兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1201] Any Fanling or Sheung Shui hifi friends 4 響公園玩氹氹轉當然免費，但係如果好似歌神唱噉坐啲會氹氹轉嘅船，船頭仲有個搖鈴，呢啲絕對唔會係免費，不但入場要收費連玩嘅每個項目都另外計算，佢就係我小時候去過嘅荔園遊樂場。  DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-06 21:51:42 |
DY2036 正式會員124.xxx.xxx.26 |
2024-08-06 21:49 | |
|
|
|||
| [#1202] Any Fanling or Sheung Shui hifi friends 4 我套CAS而家用緊嗰部notebook系fanless，所以當時我刻意買部弱雞啲嘅硬件（ i3 7th 8G ram HDD 1T （fanless）） Win10 pro，當然價錢都相對合理。 今晩突然無聊諗下我新買個部notebook究竟啲聲又會係點架呢（都買咗超個半年），之前我冇諗用佢嚟做CAS因為一上網佢把風扇就高速噉轉有啲吱吱聲。不過如果你純粹做下文書或者聽下音樂噉又未必會觸發到佢把風扇。之前網上流傳內置SSD啲聲會差過HDD，另外又話Win11對Foobar2000支援未及得Win10，所以更加觸發起我想驗證一下嘅心態。 先講講呢部新機嘅硬件（i5 12th 16G ram SSD 1T Win11 pro），開始之前梗係要同舊嗰部機嘅Foobar2000裏面嘅設定要儘量一致。起初output用咗WASAPI（Shared），一聽就發覺啲聲好唔對路，因為心裏早已覺得佢唔得所以即刻放棄踢埋一邊。不過諗諗下會唔會有啲嘢搞錯咗，所以睇返部舊電腦原來舊電腦係用default setting，好...畀多次機會你亦都等於畀多次機會自己。今次再試...咦...熟悉嘅聲音返返嚟喎，果然output setting係一個主導嘅角色，一不做二不休索性試埋嗰個主動噪音消除電路響呢部新notebook究竟仲有冇作用。Sorry呢千幾文係唔可以慳，所以你搵notebook一定要有兩個USB port相連先好買。不過仲有個插曲，新嗰部機唔知點解啲中文全部亂碼。   最後修改時間: 2024-08-08 00:37:13 |
DY2036 正式會員 124.xxx.xxx.26 |
2024-08-08 00:26 |
| [#1203] Any Fanling or Sheung Shui hifi friends 4 好多時大家互相作家訪主要都係交流發燒過程嘅心得，至於響現場嗰套器材發出嚟嘅音效究竟係點，除非同自己嗰套分別好大否則一時三刻都唔知大家嘅優缺點係邊個位，特別係互相音效比較相似嘅時候。例如比較線材嘅，因為牽涉到要換線有機會要將音量制扭細之後再扭大，噉樣有機會大家都唔係響同一個音量水平，另外再加上一個停滯時間甚至運動時間亦都令到之前嘅記憶開始模糊，如果要作幾次嘅來回比較花嘅時間真係會好長。所以即場錄音之後先去比較就可以無限次回帶，仲可以逐個音逐個音去比較，咁樣不失為一個最有效率嘅公平比較。 之前講過用咗部i5 notebook攞嚟試聽，經過一番調整發覺音效都可以，但係同用緊嗰部i3 notebook究竟邊部會比較好聲啲。呢個係i3 vs i5同埋HDD vs SSD更加係Win10 pro vs Win11 pro，噉究竟鹿死誰手...不如自己聽下。 所有錄音都是DIY信號線接響DAC同擴音機之間，魔改擴音機在推喇叭之後再用咪收錄。 i3 HDD Win10 pro - Recording A i5 SSD Win11 pro - Recording A i3 HDD Win10 pro - Recording B i5 SSD Win11 pro- Recording B i3 HDD Win10 pro - Recording C i5 SSD Win11 pro - Recording C i3 HDD Win10 pro - Recording D i5 SSD Win11 pro - Recording D 最後修改時間: 2024-08-09 21:05:43 |
