兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#65] OLD MARANTZ 9 VS RE-ISSUE MARANTZ 9 今日用新9+舊7取暖，聲音也可以！  |
Marantz7+9 正式會員222.xxx.xxx.65 |
2022-01-30 19:14 | |
|
|
|||
| [#64] OLD MARANTZ 9 VS RE-ISSUE MARANTZ 9 請問有沒有師兄用過日本在1978年出的Marantz 9K(kit)(100v)? 聲音和reissue有什麽分別？隻牛是否比reissue更接近original? 謝謝 |
mda 正式會員 219.xxx.xxx.136 |
2020-02-08 00:41 |
| [#63] OLD MARANTZ 9 VS RE-ISSUE MARANTZ 9 其實小弟想了解新裝和舊裝變壓器在製作上方向差異，只是希望多了解製作上差異如何影響新裝和舊裝在音色上取向! 事實上交連牛本身最大物理性限制都係受制於牛本身頻寬規格，大家都了解如果要做一隻有質素交連牛所花成本、工序和技術其實遠比造一支電容為高!不過用開輸入、輸出和交連變壓器不難發現出色變壓器在頻寬規格範圍內音色密度感覺上會高好多(其實可能係音染，但卻是討人喜歡的音染)!個人認為玩瞻機想要速度、反應和不受制於變壓器頻寬物理限制，其實最簡單直接方法都係玩OTL設計，但OTL音色冇變壓器設計般帶有音色緩衝和音染!OTL設計音染雖然係少D，但好唔好聽就是各人口味了! |
Pilotrol 正式會員 24.xxx.xxx.242 |
2019-09-23 18:33 |
| [#62] OLD MARANTZ 9 VS RE-ISSUE MARANTZ 9 容許我講個離題topic 其實在放大過程中，每級放大越過一被動交連元件並唔係好事，有時用多一粒電阻都唔想，何況中間加隻牛或電容?要知道牛唔係一D好線性嘅物品仲差過粒有品質嘅簿膜電容，但某些同好話鍾意有D牛聲只不過係個別喜好，其實係音染 近幾年我專攻原子粒直結零負回輸機種，買入Densen 旗艦Mono Block, Ayre 零回輸前後級，以及日本Exclusive M5a non-feedback mono block,與我幾部三極胆零回輸比較(我仲有部BAT VK75se, 但把 VAC 70/70賣咗)，發覺零回輸粒機對原訊號保存度高一籌但輸胆機特有之豐厚感 |
niceday009 正式會員 14.xxx.xxx.196 |
2019-09-23 12:10 |
| [#61] OLD MARANTZ 9 VS RE-ISSUE MARANTZ 9 其實小弟只係想了解新裝和舊裝變壓器在製作上方向差異，現代變壓器主要較重視鐵芯物料磁束可以減少圈數和分層疊繞，而舊裝變壓器受制於鐵芯物料，所以是較重視圈數和疊繞結構!多年前小弟同幾位外國網友討論過新裝和舊裝變壓器的發展方向問題，老友CJ兄指出其實4-50年代如McIntosh和Fairchild的變壓器都是採用Hypersil grain-oriented c-core設計，基本上磁束已達17000高斯或以上(當然磁束可能未必比得上今天現代物料)，網友CJ兄認為很多時現代變壓器較重視鐵芯物料磁束可以減少圈數和分層疊繞，但舊裝變壓器由於鐵芯磁束限制，反而重點會放在加強圈數或疊繞結構之上!例如McIntosh會使用bifilar繞法去減低leakage inductance!CJ兄曾經試過復修一隻UTC CG-133交連牛，一萬二千圈初次級合共125 layers，他認為這工序很花工夫，不太合乎經濟效益上考慮，不過得出音色卻很好聽!  |
Pilotrol 正式會員 24.xxx.xxx.242 |
2019-09-23 11:03 |
| [#60] OLD MARANTZ 9 VS RE-ISSUE MARANTZ 9 #58 如果雙C core或EI最多試過4(初級)夾3(次級)，如果用單C 用兩個綫包就每個試過最多三夾二 如俾211SE用初級去到3千多圈達70享為止，300B就兩千圈左右去到廿零享，以上講緊用1.8T M4片較大磁芯例如114片 最後修改時間: 2019-09-23 10:17:06 |
