兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1353] Any Fanling or Sheung Shui hifi friends 4 去咗家係大眾點評必吃榜嘅食店，簡簡單單叫咗兩樣嘢，一碟豆腐加一鍋雞加薯粉諗住兩個人應該夠食。噉就叫個店員落單，可能語言不通唔知點解個店員係都要問我要乜嘢主食，來回同佢講咗幾次佢都唔明我講乜嘢，最後屘我求其搵要個最平嘅一碗白飯。有時真係好難講原來嗰碗白飯系好好食，佢係五常大米，入口感覺輕微粗粗哋唔油食落煙煙韌韌，而我太座平時唔係好食飯嘅都食曬1/3碗。當然豆腐都好食，雞都炆到好腍骨肉分離但係雞肉咬落去非常煙韌絕對係新鮮雞。 有時真係高手在民間，唔需要太貴但係絕對好好食（用心去做）。  |
DY2036 正式會員182.xxx.xxx.95 |
2024-12-27 21:20 | |
|
|
|||
| [#1354] Any Fanling or Sheung Shui hifi friends 4 上一次同太座去上海旅遊（耐到都唔記得幾時），去到呢個出名景點冇入去，因為當時每個人收費30圓但係明知裏面好細衹是一啲庭園樓閣所以唔值得入去。今次重遊已經係免費入場，但係裏面嘅佈置變得不倫不類，明明極中式嘅建築裏面就擺咗一啲科幻西化嘅佈置。 你有冇發覺好似似曾相識.....我睇睇下好似系阿凡達。     最後修改時間: 2024-12-28 06:23:59 |
DY2036 正式會員 182.xxx.xxx.95 |
2024-12-28 06:22 |
| [#1355] Any Fanling or Sheung Shui hifi friends 4 呢個世界有時真係好奇妙，上次嚟上海專登搭佢架磁浮同埋高鐵去南京。今次去網上book機票酒店套餐，開頭佢彈出嚟嘅機票可能係浦東機場所以佢推介一間酒店係近浦東機場，但係佢嘅時間係晚去早返，所以我後屘改咗做早去晚返。一時間冇留意機場名稱就出咗事，機場同酒店係天各一方。當時諗走嗰陣時推住兩大箱行李如果要搭地鐵都幾麻煩（要轉嚟轉去），當然搭滴滴都得200幾文。呢個世界就係咁啱得咁巧昨天27/12號開通咗一班市域機場線，由浦東直接去虹橋機場只係需要六個站。 酒店去浦東機場係有免費專車搭過去，噉今天可以過去幫佢剪剪彩，試搭呢班昨天才開通嘅市域機場線。不過去虹橋機場之前先去中春路再轉車去七寶（只係一個站），因為有間麵包鋪啲bagel好好食，買返一大堆之後食埋個晏先去機場返香港。  最後修改時間: 2024-12-28 09:15:51 |
DY2036 正式會員 182.xxx.xxx.249 |
2024-12-28 09:10 |
| [#1356] Any Fanling or Sheung Shui hifi friends 4 dy hing 遊上海，開心呀! 最後修改時間: 2024-12-28 09:39:06 |
bigleung 正式會員 223.xxx.xxx.197 |
2024-12-28 09:38 |
| [#1357] Any Fanling or Sheung Shui hifi friends 4 開心，坐呢架車有啲似坐高鐵嘅感覺一樣咁平穩。  |
DY2036 正式會員 182.xxx.xxx.249 |
2024-12-28 11:08 |
| [#1358] Any Fanling or Sheung Shui hifi friends 4 暫時呢條線我發覺最貼心就係車站裏面有候車室，候車室裏面會提供暖氣，因為上海凍起上嚟都唔講得笑分分鐘零度以下，而家都係約六度。  |
DY2036 正式會員 182.xxx.xxx.56 |
2024-12-28 14:00 |
| [#1359] Any Fanling or Sheung Shui hifi friends 4 我睇咗隔籬post人嘅年紀同聽覺靈敏度幅圖之後，只可以一笑，60歲或以後8KHZ基本上已經跌咗成廿幾dB，都唔好再講十幾廿拾幾KHZ。即係話呢個歲數嘅人聽AM收音機已經足夠，轉去FM佢都分別唔到有音質嘅改善，你覺得你係咪噉樣? 有時啲嘢睇咗就算唔好盡信，否則我都唔會為咗輕微嘅改善而搞咁多實驗。 |
DY2036 正式會員 124.xxx.xxx.26 |
2024-12-29 09:35 |
| [#1360] Any Fanling or Sheung Shui hifi friends 4 今日早餐當然要享用返響上海買嘅bagel煙煙韌韌，再加一杯咖啡真係一樂也，生活就係咁簡單夫復何求。  最後修改時間: 2024-12-29 09:54:42 |
DY2036 正式會員 124.xxx.xxx.26 |