DY2036 正式會員 124.xxx.xxx.26 |
2024-08-09 20:56 |
| [#1204] Any Fanling or Sheung Shui hifi friends 4 今日天朗氣清最好就出去行下，響樓下行下行下唔知點解就去咗呢笪地方。架巴士一路響新界去灣仔途中起初都有幾十個人，但一路逼緊灣仔車上面嘅乘客就不斷減少最後就寥寥可數剩返幾個老人包括我自己。去到現場排隊今屆音響展人數似乎有所下降，條龍唔係好似張明敏嗰隻歌咁樣唱:「...好長...好長」，而係好短...好短。   最後修改時間: 2024-08-10 09:39:01 |
DY2036 正式會員 14.xxx.xxx.166 |
2024-08-10 09:36 |
| [#1205] Any Fanling or Sheung Shui hifi friends 4 終於行到兩隻腳都抽筋而回。  |
DY2036 正式會員 14.xxx.xxx.166 |
2024-08-10 17:51 |
| [#1206] Any Fanling or Sheung Shui hifi friends 4 唔知大家有冇比較過i3同i5呢兩個錄音（響錄音期間兩部機其實都係用佢自己嘅電池運作），你哋喜歡邊個? 我就比較buy i3，i5好似少咁啲嘢就變得比較平面化。從呢個實驗發現咗一個事實，就係音質同主板運算速度冇關。噉樣究竟乜嘢導致聲音嘅變化呢? 可能有以下嘅因素: 1. Fan i3部notebook系fanless，但i5有把高速風扇。風扇轉動不但產生可聞嘅吱吱聲，佢仲會污染咗相關嘅電源加上風扇轉動產生咗不斷變化嘅磁場，亦都影響周邊嘅設備。 2. CPU i5內部結構絕對同i3不一樣，會唔會產生多餘嘅噪音有待證實。 3. 硬碟 i3係用HDD反觀i5係用SSD，Foobar2000暫存器已經設定為500000B，即是差唔多接近成隻碟都可以一次過擺咗落去才播放。所以HDD只會響播放前讀一次落去ram就會停止轉動，但係SSD會將資料不斷搬嚟搬去可能產生無謂嘅噪音。係咪噉樣亦都係有待證實。 4. OS i3係用Win10 pro而i5係用Win11 pro，會否如坊間報導因為Win11對foobar2000支援不足而產生無謂嘅噪音，同樣係有待證實。 以上四個問題都係需要找到類似嘅notebook再作實驗才能夠一一剔除。 最後修改時間: 2024-08-10 23:13:13 |
DY2036 正式會員 124.xxx.xxx.26 |
2024-08-10 23:12 |
| [#1207] Any Fanling or Sheung Shui hifi friends 4 而家講開網絡播放器，好多師兄雖然用緊但係響佢心目中音質未必去到佢心目中嘅水平，祇不過使用上係比較方便仲可以聽到好多自己冇嘅音樂。當然有個別品牌或品牌嘅高級型號有相當出眾嘅音效，但係其實我都諗緊點解比較多嘅網絡播放器出嚟嘅音效都係一般。我諗到其中一個主要原因或者廠商可以考慮考慮。 同一粒MCU負責網絡傳輸同埋DAC控制功能，兼職自然唔能夠好得過全職工作。所以我建議機裏面應該分成兩個完全獨立部分，network和機上嘅一般控制用一粒MCU而DAC用另一粒獨立嘅MCU，兩塊板要有獨立嘅電源供應（包括電源牛）同埋地隔離。負責網樂嗰粒MCU每次應該響網絡音樂庫提取最少兩首完整嘅音樂資料擺響指定嘅寄存器。負責DAC嗰粒MCU經過光隔離從負責網絡嗰邊嘅暫存器般移檔案資料去到佢自己DAC暫存器，呢個時候DAC個粒MCU才作解碼播放，噉樣避免咗一面播一面攞資料產生無謂嘅雜訊。係咪咁樣會出好啲嘅聲音，呢個都係我想當然，唔好怪我嘅瘋人瘋語，唔跟係正常，跟可能你都系癡癡地。 最後修改時間: 2024-08-11 11:12:24 |