niceday009 正式會員 14.xxx.xxx.196 |
2019-09-23 09:56 |
| [#59] OLD MARANTZ 9 VS RE-ISSUE MARANTZ 9 其實我也是現代與古董器材之間游走、不斷迴轉；喜歡現代機的速度、分析力、音場...聽鋼琴在留意踏板的上落聲, 很過瘾. 聽耐咗又會懷念古董機的音色圓潤、節奏、感情...所謂音樂感. 但古董機的確要各方面都要健康, 不能一味要原汁原味, 捨不得也古老變值的零件換走, 否則是真的鬆郁濛！ 健康的古董機不會濛、不會豬油飽, 有適當的速度、動態, 也有適當的所謂hi-fi原素！ 所以聽到一些對古董器材不置可否、一律的非議, 實在不能認同！ |
wontun 正式會員 203.xxx.xxx.203 |
2019-09-23 08:24 |
| [#58] OLD MARANTZ 9 VS RE-ISSUE MARANTZ 9 Niceday兄其實現代交連牛以分層疊繞法依家最多會疊幾多層，圈數會去到幾多倒? 最後修改時間: 2019-09-23 06:22:54 |
Pilotrol 正式會員 24.xxx.xxx.242 |
2019-09-23 06:16 |
| [#57] OLD MARANTZ 9 VS RE-ISSUE MARANTZ 9 Lundahl嘅牛靚聲欠奉? 如果國際高聲譽Lundahl都唔得咁我諗唔到邊隻牌子得 LAMM, Jeff Rowland, BAT部二十萬出名靚聲非晶牛前級 REX2都係用Lundahl, 我自己用Lundahl就覺得比搶錢Tango更靚，用過比較過致知 SOWTER只用 M6片唔可以要求太高亦唔算賣好貴其實可以，最少佢對SE08a我用過比 XE20更好，更厚聲及好力，XE20就高音分解好少少 最後修改時間: 2019-09-22 13:20:18 |
niceday009 正式會員 58.xxx.xxx.219 |
2019-09-22 13:15 |
| [#56] OLD MARANTZ 9 VS RE-ISSUE MARANTZ 9 老友也是韓國頂級牛廠的代理 所有數據都是頂瓜瓜的 Lundahl，Sowter 也是有很多的靚牛 但好聲就欠奉了 |
唐吉訶德 正式會員 14.xxx.xxx.242 |
2019-09-22 13:03 |
| [#55] OLD MARANTZ 9 VS RE-ISSUE MARANTZ 9 我又有興趣講下我聆聽MC牛同交連牛經驗 我剛才指高磁束係指軟磁原料之導磁率(magnetic permeability，u=B/H)，同magnetic density有唔同，高grade非晶芯(有好多grade) 其誘磁率可以係高M6矽片一百幾廿倍 我曾經用一部頗高價近一萬二手價日本Micro用鈹膜合金作磁芯MC牛去比較一對全新千7蚊SONY用非結晶磁芯, 部Micro重達3.5kg stereo, 而每隻SONY只係約200g(兩隻 mono一pair) ，作為MC 牛你要嘅只係訊源保持之純度而並非輸出功率，結論係分析力動態以及純度對SONY將Micro拋離，尤其動態，我當時係Micro擁躉心裏難接受這事實，玩黑膠得到大動態及快速有力低頻特別開心(MC牛我係冇得自己繞因為條線幼過BB仔頭髮),對SONY HAT50我三十年前留到而家 另一次係用 EI Nickel芯去繞對1：2 之300B去845推動牛，老實講交連牛係難過輸出牛好多，用 Nickel芯我繞少三份一圈數仍可達同樣之26享電感初級，去比較用 M4片(Z9) 又係贏動態同頻寬 最後修改時間: 2019-09-22 13:05:50 |
niceday009 正式會員 58.xxx.xxx.219 |
2019-09-22 12:55 |
| [#54] OLD MARANTZ 9 VS RE-ISSUE MARANTZ 9 湊熱鬧  |
