兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 二手店。賣斷，寄賣。 一般來說，今時今日，請問hifi二手店在那情況下會樂意買斷？只接受寄賣？ 買斷，機主通常都會收到更少錢？ 幾十萬那些器材，不會被買斷，只能寄賣？ 謝謝 最後修改時間: 2025-07-11 15:58:52 |
P.2channels 正式會員124.xxx.xxx.1 |
2025-07-11 15:52 | |
|
|
|||
| [#2] 二手店。賣斷，寄賣。 唔會買斷架喇！ 買得都會係低價收。佢地一買一賣一般食你1倍價錢，賣唔賣自己諗諗 |
ddlkh 正式會員 218.xxx.xxx.97 |
2025-07-11 19:30 |
| [#3] 二手店。賣斷，寄賣。 我的器材都是给旺角區其二手店賣斷，當然比市埸價低约 20%，他要以現金交易，要搬運，要存倉，要找買家，我覺得值得。 若自已在網上平台賣，要约試机，試完壓價，有些試完机就走人，真討厭。 我朋友有套 Kharma Speaker 因索價高，二手店主找適合買家到朋友家試机交易，只收我朋友約 8% 友情费。 |
JC8852 正式會員 203.xxx.xxx.157 |
2025-07-12 00:07 |
| [#4] 二手店。賣斷，寄賣。 請問大家有沒有方法, 去防止準買家, 在電話中已經共識了價錢, 但面交時, 又當場壓價? 或來家中試機完後大壓價? |
P.2Channels 正式會員 169.xxx.xxx.67 |
2025-07-13 17:20 |
| [#5] 二手店。賣斷，寄賣。 #4 除咗一早收哂錢之外係絕對冇辦法防止臨時反價甚至試完唔要。 |
ich 正式會員 116.xxx.xxx.1 |
2025-07-13 19:28 |
| [#6] 二手店。賣斷，寄賣。 #5, 都明白的。 或者, 可以在讓那準買家到屋企試機是否正常前, 收取一千幾百作為訂金. 說明若當場壓價或不買, 就會沒收訂金。 (當然, 賣方必須在面交前, 要把器材/線材的真實情況, 全部說清楚讓準買家自己作最終決定。) 有個朋友說, 有時二手店會找 (一些) 人來賣方家或透過whatsapp/mobile, 來與講價、現場壓價、試機後不買, 或甚至約好面交後爽約, 目的是要"打擊"賣方的心理，最後以一個低價出售或被二手店收購，因為二手店一早就知道有熟客正尋找這部機或線材。 我也不知道這是否二手市場的運作。 我就未遇過上述情況。(可能係我極少在二手市場中買賣。) |
P.2Channels 正式會員 169.xxx.xxx.56 |
2025-07-14 11:30 |
| [#7] 二手店。賣斷，寄賣。 二手佬用嘅招數都係嗰啲，好易睇得出嘅，目的都係兩個。一係踩低你部機，等你心軟平賣俾佢。一係就話出面冇人會收你哩款機。 一般都係開巿價半價收機，再用巿價賣返出去。 |
ddlkh 正式會員 49.xxx.xxx.230 |
2025-07-14 12:38 |
| [#8] 二手店。賣斷，寄賣。 #6 下次你可以收訂金先. 我廿幾年前開始在Go2HK.com, eBay ,R33, DCfever....買賣超過幾百次,約到實之後被放飛機當然經歷過,11 PM上我屋企試subwoofer之後壓價又試過.我即刻cut 線、趕人走.費事嘥氣嘥精神落呢D人身上. |
ich 正式會員 116.xxx.xxx.1 |
2025-07-14 12:54 |
| [#9] 二手店。賣斷，寄賣。 係！ 上黎壓價嘅我第一時間請佢走。 而且未約已經講明唔試音色。 |
ddlkh 正式會員 49.xxx.xxx.230 |
