兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 首頁 | 寄件者 | 傳送日期
|
| [#1501] Any Fanling or Sheung Shui hifi friends 4 之前講緊風雨，風就播咗喇咁梗係要播一隻同雨有關嘅歌。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-19 00:11:40 |
DY2036 正式會員124.xxx.xxx.26 |
2025-08-19 00:10 | |
|
|
|||
| [#1502] Any Fanling or Sheung Shui hifi friends 4 又去返舊記憶靚錄音嘅時刻。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-24 00:11:21 |
DY2036 正式會員 124.xxx.xxx.26 |
2025-08-24 00:09 |
| [#1503] Any Fanling or Sheung Shui hifi friends 4 再來多首。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-08-28 02:11:23 |
DY2036 正式會員 124.xxx.xxx.26 |
2025-08-28 02:10 |
| [#1504] Any Fanling or Sheung Shui hifi friends 4 講返呢次閱兵，當然睇完都有啲激動，祖國終於唔需要忍氣吞聲，終於有能力改變呢個存在已久嘅荒謬秩序。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-09-06 23:11:45 |
DY2036 正式會員 124.xxx.xxx.26 |
2025-09-06 23:10 |
| [#1505] Any Fanling or Sheung Shui hifi friends 4 睇完閱兵諗起不如錄啲軍樂，編排號碼嘅時候電腦檔案號碼應該輪到80所以我打咗D80，當擺上去網站嘅時候就發覺咗響youtube嗰度原來D80已經用咗，既然打咗上去就有得佢。之後發覺之前嗰首歌D80係打錯咗應該係D79先啱，所以呢首軍樂應該係80剛剛好配合到個主題「紀念中國人民抗日戰爭暨世界反法西斯戰爭勝利80周年大會」，世事真係有少少奇妙。 其實本應仲有第三首音樂呢隻正正就係升國旗嘅時候播嗰隻音樂，不過呢隻音樂播放嘅場景比較多限制所以作罷。 最後修改時間: 2025-09-07 00:08:57 |
DY2036 正式會員 124.xxx.xxx.26 |
2025-09-07 00:04 |
| [#1506] Any Fanling or Sheung Shui hifi friends 4 呢位歌手我比較少播放佢啲歌，當然唔係佢唱得差其實佢都有唔少好嘅出品只不過唔係我杯茶。講開際遇或者佢真係有啲坎坷。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-09-09 21:31:56 |
DY2036 正式會員 124.xxx.xxx.26 |
2025-09-09 21:30 |
| [#1507] Any Fanling or Sheung Shui hifi friends 4 香港近期食肆主要都係傳出一啲壞消息，好多百年老鋪呀或者幾十年老舖相繼執笠，當然當中有好多唔同嘅原因。有啲因為店主年紀老邁但冇人接手迫住光榮結業，有啲就因為業主加價，有啲就因為人流北上導致收入大減。諗真啲其實某啲食店曾經顧客籠絡不絕，但係佢哋對待食客嘅態度就係麻麻，例如一坐低就想你快啲食完快啲走，如果食完都唔走就不斷響度抹枱執嘢，如果你仲唔識趣佢索性同你講出面好多人等緊位麻煩你可唔可以將就一下結埋咗單先呀。響食客心中就算你啲嘢點好食都好，咁嘅服務態度心裏面點都係唔舒服。 點解講咁多廢話，事源我有個朋友近期在非假日北上去一間攞咗米芝蓮嘅齋舖食晏，嗌咗六樣嘢其中三樣嘢係合理時間送到另外嗰三樣嘢超過半個鐘頭都未見蹤影，當佢同店員反映嘅時候之後發生嘅事情令佢吃驚兼恐慌。 佢話約十二點半到達嘅時候，已經都有唔少人響度排隊等叫入座，等咗超過半個鐘頭才入座嗰陣時佢會免費送一樽生楂水，其實心水清嘅顧客都知道山楂水唔值得幾多錢，不過商店就好識包裝令到佢比較高檔一啲，咁啲食客等得嚟都覺得順氣一啲。