無間道 會員 182.xxx.xxx.254 |
2019-09-22 11:47 |
| [#53] OLD MARANTZ 9 VS RE-ISSUE MARANTZ 9 Niceday兄是造自家生產牛相信會明白分層疊繞層數越多(疊繞法有好多種結構，唔同廠有唔同工藝同繞法)，漏電感越細，高頻响應就會越好(當線圈電感量大過漏電感代表越好)，線圈圈數越多、繞製的線圈越密集，電感量也會越大，但相對地缺點是線圈越密集總損耗電阻也越大，這會造成能量損失(針冇兩頭利)! 理論上科技進步鐵芯磁束越高就可以減少線圈圈數也可以達至同一電感值!不過實際上當線圈電容值和內阻改變，輸出變壓器得出聽感上的音色也會改變，這可以是變好但也可以變差(人類聽覺官感喜好)!輸入和輸出變壓器鐵芯發展由20年代純鐵鑄造，發展至30年代矽板，至40年代鋼片，其實磁束密度一代比一代高，不難察覺鐵芯體積和線圈體積卻是一代比一代減少!科技進步不一定等同音色品味會進步，反觀由歷史上看到很多時候技術進步卻是偷工減料的開始! 最後修改時間: 2019-09-22 11:17:09 |
Pilotrol 正式會員 24.xxx.xxx.242 |
2019-09-22 11:01 |
| [#52] OLD MARANTZ 9 VS RE-ISSUE MARANTZ 9 ＃50 ＞＞輸出牛創新的繞制方式 我相信好多大胆機廠都好有經驗做分層叠繞，問題只係佢地會唔會再投資更靚磁芯 我十多年前因工作出差广州常留在國內曾開過一間專賣胆機零件及二手器材鋪頭包括賣自家生產輸出牛同交連牛(自己DIY胆機包括繞牛係從1980年開始)輸出牛繞得靚頻寬其實只係分層疊繞(推挽為例)，或加埋雙線初級並繞，分層越多一般對高頻响應更好，但係此舉係幫唔到動態及瞬变，單說輸出牛唯一可以達成高瞬變係使用高磁束磁芯，M6片(既Z11) 有1萬4高斯其實已經可以但只係大路品質，用上 Nickel Core或鈹膜合金就過兩萬高斯，非結晶鐵芯更過三萬以上，鐵芯越高磁束就越少繞綫圈數達到同一電感值，越高磁束鐵芯其聲音越純及反應越快速有勁 我曾經係日本日鋼訂製一批C core芯用0.18mm片，磁束約18000,與相同EI鐵芯體積Z11做845單端牛，明顯較高磁束及初級直流電阻較低嘅C core動態及頻寬更好而聲音純度更高 最後修改時間: 2019-09-21 21:43:41 |
niceday009 正式會員 14.xxx.xxx.235 |
2019-09-21 21:28 |
| [#51] OLD MARANTZ 9 VS RE-ISSUE MARANTZ 9 個人覺得玩現代嘢又好古董嘢又好最緊要知識自己鍾意D乜嘢同了解自己玩緊D乜，現代又好古董又好唔係一定貴就代表好，其實只要自己鐘意啱自己聽就是最好! 音色本身快同慢是相對、厚同薄是相對、清同濃是相對、剛與柔是相對...音響世界一樣針冇兩個利!器材本身只是重播工具，各人利用不同工具重播自己心目中的音樂才是目的!音響很多時會變成一場精神與物慾的戰爭，希望我哋大家不要忘記欣賞音樂的初衷! |
Pilotrol 正式會員 24.xxx.xxx.242 |
2019-09-21 19:07 |
| [#50] OLD MARANTZ 9 VS RE-ISSUE MARANTZ 9 無可否認, 膽機用料隨著科技的進步而進步. 膽機設計除用料的考究外, 還有其他重要的環節嗎？ 現今出售的膽機, 除標榜用料優秀外, 有那些品牌標榜它們的自家硏發、開創線路、電源牛輸出牛創新的繞制方式？ 希望對現今膽機有認識的師兄可以分享一下！ |
wontun 正式會員 116.xxx.xxx.14 |
2019-09-21 18:22 |
| [#49] OLD MARANTZ 9 VS RE-ISSUE MARANTZ 9 ＃47 Alan師兄 當我理性分析而你隨和口吻去道出玩古董心態又真係我之前唔太清楚， 確實有人攞D西電大horn及勵磁drivers玩過不亦樂乎，而果D PX25, 50, 6B4G, VT25又真係幾啱推呢D大 Horn, 呢類發燒友對物件之熱誠大過其他 最後修改時間: 2019-09-21 12:12:05 |
