兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1373] Any Fanling or Sheung Shui hifi friends 4 屋企用緊嗰部魔改擴音機只得8瓦，雖然我都幾滿意佢嘅音效而聲壓亦都足夠，但係心魔裏面始終希望再做一部大瓦數啲（20瓦或以上），輸出瓦數可以根據喇叭阻抗下降而倍番。 之前都係圍繞呢部機嘅基礎線路再改變推動級或者增大佢個輸出管數量已達至，不過呢個自舉電路有個缺點，就係輸出電流會有限制，導致輸出功率唔能夠因為阻抗下降而倍番。後尾索性將原先設計嘅PNP/PNP輸出管改為NPN/PNP推挽輸出，或者甚至加多一個0dB電流放大器。但係諗諗下咁多架床疊屋嘅嘢加響原有嘅線路上面，最終個聲真係會變好咗? 心裏面當然係否定，所以就係噉樣拖拖拉拉噉就一兩年。期間當然睇到一啲師兄強調無負回輸放大器係最好聲嘅設計，噉不如索性設計一部無負回輸晶體放大器。經過漫長嘅歲月亦都諗過好多個方案，亦都作過模擬測試，最終響幾日前張放大線路嗰部分砌個樣板出嚟測試下效果如何，結果效果都頗理想。呢個線路基本上就係一個正負波放大電路，放大倍數約為7-8倍，正負波輸出就約莫有17到18倍。 當輸入信號2Vp-p時，單邊放大電路輸出為: 20KHz : 18.2Vp-p 100KHz : 17.4Vp-p 1MegHz : 10.6Vp-p 即是話呢個電壓放大器嘅頻寬係超越咗1MegHz。下一步就係砌埋個0dB冇負回輸電流放大器作進一步測試。      最後修改時間: 2025-01-23 21:54:06 |
DY2036 正式會員124.xxx.xxx.26 |
2025-01-23 21:52 | |
|
|
|||
| [#1374] Any Fanling or Sheung Shui hifi friends 4 唔知有冇師兄留意倒模擬線路正負波之間有個直流電壓（＜2Vdc），我刻意加呢個直流偏壓主要因為呢部機係OTL（電容輸出），呢個設計除咗免除咗直流漂移呢個問題之外，同時提供一個直流偏壓比電容（無極性E-cap音質嫲嫲），更加減省咗一個對音質有影響嘅喇叭保護線路。 最後修改時間: 2025-01-25 14:00:28 |
DY2036 正式會員 182.xxx.xxx.84 |
2025-01-25 13:54 |
| [#1375] Any Fanling or Sheung Shui hifi friends 4 好聲? 玩音響我覺得前人嘅經驗固然重要，但係自我嘅判斷能力更加重要。當然自己買咗套器材響屋企日聽夜聽自然對呢套系統嘅聲底相當熟悉，可能因為噉變成咗你嘅參考標準。好似我後生嗰陣時都買好多音響書參考下啲高人點樣調校系統、點樣擺位或者邊度要吸音邊度要滅音，有幾多反射聲先為之正確。當然當時絕對覺得呢本係音響裏面嘅聖經，裏面嘅定律絕對係神聖不可侵犯。 不過玩玩下又覺得好多前人嘅經驗似乎響今時今日唔係太啱用，好似喇叭擺位一定要製造一定比例嘅反射聲，其實聽起上嚟好似底層多咗一浸回聲，美其名個聲出嚟比較厚一啲，實質係令到每種樂器嘅聚焦化開咗，背景比較吵唔會漆黑一片比較寧静。所以我覺得反射聲壓得比較低會好啲，當然唔好去到發覺耳鳴嘅狀態。 又如果你去到別人屋企聽人哋套嘢發覺佢多咗好多高音（可能未必足夠順滑，首先唔係因為佢加咗EQ亦都唔係因為用咗銀線），當然中低音你係覺得正常嘅情況下，你第一個感覺就會覺得佢套野高音飆兼且刺耳唔掂。但係你有冇諗過如果大家都係播緊同一隻CD或者同一個file，照計內容應該係完全一樣，呢啲高音唔會無中生有噉樣出現，祇不過你套系統對高音衰減得太多而聽唔到，即係話你習慣咗冇乜高音自然唔會有刺耳嘅感覺。如果係呢兩套系統畀我選擇，我寧願選擇前者，衹要我減低咗噪音對高音嘅影響可能音效會更上一兩層樓，但係後者根本都唔見曬啲高音好難搵得返出嚟。 