兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#8] 音響經驗分享 其實所有數碼器材都內置line fiter，但唔係代表能夠完全濾清祇不過係合乎某標準。如果擴音機嘅設計係冇line filter特別係嗰啲DIY，受影響自然比較大。 |
DY2036 正式會員14.xxx.xxx.222 |
2024-09-13 16:48 | |
|
|
|||
| [#9] 音響經驗分享 ＃6 明顯係部CD機問題，當然分開線可以解決已經好簡單，有條件可以由電箱出三幾組線比器材，一組比數碼嘢，一組比前級電壓放大，一組比後級，不過如果你插晒啲嘢落一個拖板都無事的話，就睇你有無動力去搞電源，雖然唔咪好多錢，而且如果自己識電的話可以自己搞。 如果系統出現高頻噪音是嚴重問題了，一般多是接地問題做成嘅噪音。 最後修改時間: 2024-09-13 17:02:58 |
peter827 正式會員 182.xxx.xxx.27 |
2024-09-13 16:52 |
| [#10] 音響經驗分享 音響發聲係喇叭，所以揀喇叭係器材第一步，初玩音響多數主要聽pop music，一般要求低音勁，不過點先可以出到勁低音就先明白原理會好啲，多年前我初入手乜都唔識，聽人講3/5A好就去買，當時約3千4，同期平價HiFi喇叭Selection 就貴啲，當時無話揀得啱唔啱，只係受當時市場資訊推動去買，不過唔知要推好佢唔易，買部日本合拼amp 3千幾就出事（當時當然唔知），拍晒邊，靚唔靚聲已唔重要，大聲啲都唔得，折騰兩年一無所得。之後把心一橫整對12寸低音嘅喇叭，嘩！無拍邊了，低音好多，多得滯，這時無錢無知識，走去研究喇叭結構，無耐下直接在分音器減低音，成功咗已好安心，叫做聽咗兩年，當然唔會靚聲，唔知其實係amp唔夠力控制個低音所以低音失控，所謂減低音就只係減少失控嘅低音。所以要低音勁就一定要amp夠力推，damp得著個低音。 |
peter827 正式會員 182.xxx.xxx.27 |
2024-09-13 18:31 |
| [#11] 音響經驗分享 如果是新裝修的話，有要求的話應該避免series single point earthing, 而改為跟一些重點供電設施般用parallel single point earthing, 用EMI receiver測量出來的分別是非常大的(ref.下圖)。  |
mcc_2001 正式會員 42.xxx.xxx.125 |
2024-09-13 18:37 |
| [#12] 音響經驗分享 揀喇叭一般都會考慮房間大細，香港二百尺左右廳都應該揀座地會比較好，除非你真係唔考慮爆（大音壓啲啲），基本聽張學友都要爆得起先好聽，低音有10寸以上更理想，有啲喇叭低音單元在側面的都可以，如果在二手市場搵就比較被動，要慢慢搵合適，阻抗一般是8ohm或4ohm，之後找後級時一定要配合到阻抗先會靚聲，市面好啲嘅喇叭價值唔少嘢，原因係佢地嘅產量唔咪太大，喇叭單元其實唔算太高成本，最有價值係個箱，比幾萬叫你造你都唔會考慮，所以如果只求靚聲不求貴氣的話，搵二手喇叭或自已造（有基本功）都是可行。 |
peter827 正式會員 182.xxx.xxx.40 |
2024-09-13 20:26 |
| [#13] 音響經驗分享 低音勁就一定要amp夠力推，噉樣amp點先為之夠力。8瓦夠唔夠，因爲我部機就係得嗰8瓦。 |
DY2036 正式會員 124.xxx.xxx.26 |
2024-09-13 20:33 |
| [#14] 音響經驗分享 ＃13 要計部amp推8ohm喇叭時最大輸出火數，配合得好就可以用盡部amp，當然要靚聲就要部amp火數足夠大及質素夠靚。 |
peter827 正式會員 182.xxx.xxx.40 |
2024-09-13 20:54 |
| [#15] 音響經驗分享 個人聽歌仔四十多年嘅經驗分享 有電到之後,環境係第一先決條件.有合適甚至靚空間的話,放任何器材,包括幾百蚊嘅無線藍牙喇叭都可以出到decent 聲音. 錄音排第二 第三先到喇叭 |
ich 正式會員 112.xxx.xxx.21 |
2024-09-14 10:52 |
| [#16] 音響經驗分享 喇叭擺位都會決定所需功放功率要求，等邊三角係基本，邊長兩米應該適合一般家居，屋大擺開啲未必一定好咗，離得太開可能房間產生嘅氾音相對直接音比例會過高。市面主流喇叭靈敏度多是86db左右，所需功放功率可參考網上資料https://www.crownaudio.com/how-much-amplifier-power 200W基本走唔甩，不過當你揾到部200W amp返來試時，好多時都未能滿意，多是一大聲（未到爆嘅層次）就失真，啲聲耷晒或嗱埋一舊，這當然可以話係質素問題，不過問題唔知係乜質素問題，這打擊足以令一個實力不足嘅男人失落好一段日子，在這段迷茫時日中只好靜靜地聽吓一啲還可接受的歌仔，期望有奇蹟總是不切實際，一切寶品都無補於事。抱團圍內的人門會給你安慰，聽HiFi唔會大聲的，有音樂感人聲夠厚夠真夠還原就是音響HiFi至高境界，太大聲只會聽壞耳呀（這又是真的）。  最後修改時間: 2024-09-14 12:07:19 |