2024-12-29 09:38 |
| [#1361] Any Fanling or Sheung Shui hifi friends 4 剛剛響祖國返嚟唔知點解想播返啲歌，當然唔係愛國歌曲嗰一類，反而諗起鄭少秋嗰啲武俠電視劇主題曲，噉不如攞返幾隻熱熱身。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-12-29 10:20:49 |
DY2036 正式會員 124.xxx.xxx.26 |
2024-12-29 10:19 |
| [#1362] Any Fanling or Sheung Shui hifi friends 4 讓我哋進入武俠世界裏面。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-12-30 23:45:53 |
DY2036 正式會員 124.xxx.xxx.26 |
2024-12-30 23:45 |
| [#1363] Any Fanling or Sheung Shui hifi friends 4 香港嘅黑幫電影通常都有呢句:「出得嚟行，遲早要還。」。 其實響現實生活中何嘗唔係，一個村長突然間俾人覺得佢發咗癲做出一啲唔正常嘅行為，當然佢唔係真係癲咗祇不過佢俾人逼到癲。呢個癲佬發癲之前唔係吸咗太空油，而係有朋自遠方來，遠方嘅「司機」叫佢嘅保安部長過嚟探訪過佢希望村長比啲煙花拎返去佢本土放下。但係啲煙花唔係咁隨便可以出口，呢個提議一定會畀村議員反對絕對冇可能通過。但係佢呢個村係有個黑幫大佬照，大佬一早已經駐咗啲打手響度，村長都係一個傀儡冇乜自主權，「司機」係黑幫大佬叫佢過嚟借嘢村長點可以唔應承。村長左諗右諗晚晚失眠，最後屘諗咗條屎橋，唯有強調條村有極大威脅，誣衊有啲村議員係外國間諜，條村立刻處於緊急狀態村嘅保安部即刻接管整條村，所有村議員嘅行為即時受到監控並禁止進入太廟進行一切會議，噉嘅情況下村長自然可以為所欲為。點知呢個保安部啲人軟弱無能，唔敢用槍打瓜啲手無寸鐵嘅村民，今次村長真係所托非人，奪權失敗嘅結果就自然係遲早入獄。同一件事之前黑幫大佬嘅做法就簡單好多，啲保安一槍就打瓜咗想闖入太廟啲村民。 真係好似秋官嗰隻歌噉唱:「情...與...義...值一蚊...」。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-01 20:26:41 |
DY2036 正式會員 124.xxx.xxx.26 |
2025-01-01 20:01 |
| [#1364] Any Fanling or Sheung Shui hifi friends 4 其實「寒角」呢個地方好似一早比人咀咒咗，做得村長都冇邊個有好結果。唔知點解都仲係有人搶住去做，可能佢哋都認為自己係天命人，人定勝天可以改變命運，不過可惜大多都事與願違唔係身敗名裂就鋃鐺入獄，再唔係就自殺結束生命。 今屆嘅村長都係身在江湖身不由己，而家我諗佢乜都唔使做只可以靜靜地望住個天，回想番自己由出世並一路努力奮發一步步踏上村長之路，當中幾番艱辛最終踏上人生嘅巔峰。但係跟住條路係點...真係茫茫滄海身不知處。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-04 00:56:56 |
DY2036 正式會員 124.xxx.xxx.26 |
2025-01-04 00:47 |
| [#1365] Any Fanling or Sheung Shui hifi friends 4 有時真係有啲心傷，好耐冇去大埔再去返又發覺有啲食肆已經執咗笠。咁多年嚟仲令我覺得滿意嘅食肆我諗暫時凈返兩間，當然之前唔止兩間，但係經過歲月嘅洗禮好多都為咗慳成本又唔敢加價太多就只可以用次一等嘅食材，噉無疑就係飲鴆止渴，連我呢個Fans都離佢而去。 當中深水埗鴨寮街公廁對面嗰間腸粉店，我真係由細食到大，可惜N年前佢轉咗手之後已經大不如前。如果你而家都覺得好好食嘅話，我祇可以講以前係極極極好食，仲諗起嗰種油香食過真係念念不忘，如果經過一定會過去幫襯真係同吸毒都冇乜分別。 剩返嗰兩間其中一間就係「莆田」，佢星期一至五嘅下午套餐簡直係抵食好食，用茶餐廳嘅價錢食到五星級食肆嘅出品，咁多年嚟品質一啲都冇變當然價錢都升咗少少。另一間就係響大埔嘅「御和亭」，HK88角切魚生飯同埋集錦天婦羅烏冬，淨係啲前菜配菜都好有睇頭，烏冬裏面又有大把雜菜（食咗一半），啲嘢上到台相都未影就食咗兩隻天婦羅海老同埋塊番薯，真係好好食啊。   最後修改時間: 2025-01-06 22:47:48 |
DY2036 正式會員 124.xxx.xxx.26 |
