兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1461] Any Fanling or Sheung Shui hifi friends 4 你信唔信宿命論，人嘅一生或者人類嘅發展係咪已經喺一本已經寫好咗佢嘅劇本，預言家或者相士只不過係有能力走前啲去睇返個劇本。如果真係咁當遇到逆境嗰陣時可能你會感覺非常乏力，因為你會覺得呢個係天意不能逆轉。當然有啲人會積極啲想挑戰呢個天命，嘗試say no。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-14 21:42:56 |
DY2036 正式會員124.xxx.xxx.26 |
2025-07-14 21:42 | |
|
|
|||
| [#1462] Any Fanling or Sheung Shui hifi friends 4 而家啲微縮影真係做到幾可亂真。       最後修改時間: 2025-07-17 20:10:03 |
DY2036 正式會員 124.xxx.xxx.26 |
2025-07-17 20:08 |
| [#1463] Any Fanling or Sheung Shui hifi friends 4 響另一邊post睇到以下呢幾個字： Plastic, paper in oil, telfon, surface charge...etc. 或者我癲癲地都襯下熱鬧，兩塊金屬中間夾住絕緣體呢個就叫做電容，兩塊金屬面越近電容量越大。至於絕緣體嘅材質基本上係唔會影響電容嘅容量，但係會影響咗兩塊金屬之間嘅漏電電流。 Telfon係好好嘅絕緣體最主要功能係減少咗漏電，如果正負兩條線之間嘅絕緣體厚度相同，同軸線嘅容值會大過雙繞線，平行線嘅容值係最細。如果拉開兩條平行線距離容值可以進一步降低同時漏電電流可以趨向無限細（不過要解決噪音和外來幹擾呢個問題）。 靜電嘅產生主要係兩層絕緣體（塑膠）之間嘅摩擦導致，當然用telfon或者油浸紙油浸布呢類絕緣材質可以減少靜電嘅產生但不能完全杜絕。唯一比較好嘅解決方法就係唔畀兩層絕緣體同時出現，即係話兩層絕緣體之間必須有一層導電體隔開。 當然線材上面嘅寄生電容同漏電電流係有方法可以解決，不過就唔會響呢度討論呢個問題。 最後修改時間: 2025-07-17 21:26:03 |
DY2036 正式會員 124.xxx.xxx.26 |
2025-07-17 21:25 |
| [#1464] Any Fanling or Sheung Shui hifi friends 4 精選碟總有好多捧場客特別係主要集中嗰啲知名嘅歌手，但係如果好多知名嘅歌手合作錄製一隻音樂咁會唔會係更加驚喜呢。但係經驗告訴我哋通常出現呢啲歌嘅時候，可能有啲地區或者國家甚至全世界總會有啲唔係太好嘅事情發生咗，才會打破咗利益嘅限制共同合作錄製依一類型嘅歌曲。不過有啲歌都係歌頌某個行業或者阻止一啲歪風嘅盛行。 之前播咗一隻國語歌當然響中文世界裏面唔只得呢隻仲有以下呢一兩首： DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-18 23:48:11 |
DY2036 正式會員 124.xxx.xxx.26 |
2025-07-18 23:47 |
| [#1465] Any Fanling or Sheung Shui hifi friends 4 古時皇帝相當迷信，特別對天文異象會是否天有一啲啟示，當然唔係個個皇帝對天文地理都咁認識所以會有個職位叫做陰天鑑，佢有絕對解釋權甚至可以影響皇帝嘅決策。 不過有時我哋其實都遺傳咗呢啲迷信，有時望下個鐘發現有幾次出現疊字例如11：11或者22：22會特別覺得係咪有啲啟示。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-20 17:18:12 |
DY2036 正式會員 124.xxx.xxx.26 |
2025-07-20 17:17 |
| [#1466] Any Fanling or Sheung Shui hifi friends 4 #1464 最後修改時間: 2025-07-20 20:24:34 |
bigleung 正式會員 118.xxx.xxx.184 |
2025-07-20 20:24 |