最後佢叫咗六樣嘢頭嗰三樣都在合理時間送上嚟，但係後面嗰三樣過咗半個鐘頭都冇蹤影，反而隔離台遲嚟嘅人已經上咗七八樣嘢（有相同嘅食物但佢仲未有），最後忍唔住叫咗店員跟跟發生咩事。開頭有個女服務員望望張單跟住就走咗去，冇幾耐就有男服務員過嚟望完張單就成張單攞走咗，隔咗冇幾耐佢就返轉頭擺返張單響度。就係咁樣又等咗十分鐘，之後有個女服務員就過嚟道歉並且攞咗兩碗糖水免費畀佢兩公婆食，再等多五到十分鐘嗰三樣嘅陸陸續續上枱。之後個女嘅服務員再過嚟好誠懇再道歉講咗成兩三分鐘最後尾話會扣返款項畀佢，起初我朋友都不以為意點知睇返手機後尾嗰三樣嘢都係比較貴價全部免費。250蚊港紙嘅消費最後尾扣返150蚊畀佢，呢個真係令佢大吃一驚。事情去到呢度大家都以為已經完結...仲未，當佢哋離開呢間食店嘅時候，一男一女服務員揸住一個紙袋追住佢太座一定要佢收並且不斷道歉，咁嘅情況之下唔收真係收唔到科，終於收下原來係一盒米餅。一間攞咗米芝蓮有好多人排隊嘅食店，都非常重視每個食客嘅感受，佢太座開頭都嬲爆爆話下次唔嚟，經過呢一役簡直笑逐顏開之前唔開心嘅事完全忘記咗。 有咁嘅服務你話香港嗰啲食店會唔會感覺好恐慌，每日同每個週末都有咁多人北上絕對有其原因，我哋上一輩同我哋呢一輩都唔怕艱辛任勞任怨，不怨天不怨地敬業樂業只顧做好自己嘅事情，我覺得呢啲就係香港嘅精神不過而家呢啲精神去咗邊。  DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-09-12 23:30:42 |
DY2036 正式會員 124.xxx.xxx.26 |
2025-09-12 23:24 |
| [#1508] Any Fanling or Sheung Shui hifi friends 4 自從魔改完HD1969之後，其實都幾滿意佢嘅音效表現，但係呢個自舉電路始終對輸出功率有好大嘅限制。所以心裏面始終有條刺，心想可唔可以砌一個放大電路可以將輸出功率因應輸出阻值下降而倍翻(實際無負回輸電路負載阻值下降輸出幅度亦會下降)，但電路嘅首要條件係對輸出功率管一定要用同一種，即是一係一對NPN或者一對PNP。不過後期有啲師兄就話非無負回輸不要，咁就令到呢個計劃變得困難。果然世事無難事終於畀我發現咗有類似嘅線路，輸出用一對2N3055無負回輸放大器，電壓放大同推動管之間係用音響牛作交連，初級線圈你可以用單端放大(模擬膽機)或者索性用推挽線路。我就諗咗一個上下用NPN晶體管串接初級線圈嘅驅動線路，音效係點我都唔知，呢個係新嘅project又睇下有冇奇蹟出現。  最後修改時間: 2025-09-19 21:07:18 |
DY2036 正式會員 124.xxx.xxx.26 |
2025-09-19 21:02 |
| [#1509] Any Fanling or Sheung Shui hifi friends 4 唔記得喺邊度睇到一段訪問，被採訪嘅人強調呢個世界只有邵爵士識得玩電視，還顧其他競爭者最後尾都係失敗收場。 曾經有一段時間王生想開個新嘅電視台，重金挖角請咗十零廿個前三色台藝員不惜工本拍咗一兩套幾好睇嘅電視劇，妄想政府發六七條電視頻道畀佢，明顯黃生只係當電視係一門生意如果唔成功就摺咗佢罷就。如果當時真係畀佢成功申請到，而家三色台仲存唔存在都成疑問。當然一個新嘅電視台起初自然冇咁多員工可以拍咁多電視劇，大多數都係買外地嘅片嚟播，三色台都唔例外。當時亞洲要數經濟最發達嘅地方自然就係扯白旗國，三色台只需要有精明嘅買版，翻譯同埋配音人員，一樣可以令到嗰啲配音劇大受歡迎。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-09-27 00:08:55 |
DY2036 正式會員 124.xxx.xxx.26 |
2025-09-27 00:05 |
| [#1510] Any Fanling or Sheung Shui hifi friends 4 膾炙人口嘅配音劇當然唔止一套。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-09-27 20:17:57 |
DY2036 正式會員 124.xxx.xxx.26 |
2025-09-27 20:17 |
