兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1121] Any Fanling or Sheung Shui hifi friends 4 之前講開嗰啲辣跑，當然香車就配美人。買部辣跑當然唔係裝阿爸阿媽，梗係啲靚女。但係如果你係個靚女上定咗一架超跑，如果個主人本身唔係花心嘅話，噉應該坐定定。最怕啲靚女持住自己有幾分姿色，響啲車群嗰度試嚟試，最終就變成咗玩物，之後再想拍返架靚車我諗都幾難。 如圖擴音機推喇叭出聲再用mic收錄。 最後修改時間: 2024-05-31 21:42:08 |
DY2036 正式會員124.xxx.xxx.26 |
2024-05-31 21:41 | |
|
|
|||
| [#1122] Any Fanling or Sheung Shui hifi friends 4 三色台嚟緊會播一套香港名導演處女下海拍嘅電視劇集都相當期待 當然梗係一定要聽原裝上海話嗰個版本。 以前嘅上海即係等於好似而家嘅香港當然就更加繁榮。 如圖擴音機推喇叭出聲再用mic收錄。 最後修改時間: 2024-06-01 23:47:56 |
DY2036 正式會員 124.xxx.xxx.26 |
2024-06-01 23:46 |
| [#1123] Any Fanling or Sheung Shui hifi friends 4 之前搭巴士有個乘客講咗一句金句:「你有壓力，我有壓力。」搞到滿城風雨，隔咗咁耐香港嘅壓力指數究竟有咩變化。如果大家有睇開網上嗰啲分享，好多時啲旅客嚟到第一句就講香港啲嘢好貴。佢哋有消費壓力所以全部去曬督魚蛋豬皮，搞到啲中價貴價食肆同埋啲商舖執下一間又一間。對佢哋嚟講香港啲物價咁貴簡直人間煉獄點樣生活落去，奇就奇在響呢度居住嘅裏面市民平均年紀竟然係世界最高，亦即係最長壽。如果真係一個煉獄但又最長壽噉簡直係生不如死，不過我覺得大多數師兄嚟到呢度都一定無聊想搵水吹，咁又點會係煉獄呢。不過講返轉頭香港人有冇覺得有消費壓力，絕對有你睇下星期六日幾多人北上去大陸消費就知，不過佢唔係喺街市等人收工買啲菜頭菜尾平價貨，而係去啲頗高檔嘅餐廳，因為佢嘅消費可能等於香港嘅三分一。所以香港人唔係冇錢，祇不過響香港消費唔起咁高檔嘅食肆。 今日想俾大家睇套片，不過我覺得可能現今東南亞啲人嘅壓力仲大。如果有個陌生人問你:「你究竟有乜事?」，你會點回答佢呢。 最後修改時間: 2024-06-02 16:43:43 |
DY2036 正式會員 124.xxx.xxx.26 |
2024-06-02 16:26 |
| [#1124] Any Fanling or Sheung Shui hifi friends 4 嚟緊就快父親節，當然好多仔女都係同父親或者母親去飲餐茶食個飯當係慶祝，如果有米啲就可能送的禮物畀爸爸媽媽。之前母親節送花就最正路，就算佢講唔好嘥錢都好但當收到花嘅時候內心都係高興嘅，當然除咗花之外女人梗係鍾意啲珠寶首飾。不過講開要送禮物畀爸爸，除非佢玩開某啲運動你可以送嗰方面嘅器材俾佢或者高爾夫球棒、球拍之類。除咗呢啲之外我諗大路嘅禮物送畀父親就一定係...。 如圖擴音機推喇叭出聲再用mic收錄。 最後修改時間: 2024-06-03 22:47:31 |
DY2036 正式會員 124.xxx.xxx.26 |
2024-06-03 22:46 |