peter827 正式會員 182.xxx.xxx.40 |
2024-09-14 12:05 |
| [#17] 音響經驗分享 請問這個計算表，為何不需要輸入房間面積？ 如果音壓改為90dB計算，擴音機只需20W |
mark1 正式會員 124.xxx.xxx.178 |
2024-09-14 12:45 |
| [#18] 音響經驗分享 人哋嗰啲係PA amp戶外開放型，當然就唔需要理會房間空間大細。可惜大多數發燒友都係響一個立方體房間裏面聽歌，呢啲噉嘅報告完全不適用。 |
DY2036 正式會員 14.xxx.xxx.206 |
2024-09-14 13:56 |
| [#19] 音響經驗分享 ＃17 應該係靜音室數據。 用高效率喇叭的確係可以用細啲火數推，不過市場決定技術走向，唔咪主流玩法總有其原因，如果有技術係可以點玩都得，多好多選擇。 |
peter827 正式會員 182.xxx.xxx.40 |
2024-09-14 14:01 |
| [#20] 音響經驗分享 喇叭與功放嘅配合當然重要，在耳朵收貨前都應該有啲數據跟吓會容易啲，例如 Accuphase p4600 https://www.accuphase.com/model/p-4600.html 8ohm下150W，4ohm時300W，2ohm不足600W(估計出現電壓降)，所以適合4ohm喇叭，推8ohm當然唔咪唔得，數字上會係嘥咗，當然可能推8ohm會更靚聲，不過力度必然無推4ohm咁足，亦可能有人會話推你部8ohm喇叭時更加從容不迫。 呢部嘢都唔平。 揀喇叭時可以考慮Active喇叭。 |
peter827 正式會員 182.xxx.xxx.40 |
2024-09-14 14:09 |
| [#21] 音響經驗分享 唔咪個個音響愛好者都負擔得貴價音響器材，好多人成套架餐都未必過十萬，佢地聽歌會有一定限制，好多作品都聽唔掂，每次興高采烈買隻CD番去聽都要有負面心理準備，坊間傳到幾靚錄音嘅交響曲完全感受唔到，慢慢開始識揀啲風險無咁高嘅碟，相信這層次的發燒友收藏的CD中應該無一半作品是聽得滿意的，而就在這現實面前不知不覺間就出現所謂發燒碟喇，就是刻意為這普羅一群在製作上突出清晰度，好多時係放棄一定嘅細節，正如執相時加大反差及銳利度。 |
peter827 正式會員 182.xxx.xxx.188 |
2024-09-14 23:09 |
| [#22] 音響經驗分享 每套系統及聆聽環境都唔同，其實只要在自己套系統透過實踐測試，如果聽到改變後就要分辨是否改善。學習分辨是否改善要多聽不同音樂，系統及真實演奏樂器，設定自己一套好聲或靚聲的標準。好多玩法及附件等只能錦上潻花，不可以起死回生。 |
Laupta 正式會員 80.xxx.xxx.135 |
2024-09-15 02:33 |
| [#23] 音響經驗分享 同玩相機一樣，越轉越細。 從前 前後級加對落地喇叭，今日 手提藍牙喇叭已經心滿意足。 所以根本人人要求不同，分享咗亦無任何參考價值。 尤其是現在香港地寸金尺土，放得落成套音響真係唔簡單！ 最後修改時間: 2024-09-15 07:44:37 |
CodyChan 會員 119.xxx.xxx.157 |
2024-09-15 07:43 |
| [#24] 音響經驗分享 #23 尤其是現在香港地寸金尺土，放得落成套音響真係唔簡單！ 形容得很貼切呢 地方的確重要，冇足夠地方及賽道，仟萬元的器材及超級跑車也發揮不到。 |
Fullhd 正式會員 113.xxx.xxx.13 |
2024-09-15 10:15 |
| [#25] 音響經驗分享 玩物養智學懂面對現實，不作無謂掙扎，在自己範圍內追求進步，明知爆唔起就唔再爆，心思在無其他選擇下自然對清晰度多點關注，試不同音源器材少不免，十幾年前部CD機壞咗之後就試用電腦出，因為幾千蚊嘅CD機都已無動力買，又試用音響sound card，改線性電源，換opamp改線路等等，之後市面有USB解碼器亦玩得方便好多，得著係革命性的，分析力強咗之後大聲壓下啲聲都會好咗。 |
peter827 正式會員 182.xxx.xxx.188 |
2024-09-15 13:15 |
| [#26] 音響經驗分享 經常有發燒友經驗分享提到低音反射孔向後的喇叭，不能貼近後牆擺放，究竟原因係乜？ |
mark1 正式會員 124.xxx.xxx.219 |
2024-09-16 02:59 |
| [#27] 音響經驗分享 為何唯獨是反射孔向後的喇叭，就不能貼近後牆擺放？ 其實呢個問題好簡單，你嘗試將個喇叭貼盡後牆，你覺唔覺得個聲會受影響。如果你覺有噉即是後面氣孔嘅喇叭不能貼近後牆擺放，噉至於距離幾多最重要起碼輸出氣流能夠不受影響地擴散，當然環境都有好大影響，所以擺放距離每個用家都會有唔同。 |
DY2036 正式會員 14.xxx.xxx.206 |
2024-09-16 08:27 |