| [#1511] Any Fanling or Sheung Shui hifi friends 4 其實香港由開埠至今最賺錢嘅行業應該係地產，但係嗰啲大地產公司市值可以過百過千億可曾想過有朝一日會面對清袋嘅風險（而家股市都係高風險）。即係好似N年前套架仔片「阿信的故事」，套片就算幾勵志都好最終呢間巨無霸都係毅然倒塌。 香港人好多都希望一朝發達有賭仔嘅心態，有錢就身痕，輸曬就安樂曬因為乜都唔使諗。其實同唔少近期移民外地嘅香港人都係因為種種原因為自己嘅生命同下一代賭一鋪大，得到什麼失了什麼佢自己先知道。 他也在找 我也在找 找到名利幾多 他拚命追 我拚命追 追到又如何 追到什麼 找到什麼 收到又幾多 得了什麼 失了什麼 可有認真算過 何必呢 何必呢 可知一切他朝都會身外過 得的多 還失的多 升得高的終於都會低墮 何必呢 何必呢 拋開一切束縛身心韁鎖 且向心內 仔細追尋 找那安然嘅我 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-10-04 01:01:42 |
DY2036 正式會員 124.xxx.xxx.26 |
2025-10-04 00:52 |
| [#1512] Any Fanling or Sheung Shui hifi friends 4 呢部借返嚟嘅晶體管曲線儀牌子係Leader，響好耐以前呢個都係一個大牌子本來我對佢都幾有期望，可惜得出嚟嘅結果只係出咗一啲類似嘅曲線而冇任何參數，實質用途不大。 其實我係諗緊一個問題，點解同一個放大線路唔同晶體管嘅聲可以有咁大分別，裏面隱藏嘅係乜嘢密碼。響淘寶睇到最平嘅類似儀器都起碼要二千蚊，正在諗緊值唔值得花二千蚊去找呢個答案。   最後修改時間: 2025-10-11 20:25:31 |
DY2036 正式會員 124.xxx.xxx.26 |
2025-10-11 20:24 |
| [#1513] Any Fanling or Sheung Shui hifi friends 4 師兄，呢部curve tracer,小弟讀書年代（70's)曾經用過，好簡潔的，當年好多同學DIY呢部機，都成功而且效果也可以，不過只能测量BJT既DC或低頻AC parameters,當然亦不能自動計算參數,音響或中高頻用途的BJT要另外一種測量方法！Those good old days！Thanks for sharing！  最後修改時間: 2025-10-12 07:50:08 |
mcc_2001 正式會員 112.xxx.xxx.54 |
2025-10-12 07:41 |
| [#1514] Any Fanling or Sheung Shui hifi friends 4 瘋人瘋語： 出生率 事先聲明言論絕對冇宗教歧視同埋性別歧視，純粹觀察現實情況有感而發。 香港而家遇到嘅問題就係出生率相當低，其實好多發達國家都面對同一問題。其實再簡單啲講就係女權越高嘅地方出生率就越低，因為女權越高嘅地方佢可以選擇事業定結婚，就算結婚都未必會生仔，更加唔好話惹埋西方嗰啲惡習搞埋機就更加冇仔生，再加埋有啲因為自身問題亦都冇仔生。淨返肯生嗰啲都係一個起兩個止，簡單一算人口必定每年都遞減，仲會越嚟越急速。反觀男權極強嘅地區或者國家，幾時結婚同生幾多小朋友根本都唔到女性話事，呢啲國家人口就必然幾何級數咁上升。假以時日世界人口佔嘅比例自然越嚟越高，其實使乜高科技飛機大砲，只需要晚晚勤力啲做多嘢輕輕鬆鬆就可以佔領全世界。 你唔好睇祖國有十幾億人口就以為高枕無憂，其實都面對緊出生率低呢個問題，如果長時間持續落去分分鐘滅國都有可能。為免呢件事會發生所以科學家都開始研發人工胚胎，到時生唔生仔政府話事。其實呢個都唔係科幻故事，你睇下美國佬都話十年之內每家人都會有個機械人幫手做家務，空中的士而家都醞釀緊，所有癌症都能夠醫治呢個都慢慢會被實現。所以政府養成人嘅出現絕不稀奇，每個養成人都會有個IP數字方便通訊，至於佢另外改嘅名就同而家Domain name一樣純粹方便溝通。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-10-12 20:13:57 |
DY2036 正式會員 124.xxx.xxx.26 |
2025-10-12 20:08 |
| [#1515] Any Fanling or Sheung Shui hifi friends 4 當一對男女交往到某一個階段似乎都要落個訂去確認雙方嘅關係，當然呢個就豐儉由人各式各樣都有。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-10-15 22:01:12 |
