兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1581] Any Fanling or Sheung Shui hifi friends 4 今年蛇年再過幾日就到馬年，突然間諗起中學嗰陣時佈置過年壁報板嘅時候作咗對對聯如下： 「蛇蜿黃土隨冬去，馬奔綠茵應春來。」 唔知係咪年紀大對以往嘅事情記得特別清晰。 今日係特別日子當然要同太座去食餐飯，鋸完個扒之後身為北區人當然要去嗰個mini版嘅花墟兜個圈感受下過年嘅氣氛。除咗萬紫千紅嘅花卉之外，響過年期間有一個人物受每一個人歡迎。    DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2026-02-15 01:40:05 |
DY2036 正式會員124.xxx.xxx.26 |
2026-02-15 01:33 | |
|
|
|||
| [#1582] Any Fanling or Sheung Shui hifi friends 4 ＞＞單端又並聯去做大功率已經失了單端意義 ＞＞並聯單端其實相對嚟講已經係劣化咗 並不同意, 自己信念一件事，真正效果又係一回事， 請自己真係試過先， Kondo 同Audionote 幾十萬300B PSE至二百幾萬都係211 PSE, 好靚聲又好力，人地用兩枝211做PSE當然係為咗靚聲，我自己做過多部parallel single-ended 一樣靚聲好力，我多年經驗係單端中音滑溜又豐潤，高頻細緻，從新講一次，單端同推挽Transfer特性不一樣，用推挽會把一些原信號even harmonic 減走，係原信號唔係講緊諧波失真，已經有好多人試過     最後修改時間: 2026-02-15 03:28:25 |
niceday009 正式會員 42.xxx.xxx.118 |
2026-02-15 03:12 |
| [#1583] Any Fanling or Sheung Shui hifi friends 4 師兄唔使咁執著，兩隻電子管所有特性永遠不能完全相同，微動態多少都會有所損失呢個相對用單一隻管做單端放大而定。但係呢個唔係話佢啲聲會劣化到可聞嘅程度，恰恰相反程度可能輕微到不知不覺。如果唔係鬥大力，單管單端理論上量度出嚟嘅參數一定好過多管單端。 我唔會迷信名牌，有啲名牌出啲貴價擴音機裏面其實係由十幾二十粒OP amp並聯輸出。有啲而家基本上係出啲D類放大器，呢類型嘅機我只覺得係搶錢系列，目的絕對唔係砌啲靚聲嘅機。 最後修改時間: 2026-02-15 07:05:25 |
DY2036 正式會員 124.xxx.xxx.26 |
2026-02-15 06:49 |
| [#1584] Any Fanling or Sheung Shui hifi friends 4 若要人似我除非兩個我，一支電子管由好多組件同工藝配合而成，當中每樣嘢都包含一定嘅誤差，所以做出嚟嘅產品只有相似沒有完全相同。（大廠嘅優勢在於佢可以購買大量零件去做匹配篩選，所以DIY就算用相同嘅線路砌部機出嚟都未必出到同佢相同嘅聲音。） 可能將來嘅工藝真係好犀利能夠做到完全一樣嘅產品，但係咁樣亦都代表兩支管並聯所有輸入電容同漏電電容直接翻倍，從電器特性上看待呢兩個零件（不包括電流大細同功率）單支管係好過兩支管並聯。聽唔聽到分別係另外一件事。 最後修改時間: 2026-02-15 08:10:19 |
DY2036 正式會員 182.xxx.xxx.32 |
2026-02-15 07:58 |
| [#1585] Any Fanling or Sheung Shui hifi friends 4 左右聲道用獨立一部mono block啲聲永遠都好過一部左右聲道合併機，主要基於之前講過嘅左右聲道共地導致嘅串音影響。當然我呢部幾瓦機仔係冇呢個問題，解決方案係我自己領唔同實踐出嚟（好耐之前都響review33嗰度講過我點樣做）。但係偶然睇到FM Acousticsc機嘅線路，原來大家都有類似嘅做法嗰粒零件嘅數值竟然完全一樣，真係英雄所見略同（應該佢係英雄我係豬紅）。 不過話雖如此如果佢嘅輸入選擇冇將冇用嘅輸入訊號連埋輸入地回路跟擴音機完全斷開，問題會依然存在，所以Soulnote響輸入訊號嘅做法我就相當認同。（我部機只得一組RCA輸入所以亦都冇呢個問題） 所以如果你部mono block係有超過一組訊號輸入，咁樣記得聽歌嘅時候要將冇用嘅輸入訊號條線掹咗佢。 最後修改時間: 2026-02-15 09:22:08 |