| [#1467] Any Fanling or Sheung Shui hifi friends 4 bigleung hing無任歡迎。 經過上次9號風球冇車搭要流浪街頭之後，從此對天文台發出嘅風暴警告特別留意，既然有機會打九號風球自然邊度都唔想去，留喺屋企錄咗幾隻音樂。呢啲音樂我諗佢嘅年紀分分鐘大過你同我，第一首音樂一起我就諗起粵語殘片陳寶珠、蕭芳芳嗰啲迷幻派對嘅場景。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-20 23:48:58 |
DY2036 正式會員 124.xxx.xxx.26 |
2025-07-20 23:47 |
| [#1468] Any Fanling or Sheung Shui hifi friends 4 The Shadows - Apache 超過一個甲子，而家聽都覺得好正! |
bigleung 正式會員 118.xxx.xxx.184 |
2025-07-21 21:20 |
| [#1469] Any Fanling or Sheung Shui hifi friends 4 有時候搵d片睇吓，雖然唔係咩嘢靚聲，但懷緬之情，也值得回味。 |
bigleung 正式會員 118.xxx.xxx.184 |
2025-07-21 21:29 |
| [#1470] Any Fanling or Sheung Shui hifi friends 4 師兄隻Live都幾好feel，估唔到個鬼佬年紀咁大都仲咁好中氣。 嚟緊呢隻歌唔知嗰年份會唔會更加久遠，因為一聽頭幾粒音，腦裏面就出現新馬師曾嘅形象當然佢唔係響度唱大戲，而係一套粵語殘片嘅時裝劇。大概嘅劇情就應該係佢追緊個賊，追追下大家索氣停咗響度喘氣，跟住當然要唱下歌仔：「賊佬...企定...旭親...攞你命。」。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-21 23:16:16 |
DY2036 正式會員 124.xxx.xxx.26 |
2025-07-21 23:15 |
| [#1471] Any Fanling or Sheung Shui hifi friends 4 細個嗰陣時有睇嗰啲西部牛仔片，佢哋完美地顯示咗乜嘢叫做叢林法則，西方嘅信念就係弱肉強食，勝者要曬。 好似啲牛仔片通常有一個陌生人騎住隻馬去到一個小鎮，咁自然就去鎮上唯一間酒吧，當佢一推開度摺門坐響度嘅酒客全部回頭望住呢個陌生人，當然有好多都懷有敵視嘅眼光，有唔少人隻手已經放咗響支槍上面。就係咁望得兩望眼超超就打起上嚟，最終梗係重頭戲響街嗰度鬥快開槍互相比拼，當然強者先可以生存。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-23 21:35:07 |
DY2036 正式會員 124.xxx.xxx.26 |
2025-07-23 21:32 |
| [#1472] Any Fanling or Sheung Shui hifi friends 4 睇咗隔離post播放一啲賣藥廣告之後腦裏面忽然間諗起一啲嘢嘅不吐不快。 第一無論係產品推廣或者代理銷售，新一代嘅產品當然絕對應該要優勝過舊一代，亦都必須清楚優勝嘅地方從而播放相關嘅音樂突出依方面嘅優點。但係過程中最失敗嘅地方就係不斷踩前一代產品啲聲音點樣不滯，點樣冇動態聲音模糊音場狹窄。我諗明年出一部新機嘅時候同樣嘅套路會套落返今日推廣呢部機身上，如果我年年嚟咁你係咪玩我定係愚弄我呢。我覺得推廣係應該講新機進步嘅地方而唔需要貶低之前嗰部機，因為而家流行一句說話：「沒有最好，只有更好。」。 成日強調嘅聲音嘅分別，當然用相同嘅接線相同嘅擴音機相同喇叭理應得出公平嘅結果，不過好多依類嘅比較都忽略咗一個非常重要嘅地方，就係兩部機嘅輸出電平是否絕對一致。我覺得做比較之前係需要用一隻測試碟同埋聲壓錶作測量，調教到一至才作比較先至公平。因為如果有部機聲音大啲當然聽覺上音場闊度聲音動態低音強度等等都會錯覺上以為有所改進。 另外片裏面成日強調嘅微動態，樂器線條蒙糊同微動態絕對有直接關連，因為分析力不足微動態基本上淹沒咗響呢啲噪音或者失真之下。咁究竟微動態反應響乜嘢地方？我諗聽人聲係容易聽到佢嘅分別，如果冇微動態人聲會比較平面啲，相反人聲係比較立體。平面就相當於個你聽到個歌手響度好從容咁唱歌冇乜特別，但係立體就係你感覺到個歌手個嘴型大細、運氣強弱、面部表情甚至係當時嘅心情。