review33.com:影音天地:Pioneer LX85 AV擴音機維修

分類搜尋 移民 | 借錢 | 投資 | 物流 | 搬運 | 按揭 | 樓盤 | 保險 | 機票 | 酒店 | 升學 | 補習 | 手錶 | 電腦 | 紅酒 | 網購 | 脫髮 | 健身 | 減肥 | 濕疹

影音天地主旨 ﹝請按主旨作出回應﹞

寄件者

傳送日期

[#1] Pioneer LX85 AV擴音機維修有冇師兄可介紹AV擴音機維修？開唔到機閃藍燈		rickychan1005 正式會員 59.xxx.xxx.194	2020-04-25 03:28

[#2] Pioneer LX85 AV擴音機維修
返Pioneer我部86先修理完HDMI無聲，費用才600

benchocl

正式會員
219.xxx.xxx.17

2020-04-25 14:14

[#3] Pioneer LX85 AV擴音機維修
Thx 師兄

rickychan1005

正式會員
59.xxx.xxx.194

2020-04-26 13:01

[#4] Pioneer LX85 AV擴音機維修
忍唔住要分享一吓最近維修AV擴音機嘅不快經驗。事緣我部陳年先鋒L82有一條聲道突然冇咗聲，諗住拎返去原廠維修，品質應該好啲，貴啲都冇所謂，於是就托部機上去先鋒喺長沙灣嘅特約維修中心。上到去先發現，原來安橋、馬蘭士、天龍都係佢哋做維修，信心立時再大增。但嗰度地方淺窄，望入面好似得一個維修師傅。大部份空間擺滿舊機，一部搭一部搭到高過人。一行行機柱，砌成一幅幅機牆。話晒日本高級品牌，仲要係4大，但維修中心咁嘅格局都幾慳皮。

盛惠檢查費$450，佢話1星期內會報價同攞得。 1星期過去冇人通知，我打電話去問，佢話有好多機整未得閒，叫我1個星期後再問。到期再打去又話AV機好複雜，唔係咁容易查到問題，我唯有繼續跟進。後來有一次話查到係底板壞要換底板，已訂緊返嚟，實際幾多錢未知，但應該千零蚊ok。佢又好幫手咁話如果底板返唔切，佢會叫師傅用其他方法幫我整好，叫我一星期後再打去。到期我再打去有另一人聽，又話師傅未check到邊度壞，叫我再等一星期。到期我再打去又話係底板壞，要訂底板成塊換，推翻之前嘅講法，話冇可能好似出面舖頭咁淨係幫我換部份零件。佢問我訂唔訂？我心諗，乜唔係早2個星期前已經知道係底板壞，嗰時已幫我訂緊，點解？家都仲未訂？我忍住條氣問佢，底板幾多錢？佢答$3,500。我之前查過一部咁嘅二手機市價最多一千。貴都算嘞，我再問佢幾時訂到底板返，佢嘅答案係未知幾時，冇確實時間！我即時畀佢谷爆，於是話唔整嘞！

如是者我部機擺咗喺佢哋嗰度一個半月，最終要原封不動拎返屋企！事實佢哋有冇打開過機殼睇過都唔知，可能只係口頭話幫你整，其實就咁放喺度，等一段時間你知難而退自己托返走，佢就無本生利$450！但事實都冇得怪佢哋，一開始都知道咁舊嘅機係未必整得到。

件事都仲未完。我死唔忿氣，上網搵其他地方整。當我正想拎去試試時，有位職業音響專家同我講，出面肯定冇地方會整得到，因為中美貿易戰同疫情，國內工廠買唔到零件生產底板，叫我死咗條心，慳返$200檢查費。我諗咗幾日，最後都係決定唔聽專家建議，即管晒多2舊。於是又再托部機去，然後電話來來回回3個星期，但感覺佢哋係有心盡力嘗試去整。起碼會主動打電話回覆跟進情況，唔會好似嗰間4大品牌特約維修中心一樣，應承咗回覆都冇影，幾乎次次要我再打去問。