| [#1125] Any Fanling or Sheung Shui hifi friends 4 講開手錶其實佢主要功能就係報時，不過隨著智能手機嘅普及基本上呢個功能已經可以用智能手機去取代。除咗啲專業使用嘅領域，買手錶嘅人主要系習慣或者當佢係裝飾品既一種。至於價錢平起上嚟街邊嗰啲走鬼檔（唔係太準嗰啲）幾十文都有一隻，當然如果係瑞士名牌出品包金鑲鑽噉個價錢自然頂到上天花板。 除此之外其實有啲手錶工匠窮一生嘅功力去打造一隻最準確嘅機械手錶，當然我哋知道佢點都准唔過一隻石英手錶而石英手錶亦都准唔過一部手提電話。不過就係呢啲工匠嘅堅持就發明咗「陀飛輪」，佢已經唔係一隻普普通通嘅手錶佢已經變成咗一件工藝品，所以佢嘅價錢已經唔可以用佢係功能去衡量。一如LP唱盤，為咗防止嗰十零二十克嘅唱頭影響到轉速，嗰部唱機可以做到過百公斤重。當然論轉速穩定度同抖晃率佢唔及得CD盤，而呢方面CD機又唔及得播放file。 如圖擴音機推喇叭出聲再用mic收錄。 最後修改時間: 2024-06-05 23:32:04 |
DY2036 正式會員 124.xxx.xxx.26 |
2024-06-05 23:29 |
| [#1126] Any Fanling or Sheung Shui hifi friends 4 政府開始重手打擊吸煙呢個行業同行為其實都無可口非，吸煙係個人嘅慢性自殺行為，佢晚年病發最終就加重咗政府嘅醫療開支即是納稅人嘅錢（每個香港人夾錢），所以我舉腳贊成。 其實響我細個嗰陣時，我諗大多數工作嘅男性都有吸煙嘅習慣。所以當時女性送畀男性或者仔女送畀父親嘅禮物打火機都係一個選項。我記得父親如果遇到相熟嘅朋友可能第一時間就響個袋攞包煙出嚟，然後燉一支煙畀對方跟住攞火柴或者打火機幫對方點燃，當佢啜咗第一啖煙之後先至閒話家常。食得煙袋裏邊一定有盒火柴，我細個嗰陣時都有收集火柴盒，因為有啲係扁身紙質做一支支你要搣佢出嚟先可以用。當然火柴有佢嘅限制，因為一受咗潮或者天氣好潮濕你基本上好難打得著。就係噉樣商家佬就開始發明打火機，其實每一樣嘢或者每一種嗜好當然都包含一啲好有錢嘅有錢人，同樣係打火機有平亦都有貴。我記得當時打火機差唔多係得一隻名牌子獨大，無它嘅因為佢有特別嘅殺手鐧，就係當你用大拇指往上大力推嘅時候打火機頂蓋就會彈開從而會發出「叮...」一聲。這一下美妙嘅回聲係可以憑調校蓋上面嘅震片達至共鳴，就係呢個獨特設計衹要你一打開呢個打機基本上附近嘅人都會聽到一下鏗鏘嘅聲音並將目光注視於你，嗰一刻擁有者就會有飄飄然嘅感覺（十足好似當時啲人擁有iphone 4一樣），當然呢個打火機價錢唔平，就係唔係個個捨得擁有先至顯得擁有者自覺高人一等。 如圖擴音機推喇叭出聲再用mic收錄。 最後修改時間: 2024-06-07 21:08:54 |
DY2036 正式會員 124.xxx.xxx.26 |
2024-06-07 21:02 |
| [#1127] Any Fanling or Sheung Shui hifi friends 4 我諗有唔少人摣車都未必完全遵守交通規則，不過我覺得地下「慢駛」呢兩個字真係唔可以當佢冇到，否則頭條新聞都有得上。  |
DY2036 正式會員 124.xxx.xxx.26 |
2024-06-10 20:30 |
| [#1128] Any Fanling or Sheung Shui hifi friends 4 細個嗰陣時成日捉啲金甲蟲然後搵條繩綁住佢其中一隻腳，跟住好似寵物噉樣拖住佢周圍去，當然梗係比其他小朋友睇威下，嗰隻甲蟲嘅下場最後梗係魂歸天國。 而家真係好少見，剛剛響樓下就見到一隻不過可能佢已經見咗上帝。  最後修改時間: 2024-06-11 18:49:26 |
DY2036 正式會員 124.xxx.xxx.26 |
2024-06-11 18:49 |
