理。 如圖擴音機推喇叭出聲再用mic收錄。 最後修改時間: 2024-04-26 23:28:43 |
DY2036 正式會員 124.xxx.xxx.26 |
2024-04-26 23:23 |
| [#1103] Any Fanling or Sheung Shui hifi friends 4 乜嘢係經典? 最起碼一提起大家都熟悉，當然仲係出類拔萃或者當時係共同嘅話題甚至係集體回憶。 噉如果我講經典中嘅經典噉又點去理解? 我做咗個測試問我太座，如果有隻歌一聽腦海裏面就會出現一種交通工具噉嗰隻歌嘅歌名係乜?佢思索咗兩秒便正確講出咗個歌名，平時佢通識嘅能力就通通都唔識，今次竟然咁快答中咗個答案所以我更加相信呢首歌真係經典中嘅經典。不過唱呢首歌嘅歌手當時應該係新人，除咗呢隻歌走紅之外我都唔知佢有冇出過個人大碟。呢隻歌可以紅起來唔係靠歌手高超嘅歌唱技巧（當然本身隻歌嘅旋律同埋填詞都相當唔錯），而係靠電影裏面嘅經典場面。呢隻歌基本上聽頭嗰三個音或者最多九個音你都應該知呢隻係乜歌，如果你腦海裏面冇顯現嗰種交通工具，只可以講師兄你實在太後生喇。 如圖擴音機推喇叭出聲再用mic收錄。 最後修改時間: 2024-04-28 20:45:04 |
DY2036 正式會員 124.xxx.xxx.26 |
2024-04-28 20:30 |
| [#1104] Any Fanling or Sheung Shui hifi friends 4 講開交通工具噉不得不講最受歡迎亦都速度最快嘅跑車，跑車有多種顏色但係我一定鍾情鮮紅色。因為鮮紅色我先覺得呢架車夠辣夠勁，其他嘅顏色我覺得最多只係「形」。 如圖擴音機推喇叭出聲再用mic收錄。 最後修改時間: 2024-04-30 23:11:43 |
DY2036 正式會員 124.xxx.xxx.26 |
2024-04-30 23:10 |
| [#1105] Any Fanling or Sheung Shui hifi friends 4 而家香港啲白鴿真係俾人餵到都唔怕人，兩隻白鴿響水池調情都完全唔理我，就算我將手機懟到兩尺咁近佢都係睬你都傻。  |
DY2036 正式會員 124.xxx.xxx.26 |
2024-05-12 22:36 |
| [#1106] Any Fanling or Sheung Shui hifi friends 4 辣跑嚟講我當然鍾愛紅色，但係其實街邊行緊嘅私家車大路有兩隻顏色，一隻白色另一隻係黑色。如果啲人鍾意摣啲貴價跑車，我諗大多都會揀黑色。 如圖擴音機推喇叭出聲再用mic收錄。 最後修改時間: 2024-05-18 17:44:49 |
DY2036 正式會員 124.xxx.xxx.26 |
2024-05-18 17:42 |
| [#1107] Any Fanling or Sheung Shui hifi friends 4 呢兩個係幾好嘅實驗令我哋明白喇叭接正相和反相究竟個聽感係點樣，另外就係唔同喇叭發聲嘅時候響演奏廳每個座位基本上聽到嘅嘢都不一樣因為有相位差。 最後修改時間: 2024-05-18 20:04:20 |
DY2036 正式會員 124.xxx.xxx.26 |
2024-05-18 19:59 |
| [#1108] Any Fanling or Sheung Shui hifi friends 4 有錢嘅既然玩得超跑噉當然就去買返隻私人遊輪，當然開心可能叫埋一班人一齊出海玩樂一番，就算唔開心亦可以一個人出海暫時避開凡塵嘅煩惱。 如圖擴音機推喇叭出聲再用mic收錄。 最後修改時間: 2024-05-19 22:06:05 |
DY2036 正式會員 124.xxx.xxx.26 |
2024-05-19 22:05 |