可能有師兄覺得立體同平面都係好虛無嘅講法，我都覺得係因為形容聲音真係比較困難，或者索性去片... 應該去歌先啱。 相同嘅器材相同嘅音量其中一個錄音只係響擴音機上面開咗一件物體，而呢件物體並不存在於整個音響線路包括電源，但係只要畀電佢就會影響咗個音場變得平面一啲。明顯地微動態少啲嗰個錄音歌手嘅氣量相對地減弱，動態收縮感情投入不足樂器線條相對冇咁清晰。 我之前都講過一套音響系統先要有高分析力，高分析力如果冇諧波就會乾澀，所以高分析力之後下一步就要搵返啲諧波（頻寬），當有足夠諧波嘅情況之下就要發掘返啲微動態（信躁比），呢個就係由HiFi邁向HiEnd嘅過程。 最後修改時間: 2025-07-24 21:51:20 |
DY2036 正式會員 124.xxx.xxx.26 |
2025-07-24 21:34 |
| [#1473] Any Fanling or Sheung Shui hifi friends 4 如果有返咁上下年紀咁對呢隻音樂應該非常熟悉，因為當時電視台嘅收入主要都係靠呢類唔健康嘅產品養起。就算你唔用佢呢隻產品，但係對呢個品牌都相當受落並追捧佢出嘅其他週邊產品。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-26 01:15:55 |
DY2036 正式會員 124.xxx.xxx.26 |
2025-07-26 01:15 |
| [#1474] Any Fanling or Sheung Shui hifi friends 4 #1472 商業社會係咁，既然沒有最好，只有更好，所以一般人買新款；但若你熟悉某類產品製造技術，你便會知道，技術只是兜圈，剌激購買慾，沒有多大進步。 hi-fi、相機、汽車、手錶、單車、跑鞋........... |
bigleung 正式會員 118.xxx.xxx.184 |
2025-07-26 08:51 |
| [#1475] Any Fanling or Sheung Shui hifi friends 4 講開商業社會我就想講個故仔： 幾十年前我係某個牌子嘅忠實勇凳Tim......，佢嘅鞋唔平不過通常我都係大減價先去買，點解買佢因為佢啲鞋特別襟日日著都起碼著到四年，其他可能兩年換一對咁圍起條數隨笨都有精。當時我特別鍾意短筒防水透氣Gore-Tex嗰隻款，以前一年365日總之出街無論工作、行山和行街我都係著呢對鞋。呢對鞋唯一缺點就睇落好似好腫脹厚實，一望落去就覺得會好焗當然實際唔係。以前有份工每個禮拜最少都要飛大陸一次去驗廠，過大陸關嘅時候特別係夏天啲關員見到你隻鞋咁厚又短靴就梗係特別懷疑，試過幾次都要剝鞋過x光機。雖然有時比較麻煩但係我對佢都係不離不棄，著壞一對即時再買另一對相同款。但當我想買第三次嘅時候唔好意思已經冇出，神奇地再經過6-7年呢隻款嘅鞋再次重現江湖，我當然即刻再買。不過今次商家佬終於明白乜嘢叫做持續增長，就係偷工減料將個鞋底用以前比較硬嘅膠變成比較容易磨損嘅膠底，唔使兩年對鞋就報廢，從此我再唔係呢個牌子嘅fans。 唉年紀大啦又想當年，不如講返音樂： 市面上有好多唔同種類嘅音樂或者歌曲，因為唔同人有唔同喜愛所以各有各市場。有啲師兄鍾意聽低音，有啲師兄就鍾意聽國內嗰啲所謂嘅女聲發燒碟，有啲就鍾意聽交響樂嘭嘭聲。 市場上亦都有一類標榜試音碟，當然如果講得做試音碟，咁自然可能裏面會有高中低音試頻寬、大動態試響應同埋大堆頭試器材嘅分析力。呢啲音樂主要刺激人嘅官能絕對唔係陶冶性情嘅音樂，跟住播嗰隻音樂我諗會將就快瞓著嘅你叫返醒。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-27 22:12:37 |
DY2036 正式會員 124.xxx.xxx.26 |
2025-07-27 22:11 |
| [#1476] Any Fanling or Sheung Shui hifi friends 4 有時睇電視都會畀啲電視機自己嘅反射光影響觀賞嘅質素，特別係睇啲恐怖片驚慄片。不過呢個問題只要你響反光嘅電視枱面加快不反光嘅布咁就自然解決咗呢個問題，當堂增加咗睇電視嘅樂趣。   最後修改時間: 2025-07-31 22:42:04 |
DY2036 正式會員 124.xxx.xxx.26 |
2025-07-31 22:41 |