2025-07-14 13:02 |
| [#10] 二手店。賣斷，寄賣。 香港是西客之都，做買賣十分勞氣。大家都是同好，玩的都是雅物，應該可以交個朋友，何必因為少少錢弄得不愉快? 買東西亦試過，交收之後側側膊唔找錢，幾十蚊當俾乞兒，太唔似樣。 試過幾次之後沒有在網上賣東西，幾千蚊沒多少錢寧可免費送人，交個朋友無價。 |
七仔 正式會員 113.xxx.xxx.113 |
2025-07-14 14:02 |
| [#11] 二手店。賣斷，寄賣。 所以我差不多吾會賣野。有時吾賣開吾知價叫得貴驚比人暗吊。賣左出去又驚回頭話有問題，有時舊野真係無得確定問題係自己本身定係人地度。所以我之前搬屋賣少少野（吾想直接掉）都係當益啱用嘅人就算。好多都吾使錢送出去，或叫個好平嘅價。 |
lym 正式會員 194.xxx.xxx.100 |
2025-07-14 14:27 |
| [#12] 二手店。賣斷，寄賣。 三年前賣金仔E470 真係有一點崩（真係一點）賣開29K！好多人想要旦問長問短大壓價！賣咗畀個二手哥哥26K說明書盒都唔要（一個小時內取走） B&W 705s3用咗應該9個月又係賣咗畀二手哥哥一萬蚊（705S2都唔得）！旦起碼唔使問長問短查家宅！ 而家我寧願平買音響！有時唔係金錢問題係間屋冇咁大地方！每個音響預玩五成就會開心啲。對magico A1 放$20000連喇叭網唔知會唔會畀人壓價？ |
地上最長......... 正式會員 182.xxx.xxx.195 |
2025-07-14 15:24 |
| [#13] 二手店。賣斷，寄賣。 井11師兄講得啱！賣出去又驚到時有問題！自己又唔知！點知做咗西人！尤其是av擴音機900幾種功能自己都用唔曬！唔知佢有冇壞！ |
地上最長......... 正式會員 182.xxx.xxx.195 |
2025-07-14 15:27 |
| [#14] 二手店。賣斷，寄賣。 哈~ 西客之都，剩係計 R33 交收咁多次最多係遇到壓價，興幸未試過遇到約咗交收之後畀人放飛機。 我上年喺 R33 試過係遇到個二手買家講到話有心要玩個萬零蚊嘅黑膠盤，實牙實齒話一定要買、一定要留畀佢，又話可以落咗訂先，又話要過老虎嗰關，又要等佢出咗糧先要遲啲交收。 其實唔交收就算，又唔係迫佢買，只不過嗰時我應承咗佢會留冇放畀第個，咁就畀人拖個幾兩個月，問佢答買定唔買都係一句啫，但之後又做咗縮頭烏龜完全冇晒反應，都係第一次遇到啲咁冇交帶。 又唔係啲咩貴嘢可能真係益朋友好過。 |
長長影子 正式會員 165.xxx.xxx.80 |
2025-07-14 15:48 |
| [#15] 二手店。賣斷，寄賣。 #14 呢類想食個差價，賺多少轉手費商家，出現多年了， 幾乎任何高消費物品，見個價有水位，都會入手， 手法一樣，好似好有誠意，但又唔睇貨，唔講價， 一完要賣俾佢，但就萬般理由拖延交收。 我估其實佢係由其他途徑，試圖搵人接手， 當然會比您個價高，手續費都要， 好彩有水魚承接，就會聯絡您交收囉。。 遇過幾次了，通常我俾一個禮拜時間佢， 唔交收就下位。 |
bt99 正式會員 219.xxx.xxx.205 |
2025-07-14 16:31 |
| [#16] 二手店。賣斷，寄賣。 正如我和 #12) 想法一致，平些賣比二手哥哥，收現金，乾手淨腳。因為電子器材，自已玩開一路無問題，但當你一搬走或一重手放下，問題可能即刻出現，無預兆的。 你賣比其他網上用家，他知你居住地址(上門試机）可能煩住你。除了線材或音響 Audio Parts 之外，我一定賣给 二手店，大家交流，玩得開心！ 最後修改時間: 2025-07-14 16:50:09 |
JC8852 正式會員 124.xxx.xxx.109 |