| [#1109] Any Fanling or Sheung Shui hifi friends 4 船...對有錢人嚟講可能祇不過係一件玩具或者一種消閒嘅玩意，但對某啲人嚟講可能就係佢一生所有。有機會由佢嘅出生、整個童年、學習、工作、結婚、生兒育女甚至終老都響呢一條小小嘅船上面度過。 如圖擴音機推喇叭出聲再用mic收錄。 最後修改時間: 2024-05-21 00:08:33 |
DY2036 正式會員 124.xxx.xxx.26 |
2024-05-21 00:03 |
| [#1110] Any Fanling or Sheung Shui hifi friends 4 有錢嘅當然買樓買車再唔係買埋架船，窮嘅都可以買得起架單車作私人代步。可能有啲師兄會講:嘩...嘩而家啲單車都唔平個喎貴起上嚟都要十萬八萬。大佬啊如果太空科技鑲金鑲鑽乜嘢都會貴喇，普普通通買部重疊疊單車二三百文應該都可以。 母親節啱啱過咗，歌唱母親嘅歌通常都好露骨會講母親嘅偉大諸如此類。嚟緊就快到父親節，反而好少歌會直接歌頌父親，都係會比較含蓄會用一啲物件帶起對父親嘅思念。中國嘅傳統一向比較保守似乎父親嘅角色都係比較權威一啲，少有同啲仔女打成一片（當然而家時代開始變）。呢個角色自然演起上嚟外表比較冷漠，其實內心相當關心啲仔女嘅一切，就算自己死慳死抵儘量希望響財力嗰度能夠幫助到啲仔女不至於落後他人。學樂器彈鋼琴或者同西人單對單嘅會話練習，買專業級嘅鋼琴...等等都在在需要錢財，你話做父親荷包唔係咁鬆動嘅情況之下日日做到隻狗噉返到屋企都成身散曬，一攤響梳化都即刻瞓著咗，噉你話小朋友對父親會有乜感覺。 如圖擴音機推喇叭出聲再用mic收錄。 最後修改時間: 2024-05-21 22:51:07 |
DY2036 正式會員 124.xxx.xxx.26 |
2024-05-21 22:47 |
| [#1111] Any Fanling or Sheung Shui hifi friends 4 由一點去一點唔係一定要自己擁有某種交通工具，其實亦都可以乘搭下啲公共交通嘅設施。如果講到方便自然一定系呢種交通工具祇不過響繁忙時間你未必截得到，如果上咗架call台車響盤呔上面擺咗五六部手機，佢一路摣車一路撳手機你都唔好話唔驚。 如圖擴音機推喇叭出聲再用mic收錄。 最後修改時間: 2024-05-22 23:02:46 |
DY2036 正式會員 124.xxx.xxx.26 |
2024-05-22 23:02 |
| [#1112] Any Fanling or Sheung Shui hifi friends 4 而家叫的士古時候就叫做轎，當然轎都分好多種兩人抬嘅四人拍嘅甚至八人大轎，即係等於而家啲名牌車一樣越係名牌就自然價錢越貴。不過再近代啲就應該叫黃包車，唔知道大家又有冇曾經坐過。 如圖擴音機推喇叭出聲再用mic收錄。 最後修改時間: 2024-05-23 21:35:19 |
DY2036 正式會員 124.xxx.xxx.26 |
2024-05-23 21:34 |
| [#1113] Any Fanling or Sheung Shui hifi friends 4 今天真係不宜遠行。  |
DY2036 正式會員 14.xxx.xxx.49 |
2024-05-24 11:48 |
| [#1114] Any Fanling or Sheung Shui hifi friends 4 唔通要匿落地底?  |
DY2036 正式會員 14.xxx.xxx.49 |
2024-05-24 12:06 |
| [#1115] Any Fanling or Sheung Shui hifi friends 4 香港嘅交通工具最平嘅首選應該係電車，其次就到渡輪。響其他地方渡輪嘅價錢都唔係咁平，坐渡輪睇兩岸景色特別係夜景對旅客嚟講絕對係一個非常便宜嘅旅遊活動，響全世界都少有性價比咁高。 如圖擴音機推喇叭出聲再用mic收錄。 最後修改時間: 2024-05-24 23:04:59 |