間舖頭話幫我試咗換幾個零件都唔得，結果等另一份零件到終於整好，話差唔多換咗半份底板。連之前已付$200檢查費，總共$1,100搞掂！去拎返部機時個店員好友善解釋，又即場示範逐個聲道出聲冇問題。叫我返屋企慢慢試，有問題隨時拎返去。最後仲用幾層膠紙將部機包好，話咁樣好拎啲，唔會線手！上次嗰間特約維修中心真係采你都有味！部機事後我喺屋企試咗幾星期，確係整好咗！

一間街邊舖頭用咗3星期就將部陳年舊機整好，而所謂原廠特許維修中心，晒咗我5個星期結果係乜都搞唔到，服務又差！如果佢哋令人感覺到佢哋有盡力去做而結果整唔到，咁冇人會怪佢，但成件事令人覺得佢哋根本喺度hea做！

想問吓呢間特許維修中心，做嘢做到你哋咁樣，究竟知唔知個醜字點寫？如果冇心整一開始就唔好收嚟整，你哋打開門口係咪就係志在呃嗰幾百蚊檢查費？你哋阿媽有冇教你哋做人要有基本道德，你哋做生意有冇基本商業道德？如果冇能力整就執Q咗佢咪出嚟獻世！

事後上網睇，原來呢間垃圾早已被網民唾駕，但到？家都仲係死性不改，可想而知佢哋係一派你吹得我漲嘅態度！ 4大日本品牌喺香港搵間咁嘅垃圾做特許維修，究竟係啲㗎仔？家墮落到咁，定係啲㗎仔易呃到咁呢？

jtpc

正式會員
112.xxx.xxx.173

2020-12-08 23:12

[#5] Pioneer LX85 AV擴音機維修
樓主講的4大品牌都全部已經唔係㗎仔的了。

最後修改時間: 2021-01-13 18:32:03

正式會員
49.xxx.xxx.108

2021-01-13 18:31

[#6] Pioneer LX85 AV擴音機維修
可否公開鋪名及地址？

Phil.ng

會員
223.xxx.xxx.187

2021-01-13 18:44

[#7] Pioneer LX85 AV擴音機維修
師兄可唔可以暗示下，喺邊間街邊鋪。

地上最長.........

正式會員
182.xxx.xxx.127

2021-01-13 20:22

[#8] Pioneer LX85 AV擴音機維修
幫我整好部機嘅舖頭，我之前都係喺網上討論區見有師兄推介，所以先揾到佢哋。網上討論區師兄叫佢哋深水埗成記，好似賣咗水貨多年，維修應該係副業。我相信各位師兄已估到佢哋全名。我相信巿面上有其他舖頭都可以整好啲舊AV機，我見到有師兄推介其他地方，例如有師兄咁寫 :
宇宙影音維修良師傅，除維修AMP亦係Plasma & OLED專家..

我想表達嘅係，揾邊間都好，千祈唔好揾原廠，一廂情願以為佢哋收嚟整，就一定會盡量幫你整。我嘅經驗係，佢哋收完檢查費，hea你幾個月最後一肚氣自己攞走。

jtpc

正式會員
112.xxx.xxx.58

2021-01-17 11:16

[#9] Pioneer LX85 AV擴音機維修
揾原廠整叫做有信心，肯定用原廠零件。但要花幾錢其一，要等幾耐先係問題。我揾間賣水貨嘅舖頭整，寄望佢哋係喺日本揾零件，最差嘅你唯有預佢哋係拆其他舊機嘅零件。

不過起碼我部機喺成記整完都幾個月，到依家都操作正常 !

jtpc

正式會員
112.xxx.xxx.58

2021-01-17 11:17

[#10] AV擴音機維修
想問邊位師兄知，我部擴音機hdmi無聲邊度有得維修？

龍本英明

會員
14.xxx.xxx.219

2022-08-07 12:55

[#11] AV擴音機維修
唔好拿去原廠維修，正如下面師兄們所講，放底600.再報價4,5千，未必真係整到，黑黑黑店！真係好諗黑！