兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1481] Any Fanling or Sheung Shui hifi friends 4 而家呢個年代每秒鐘都千變萬化，如果真係要擔心到世界會唔會毀滅，不如擔心下一個電話會唔會令你傾家蕩產。 只要仍然活在呢個世界，生活必須繼續。只可以接受呢個不完美嘅世界，要平衡呢個心理唯有對自己好一啲。呢幾日終於買咗部咖啡機，嚴格嚟講係第二次買咖啡機，不過上一部係淘寶買佢聲稱有18bar，當然最終梗係一巴巴咁樣星過去啦。呢隻牌子好似係我之前駐大陸嗰間專門生產OEM高級廚房電器廠生產嘅其中一個牌子，不過呢間廠部門內鬥得非常厲害，做咗一年我都頂唔順舉白旗走。臨走時上司同我講呢度所有產品你隨便攞件當禮物，當時我冇飲咖啡嘅習慣所以我揀咗隻多士爐。呢個多士爐我特別喜歡，因為佢係由一片鋼片屈成然後響上面燒塊頂蓋，之後再打磨成一片。佢特別之處係機身會有個弧度兼且非常纖瘦，十幾二十年前淨係呢個機殼成本都超過100蚊人民幣。     最後修改時間: 2025-08-03 16:17:10 |
DY2036 正式會員124.xxx.xxx.26 |
2025-08-03 16:16 | |
|
|
|||
| [#1482] Any Fanling or Sheung Shui hifi friends 4 咖啡嘅嘢飲開就一世，如果每朝沖出來感覺係幸福嘅就係幸福一世，一世其實唔會好長。 |
peter827 正式會員 182.xxx.xxx.8 |
2025-08-03 17:26 |
| [#1483] Any Fanling or Sheung Shui hifi friends 4 師兄其實我飲咖啡嘅目的可能同大多數人不一樣，不過當然一啲好嘅咖啡豆熱水沖出嚟嗰種香味就幾乎覆蓋整個廳。其實我主要睇重咖啡係一種極高嘅抗氧化飲料，可以平衡身體嘅酸性，類似好多人覺得熱氣走去涼茶舖飲杯涼茶一樣。 而家通常午飯嗰陣時會飲咖啡，其實我又冇話特別有乜嘢癮，一日唔飲又得，早午晚飲足三餐亦都冇問題。甚至去到夜晚十一點飲都唔會瞓唔著。 最後修改時間: 2025-08-03 18:19:51 |
DY2036 正式會員 124.xxx.xxx.26 |
2025-08-03 18:06 |
| [#1484] Any Fanling or Sheung Shui hifi friends 4 送禮物畀人當然希望對方開心，但係如果呢份禮物有可能令到自己終身抱憾嘅話，咁係咪應該三思再三思先決定係咪真係送出去。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-03 18:35:55 |
DY2036 正式會員 124.xxx.xxx.26 |
2025-08-03 18:35 |
| [#1485] Any Fanling or Sheung Shui hifi friends 4 瘋言瘋論: D類放大器篇 有時科技發達當然最重要就係便利咗大多數人嘅生活，或者將某啲產品嘅成本壓低從而致大多數市民都可以消費得起。當然新嘅技術初初都需要投入唔少開發成本，所以用咗新技術嘅產品起初必然昂貴。但係話返轉頭新嘅產品係咪就代表好過舊嘅產品，當然要啲人去接受一個新嘅事物兼且係一個更加昂貴但聲音質素未必更好嘅產品就需要同業同心協力一齊將佢吹捧上天先至得，同股市搭個雞棚引人落答一樣。 其實每次音響科技嘅進步主要都圍繞著減省成本和縮減體積呢個方向進發，即係好似由膽機轉原子粒機，由A類變成浮動A類，之後再變成AB類，咁都仲未算為咗進一步提升效率就發明咗G類同H類，更加由SMD取代傳統零件。以上嘅類別基本上環繞類比訊號作效率嘅提升，所以終極方案就係數碼訊號放大...D類。其實大家都明白失真最少就係A類放大器，之後發展出嚟嘅類別主要都係減省成本，例如減低散熱器嘅大細和降低電源牛嘅功率，濾波電容容值和產品嘅大細亦都可以進一步降低，自然生產成本同運輸成本亦都可以進一步壓縮。當然生產商嘅如意算盤同發燒友嘅接受能力未必同步，但係畢竟有分別能力嘅發燒友佔嘅市場份額相對偏少，就算呢類利潤大嘅產品佢唔啱聽市場上總會有啲其他產品可以招呼呢類奄尖發燒友。 D類放大器最主要技術就係響特定頻率嘅方波作寬度調整，方波係作為中介產品佢嘅質素佔據主導地位，即係話如果呢個方波有乜變形或者失真絕對影響最終音頻嘅質素。