DY2036 正式會員 124.xxx.xxx.26 |
2024-05-24 23:04 |
| [#1116] Any Fanling or Sheung Shui hifi friends 4 我諗最多人搭嘅渡輪應該係由尖沙咀開出去灣仔或者中環，因為不論遊客甚至本地人好似我噉耐不耐都鍾意搭呢班渡輪，不單止價錢平兼且可以欣賞下兩岸嘅景色，真係一樂也。 不過如果你喺離島嘅居民每天要搭渡輪出外工作或者你係遊客去離島一日遊，最怕嘅事就係搭唔到最尾班船。 如圖擴音機推喇叭出聲再用mic收錄。 最後修改時間: 2024-05-25 20:56:04 |
DY2036 正式會員 124.xxx.xxx.26 |
2024-05-25 20:54 |
| [#1117] Any Fanling or Sheung Shui hifi friends 4 而家坐渡輪梗係又平又正，其實再早啲呢啲亦都有個別名叫做火船，因為佢嘅動力來源系燒煤。不過如果再推到去古時，一般民間都係泛舟即係窄窄長長嗰一類。 如圖擴音機推喇叭出聲再用mic收錄。 最後修改時間: 2024-05-26 20:34:32 |
DY2036 正式會員 124.xxx.xxx.26 |
2024-05-26 20:34 |
| [#1118] Any Fanling or Sheung Shui hifi friends 4 而家我哋去到街市就會見到好多海鮮啊魚啊響度販賣，但你有冇諗過啲漁民出海打魚有時真係要冒生命危險。我哋而家先開始聽到乜嘢叫極端天氣，但係響大海裏面瞬時風雲變幻嘅天氣真係隨時都會發生，真係有去未必有回。除此之外打工嘅有時出咗汗甚至出埋血，或者你睇下呢幾年有幾多工業意外導致傷亡。 其實響一個社會裏面亦都有好多俾人睇低一等嘅工作，特別係有啲身懷萬貫或者衣著光鮮嘅上班族會自視高人一等。當然有啲人嘅工作成日接觸屎屎尿尿，或者成日同死屍打交道，大家對呢啲人都有啲恐懼我覺得絕對正常。不過凡係嗰啲工作大多數人都厭惡去做嘅話，我就覺得更加要敬佩從事緊嘅工作者。可能有啲人心裏諗: 啲人後生唔讀書冇學歷又廢又殘唔係做呢啲做乜嘢。不過如果大家試想想突然間有一種工種冇人去做，你估下呢個社會仲可唔可以運作落去。所以越係有錢嘅人（最大得益者）越應該感激每種工種嘅從業人員時刻付出血汗甚至生命成全咗佢享有舒適嘅生活。 如圖擴音機推喇叭出聲再用mic收錄。 最後修改時間: 2024-05-27 22:00:26 |
DY2036 正式會員 124.xxx.xxx.26 |
2024-05-27 21:59 |
| [#1119] Any Fanling or Sheung Shui hifi friends 4 我小時候出遠遊差唔多一定係坐輪船，當時飛機都係啲稀有品。仲記得幾歲嗰陣時坐過大船去澳門，嗰啲係臥鋪當時夜晚上船瞓一覺聽朝就到澳門落船。當然再古遠啲嘅時候就一定係帆船，所以送船嘅時候通常都祝福佢順風順水，一帆風順。但係當飛機普及咗之後，大家嘅科普能力都強咗之後，就發覺原來飛機係要逆風先可以起飛。如果你送機嗰陣時講順風順水，一帆風順噉都唔知系祝福佢定係詛咒佢。所以最後都係改改口叫一路平安算數。 如圖擴音機推喇叭出聲再用mic收錄。 最後修改時間: 2024-05-28 20:50:38 |
DY2036 正式會員 124.xxx.xxx.26 |
2024-05-28 20:50 |
| [#1120] Any Fanling or Sheung Shui hifi friends 4 講咗咁多種交通工具，又跑車又的士又單車有電單車又船，不過我諗其中一種代步嘅工具衹要你出門我諗一定都搭佢。 如圖擴音機推喇叭出聲再用mic收錄。 最後修改時間: 2024-05-29 21:34:18 |
DY2036 正式會員 124.xxx.xxx.26 |
2024-05-29 21:33 |