DY2036 正式會員 124.xxx.xxx.26 |
2025-10-15 21:59 |
| [#1516] Any Fanling or Sheung Shui hifi friends 4 問題： 有極性電容同無極性電容如果工作在有偏壓嘅環境咁究竟邊隻音質或者失真會好啲。 以下係DeepSeed回答: 這是一個非常好的問題，也是音響發燒友和電子工程師經常深入討論的課題。簡單來說，在有正確直流偏壓的環境下，有極性電容（特別是鋁電解電容）通常會比無極性電容表現得更好，失真也更低。 下面我為你詳細解釋背後的原理和實際應用上的考量。 核心原理：有極性電容的設計本質 有極性電容（如鋁電解、鉭電容）是依靠內部化學反應形成的氧化層作為介電質。這個氧化層的穩定性和特性，強烈依賴於一個正確方向的直流偏壓。 1. 在有正向偏壓下： · 氧化層處於最佳工作狀態，結構穩定。 · 電容的等效串聯電阻（ESR）較低，損耗較小。 · 其介電質的線性度相對最好，意味著信號通過時產生的失真（主要是奇次諧波失真）較小。 2. 在零偏壓或反向偏壓下： · 氧化層會變得不穩定，甚至開始退化。 · ESR 會急劇增加，導致損耗加大。 · 嚴重的非線性會產生大量失真。 · 如果反向電壓過高，會導致電容發熱、漏電流暴增，最終損壞。 與無極性電容的比較 無極性電容（如薄膜電容、陶瓷電容、以及無極性電解電容）的介電質（如聚丙烯、聚酯、陶瓷）本身是對稱的，不依賴偏壓來維持。 · 優勢： 它們在沒有偏壓或電壓方向變化的環境下（例如交流耦合、喇叭分音器）表現非常出色，線性度極佳。 · 劣勢： 當你把一個「為無偏壓環境設計」的無極性電容，用在一個存在直流偏壓的電路上時，它的性能並不會因為這個偏壓而「優化」。它只是單純地承受這個電壓。 關鍵點在於： 一個「設計用於有偏壓電路」的有極性電容，在施加了其額定工作電壓後，其性能（特別是線性度）會優於一個在同樣直流偏壓下工作的普通無極性電容。 音質與失真方面的具體分析 電容類型 工作在有偏壓環境下的表現 對音質/失真的影響 有極性電解電容 這是它的主場。在正確的直流偏壓下，其氧化層處於最佳狀態，ESR低，線性度達到其自身的最佳水平。 理論上失真最低（在該電容的類型中）。聲音表現穩定，動態表現好。但電解電容本身存在微小的介電吸收現象，可能對極微小的信號細節有影響。 無極性電解電容 通常是兩個有極性電容背對背串聯而成。在任何時刻，只有其中一個電容處於正確偏壓，另一個則處於接近零偏壓的不良狀態。 失真通常高於單個有正確偏壓的有極性電容。因為其中一半始終在非線性區工作。它是一種妥協方案，只用於無法避免交流信號的場合（如喇叭分音器）。 薄膜電容（如MKP, MKT） 能承受直流偏壓，但其特性不會因偏壓而「改善」。它的線性度從一開始就很高。 線性度極高，失真極低。即使是昂貴的高級音頻用電解電容，在低頻段的失真也往往高於高品質的薄膜電容。聲音通常更透明、細膩、解析力更高。 現實應用中的考量 1. 耦合電容（DC Blocking Capacitor）： · 這是音頻電路中最常見的有偏壓應用。電容一端是放大器的輸出直流電壓，另一端是喇叭或下一級。 · 傳統做法： 使用一個有極性的電解電容，正極接在高直流電位的一端。 · 發燒做法： 使用一個高品質、耐壓足夠的薄膜電容。雖然直流偏壓沒有「幫助」薄膜電容，但薄膜電容天生的低失真、高線性優勢完全壓倒了處於最佳狀態的電解電容。所以高級音響的耦合電容普遍使用薄膜電容。 2. 電源濾波電容： · 這裡是純粹的直流電壓，是有極性電解電容絕對的主場。它們在此提供極高的容值體積比，性能穩定可靠。無極性電容在此完全不適用（容值太小、成本太高）。 總結 回到你的問題：「邊個音質或者失真會好啲？」 1. 理論與極致音質角度： · 在有直流偏壓的音頻信號路徑上（如耦合電容），高品質的無極性薄膜電容 在音質和失真表現上會遠勝於任何有極性電解電容。因為薄膜電容天生的線性度是電解電容無法企及的。 2. 「同類型」比較與性價比角度： · 如果你比較的是「一個有極性電解電容」和「一個用兩個同規格電解做出來的無極性電容」工作在同樣的有偏壓環境，那麼單一的有極性電解電容會表現得更好，失真更低。 3. 實際結論： · 在現代高品質音響設計中，對於信號路徑上有偏壓的關鍵位置（如耦合），工程師會優先選擇無極性的薄膜電容來獲得最低的失真和最好的音質。 · 有極性電解電容因其大容量和低成本，在電源濾波、旁路等對絕對音質要求不極致的電路中，依然是無可替代的選擇。 所以，最準確的答案是：在音頻信號路徑上，無極性薄膜電容在有偏壓環境下的音質和失真表現，通常優於有極性電解電容。 |