第一代D類放大器係用Mosfet作開關管，佢嘅音質低頻嚟講就無懈可擊但中高音就比較乾澀可能微動態欠奉。當然佢一代一代改善但係其實佢嘅改善就係慢慢走返去傳統放大器嘅套路，例如用傳統電源取代返開關電源，用A類放大器作電壓放大，D類芯片只作功率輸出。當生產商發明咗GaN fet管取代Mosfet之後，佢哋就揭露咗一個殘酷嘅現實就係用Mosfet作開關管嘅放大器佢嘅方波絕不完美，不但同輸入嘅方波寬度不一樣亦都有嚴重嘅延遲兼且有明顯嘅鈴震。試問用咁嘅方波作中介點可以完美還原返輸入嘅信號?當然睇幅圖就知道輸入信號頻率越高影響越大。相比起GaN fet管方波表現有明顯嘅改善，但係同理想嘅方波仍然有一定距離。 如果用佢嚟播放鄧麗君嘅歌曲唔能夠感動到我，我永遠都唔會接受D類放大器。   最後修改時間: 2025-08-05 23:59:26 |
DY2036 正式會員 124.xxx.xxx.26 |
2025-08-05 23:51 |
| [#1486] Any Fanling or Sheung Shui hifi friends 4 音響節又開鑼，當然入場費其實就係換返隻SACD碟。似乎有啲師兄對隻碟嘅質素唔係太滿意，不過我就覺得還可以，但係因為佢啲歌曲好雜亂其實就好少專登攞嚟播，反而可能會覺得佢其中某幾個錄音幾好就抽出嚟再錄比較多啲。 所以趁開羅前揀咗佢之前嗰啲碟嘅某幾隻中文歌幫佢贈下慶。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-08 00:29:22 |
DY2036 正式會員 124.xxx.xxx.26 |
2025-08-08 00:25 |
| [#1487] Any Fanling or Sheung Shui hifi friends 4 呢個禮拜初香港真係橫風橫雨，唔知點解今次就冇人出嚟講究竟係幾多年一遇，不過點都好啦而家天氣反常日本某啲地方半日都可以落足一個月嘅雨量。 以前買樓就最好響河邊有河景，響海邊就有海景，我諗而家買樓最好遠離啲水同斜坡，咁就命長久一啲。 既然咁多風雨，風行先咁樣先嚟一隻同風有關嘅歌 （Perfect Sound 2008）。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-08 21:19:43 |
DY2036 正式會員 124.xxx.xxx.26 |
2025-08-08 21:16 |
| [#1488] Any Fanling or Sheung Shui hifi friends 4 我錄得音嘅其實響現場聽都還可以，冇錄音嗰啲就...大家明白，當然未必一定係器材嘅問題可能係現場環境同倉卒setup嘅問題。現場播緊一啲大陸嘅味精碟，不過要播得好器材都要有唔錯嘅表現同埋現場擺放都要恰當才成。 呢部Sugden擴音機都要四字頭，可能有師兄覺得不如買部金仔合併機聽一段時間放返出去都值啲錢，當然呢個就係個人選擇。  2025 Hi-Fi show live record 最後修改時間: 2025-08-09 23:41:36 |
DY2036 正式會員 124.xxx.xxx.26 |
2025-08-09 23:36 |
[#1489] Any Fanling or Sheung Shui hifi friends 4  2025 Hi-Fi show live record 最後修改時間: 2025-08-09 23:58:53 |
DY2036 正式會員 124.xxx.xxx.26 |
2025-08-09 23:56 |
[#1490] Any Fanling or Sheung Shui hifi friends 4  2025 Hi-Fi show live record 年紀大記性差呢隻歌可能未必係呢一間房。 最後修改時間: 2025-08-10 00:21:33 |
DY2036 正式會員 124.xxx.xxx.26 |
2025-08-10 00:12 |
| [#1491] Any Fanling or Sheung Shui hifi friends 4 其實現場錄音有好多制肘，為咗防止被前面其他師兄遮擋所以我都選擇坐第一排中間嗰個位，可能因為咁變咗太近喇叭角度太大所以音域就唔係咁正常高中音有可能會偏低。有啲店主會開啲好勁低音嘅音樂當然我坐響度絕對感受到佢嘅震撼，但係好可惜錄音機個咪塊震膜已經超出佢嘅工作範圍就算我點樣將個gain撳低都冇用，最後變成冇乜低音，就係咁樣冇紀錄到震撼嘅一幕確係比較可惜。 另外想講講港產藍牙串流機，我睇見主持人坐響約我9呎距離範圍播放音樂嘅時候時有中斷，最尾個主持人索性將部手機擺響部藍牙機旁邊（響第二個場主持人都係將部手機擺響藍牙機旁邊）。有可能太多人集中響一個細地方以，太多手機訊號幹擾，我相信在一般家庭狀況之下應該冇呢個問題。 |