中音我諗主要講人聲，聽起上嚟你覺唔覺得前面嗰歌手係有感情咁響度唱緊歌，定係純粹響度唱歌。呢個真係好難定義要憑自己嘅感覺，你覺得佢係感情十足呢個一定係好聲。 至於低音唔使講，一定係你攞隻抽得嘅歌嚟播放如果你都感覺唔到有半分雀躍和興奮嘅心情（當然你唔係剛剛俾人鬧完或者失戀），呢套系統好極有限。 好聲冇標準，你搦埋響個山窿裏面攞部樂聲雙卡色機開到拆曬聲你都可以覺得好好聲，最緊要冇比較就冇傷害。 最後修改時間: 2025-01-25 16:32:40 |
DY2036 正式會員 182.xxx.xxx.84 |
2025-01-25 16:22 |
| [#1376] Any Fanling or Sheung Shui hifi friends 4 拍拖...你有冇諗過要一個轟天動地嘅愛情，即係好似電影華d嗰種出生入死，今日唔知聽日仲響唔響度嗰種。不過我覺得男性就唔太渴望有呢類經歷，反而女性會對權力或者男性嗰種雄風有一種渴望擁有感。你唔見好多時啲黑幇大佬或者啲幫派小頭目，就算佢個樣點樣兇神惡煞都好但係佢旁邊嘅女伴都係靚到抌一聲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-25 22:27:50 |
DY2036 正式會員 124.xxx.xxx.26 |
2025-01-25 22:27 |
| [#1377] Any Fanling or Sheung Shui hifi friends 4 當大家仲爭論緊模擬錄音同數碼錄音邊個更好嘅時候，N年前我就諗起響音響書睇到一件事。你知道而家同一個錄音會發行好多唔同種嘅版本，書裏面嘅筆者亦都係諗住再出一套鄧麗君嘅錄音。大家都知道當時係模擬錄音用錄音帶收錄然後儲存，但係當時係冇咁多發行版本噉即是話呢個錄音發行咗一兩次之後基本上都係長期儲存。你唔好以為擺響度就唔使錢，第一要有地方擺放呢笪地方仲要控溫控濕，當然賺咗兩三轉錢之後啲人就覺得佢嘅價值已經好低，所以貯存嘅環境已經開始變差。筆者搵到呢啲錄音帶嘅時候基本上啲錄音帶已經受潮，所以佢強調播放前佢花咗好多功夫先烘乾的帶，仲要將佢轉做數碼。點解因為聲帶已經有缺失兼且音效已下降，所以要用數碼去修復才可以再發行。所以仲爭呢個問題我覺得都多餘。而家好多經典電影都係經過數碼修復再發行，你覺得個影像係差咗定好咗。 數碼版本響儲存方面係占咗極大優勢，100年1000年都不變，仲可以多點儲存，如果遇上美國呢啲噉嘅森林大火你個倉啱啱響嗰度噉咪渣都冇。 |
DY2036 正式會員 124.xxx.xxx.26 |
2025-01-28 17:29 |
| [#1378] Any Fanling or Sheung Shui hifi friends 4 新年點都要播一播呢隻歌嘅，祝大家蛇年身體健康，橫財就手，耳聽八方。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-28 23:16:36 |
DY2036 正式會員 124.xxx.xxx.26 |
2025-01-28 23:16 |
| [#1379] Any Fanling or Sheung Shui hifi friends 4 祝上水粉嶺友，身體健康，耳聽八方!  |
bigleung 正式會員 221.xxx.xxx.40 |
2025-01-29 09:16 |
| [#1380] Any Fanling or Sheung Shui hifi friends 4 祝大家蛇年快樂，出入平安，工作順利。 另外自家套嘢穩定工作，音質一天一天進步。  |
DY2036 正式會員 182.xxx.xxx.177 |
2025-01-29 13:07 |