DY2036 正式會員 182.xxx.xxx.141 |
2025-10-28 16:24 |
| [#1517] Any Fanling or Sheung Shui hifi friends 4 其實簡單啲講AI就講緊以下嘅內容: 無極性薄膜電容＞有極性電解電容＞冇極性電解電容 先唔理薄膜電容呢個問題，響物理現象有極性電解電容都係好過無極性點解電容。但係畢竟人耳同埋人腦唔係儀器，並不代表儀器度出嚟嘅參數好就等於靚聲，響發燒圈裏面呢個絕對唔係奇聞。不過有啲喇叭製造商就發覺分音器裏面嗰隻大容值嘅無極性電解電容影響咗音質，佢哋最終研發咗加電池偏壓畀個兩隻串連有極性電容，從而防止響交流運作嘅情況之下其中一隻電容會出現負偏壓嘅問題。所以在有偏壓嘅地方用有極性電容好過冇極性電容係有事實根據。 至於無極性薄膜電容當然響物理特性完全超越有極性電解電容，不過大容值有品牌嘅無極性薄膜電容個價錢就昂貴到不得了。除此之外之前都講過人耳同人腦唔係儀器未必數值越好代表越好聲，用得太多呢啲電容可能你會覺得好清晰分析刀好強，但係可能又會覺得聲音比較薄。即係等於之前有家相當受歡迎嘅牌子Sonic Frontiers，佢啲機用曬靚料價錢唔係分身家級，不過最終都係從Hi-Fi圈子裏面消失得無影無蹤。 俗語都有話水清則無魚，人腦唔係儀器反而比較喜歡有多少失真，即是等於啲人養魚當然水一定要乾淨但係養唔同嘅魚缸水裏面就要加一啲唔同嘅物質或者伴生物啲魚才會生活得比較健康。即係等於啲人特別喜愛某類型音樂（頻率同動態），自然會選擇啲器材可以對佢喜歡類型嘅音樂有更好嘅表現。從音響雜誌裏面不難發覺啲廠家講返佢哋研發部機嘅時候較聲呢方面係最花時間和功夫，簡單啲講就係用唔同質料嘅電阻電容或者晶體管（當然線路係佔第一位）互相拼搭得出一個佢哋想要嘅聲效，呢個已經遠遠超越咗儀器參數所能表達嘅意義。 |
DY2036 正式會員 124.xxx.xxx.26 |
2025-10-29 00:36 |
| [#1518] Any Fanling or Sheung Shui hifi friends 4 真係各花入各眼，睇到有師兄比較鍾意紅姐用粵曲腔唱嘅紅燭淚，不過我聽咗之後就覺得個錄音畢竟都比較舊唔係太吸引，畀我揀都係寧願揀啲現代錄音比較啱聽啲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-10-29 23:31:58 |
DY2036 正式會員 124.xxx.xxx.26 |
2025-10-29 23:31 |
| [#1519] Any Fanling or Sheung Shui hifi friends 4 上年11月中去東瀛一遊見到熊出沒呢啲牌都只是一笑置之，估唔到今年啲熊真係大舉出動，不但傷人仲咬死埋人，第時去呢個地方玩都要揀剛剛入冬會好啲。人類其實都係地球上嘅一種生物，只不過佢係最高等咁解，人類為咗生存或者改善生活環境咁自然要開闢土壤，咁嘅做法自然對低等啲嘅生物嘅生活環境大受影響。生活空間會變得越嚟越細，生活空間細食物自然少咗，咁人類同動物嘅生活邊界就會越嚟越蒙糊甚至重疊。 東瀛就有熊出沒啦，香港都有動物成日出沒甚至一家大細扶老攜幼。   最後修改時間: 2025-10-31 08:53:51 |
DY2036 正式會員 182.xxx.xxx.153 |
2025-10-31 08:53 |
| [#1520] Any Fanling or Sheung Shui hifi friends 4 歌都有得唱相識是緣份更何況係夫妻，無論你迷唔迷信茫茫人海之中可能第一第二第三個選擇都唔係佢但係最後尾佢就成為你寢邊人，而家諗返起都覺得幾神奇。 呢套大陸劇其實劇情真係麻麻我都冇乜心機睇，不過隻歌曲同詞算係嗰一輪比較好嘅一首。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-10-31 23:24:05 |
DY2036 正式會員 124.xxx.xxx.26 |
2025-10-31 23:19 |
