兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 原全無玩拖版同電源線 各位師兄，我用緊全套naim + Sonus Faber 喇叭，但只用平價拖版加電源線，係咪有D浪費左套機呢？ 如果用左D靚野，聲音會有物改變呢？ 平平地試下，可以點玩呢？ |
rickkklam1 會員203.xxx.xxx.206 |
2025-08-31 13:31 | |
|
|
|||
| [#2] 原全無玩拖版同電源線 睇你乜嘢心態？ 有啲人玩Naim一定堅持全套嘢都係Naim, 每一樣嘢都要係原廠，包括電源線 對症下藥嘅話就睇吓你套系統而家偏乜嘢聲底，電源線呢家嘢都係調味 平平哋可以試吓Neotech 或者 Harmonic Tech 單晶銅或單晶銀，用銅或者銀視乎系統需要邊一種聲底及個人口味 冇得變化嘅定律：1. 盡量從牆身蘇底做起，我自己個蘇底用緊WattGate，唔好求其用裝修師傅裝比你嗰啲平嘢。2.盡量少接點，唔好用轉插。3. 除非真係check到有問題，否則唔好用filter 4.簡單直接。5. 唔好用電鍍古靈精怪物料嗰啲插頭，用純銅最好。鍍乜鍍物嗰啲插頭一裝上去好似多咗好多高音細節，其實係怪叫。再聽耐啲音色好緊張好唔舒服。 最後修改時間: 2025-08-31 14:00:26 |
Thanatos 正式會員 172.xxx.xxx.43 |
2025-08-31 13:59 |
| [#3] 原全無玩拖版同電源線 不如改玩幾粒fuse先仲好 |
kampo2 正式會員 223.xxx.xxx.98 |
2025-08-31 14:31 |
| [#4] 原全無玩拖版同電源線 如果樓主金耳朵，風吹草動都聽到分別，又真係想試吓，咁樣下次去音響展見到有特價不妨試吓。今時今日，二手嘢真假難分 個人覺得分別唔大，不過係有分別。 如果有好多米，提議會換喇叭 - 音色開揚，輕快明朗，聞歌起舞⋯⋯ |
Kenny 正式會員 42.xxx.xxx.111 |
2025-08-31 15:20 |
| [#5] 原全無玩拖版同電源線 試下買隻5000伺服器級UPS，叉滿後用作清潔電源播放，咁就知道有無需要玩電。 |
spyder 正式會員 86.xxx.xxx.85 |
2025-08-31 15:25 |
| [#6] 原全無玩拖版同電源線 試條 shunyata, 如感覺不到分別及靜丶不用玩電 又 Sonus Faber 用不用 biwire, 分別不大 以上現用中 |
phil.ng 會員 223.xxx.xxx.1 |
2025-08-31 15:29 |
| [#7] 原全無玩拖版同電源線 #2 冇得變化嘅定律：1. 盡量從牆身蘇底做起，我自己個蘇底用緊WattGate，唔好求其用裝修師傅裝比你嗰啲平嘢。2.盡量少接點，唔好用轉插。3. 除非真係check到有問題，否則唔好用filter 4.簡單直接。5. 唔好用電鍍古靈精怪物料嗰啲插頭，用純銅最好。鍍乜鍍物嗰啲插頭一裝上去好似多咗好多高音細節，其實係怪叫。再聽耐啲音色好緊張好唔舒服。 以上完全是玩電的精髓 |
七仔 正式會員 113.xxx.xxx.113 |
2025-09-01 11:40 |
| [#8] 原全無玩拖版同電源線 ＞＞＞ 用純銅最好。鍍乜鍍物嗰啲插頭一裝上去好似多咗好多高音細節，其實係怪叫 X 2 不過我就一邊 Oyaide 029 armored, 另一邊用 味噌丶M1/F1 或 NCF R 太多保品丶死得 |
phil.ng 會員 223.xxx.xxx.1 |
2025-09-01 12:10 |
| [#9] 原全無玩拖版同電源線 Naim隻聲，加多減少都會聽得出，因為佢circuit係好簡約，以令最多訊源資訊，用佢house sound形式可以做最多放大，所以任何改動都非常敏感。而且重點係佢音樂嘅整體度、完整度、Prat、樂感同接地好易因為其他牌子搞亂 Naim用同一套機唔係因為狂熱，而係因為signal earthing做啱音質有好大加成。 拖板可以訊源行先，跟住電源，power amp，接地（cd機，或signal earthing較左做chassis嘅訊源）放到最後最遠，都會有好大分別 樓上有師兄講得啱，用銅就得，因為Naim聲底唔怕暖厚。用返原裝線例如Powerline，會喺原有聲底上做提升，通常會以「聽感會唔會太hifi」做決定，人人唔同。想清啲嘅最基本買返音響架，幫啲amp做好隔離，唔好疊機，你會驚訝同一套機個前後分別 如果直頭唔啱味，我寧願唔玩Naim，出面大把選擇，玩Naim就係鍾意佢聲底同樂感強，搞其他嘢四不像冇咩意思 最後修改時間: 2025-09-01 14:13:29 |
juliushui 會員 172.xxx.xxx.45 |
2025-09-01 14:13 |
| [#10] 原全無玩拖版同電源線 #8 Oyaide咪薄哂聲？ |
juliushui 會員 172.xxx.xxx.45 |
2025-09-01 14:14 |
| [#11] 原全無玩拖版同電源線 #10 係溝住玩 M1/F1, 029 armored, 古河 1363 G, 1363 NCF R 要用心調，都幾煩 |