| [#1381] Any Fanling or Sheung Shui hifi friends 4 今夜煙花燦爛，噉樣又到新一年嘅開始。  最後修改時間: 2025-01-30 20:22:28 |
DY2036 正式會員 124.xxx.xxx.26 |
2025-01-30 20:21 |
| [#1382] Any Fanling or Sheung Shui hifi friends 4 一個係演戲嘅柴九，一個係大佬官，各自唱新年歌曲其實都係比較罕有，就唔知邊個仲拉埋佢哋嚟合唱，可能呢啲就係綽頭。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-30 23:17:24 |
DY2036 正式會員 124.xxx.xxx.26 |
2025-01-30 23:16 |
| [#1383] Any Fanling or Sheung Shui hifi friends 4 祝各位北區既朋友, 蛇年行好運, 不勞而獲, 坐已袋幣, 財色兼收, 恭喜發財 |
gorgeous 正式會員 14.xxx.xxx.54 |
2025-01-31 10:03 |
| [#1384] Any Fanling or Sheung Shui hifi friends 4 將傳統新年歌曲改編可能會帶來啲新意吸引到更多聽眾，不過傳統始終係傳統絕對要保留，並要珍而重之。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-01-31 11:29:28 |
DY2036 正式會員 124.xxx.xxx.26 |
2025-01-31 11:28 |
| [#1385] Any Fanling or Sheung Shui hifi friends 4 我哋後生嗰陣時當然冇而家啲後生咁開放，對異性又好奇亦又害怕。當然通常都係先要合眼緣，之後可能好多時都偷偷望下佢，久而久之可能對方都會意識到，但係點樣開始呢個先至係難題。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-02-01 01:05:17 |
DY2036 正式會員 124.xxx.xxx.26 |
2025-02-01 01:04 |
| [#1386] Any Fanling or Sheung Shui hifi friends 4 其實用穩壓搵IC做恒流源，我最深刻嘅一幕就係噉樣。N年前有一次有個儀器sensor壞咗，導致有啲自動控制出現問題，可惜手頭上冇嗰件parts噉可以點做? 因為呢啲係4-20ma嘅產品，所以最直接就係整個恒流源呃住佢先。開頭搵咗粒7805呢類穩壓IC試試，點知佢啓動電流起碼都過百ma，噉冇辦法再試下響啲壞板裏面拆咗粒豆仔出嚟加VR和電阻，終於砌左一個約莫10ma恒流源頂住先。所以當時學咗一樣嘢就係呢類穩壓IC個基本電流比較大，都唔好講頻寬呢個問題。 |
DY2036 正式會員 124.xxx.xxx.26 |
2025-02-01 08:07 |
| [#1387] Any Fanling or Sheung Shui hifi friends 4 其實響我研發嗰部20W A類無負回輸放大器嘅時候，電壓放大部分我嘗試使用唔同嘅穩壓電路，裏面包括zener、晶體管加電容、晶體管加zener和LM317穩壓IC。當我作模擬測試嘅時候會響輸入直流電壓上面加上一個干擾信號（2-5Vp-p AC），甚至我會將個loading電流加上唔同頻率switching開關。最終得出嚟嘅結果穩壓IC輸出嘅ripple最細低過mv。不過佢嘅紋波同其他電路有所不同，其他穩壓電路個輸出紋波同輸入干擾訊號有絕對關係，反而穩壓IC係冇關係。可能因為佢嘅工作原理基於極大嘅負回輸，所以佢嘅輸出不斷響指定電壓出現overshoot和undershoot現象，不過要小心佢嘅基本負載電流，設計嗰陣時要儘量大過佢嘅最低要求幾倍比較好。如果再加多一級穩壓IC，呢個紋波幅度可以進一步減低到原先嘅一半，呢個亦都會係我嚟緊部擴音機嘅設計思路。 最後修改時間: 2025-02-01 09:16:15 |
