兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
影音天地主旨 ﹝請按主旨作出回應﹞ 下頁 尾頁 | 寄件者 | 傳送日期 |
[#1] 小改變大改善 小弟一向都唔迷信, 多從設定校聲或覺得唔夠玩就乾脆成部機換過 從來都唔信攪線, 攪電呢D方法會對影音帶來咩改善 早幾日放假無聊無事做就出左去旺角兜個圈, 上到影音舖就跌錢喇 當時間舖好靜無咩人得我同另一個客係度,見果位師兄同個職員傾開電 言談中得知佢係玩開兩聲道而且似係初哥並開始微燒......想學入玩下電 但budget有限暫時買唔起名牌子,經個Sales佬推介最後就買左隻唔知咩牌子既電製面板走人 咁都好平常姐, 玩開電既來來去去都係果幾款熟口熟面架喇,大牌子既唔係SINE就Oyaide架啦 但呢D牌子又真係好貴, 出黎既聲效表現係咪天同地就要落左踏先知,對玩電入門既講真係搏一舖 同個 Sales八下頭先條友咩料啦, 咁就知有隻近月新返既電掣面板係英國牌子 聲稱100% 純銅片導電, 音色純淨, 岩晒相試下效果而又唔想一開始就花巨額金錢既友 而且仲有埋兩個 USB PORT 俾手機差電, 仲話唔知有咩SMART USB 技術 當手機食飽就會自動cut 電...... 到大晒, 梗係無理佢啦 如果買兩隻共4個蘇 (塑膠白色) 唔使$700, 但當中不鏽鋼金屬面版系例真係整得幾靚 尤其 "白金色" 果隻, 好有鐵甲奇俠Feel就係呢隻顏色令我心動, 小弟影音分家四個插位就岩岩好 就算聲音效果出黎無預期咁好, 都無晒錢, 咪電腦台近疏化一隻, 房一隻差手機電唔使轉插都好呀 當時心諗如講到唔超過 $1000 銀俾我出到門口既, 我咪買囉~ 當玩具又如何 哈! 果然成真即科水走人, 臨走前條友話黎緊金屬面版仲有拉絲鋼及多幾隻顏色返 返到入屋即熄電標總掣拿拿林搞, 拆開盒見到原來呢隻英國牌子都有D design 接線有啡色, 藍色, 黃綠色標示, 就算無電工牌都識裝, 唔使燒焊, 唔辣雞, 工具一支鏍絲批 如無色盲既話, 跟顏色線收緊鏍絲就搞掂喇, 安裝非常容易, 再拆開面蓋睇 走線佈局分配得好精細, 條銅片好硬淨, 唔似鐵鍍銅而內部兩條電線好粗, 個殼極之硬身 阻燃工夫做到足, 重料 ! 同樓下一般五金舖賣果D十幾廿蚊雜嘜或斯耐X差好遠...... 電影編: (擴音機YAMAHA DSP-Z7+ Sunfire 7201 Power Amp) 7.1聲道 聽後感 廢話講完, 立即熄燈開機重睇一次 "怪獸與牠們的產地" 部機一開聲當堂 嘩! 左出黎 聲音出黎既效果比起我第一次睇時雖未致於完全兩套戲咁誇張,但係果種細緻程度係有個 幾明顯既分別, 因套戲已經係兩個星期前睇過,劇情已知所以更加將主意力集中係聽聲音方面 呢套戲較多英國演員參與演出及作者 "JK羅琳"本身都係英國人關係 開頭都用幾多弦樂做背景音, 聲音風格上都近似英國電影多D與 "妖夜尋狼" 果種打正旗號 美國荷利活式動作科幻片聲效係前者效為襟聽, 到中間講到個哥仔放隻好似龍捲風既怪獸出黎果段 聲音動態最為明顯, 好容易就聽得出隻怪獸係兩旁建築物撞撞去, 夾雜住中底頻音同時出都有一定條理 聽起上黎唔會好似第一次我睇時覺得有好似倒垃圾咁亂既感覺, 今次換左個牆插聽得出 果D發黎發去既磚頭碎石中高音頻段比之前確實係清楚左好多,細微弱音位出D, 成個感覺都立體 (電影編 總結:) 換左呢個 "British General" 牆插係專登揀呢套重睇, 方便做過A,B比較 除返開以唔使$500有兩個13A純銅片蘇位牆掣, 有咁既做工, 用料及安全性而又有咁既聲音水準 係同一般無任何改動既牆身插蘇黎講性價比算好高, 睇戲呢度我收貨 音樂編: (器材: Cambridge Audio AZUR 650A+650C) 2聲道 聽後感 蔡琴試音 換左 "British General" 牆插後, 直到昨晚先有時間試兩聲道, 而小弟睇戲聽歌都習慣熄晒燈進行 而聽歌方面較為鐘情中慢版既歌曲尤其女聲, 早年係德發地庫入左呢隻 "蔡琴試音" 兩聲道比起睇戲多聲道就更蝦入玩, 更加充份試到隻牆掣係咪流料, 一開機我就點 "渡口" 開頭果幾下鼓聲, 支鼓棍打落鼓面果浸低頻好似比起以前停留得耐左咁, 個feel好deep且開揚 有種環繞聲既感覺添, 試過有幾下鼓聲我仲以為係咪對睇戲 Surround Speaker發出黎架 ? 無理由丫我影音分家架嘛, 不時另轉頭望一望對 Surround, 都幾得意既, 繼而到結他聲 比以前清晰好乾淨利落, 似係結他手當時係企係較前既位置, 結像力提升左好多呀 當蔡琴一開聲頭幾句就更為明顯, 蔡琴成個人就直頭企正 "中置位" 一樣 套兩聲道 HIFI就好似換高左一級 Model咁, 有咁既效果, 聽到有D谷眼淚非常之陶醉 一聽就連續幾隻碟, 唔覺唔覺都聽左4粒鐘, 真係估唔到唔使 $1000會有咁大改善, 底到爛 ! (音樂編 總結:) 今次一出旺角雖然悟打悟撞使左錢,但又因為咁改變左我既固有睇法,電係影音表現上確實存在影響 而如有師兄暫時唔夠 budget買貴牌子電裝置的話, 都不防考慮下以上呢隻電掣 起碼好過你屋介而家果隻不知明雜嘜好多 |