phil.ng 會員 223.xxx.xxx.1 |
2025-09-01 15:29 |
| [#12] 原全無玩拖版同電源線 我今日正正就係改裝咗我一直用開嘅Labkable拖板 原先用瑞士Gotham LOFC銅線，我改晒用Mundorf 1.5mm 金銀潤 輸出插座，用返美式ABL純銅，bare copper冇電鍍 輸入IEC就改裝咗用 Furutech FI-09，接觸點強壯過原本普通Furutech IEC，不過唔可以就咁直接代替，要搵老友記用銑床挖大啲個窿。工序非常困難，因為要打直做夾唔實，一路整一路起震，有啲危險。 你哋會見到好多多餘嘅銀線，好多redundancy, 係為咗每兩組要相同長度。為何？兩組俾時鐘同埋解碼要相同長度。另外兩組俾300B dual mono後級又要相同長度 一個拖板供晒咁多器材都唔擔心，因為時鐘同埋解碼兩部加埋都唔夠30W, 後級每部100W。總數都唔超過250W, 功率夠晒。一個拖板行晒啲聲會和諧啲，同埋唔會起ground loop 聲音如何？同原本瑞士Gotham比較，順滑好多，成個演奏廳grand 好多。音色都靚一大截。而家深深體會到Mundorf嘅取向係走鋼琴Steinway路線，grand得嚟好甜 Mundorf啲線真係幾靚聲，我響Hi Fi Collective購買七百幾蚊港幣一米，平過香港好多。佢最近有teflon絕緣嘅款式被人掃晒貨，我唯有買bare wire, 之後去凱韻搵源哥配返Teflon通，反而慳咗一大截。自己套Teflon仲靚聲因為中間有罅隙，有空氣做dielectric，靚聲過緊貼  |
Thanatos 正式會員 104.xxx.xxx.131 |
2025-09-01 23:00 |
| [#13] 原全無玩拖版同電源線 希望師兄有朝由Steinway做到這....  |
phil.ng 會員 223.xxx.xxx.1 |
2025-09-02 08:05 |
| [#14] 原全無玩拖版同電源線 ＞＞＞ 自己套Teflon仲靚聲因為中間有罅隙，有空氣做dielectric，靚聲過緊貼 是高手丶貼太緊少了超高丶聲音吾夠鬆丶有些高频専用缐丶先用foam然後再用其他做外層 師兄內面這麼多缐丶有沒有考慮磁場問題、很難解決！ 試過用 foam 套大少少條線丶以增加缐距丶但聲音慢左丶得不償失 |
phil.ng 會員 223.xxx.xxx.1 |
2025-09-02 08:32 |
| [#15] 原全無玩拖版同電源線 Good idea  |
phil.ng 會員 223.xxx.xxx.1 |
2025-09-02 08:36 |
| [#16] 原全無玩拖版同電源線 如果買多個拖板丶平行釘在一起丶只用一個IEC, 中間開數小孔過線, 每個拖板只裝兩個座丶多點空間丶分離各缐 如有心機丶招牌店買少少膠片開小孔丶DIY 像 inakustik 空氣分離！ |
phil.ng 會員 223.xxx.xxx.1 |
2025-09-02 08:55 |
| [#17] 原全無玩拖版同電源線 ＞＞＞＞＞內面這麼多缐丶有沒有考慮磁場問題、很難解決！ 好多年前我跟海味陳(Matisse代理)學玩音響，同Matisse 老闆兼設計師兼生產技工Rodney Henson有過一點交流。佢每出一部機之前都會求其搭一部prototype出嚟，啲零件同埋走線污哩馬查、雜亂無章。佢話俾我聽，咁先係最靚聲。佢之後補充，啲零件走線公公整整平排，彼此之間嘅電感最大、干擾最大。最衰聲係排到公公整整，仲要將啲嘢綁埋一齊。但係佢話污哩馬查嘅走線唔見得人，廠機唔可以咁 聽咗佢呢番話，我所有DIY嘅嘢都唔會齊整平排，因為我啲嘢唔使賣俾人，唔使見人，最緊要靚聲 有關屏蔽問題，我自己覺得用得太多屏蔽會令到啲聲音死死實實。唔用屏蔽會生猛好多。我曾經有諗過，最靚嘅屏蔽必須要距離訊號很遠，咁樣條線就要做到好粗。例如，個屏蔽可以距離訊號軸心10 cm咁遠，咁樣佢既可以阻擋外來干擾，又唔會影響到訊號。但係咁做，就要佔用好多空間。 |
Thanatos 正式會員 104.xxx.xxx.133 |
2025-09-02 11:19 |
| [#18] 原全無玩拖版同電源線 至於買多個拖板做分隔，我暫時唔會搞到太複雜，因為我套嘢係喺放響我書枱上面，又未去到咁講究 |
Thanatos 正式會員 104.xxx.xxx.133 |
2025-09-02 11:20 |
| [#19] 原全無玩拖版同電源線 只是吹水及小小中古物理 夠電流丶電壓丶磁力大D丶當年發現power 電要離開多點丶機內 signal 因細電流電壓影響細及不太覺 知將 power 交义 signal 即覺 將條 power cable 放在digital cable 傍丶一試即知丶可試下 |
phil.ng 會員 223.xxx.xxx.1 |
2025-09-02 12:18 |
| [#20] 原全無玩拖版同電源線 #12 師兄應該唔係玩Naim，Naim個調音計埋英插+fuse，玩美插冇特別好處，同埋萬一整拖板最基本需要star earthing 最後修改時間: 2025-09-02 13:53:15 |
juliushui 會員 104.xxx.xxx.136 |
2025-09-02 13:52 |