| [#1129] Any Fanling or Sheung Shui hifi friends 4 呢個世界嘅科技發展實在太快好多嘢都日新月異，就算聲稱萬物之靈嘅人類都追到氣咳。雖然係噉如果你唔去不斷學習可能都俾科技時代巨輪淘汰。噉動物嗰邊又點呢? 其實佢都要適應人類世界嘅環境，只可以響狹縫生存否則屍骨無存。 就好似呢隻雀媽媽噉，竟然響大門扶手嘅頂部築巢，當然你遇著善心嘅人（好似我噉）就可能睇到BB嘅出世，否則....  最後修改時間: 2024-06-13 08:11:12 |
DY2036 正式會員 14.xxx.xxx.177 |
2024-06-13 08:10 |
| [#1130] Any Fanling or Sheung Shui hifi friends 4 廿零卅年前突然間有一樣裝飾品紅起上嚟...佢就係水晶，如果當禮物送畀女性應該相當受歡迎。但係唔知點解當時我畀啲水晶飾物吸引咗，所以我耐來耐都會買件水晶擺設。例如一列SoGo買嘅火車頭，S字品牌嘅奔馬，肥豬、狗仔、雪人、蘋果等等...，最後都買埋一大堆。呢堆水晶裏面其中有一件係唔使錢，佢就係舊公司嘅禮物一個水晶立方體（紙鎮）。   如圖擴音機推喇叭出聲再用mic收錄。 最後修改時間: 2024-06-14 21:09:13 |
DY2036 正式會員 124.xxx.xxx.26 |
2024-06-14 21:06 |
| [#1131] Any Fanling or Sheung Shui hifi friends 4 聽日就係父親節，可能有啲仔女正在諗緊送啲乜嘢禮物畀爸爸。其實做父親嘅衹要仔女仲記得起自己，耐不耐約出嚟飲餐茶食個飯心裏面都已經覺得好安慰，至於禮物咯...又唔一定要花費金錢去買。其實好多小朋友由細個嗰陣時已經學某幾種樂器，所以響父親節個日彈奏一曲俾父親聽亦都未嘗不可。樂器裏面可以稱王稱霸嘅就祇有鋼琴，當然又唔需要彈曬整首貝多芬某某交響曲咁犀利或者呢一首音樂咁幽怨，就算簡簡單單幾個音一曲生日快樂就已經足夠。 如圖擴音機推喇叭出聲再用mic收錄。 最後修改時間: 2024-06-15 21:49:16 |
DY2036 正式會員 124.xxx.xxx.26 |
2024-06-15 21:48 |
| [#1132] Any Fanling or Sheung Shui hifi friends 4 昨日係父親節亦都係國際龍舟錦標賽，適逢剛剛去尖東食午飯，就睇到呢個盛會。每隊參賽隊伍都扮到鬼咁馬鹿，有啲無論男女都扮成春麗噉樣，香港隊就扮小丑個個戴上彩色假髮。 政府講今年有幾百個盛會，我覺得有啲都係夾硬加上去，反而端午節政府真係搞得幾熱鬧，加上天公造美。講你都唔信響度活咗超過半個世紀，竟然冇響現場睇過人哋扒龍舟，今次係我第一次去尖東現場睇人爬龍舟。     最後修改時間: 2024-06-17 06:48:42 |
DY2036 正式會員 124.xxx.xxx.26 |
2024-06-17 06:45 |
| [#1133] Any Fanling or Sheung Shui hifi friends 4 鋼琴梗係多人學，不過我後生嗰陣時我諗最多人學都係吉他，可能因為結他價錢相對比較平又比較容易學，好多時啲校園電視劇裏面個男主角都會彈下吉他冧下女。 希望大家都唔係孤獨老人。 如圖擴音機推喇叭出聲再用mic收錄。 最後修改時間: 2024-06-17 08:12:45 |
DY2036 正式會員 124.xxx.xxx.26 |
2024-06-17 08:12 |