2025-07-14 16:48 |
| [#17] 二手店。賣斷，寄賣。 有本事食差價並唔係問題！最緊要爽快！又試過買得超平！又要攞老年咁遠交收！得！加多機百 |
地上最長......... 正式會員 182.xxx.xxx.195 |
2025-07-14 16:53 |
| [#18] 二手店。賣斷，寄賣。 用把口留貨好少會應承,就算留都最多係留一日. 澳洲都有HiFi 2手網,我買賣過幾次.通常listed price係final price, 好少人講價.傾掂就買家過數先至到賣家寄貨.就算同一city都未必會先試後賣.賣家成交後要俾listing fee, 唔俾就（可能） ban account. So far 未遇/聽過有問題. |
ich 正式會員 116.xxx.xxx.1 |
2025-07-14 16:55 |
| [#19] 二手店。賣斷，寄賣。 我印象中有三個users 買家好爽快 都好耐喇，點解對這三個買家印象特別深刻 應該24年前，我是有服務的 Haha 因為是全新的一對，完全未開箱的 mini utopia ,嘩送貨上去一起開箱，嘩手工好靚木製的喇叭冚好精緻，大家的笑容過程很開心，即刻試聽，好靚聲 with his system , super nice sound out of the box，自此就十分留意這個用家用的 studer mixer and power amp ,真係好靚聲，當日去播放嘅歌曲雖然我唔鍾意，是梅艷芳的一首歌，一開聲個moment 大家嘅笑容 ，好開心好開心 另一個應該都十零年前，DD 66000,反正有幾對喺貨倉，其實十幾年前都冇乜做 user 買賣，應該係相熟的一個朋友介紹畀我，咁就送貨上去一起開箱，為什麼這麼記得他呢，因為佢這個房間，系統各樣，應該可以發揮得好好，忘記了他用什麼系統了，大家都好開心，好想知道佢玩成點 另外一對是audio physics某個型號的，唔知點解同嗰個買家吹水，記憶中應該係R33，十年前已上了，唔知點解講到如果有嗰個型號嗰個價佢就必買，打幾個電話嘩有profit，咁就攞返阿few pairs 返嚟香港 for B2B,咁就益用家的價錢話畀佢聽貨到咗喇，嘩真係上嚟買，大家一起開箱，嘩做工好精緻，跟住佢返到屋企都畀咗兩張相我，因為自己從來冇玩過，係有興趣知道聲音表現 我唔覺得listen 完幾個鐘頭唔買走咗嗰啲人係西方來的客戶，過程中學懂判斷 haha 就盡量減少不做 any user deal without referral 記憶中至少有兩次 Rockport and Vivid ,送到貨上去諗住一齊分享快樂，見到他們面有難色，因為顏色的色差令他們感覺到很不自在，冇所謂，一齊聽聽，反正回程立刻B2b done ,其中一個還想繼續買，我就黑子白字寫明色差唔包，雖然熟人介紹都係咁講喇，最後他打退堂鼓 我不是在家中做這些事情都覺得用家市場是十分困難的，所以畀錢人賺畀佢哋食叉價錢，是理所當然的 真正的西方來到的客戶有一個，一個上海人嚟香港同我買一對 alto utopia Be 半年之後在內地網公審我 哈哈，原因係半年之後左右喇叭顏色變異覺得受騙,什麼打開來看左右喇叭焊點手工不一致，他的結論“你是騙子“ 哈哈 咁嘅人都有，呢對喇叭幾好sound 幾鍾意，攞嚟聽音樂唔錯 最後修改時間: 2025-07-14 18:12:53 |
hahayanyan 正式會員 86.xxx.xxx.47 |
2025-07-14 18:05 |
| [#20] 二手店。賣斷，寄賣。 如吾係諗住賺錢或做生意，自己玩完出讓都想接手個開心，吾會想同自己買完個好似跌左錢咁。 |
lym 正式會員 194.xxx.xxx.50 |
2025-07-15 18:48 |