2025-01-06 22:43 |
| [#1366] Any Fanling or Sheung Shui hifi friends 4 今晚如果六合彩一票獨得，億幾身家都絕對稱得上富豪，不過喺網上就發覺咗好多人天降橫財之後，過得幾年荒淫無度嘅生活之後通常都係衰收尾，妻離子散流浪街頭。可能上天係俾世人落咗一個詛咒，錢係需要自己努力去搵，如果你冇噉嘅福分可能會受唔起。既然係噉為咗大家嘅安全著想，我決定買幾張六合彩，等我承受呢個苦果，我不入地獄誰入地獄。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-07 20:08:10 |
DY2036 正式會員 124.xxx.xxx.26 |
2025-01-07 20:07 |
| [#1367] Any Fanling or Sheung Shui hifi friends 4 人嘅命運究竟係一生出黎已經係整定咗，定係可以隨人意願去改變。我比較相信宿命論多一啲，否則祖先傳落嚟嘅相術命理就完全唔準。 以前以為睇相算命可以改變命運，但係到後期先知道睇相只可以趨吉避凶，即係如果你命中有劫係唔會冇咗祇可以將其損害減到最低。 當你行緊大運嘅時候你又可唔可以掌握到天降畀你嘅機會，但當你行緊衰運嘅時候你又可唔可以減少損失或者損傷。究竟你又掌唔掌握到你自己嘅命運，但係我錄呢隻音樂嗰陣時我就真係掌握唔到。通常太座出門買嘢都起兩個鐘頭，但今次一個鐘頭就返嚟，所以錄音裏面會有鎖匙聲，最後因為噪音太多便直接腰斬。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-08 22:32:42 |
DY2036 正式會員 124.xxx.xxx.26 |
2025-01-08 22:30 |
| [#1368] Any Fanling or Sheung Shui hifi friends 4 播開音樂不如播多一隻。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-11 01:04:42 |
DY2036 正式會員 124.xxx.xxx.26 |
2025-01-11 01:04 |
| [#1369] Any Fanling or Sheung Shui hifi friends 4 呢個世界有男亦都有女，就係噉樣就發生咗無限嘅事情。好多人覺得男女第一次上床通常都係男方作主動著曬數，但係你有冇諗過有啲情況女仲主動男方直情感覺好似俾人強姦咁。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-14 23:32:46 |
DY2036 正式會員 124.xxx.xxx.26 |
2025-01-14 23:32 |
| [#1370] Any Fanling or Sheung Shui hifi friends 4 呢隻歌有啲怪，個歌名就好似係個女仔好壞但實際歌詞裏面最壞嘅係個男生。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-18 09:32:25 |
DY2036 正式會員 124.xxx.xxx.26 |
2025-01-18 09:32 |
| [#1371] Any Fanling or Sheung Shui hifi friends 4 如果一個麻甩佬又未有女朋友又未結婚，或許佢耐不耐都會去啲煙花之地出出火。當然每單買埋就好似去麻雀鋪耍樂一樣鋪鋪清，但係如果你次次都去同一間鋪頭點同一個冧巴，咁個性質就慢慢會改變。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-20 22:00:57 |
DY2036 正式會員 124.xxx.xxx.26 |
2025-01-20 22:00 |
| [#1372] Any Fanling or Sheung Shui hifi friends 4 我細個嗰陣時其實有唔少人走去行船，一去就幾個月甚至大半年可能先返嚟一次，停留幾個星期或者什至幾日可能又要上船。當然麻甩佬一上岸梗係去醫醫肚之餘重要照顧下細佬，如上次話齋次次都搵同一個慢慢就會產生感情。一個想搵返個伴另一個就想脫離嗰種生活自然一拍即合，起碼我細個嗰陣時就知道有個麻甩佬搵咗個風塵女子做老婆，而佢老婆亦都唔介意人哋知道佢係做過雞。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-22 23:28:34 |
DY2036 正式會員 124.xxx.xxx.26 |
2025-01-22 23:26 |