| [#1134] Any Fanling or Sheung Shui hifi friends 4 借位一用 各位北區友 可能我杯弓蛇影都唔定，但都想在這裏提醒一下。 今天下午5時許，我沿投注站對面天橋(有生果檔個位)哪邊行上天橋，走回彩園邨，剛上到去天橋位置，遇一中年(4-50歲)男人問路：(廣東話)請問去地鐵站從這裏下去嗎？他用"地鐵站"一詞。 我便用手指向火車站，並回答那便是上水火車站；他沒有望我的手勢指向便走下天橋，並說唔該。 好似好平常，但同類事情在上星我已遇過一次，在同一條天橋去彩園邨方向(彩蒲苑路口)另一個中年(4-50歲)男人問路：(廣東話)請問投注站點去，我在上水兜了成個鐘頭都揾唔到! 我心裏奇怪；兜了成個鐘頭都揾唔到投注站! 又唔早d問人？! 我便教他要行上天橋過了火車軌位置，轉左落樓梯便見到；又用手勢指向張知行大厦哪邊，說那便是投注站方向； 奇怪他只聽我說，沒有望我的手勢指向便走了天橋，並說唔該，再加多句普通話’謝謝’。 共同特點： 1. 問路 2. 中年(4-50歲)男人 3. 沒有望我的手勢指向，問完便走了 4. 沒有行理跟身 5. 强國人、雙語、衣著也算整齊 |
bigleung 正式會員 223.xxx.xxx.197 |
2024-06-19 21:34 |
| [#1135] Any Fanling or Sheung Shui hifi friends 4 騙徒嘅手法層出不窮，有一日我響屋苑範圍正要行出欄桿去公眾行人路之際，正值當時有五六個人正響行人路經過迎面而來，當中有一位中年女性。在此時大家有眼神接觸約莫一兩秒，我就不以為意繼續行到行人路去我要去嘅地方，就在擦身而過那一刻個中年女性返轉頭嗌住我並說:「你響嗰度出嚟呀，唔知呢度有冇飯買呢可唔可以幫我買盒飯。」。起初我以為佢問路所以停低聽聽佢講乜，點知佢講埋嗰啲問題令我個大腦即時hang機，好彩條subroutine寫得好，一出現hang機就36著走為上著，否則電視東成西就又多一單中年豬扒奪產案。 近期東成西就播放咗幾單中年豬扒奪產案件之後，似乎比咗一啲立心不良諗住零置業嘅中年豬扒一個想像嘅空間，原來置業係可以唔使錢（有如外國零元購），不過發功嘅對象一定係有樓嘅孤獨老人，所以我終於明白點解佢第一句就係問你係咪響嗰度出嚟。 最後修改時間: 2024-06-20 14:39:11 |
DY2036 正式會員 14.xxx.xxx.233 |
2024-06-20 14:32 |
| [#1136] Any Fanling or Sheung Shui hifi friends 4 同一位歌手其實仲有一首歌同吉他有關，不過當我用呢個歌名「午夜吉他」喺網上搜索嘅時候竟然發現呢首唔係粵語歌而係國語歌，奇就奇在我明明聽過佢用相同嘅音樂唱過一首粵語歌，噉究竟呢首歌叫做乜嘢名? 最後屘發覺原來佢係電臺廣播劇（午夜吉他）嘅插曲，雖然歌曲相同但係歌詞已經不一樣名稱都不一樣。 如圖擴音機推喇叭出聲再用mic收錄。 最後修改時間: 2024-06-20 20:32:29 |
DY2036 正式會員 124.xxx.xxx.26 |
2024-06-20 20:31 |
| [#1137] Any Fanling or Sheung Shui hifi friends 4 ＞＞可以幫我買盒飯 响沙田都遇過! |
bigleung 正式會員 223.xxx.xxx.197 |
2024-06-20 20:53 |
| [#1138] Any Fanling or Sheung Shui hifi friends 4 今期音響雜誌有兩篇文章，其中一篇講喇叭廠商另外一篇講信號線。喇叭廠商強調聲箱嘅震動會將呢啲微弱信息疊加響喇叭音盤上導致原訊號疊加咗其他干擾信號，呢啲唔屬於原音樂嘅信號就算最終美化咗嗰整體音質，但係對於追求完美嘅廠商係不能容忍。呢個令我想起好多時有啲擴音機或者信號線有強烈品牌嘅獨特音色，只可以講依類失真你喜歡就鍾意唔喜歡就嫌棄。 另外一篇講訊號線嘅文章，佢嘅觀點同我之前講雙絞線嘅問題基本一致，兩條線互相纏繞基本上增加咗每條線嘅電感量（對比平行線），互相緊密纏繞亦都增大咗分佈電容，如果再響雙絞線外加網線分佈電容進一步增大。所以我都係強調平行線係最好嘅解決方案，當然每條平行線都需要分開一定距離加上適當嘅處理同屏蔽。雖然最慳資源和付出最少金錢而能夠抗干擾嘅最佳方法就係雙絞線，不過要犧牲音質和高頻。平行線唔係唔得祇不過佢嘅設計相對會複雜啲成本亦都會貴好多，但係而家知名嗰啲信號線動不動都過萬元，所以如果廠商用最簡單嘅設計收最昂貴嘅價錢我覺得有啲那個。   最後修改時間: 2024-06-21 17:57:15 |