DY2036 正式會員 182.xxx.xxx.32 |
2026-02-15 09:13 |
| [#1586] Any Fanling or Sheung Shui hifi friends 4 呢隻歌出世嘅時候我諗內地同香港嘅比較應該香港係先進嘅城市，內地大多數地區仍然係維持比較貧窮農村嘅狀態。估唔到時移世易國內嘅人為咗要接觸大自然反而走嚟香港參與好多行山嘅活動。 歌詞裏面有提到牧童吹奏短笛同隻老牛做伴，講真我幾歲已經有返大陸都未見過呢個場景，反而通勝就見個類似嘅畫面，會唔會作詞嗰位人兄就係響通勝嗰度攞到靈感。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2026-02-17 00:59:23 |
DY2036 正式會員 124.xxx.xxx.26 |
2026-02-17 00:58 |
| [#1587] Any Fanling or Sheung Shui hifi friends 4 職場嘅老友馬年就祝你快馬加鞭、一路領先。  |
DY2036 正式會員 182.xxx.xxx.242 |
2026-02-17 13:38 |
| [#1588] Any Fanling or Sheung Shui hifi friends 4 有玩下馬仔嘅你就祝你馬場得意、馬運亨通。  |
DY2036 正式會員 182.xxx.xxx.242 |
2026-02-17 13:42 |
| [#1589] Any Fanling or Sheung Shui hifi friends 4 好似隻雀仔咁翱翔天際不嬲都係人類嘅夢想，當然而家要搭飛機已經唔係好似以前咁困難，但係我相信都係好多人心裏面渴望要實現嘅夢想特別係生活響貧窮嘅地方或者小朋友。 地面上生活嘅人類其實要面對好多困難同煩惱，好多時都希望能夠離開地面飛上天空從而忘掉所有煩惱，殊不知原來煩惱係自尋，就算你匿到去月球如果唔能夠「放下」一齊都係徒然。 馬年就祝大家身「心」健康，馬上放鬆。 (試下靜落嚟聽下音樂) 另外好多時我哋會話要幫遠到而嚟探訪嘅朋友或者親戚洗塵，當然梗係唔係攞條濕毛巾幫佢抹，意思即係佢遠道而嚟經過舟車勞動身心疲勞，請佢食一餐咁解。當然如果真係好遠好遠就一定要搭飛機，我今日就唔係有人嚟探訪反而我係為呢啲交通工具真係洗洗塵。     DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2026-02-18 00:33:40 |
DY2036 正式會員 124.xxx.xxx.26 |
2026-02-18 00:21 |
| [#1590] Any Fanling or Sheung Shui hifi friends 4 如果我講「大時代」唔知大家會諗起啲乜嘢，如果你已經活過咗半個世紀嘅人應該會諗起三色台一套劇集。我最記得劇裏面最經典嘅一幕就係個老豆將啲仔逐個逐個響天台揼落街。 當然點解會出現呢一幕就係當時個股市波動得很大，最終導致佢血本無歸。大家都知道香港嘅股市基本上係由外資控制，佢哋想收市後尾嗰三個字數係幾多都可以精準控制。點樣收割香港市民嘅財產通常就要搭起個雞棚，但係而家呢個棚係由瀕臨破產嘅環球黑幫大佬所搭，呢個自然唔係雞棚咁細而係牛棚。點樣可以令到全世界的牛都走去佢個棚屋，咁就要做到無論出面十號風球又好、龍捲風又好甚至天崩地裂佢個牛棚都安然無恙，咁啲又肥又壯嘅牛自然就樂意拍響佢嘅牛棚下。即係等於出面無論有幾大嘅債務危機、戰亂、債券停止贖回、通脹高企、失業率飆升...，個股市都可以一創再創新高。 所以呢隻歌唔係叫做「大時代」而係響呢三個字前面再加多一個「大」字，音樂椅嘅遊戲其實已經彈到最後嗰幾個音符，咁大家要睇路呀。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2026-02-18 22:33:36 |
DY2036 正式會員 124.xxx.xxx.26 |
2026-02-18 22:33 |
| [#1591] Any Fanling or Sheung Shui hifi friends 4 昨日去咗「林村」一趟，比起上一次去今年熱鬧不少，許願樹永遠都係最受歡迎嘅項目，50蚊一份寶碟當然盡量張所有項目都剔上，其實都唔算貪心都冇剔曬。我相信掟寶碟最吸引人嘅地方就係未必一次成功，我都要掟到第三次先成功張寶碟掛上許願樹上面。過程裏面就係努力、失敗、再努力、再失敗、更加努力終於成功得到嘅喜悅感。 響年初一電視睇到有一位新進嘅立法局議員坐鎮，但係當日去到就搵唔到佢嘅蹤影有啲失望。不過今年新增咗拉頭馬嘅項目（金色原裝一比一馬嘅模型），不過見到條龍實在太長打燒咗走去影相嘅念頭。既然去到嗰度特色小食或者甜品當然都要品嚐一番。       最後修改時間: 2026-02-19 09:24:44 |