DY2036 正式會員 124.xxx.xxx.26 |
2025-02-01 09:14 |
| [#1388] Any Fanling or Sheung Shui hifi friends 4 初四冇乜嘢搞，噉不如登頂上呢個「光明頂」，順便畫返一張現代嘅水墨畫。   最後修改時間: 2025-02-01 16:33:49 |
DY2036 正式會員 124.xxx.xxx.26 |
2025-02-01 16:33 |
| [#1389] Any Fanling or Sheung Shui hifi friends 4 有時可能你識得個女仔，但交情唔係太深，當你想同佢關係更進一步嘅時候，你可能發覺完全睇唔通佢內心究竟諗緊乜嘢，可能會搞到你相當迷惘或者困惑。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-02-02 11:25:36 |
DY2036 正式會員 124.xxx.xxx.26 |
2025-02-02 11:24 |
| [#1390] Any Fanling or Sheung Shui hifi friends 4 今日真係破天荒，唔知點解食完晏拜完太歲就立即走去食個下午茶，今日真係食...食...食...。   最後修改時間: 2025-02-02 15:16:25 |
DY2036 正式會員 182.xxx.xxx.162 |
2025-02-02 15:15 |
| [#1391] Any Fanling or Sheung Shui hifi friends 4 乜嘢叫做劣幣驅逐良幣，你睇下香港樂壇就知道。而家嗰啲歌手或者嗰啲填詞人根本都唔知唱乜嘢同埋填啲乜嘢出嚟，總之係度亂噏一論冇意思、冇上文下理、冇故事仲要好多時唔押韻，而家香港年青一代就係聽緊呢啲歌。至於響我哋年代嗰啲實力派歌手，個個都已經過咗半百，響香港嘅樂壇基本上已經係被淘汰咗。如果個歌手生活規劃得唔好分分鐘好似嗰啲大台藝員要出嚟摣的士或者去的食堂做侍應。 講真呢類型歌手基本就係香港之寶，而家佢哋大多數換一換條跑道，好多都能夠響大陸再一次發光發熱再登人生另一個高峰。仇恨嘅內容會令人不安，驅除內心不安嘅狀態最好就係聽啲勁歌。呢位我都幾鍾意嘅女歌手近期響大陸好多音樂節目都見到佢，我都幾戥佢高興。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-02-07 00:22:52 |
DY2036 正式會員 124.xxx.xxx.26 |
2025-02-07 00:20 |
| [#1392] Any Fanling or Sheung Shui hifi friends 4 一個人從出生開始到完結都有唔同階段，可能男性簡單啲就例如嬰兒期、兒童、少年、青年、壯年、老年同晚年。但係哩一套叫法又唔可以完全套落去女性身上，因為女性有一段年紀會有一個特別嘅叫法，叫做虎狼之年。所以如果你有返咁上下年紀，仲未娶妻或者伴侶已經分離或者離開咗諗住搵個嫩妻嘅話就真係要小心。因為每當你翻雲覆雨之後已經筋疲力盡嘅時候突然聽到「Come on...more」，如果一晚叫幾次我諗細佬都嚇到唔聽使仲好快就企咗響耶穌身邊。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-02-08 00:24:47 |
DY2036 正式會員 124.xxx.xxx.26 |
2025-02-08 00:19 |