DY2036 正式會員 124.xxx.xxx.26 |
2024-08-11 11:09 |
| [#1208] Any Fanling or Sheung Shui hifi friends 4 響音樂展裏面聽過呢對日本品牌嘅喇叭，對佢嘅音效簡直刮目相。如果你講我聽到低音好勁，對唔住呢個低音未入流。如果你講我感受到嘅低音好震撼，噉呢對喇叭真係有料到，因為佢嘅低音震動咗你身體裏面所有內臟。呢度喇叭絕對做得到亦都做得好，不過都唔知點解一播粵語歌嘅人聲就會稍為覺得佢比較薄一啲，會唔會同場地所限? 所以如果要作一個更加公平嘅評論就要上去代理聽一聽。  最後修改時間: 2024-08-11 11:42:34 |
DY2036 正式會員 124.xxx.xxx.26 |
2024-08-11 11:42 |
| [#1209] Any Fanling or Sheung Shui hifi friends 4 今年相對比較多參展商用LP作音源，有個別幾間嘅音效真係唔錯。 至於呢一間國產貨音樂大師出嚟嘅聲都相當唔錯，推動力同低頻都幾厲害，當你知道佢價錢只係三四萬就更加眼都眨幾下。 呢間靜電喇叭好似掛咗對對聯，我只可以講佢純粹係展示佢嘅技術，唔講得乜嘢好聲。淨係睇個吊架就十足似健身室嗰啲器材，你話點入得屋。   最後修改時間: 2024-08-11 20:47:55 |
DY2036 正式會員 124.xxx.xxx.26 |
2024-08-11 20:46 |
| [#1210] Any Fanling or Sheung Shui hifi friends 4 響大廳裏面有一檔主持人晌度介紹緊其中一隻示範音樂（一隊已解散咗嘅香港二人樂隊），佢話原音呢隻比起嗰隻re-mix版本音效好好多，所以就攞呢隻原音嘅歌嚟播放。我聽完佢噉講我都相當好奇，因爲我平時貪過癮就鍾意播嗰隻re-mix版本，既然佢噉講我即管聽聽乜嘢料。點知一開聲真係要講一聲乜嘢料阿，一啲punch都冇仲唔速速離開。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-12 00:00:38 |
DY2036 正式會員 124.xxx.xxx.26 |
2024-08-11 23:59 |
| [#1211] Any Fanling or Sheung Shui hifi friends 4 上年用大會指定嘅碟泰迪羅賓嗰隻歌巧起咗唔少器材，印象之中祇有一套聽得相當過癮。今年我個老友故伎重施，不過又唔係間間肯接受點播。今次我哋用夏韶聲嗰隻歌，唔知點解基本上嗰幾間肯播嘅器材，夏韶聲嘅喉底音唔見咗（所謂厚聲），變成咗成個音域好似升高咗一兩個key聽起上嚟好怪。我同我朋友講個聲好似唔對路，我朋友就話可能係隻碟錄音嘅問題因為呢隻係Live，加上之前我哋都冇聽過呢隻歌更加唔肯定佢嘅聲效係點樣。不過單憑我聽左大會送嗰隻碟咁多年我比較相信呢隊團隊，絕對唔會張咁差音效嘅歌擺落隻碟度。所以我返到屋企即刻聽返呢隻歌，果然絕對唔係咁差，不過比起佢原裝嗰隻碟人聲嘅厚度和動態就爭咗少少。 噉點解響現場佢哋會播得比較差，播放低音佢可以好勁高音可以好多，但偏偏人聲呢一部分就唔知點解比較差，唔通真係現場環境嘅問題。 另外隻歌開頭嗰段吉他有啲似某隻好出名嘅英文歌（xx酒店）。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-12 23:33:02 |
