review33.com: 影音天地: etsang3 - 大家齊來砌power supply

分類搜尋 移民 | 借錢 | 投資 | 物流 | 搬運 | 按揭 | 樓盤 | 保險 | 機票 | 酒店 | 升學 | 補習 | 手錶 | 電腦 | 紅酒 | 網購 | 脫髮 | 健身 | 減肥 | 濕疹

影音天地主旨 ﹝請按主旨作出回應﹞ 下頁尾頁

寄件者

傳送日期

[#1] etsang3 - 大家齊來砌power supply 之前同一個入門的年青網友講, "唔好 D amp 買完一部又一部啦,買部 Class A 玩,以後唔洗再買啦" 之後佢發覺Class A amp 好貴的,這話題大家無再談下去。之後佢突然call我話網上買左塊"Death of Zen"底板,切左部Class A,但係失敗左無聲,叫我救命。那兄弟全無電子底,電底都無,咁勇diy又有heart,我更係唔好令佢失望啦。最後同佢攪番掂,再隨手用D垃圾鋁角做個骨架加D插鑲起兩塊PCB比番佢,happy ending啦。當然,佢將部"Death of Zen"接到佢對Harbeth喇叭後,從此進入了另一個HiFi世界啦。佢發覺Class A 音色純正和控制力好吸引之後,好快又砌另一塊Class A 板試了。我希望佢將我教佢D技術,同佢DIY d 經驗,上黎同大家分享下, (例如乜都唔識,焊完零件唔剪腳,一開機乜都燒清光,自己上龜殼POWER管又唔問無用絕緣片,又燒晒,後尾了解安全(用安全燈線)同耐性同小心係好重要的) 能引導人人砌DIY Class A , 同大家屋企部廠機"揮"過。其實我年青時都有呢d問題,成日心急唔檢查多一次,又跳過用安全燈,成日一開機燒哂先後悔。無電子及焊錫知識網友第一次DIY PCB Kit,雖然燒哂收場。但獲得的經驗佷寶貴。最後修改時間: 2015-05-05 00:18:00		etsang3 正式會員 58.xxx.xxx.198	2015-05-05 00:14

[#2] etsang3 - 大家齊來砌power supply
隨手用D垃圾鋁角做個骨架加D插鑲起兩塊PCB比番佢，半小時攪掂(當然用先進重型工具啦)

etsang3

正式會員
58.xxx.xxx.198

2015-05-05 00:15

[#3] etsang3 - 大家齊來砌power supply
.

etsang3

正式會員
58.xxx.xxx.198

2015-05-05 00:16

[#4] etsang3 - 大家齊來砌power supply
最近佢決定做一套供電, 火牛兩隻 (40v AC X 2 /600VA) 加水塘(47,000Uf 63v X 2 兩套),準備往後試不同Class A 底板之用。
(Ha..Ha.. 佢話next想試 Krell 100W Class A 板喎)
佢問我點樣去設計及做一塊穩壓(降壓)底板,等佢可以試, +/-50V以下種種不同的Class A 板音色。

我覺得穩壓(降壓)底板好實用(Zener, LM317, LT1083-7A),有好多人都想做份Analog Power Supply 比佢部CAS,
我覺得無電子知識的朋友當砌模型小心照做都應該做到,又可以獲得工作以外的"成就感"（現在工作上那還有"成就感"丫)
所以嘗試起呢度作網上教育，教學雙長也。
先說一下電子及穩壓(降壓)線路的原理。之後就從去買料講到用萬用線路板砌出成品啦。
看得明就明，不明就買料狂砌啦。
我要工作和休息我估我不能天天出post,但我一定會和大家砌出成品的。

etsang3

正式會員
58.xxx.xxx.198

2015-05-05 00:19

[#5] etsang3 - 大家齊來砌power supply
大家先看看我們的第一份, Zener 穩壓(降壓)線路，也不要小看它，
它雖然穩壓精度不高，但它零件小Noise自然小最低，無”負回輸"反應無delay及overshoot問題(用op-amp的一般有)。

etsang3

正式會員
58.xxx.xxx.198

2015-05-05 00:20

[#6] etsang3 - 大家齊來砌power supply
睇完Tsang示範，我又心思思想砌返部甲類。哈

by iPhone / iPad App

徐福

正式會員
123.xxx.xxx.42

2015-05-05 00:29

[#7] etsang3 - 大家齊來砌power supply
又有機會跟大師傅學野,曾SIR有心有力,好一句"教學雙長",我輩DIY半桶水,必定受教!

baker.steven

正式會員
119.xxx.xxx.210

2015-05-05 00:54

[#8] etsang3 - 大家齊來砌power supply
正好幫我彌補返呢幾十年"DIY粒机"嘅空白
THX

軍城

正式會員
112.xxx.xxx.82

2015-05-05 01:31

[#9] etsang3 - 大家齊來砌power supply
好貼!
相信這貼是繼漏電電容後又一王牌貼!

user_aaron

正式會員
203.xxx.xxx.127

2015-05-05 08:06

[#10] etsang3 - 大家齊來砌power supply
年青時在觀塘住,多得開明及對我有信心的老父比我放學後通街走。(當時的細路係會自動自覺做完功課先"通街走"的)
多在"裕民坊"蒲,我看著它成長,它看著我成長。
去銀都戲院旁的中華書局打書釘,鍾意看"大家齊來?..." 的DIY電子書,
再過去文志唱片(秋官的,月亮光光-月亮光光播足一年),隔離的永安電子打躉搞搞,
陳師傅(靚佬的潮州怒漢,但其實很有愛心)其實言談間和看他身教,教授了我不少做人的道理,就在"我比他一兩蚊+強行免費執舖服務, 他回我一大袋零件"之下,開始我"密密造",不求甚解的DIY成長期了。到我懂得坐青山道小巴出鴨寮街時,便知到陳師傅收我的跟本不算收過我錢,只是想我了解"世上無免費午餐"罷。
現在"裕民坊"已移為平地,看著文志唱片那塊地,歌聲在耳,看到穿住"文化"底衫的我在和師傅談笑。這次"大家齊來..."是記念這一段童年光陰,記念我人生中其中一過重要的師傅。
老父說我6歲拆了自己的單車,10歲比我玩辣雞。原來這工具我懂了(DIY了)四十多年了。我已忘記它是辣雞了。
年來慣用鐵尺用它往開了口吃不完的零食膠袋一間切去多餘的膠袋同時也自動封口,膠袋細了零食也不易淋了,辣雞真是很好用。哈...哈...

etsang3

正式會員
202.xxx.xxx.193

2015-05-05 10:20

[#11] etsang3 - 大家齊來砌power supply
如今晚有時間有精神,開始和大家講解線路。
從左面講到右面分多次講。
先講220V(220伏特)AC(交流電), 50Hz(週)
所有電子產品都是用DC(直流電)的,要供電到電子產品裏給它用,
把交流電轉成直流電這一關很重要。(無論後面再用不用穩壓線路 )
這我從前跟一個網友解說過的圖,現在重用。英文可以的可先行了解一下。