DY2036 正式會員 182.xxx.xxx.157 |
2025-08-10 13:19 |
[#1492] Any Fanling or Sheung Shui hifi friends 4  2025 Hi-Fi show live record 最後修改時間: 2025-08-10 20:22:54 |
DY2036 正式會員 124.xxx.xxx.26 |
2025-08-10 20:21 |
| [#1493] Any Fanling or Sheung Shui hifi friends 4 以下呢兩隻歌我都唔知響邊度錄，不過既然已經錄咗咁不如播埋畀大家聽。 2025 Hi-Fi show live record 最後修改時間: 2025-08-10 20:45:36 |
DY2036 正式會員 124.xxx.xxx.26 |
2025-08-10 20:43 |
[#1494] Any Fanling or Sheung Shui hifi friends 4  2025 Hi-Fi show live record 最後修改時間: 2025-08-10 20:54:41 |
DY2036 正式會員 124.xxx.xxx.26 |
2025-08-10 20:53 |
[#1495] Any Fanling or Sheung Shui hifi friends 4  2025 Hi-Fi show live record 最後修改時間: 2025-08-10 21:03:23 |
DY2036 正式會員 124.xxx.xxx.26 |
2025-08-10 21:02 |
| [#1496] Any Fanling or Sheung Shui hifi friends 4 希望冇搞錯。  2025 Hi-Fi show live record 最後修改時間: 2025-08-11 21:20:22 |
DY2036 正式會員 124.xxx.xxx.26 |
2025-08-11 21:18 |
| [#1497] Any Fanling or Sheung Shui hifi friends 4 有師兄講今屆贈送嗰隻SACD碟嘅音效麻麻地，我每隻歌都聽咗一段不過暫時唔發表任何意見。我錄咗第一首歌另外再加上佢原裝大碟同一首歌，我暫時唔講邊隻打邊隻或者大家聽聽有冇分別同埋更加喜歡邊一隻。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-14 00:47:26 |
DY2036 正式會員 124.xxx.xxx.26 |
2025-08-14 00:46 |
| [#1498] Any Fanling or Sheung Shui hifi friends 4 今年音響展都可以叫做搞搞震...好彩都有幫襯，買咗部睇似係cassette但實際又唔係cassette嘅DAP。  最後修改時間: 2025-08-15 23:18:39 |
DY2036 正式會員 124.xxx.xxx.26 |
2025-08-15 23:18 |
| [#1499] Any Fanling or Sheung Shui hifi friends 4 #1498 懷舊idea好好，但個樣唔夠似真walkman |
niceday009 正式會員 219.xxx.xxx.96 |
2025-08-15 23:36 |
| [#1500] Any Fanling or Sheung Shui hifi friends 4 雖然今年音響展派嗰隻碟無論音效同選曲都一般般，不過之前嗰啲碟其實都有唔少好嘅作品。 爭啲唔記得揭曉返個答案，嗰兩隻歌邊隻打邊隻。D75A 係今屆SACD裏面第一首歌，D75B自然係佢自己嘅原聲大碟，唔知各位覺得邊隻好聲啲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-15 23:54:00 |
DY2036 正式會員 124.xxx.xxx.26 |
2025-08-15 23:40 |