DY2036 正式會員 124.xxx.xxx.26 |
2024-08-12 23:31 |
| [#1212] Any Fanling or Sheung Shui hifi friends 4 各位師兄去音響展當然懷有唔同嘅目的，有啲純粹掃一啲平咗嘅碟就走。不過我諗大多數都係希望親身近距離睇下心儀嘅器材，同埋聽聽佢推送出嚟嘅音樂。因為呢度係唯一可以一次過聽曬咁多超級器材又唔使俾人白眼嘅地方。 不過有啲主持人就真係唔生銹，特別係金仔嗰檔嘢，搵咗幾個架仔老人家駐場。佢哋摣住成本回憶錄慢慢講同佢演奏家點樣互動，點樣交流...。跟住就播三隻唔同製作嘅碟，各自唔夠半分鐘，架伯就問大家聽唔聽到個分別，特別係後面嗰兩隻紅色label同綠色label。大多數師兄都覺得綠色label嗰隻好聲啲，跟住個阿伯就響度講佢嘅理論。佢話laser系紅色用紅色label就會導致laser會產生漫射作用影響到讀碟嘅準確度所以影響左音質，綠色label就會吸收左部分laser光所以重播嘅聲會靚啲。聽完佢嘅偉論我心裏面諗嘅第一句說話就係「唔x係化!」，我以為日本經濟沉寂咗30年，估唔到連日本人都匿埋響個山窿裏面30年先走返出嚟。玩綠色油筆油CD中間坑槽同埋個外圓邊，呢啲已經係幾十年前嘅玩意，而家佢哋竟然當係新發現，怪唔得佢哋嘅經濟一沉都難起。所以點解金碟個聲會好啲，就係減低咗反射率。棟咗響度廿幾分鐘聽咗分零鐘音樂仲係分三段，真係嘥我時間即刻走人。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-13 20:20:14 |
DY2036 正式會員 124.xxx.xxx.26 |
2024-08-13 20:19 |
| [#1213] Any Fanling or Sheung Shui hifi friends 4 如果你係一個推銷員，公司叫你去非洲推銷波鞋，你覺得呢個係機遇定係催命符。當然非洲大多數人從來都冇著鞋，噉你突然間要佢畀錢買對鞋，當然唔係大平賣因為這種產品響當地係冇需求，要成功賣得出你就要無中生有產生需求。呢個純粹智力遊戲，最簡單嘅做法就係畀錢族長或者巫師，並且提供最貴嗰幾對波鞋畀佢哋每一日都著住。噉樣當地嘅族人因為崇拜佢哋嘅領袖，自然領袖所做嘅一切都會令到所有族人去跟隨。隨時間流逝就會越嚟越多人去買波鞋。 同一道理一個新牌子要打響名堂當然佢嘅設計和款式要出眾，如果你響雜誌成日見啲名人經常帶響身邊或者手上，嗰種產品距離成功都不遠。你睇下華為用嘅策略都差唔多，有一段時間過嚟開會嘅政要基本上都會免費贈送一部頂級手機，如果一個國家嘅領導都用某牌子嘅手機嘅話，噉呢個免費宣傳嘅效果就相當巨大。 講咗咁耐同HiFi有乜關係，其實商家佬個做法都係一樣，你唔肯去換機我就想盡方法要你換。如果隻隻錄音都正正常常噉唔會有乜動力叫人去換機，所以就要出一啲唔正常嘅錄音，有啲特別強調個低音，有的強調動態，有啲特別強調嘅人聲，有啲就強調高音。為咗要播放呢啲咁唔正常嘅錄音要得到覺得正常嘅效果，換下器材換下線材最終都係破下財就少不免。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-15 01:24:22 |
DY2036 正式會員 124.xxx.xxx.26 |
2024-08-15 01:23 |
| [#1214] Any Fanling or Sheung Shui hifi friends 4 所以習太用平果、用二大利手袋，全國都追捧! ha! |
bigleung 正式會員 223.xxx.xxx.197 |
2024-08-15 08:43 |