DY2036 正式會員 14.xxx.xxx.119 |
2024-06-21 17:56 |
| [#1139] Any Fanling or Sheung Shui hifi friends 4 其實我之前都講過信號線嘅作用同埋會影響佢性能嘅因素如下（point 10 & 11同訊號線無關）: #930 [DY2036], 23-10-26 14:05 信號線嘅作用就係連接兩部機，從而將信號由一部機傳送去另外一部機，理論上佢只需要做好呢個簡單動作冇加冇減就完工。響電工佬同物理學家眼中呢個係一個萬無一失唔會出錯嘅動作，但係響音響發燒友嚟講呢個係Mission Impossible嘅任務，對整套器材最終嘅音質有舉足輕重嘅作用。逢係資深嘅發燒友都知信號線會改變音色，各別廠家都有自家獨特嘅音色，講真唔同音色就代表唔同嘅失真。 噉其實當訊號響訊號線傳輸嘅時候究竟有乜嘢會影響到佢原先嘅狀態? 我諗到有以下幾樣: 1. 電阻 （Resistance） 2. 電感 （Inductance） 3. 寄生電容（Parasitic Capacitance） 4. 導電材料嘅雜質（Purity） 5. 互感（Mutual Inductance） 6. 集膚效應（Skin Effect） 7. 震動（裏面同外面）（Vibration） 8. 靜電（Static Charge） 9. 外來高頻干擾（RF/EMI） 10. 機與機之間地電位有電壓差（AC or DC）導致出現漏電電流（Leakage Current）流經信號迴路。 11. 左右聲道地電路互相連通導致部分迴路電流經過對方聲道才流回信號源，最終導致聲道串擾問題（Channel Interference）。 12. 信號線+/-阻抗不一樣，導致接收端信號隨頻率而變化。以上各項都對訊號產生壞嘅影響，當然有的比較嚴重有啲會比較輕微，但樣樣加加埋埋就會產生嚴重影響。 現今出名信號線嘅製造商出嘅信號線似乎都只係針對上面某幾樣問題作改良，例如有啲針對線嘅分佈電容，有啲針對集膚效應，有啲針對屏蔽或者震蕩...等等。當然我都花費唔起買頂級線嘅費用，噉唯有基於信號線出現嘅問題自己去嘗試針對以上問題自己DIY信號線，經過好多次嘅嘗試最終定型咗兩對線，一對線芯係用咗7n銅，另一對線芯用咗Duelund油浸線。而家用緊並作錄音嗰對線係7n銅，至於Duelund線芯嘅聲底係點樣呢? 基本上都係超高分析力，但係比起嗰條7n銅都係起碼爭咗一兩班。不過佢就相對柔一啲，對聽開LP或者玩開膽嘅師兄，似乎比較接受Duelund呢一對線多啲。   最後修改時間: 2024-06-23 01:46:10 |
DY2036 正式會員 124.xxx.xxx.26 |
2024-06-23 01:42 |
| [#1140] Any Fanling or Sheung Shui hifi friends 4 之前講過如果讀中學嘅時候的男生走去學吉他，大多數都係未必咁神心鍾意音樂，可能懷有另外更大嘅目的。唔係淨係我噉講嘅，校長都認同。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-06-23 21:21:40 |
DY2036 正式會員 124.xxx.xxx.26 |
2024-06-23 21:20 |