DY2036 正式會員 124.xxx.xxx.26 |
2026-02-19 09:23 |
| [#1592] Any Fanling or Sheung Shui hifi friends 4 自由係乜嘢？ 如果參選總統係需要幾億美金，咁樣所謂嘅自由選舉係咪其實都係淪為富人嘅玩意。 如果有個惡霸話你屋企需要啲乜嘢要幾多錢你冇得say no或者你屋企有啲嘢佢係要你畀佢你亦都唔可以拒絕咁呢個係咪自由。 所以自由不是你想買什麼就買什麼，而係你不想買什麼就不買什麼。 自由不是你想做什麼就做什麼，而係你不想做什麼就不做什麼。 最後修改時間: 2026-02-22 00:06:55 |
DY2036 正式會員 124.xxx.xxx.26 |
2026-02-22 00:06 |
| [#1593] Any Fanling or Sheung Shui hifi friends 4 ......... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2026-02-23 23:37 |
| [#1594] Any Fanling or Sheung Shui hifi friends 4 ............... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2026-02-26 01:48 |
| [#1595] Any Fanling or Sheung Shui hifi friends 4 ................ DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2026-02-27 01:10 |
| [#1596] Any Fanling or Sheung Shui hifi friends 4 ...................... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2026-03-01 01:08 |
| [#1597] Any Fanling or Sheung Shui hifi friends 4 呢幾年都係講多過做，終於立定決心開始將我研發嘅無負回輸線路砌個樣板出嚟睇下能唔能夠穩定工作。  最後修改時間: 2026-03-05 18:36:05 |
DY2036 正式會員 124.xxx.xxx.26 |
2026-03-05 18:30 |
| [#1598] Any Fanling or Sheung Shui hifi friends 4 砌到推動管，開電掣呢下最驚心動拍我暫時都未有足夠信心去開呢個掣。  最後修改時間: 2026-03-05 22:28:26 |
DY2036 正式會員 124.xxx.xxx.26 |
2026-03-05 22:28 |
| [#1599] Any Fanling or Sheung Shui hifi friends 4 一插電，冇幾件。 DIY特別係原創線路更加會出現呢個問題，通常嘅情況一係就插漏線，插錯線甚至晶體管B，E極調轉，咁自然有啲壯士犧牲咗。 等到個線路稍為正常，只係啲零件唔會即刻死但係唔等於放大器能工作正常，要令到呢個原創線路能夠正常放大訊號，前面仲有好多披荊斬棘嘅路途要行。  最後修改時間: 2026-03-08 11:05:50 |
DY2036 正式會員 124.xxx.xxx.26 |
2026-03-08 11:05 |
| [#1600] Any Fanling or Sheung Shui hifi friends 4 近期呢隻碟嘅封套成日出現響眼前，可能係佢剛剛出咗隻黑膠大碟所以響網上比較多宣傳。講真呢類音樂講得好聽就叫做fusion，玩音響效果嘅碟通常都唔耐聽，我都係比較喜歡聽的歌手深情演繹多啲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2026-03-09 00:10:01 |
DY2036 正式會員 124.xxx.xxx.26 |
2026-03-09 00:09 |