| [#1215] Any Fanling or Sheung Shui hifi friends 4 可能知己知彼才可以百戰百勝，好早之前就聽聞有人賣腎買愛瘋，而家都冇乜呢啲新聞。 |
DY2036 正式會員 14.xxx.xxx.27 |
2024-08-15 10:52 |
| [#1216] Any Fanling or Sheung Shui hifi friends 4 CAS notebook part 2: i3 7th 8G ram HDD 1T （fanless） Win10 pro i7 8G ram SSD 500G Win10 pro 所有錄音都是DIY信號線接響DAC同擴音機之間，魔改擴音機在推喇叭之後再用咪收錄。 i3 HDD Fanless Win10 pro - Recording A i7 SSD Win10 pro - Recording A i3 HDD Fanless Win10 pro - Recording B i7 SSD Win10 pro - Recording B 最後修改時間: 2024-08-16 21:15:25 |
DY2036 正式會員 124.xxx.xxx.26 |
2024-08-16 21:14 |
| [#1217] Any Fanling or Sheung Shui hifi friends 4 特此聲明: 呢個唔係精密科技，所以如果你睇完呢篇老作嘅嘢之後心裏面覺得有極大疑問導致唔舒服，純粹可能今日嘅日子比較特別，絕對同呢篇文章無關。 比較過呢兩個錄音都係i3好好多，要分析呢兩部機相同之處就祇有嗰個OS（Win10 pro），噉樣可能間接證明系統嘅OS對音效嘅影響唔係太大。如果用排除法，CPU可能性都唔高，雖然嗰粒係i7 7th但係當佢嘅工作唔係咁繁忙嘅時候其實佢都係行緊比較低轉數嘅core。剩落嚟就淨返風扇同埋硬碟，i7部notebook係用舊式風扇，轉速比較低反而嗰部i5就用啲微型風扇但係轉速非常高（吱吱聲），所以我直覺同風扇應該都冇乜大關係。最後輪到硬碟（HDD和SSD），最好就係有一隻1T SSD張成個系統抄過去，然後用SSD boot機再做比較。不過呢個牽涉資源，我哋呢啲業餘嘅玩家最缺就係資源，幾時可以做到呢個測試，唔係無可能不過要睇緣分。 |
DY2036 正式會員 14.xxx.xxx.24 |
2024-08-17 16:30 |
| [#1218] Any Fanling or Sheung Shui hifi friends 4 DY2036 hing 你玩到無嘢好玩?! 下次去計ram? |
bigleung 正式會員 223.xxx.xxx.197 |
2024-08-17 17:09 |
| [#1219] Any Fanling or Sheung Shui hifi friends 4 唔係冇嘢玩，好多人都話CAS啲聲係差啲，噉究竟係乜原因呢? 我祇不過嘗試在唔需要花錢嘅情況探討呢個問題。SSD都係打算借返嚟。 好早之前比較過用USB port插手指當儲存器播放歌曲，出嚟嘅結果就係手指速度越快聲音越正常，當時用SSD手指最好聲，但一比起內置硬盤都輸一個身位。當然我覺得如果真係要用外置硬盤，又怕地線回路嘅噪音最好用光纖連接。所以點解我對Lumin U2有興趣就係噉解。 最後修改時間: 2024-08-17 18:13:59 |
DY2036 正式會員 14.xxx.xxx.247 |
2024-08-17 17:58 |
| [#1220] Any Fanling or Sheung Shui hifi friends 4 i.c. |
bigleung 正式會員 223.xxx.xxx.197 |
2024-08-17 22:45 |