akira11092 正式會員 203.xxx.xxx.73 |
2017-04-08 09:43 | |
|
[#2] 小改變大改善 有usb既面版內置电子牛,對声音必定有影響,我利申用緊sine,几年前未出名用英國造插座抵用又好声,現在賣得貴過oyaide,反而唔知边度造 |
bb1668 會員 183.xxx.xxx.127 |
2017-04-08 10:07 |
[#3] 小改變大改善 師兄 無影響架,睇下裡面咩構做架咋 呢隻 BG牌子電掣無 fuse 走線佈局跟其他牌子唔同 所以裡面黎係 13A 同 USB 係完全分開晒 呢度放唔到太多相上黎, 詳見 https://www.post76.com/x2/forum.php?mod=viewthread&tid=254798&extra=&page=1 |
akira11092 正式會員 203.xxx.xxx.73 |
2017-04-08 10:30 |
[#4] 小改變大改善 多隻香爐多隻鬼,又开关掣又usb,真係俾音響用,最多都係買mk孖頭13A,simple is the best |
bb1668 會員 183.xxx.xxx.127 |
2017-04-08 10:43 |
[#5] 小改變大改善 師兄 呢隻牌子電掣唔係俾音響專用既 只不過內裡用料比一般五金舖廿蚊樓下或 風x牌,斯耐X 較好,所以音色因而咁樣有些小提升姐, 當然花得起錢既就梗係買 SINE,Oyaide呢類專業電掣啦啦,以上呢編文係推介俾一D微燒 唔花大錢都可以有改善既AV友,多個選擇姐 |
akira11092 正式會員 203.xxx.xxx.73 |
2017-04-08 10:52 |
[#6] 小改變大改善 甘貴....................真係搵人買喇! |
吹吹水 正式會員 218.xxx.xxx.162 |
2017-04-09 20:04 |
[#7] 小改變大改善 睇到hkepc 好多傻仔跟住買 |
kakui 正式會員 183.xxx.xxx.53 |
2017-04-09 22:35 |
[#8] 小改變大改善 仲要吹到工都唔想開 要即刻仆去買 |
kakui 正式會員 183.xxx.xxx.53 |
2017-04-09 22:36 |
[#9] 小改變大改善 駛鬼出旺角買咩,上網買仲平3份1 有多 |
kakui 正式會員 183.xxx.xxx.53 |
2017-04-09 23:02 |
[#10] 小改變大改善 一個賣一舊水嘅牆插,去到 Hi Fi 鋪賣貴三倍。 |
bakerr 會員 203.xxx.xxx.219 |
2017-04-09 23:29 |
[#11] 小改變大改善 係76睇完個內部即刻反胃 最後修改時間: 2017-04-10 01:32:29 |
BB1668 會員 113.xxx.xxx.2 |
2017-04-10 01:31 |
[#12] 小改變大改善 嘩 正 |
kakui 正式會員 183.xxx.xxx.53 |
2017-04-10 17:21 |
[#13] 小改變大改善 Hifi 界一有利可圖,便一粒木都可以吹到變樹精 最後修改時間: 2017-04-10 17:28:10 |
kakui 正式會員 183.xxx.xxx.53 |
2017-04-10 17:24 |
[#14] 小改變大改善 哇 你睇成班盲毛跟住搶丫 E d野專呃新仔學費。不過r33老手比較多 |
Poom 正式會員 202.xxx.xxx.116 |
2017-04-10 19:11 |
[#15] 小改變大改善 俾10蚊都嫌多! |
Phil 正式會員 218.xxx.xxx.109 |
2017-04-10 19:24 |
[#16] 小改變大改善 不過咁, 講開又講, 我哋做靚仔時都到 彈弓楊賣“走“李等呃唔少錢! |
Phil 正式會員 218.xxx.xxx.109 |
2017-04-10 19:26 |
[#17] 小改變大改善 #12 笑死,代理心諗,X,早知唔post r33啦。哈。計埋税,貴3倍,好野。 睇過佢uk個 catalog, 好多都幾吸引,當然要係水貨價先吸引。 最後修改時間: 2017-04-10 19:48:32 |
Joeyd 正式會員 59.xxx.xxx.98 |
2017-04-10 19:35 |
[#18] 小改變大改善 賣走你話既 左右聲道喇叭叠起都有定位架 信佢就神仙 |
schmike 正式會員 58.xxx.xxx.163 |
2017-04-10 20:02 |
[#19] 小改變大改善 好勁呀! |
ae100i 會員 124.xxx.xxx.42 |
2017-04-10 21:10 |
[#20] 小改變大改善 代理貴三丶四成我覺得正常,運費丶鋪租丶人工丶廣告。但現在求其搵個牆插,將佢神化,再加一堆打手然後賣貴三倍 Amazon 個價未包運費,但今時今日個個都用代運,運費重好鬼平 |
bakerr 會員 203.xxx.xxx.219 |
2017-04-10 21:25 |