niceday009 正式會員 14.xxx.xxx.235 |
2019-09-21 12:01 |
| [#48] OLD MARANTZ 9 VS RE-ISSUE MARANTZ 9 Tannoy GRF內部在單元背後是有用吸音綿,但接合號角通道上則沒有使用吸音綿! ---------------------------------------------------------------- Thanks! |
mr-s 正式會員 14.xxx.xxx.61 |
2019-09-21 11:00 |
| [#47] OLD MARANTZ 9 VS RE-ISSUE MARANTZ 9 其實以科技角度而言，本應是技術越進步重播聲音線性越佳而失真越低就是越好才對...但事實上解釋音響美學角度比表面數據來得更為複雜，不同器材有不同音色取向，各人口味和要求也不同才可造就不同品牌百花齊放! 設計一件音響器材隨了要顧及數據規格以外，最困難是要溯造一套設計者和市場都可以認受的音色取向，淺白D講即係部機聲底!其實器材要過倒示波器唔難(方波靚唔靚，頻寬夠唔夠)，但要過耳仔嗰關才是最困難!因為好唔好聽同啱唔啱聽根本唔可以用數據去衡量，只能用自己耳朵去分辨，數據規格極其量只能夠解釋一些音色現像!小弟認為設計一件音響器材如同製作一件樂器，設計者除了有技術外，擁有自己一套清晰音色概念其實十分重要! 好像Niceday兄喜歡直熱三極無負回輸設計的音色，其實直熱三極無負回輸設計在技術數據規格上失真率和線性表現都比不上有負回輸設計，但Niceday兄還是會選直熱三極無負回輸設計，因為聽感上直熱三極無負回輸設計較生動和真實，這就是睇數據規格根本反影唔倒音色取向和個人品味! 其實玩古董音響追求並不是單純追求High-Fidelity，而是學習欣賞不同品牌的音響美學角度與製作理念，另外體驗不同年代工程師與及品牌創辦人所建立的音色品味! Hi-End電容同電阻其實情況都係一樣，規格好唔代表零件一定會靚聲同夾聲(DIY佬最清楚小弟講緊D乜)!如果新一定好過舊，發燒友應該個個都走去買新裝膽而唔係走去追舊裝膽!係咪? 其實去到二戰後很多大廠嘅輸出變壓器嘅寬頻早已經越超人類聽覺範圍上限，規格好唔好同好唔好聲其實係兩回事! AB(Allen Bradley)電阻係炭膜壓製而成，好處是很容易Mass Production，價錢可以造到好平!但其實由於AB電阻冇造特別針對防潮coating，於空氣中暴露幾十年再加上受熱後誤差率就會好高，這是物料和製作問題!復修時要留心電阻工作狀態，因為數值差太遠可以造成很大失真(英國炭膜電阻情況比美國炭膜電阻情況更為嚴重)!其實遠古西電帆船電阻以線阻形式設計再加上防潮Coating年過半百以上依然準確可靠!5-60年代古董德國電阻防潮造得好過咗幾十年都好準確!其實古董零件都要視乎製作和個別狀態而定! |
Pilotrol 正式會員 24.xxx.xxx.242 |
2019-09-21 09:46 |
| [#46] OLD MARANTZ 9 VS RE-ISSUE MARANTZ 9 常見到有發燒友話胆機製作技術倒退，我唔認為係咁，實制上現代做胆機原材料已經有極大改進，單從電阻，交連電容，電解電容，交連或輸出牛之牛芯已經大有進步 現時用到特氟倫做電介質之交連電容之信號保存能力係果D古董交連容遠遠追唔上 30年代時矽鋼片大約只有約一萬高斯，做成要繞多D圈才得到足夠電感去配合功率胆，尤其單端設計，圈數多咗因為雜散電容又影響頻應，現今非晶磁芯去到三四萬高斯更有利於快速反應及寬頻更大 電阻一環亦大有進步，大家喜愛嘅碳膜A&B除咗中音特厚外其實其高頻响應及速度都幾差下，vishay四方薄膜電阻頻應平均及細節齊全兼動態超羣 而家hi end界如果你做到粒電容係真係靚聲嘅，幾千蚊一粒都有人買，D V-cap, Sleath cap正是例子 最後修改時間: 2019-09-21 01:03:40 |
niceday009 正式會員 58.xxx.xxx.219 |
2019-09-21 00:46 |