| [#1477] Any Fanling or Sheung Shui hifi friends 4 警告...警告...警告... 請將音量收細...請將音量收細...請將音量收細... 重要嘅事情要講三次，因為嚟緊呢三首音樂動態都相當厲害，音量把持得不好分分鐘耳膜都穿埋。 事源睇到有師兄播呢隻碟，突然間觸發起我嘅興趣所以錄咗三隻歌。呢隻品牌嘅CD就算係正正經經嘅交響樂佢嘅音響效果都會相對突出一啲，有啲歌會喺前面加段特別效果，如果第一次播稍有不慎音量鈕大咗分分鐘連喇叭都燒埋。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-07-31 23:53:45 |
DY2036 正式會員 124.xxx.xxx.26 |
2025-07-31 23:53 |
| [#1478] Any Fanling or Sheung Shui hifi friends 4 有時聽人講無欲無求，我諗響現代生活嘅人真係好難做到，不過人類嘅進步亦都就係對現實嘅不滿要追求無止境嘅進步。 擴音機線路究竟係AC放大或者係DC放大已經並存咗一段好長時間，有啲名牌貴價擴音機就算佢可以放大DC都可能刻意加隻輸入電容隔絕前一級直流電（漏電）對佢或者喇叭嘅致命影響。有啲設計就響輸入嗰度加隻音響牛去隔絕機與機之間嘅地線漏電，但係似乎大家對佢嘅設計亦都冇乜投訴。講真我細嗰陣時所有擴音機基本上都有個啞音掣，主要作用就係過濾咗因為黑膠碟炒魷魚導致嘅超低頻對音樂再生嘅影響。當大家都討論緊輸入電容同埋陰極旁路電容對低頻嘅影響嘅時候（係咪每個人套器材都聽得出？），似乎忽略咗電子管嘅輸出牛，呢隻牛會對輸出嘅低頻有限制兼且會產生相移，如果唔係全面改善似乎都係徒勞無功。 呢隻輸出牛不但限制咗低頻嘅頻率，佢仲會限制咗總輸出功率，任你喇叭阻抗變化幾大佢嘅總輸出功率都不會變（只會變細不會變大），同晶體管機唔同喇叭阻抗越細輸出功率越大。所以如果你鍾意聽啲大動態嘅音樂，響物理角度去考量晶體管機都係不二之選。另外有唔少師兄玩緊分音器例如Cello Palette，如果你打開部機裏面都有大量嘅電容，你話佢唔好聲我諗好多人會持相反嘅意見。 自我申報我部擴音機係單端電源，電壓唔高過26伏，輸入輸出、回輸路徑同埋自舉電路全部都有E-cap嘅身影。講真睇完咁多師兄嘅討論，搞到我聽聽下自己嗰部cheap機都好似覺得低音不足、動態唔夠、分析力似乎都係好弱、係咪要抌咗佢呢? 不過都係咪抌住，琴日先錄咗三隻歌啱啱播咗一隻，咁不如播埋嗰兩隻先算。 都係嗰句： 警告...警告...警告... 請將音量收細...請將音量收細...請將音量收細... DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-01 21:30:27 |
DY2036 正式會員 124.xxx.xxx.26 |
2025-08-01 21:29 |
| [#1479] Any Fanling or Sheung Shui hifi friends 4 呢個世界啲人已經係癲咗，有個癲佬為咗自己嘅霸權同利益竟然逼到一個擁有毀滅地球武器嘅國家去到牆角。佢哋呢班鉤鼻傻佬賭嘅就係諗住對方唔會使用呢啲大殺傷力武器，但係呢班傻佬不斷提供可以攻擊到佢首都嘅武器，兼且仲運送一啲大殺傷力武器去佢週邊國家。如果一個人畀人凌遲，初初為咗唔攬住一齊死可能畀你戒幾刀都未必還手，但係對方就以為你怕咗佢更多刀捅埋嚟，去到某個程度如果都就快畀你殺死嘅話咁你話對方會唔會還手。中國有句至理名言：「趕狗入窮巷，對方必定反撲一啖。」 嚟緊呢隻音樂後面嗰幾秒有一下聲音，暫時只有一個國家嘅人民聽過兩次，好可惜都叫唔醒呢個國家嘅領導人珍惜和平。不過睇世界嘅局勢再咁樣落去，呢一下聲音會唔會響地球某一個角落再度響起。 都係嗰句： 警告...警告...警告... 請將音量收細...請將音量收細...請將音量收細... DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-02 19:04:14 |
DY2036 正式會員 124.xxx.xxx.26 |
2025-08-02 18:56 |
| [#1480] Any Fanling or Sheung Shui hifi friends 4 第三次世界大戰同核戰已經離我哋不遠。 |
DY2036 正式會員 124.xxx.xxx.26 |
2025-08-03 12:35 |
