兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1241] Any Fanling or Sheung Shui hifi friends 4 本來穿梭機跟音樂無乜關係，唯一可以有關係就係呢一次，可是悲劇發生，挑戰者號起飛不久爆炸，7名太空人㦬難，原本要在太空演奏音樂，如今只有聽Jean Michel Jarre了。 紀念唱片 |
bigleung 正式會員223.xxx.xxx.197 |
2024-08-26 22:20 | |
|
|
|||
| [#1242] Any Fanling or Sheung Shui hifi friends 4 哥倫比亞號係響飛上太空站嘅時候已經發現有損壞，不過當時NASA為免麻煩賭一鋪最終鑄成大錯。所以今次波音測試結果未如理想嘅情況之下都諗住賭一鋪，不過今次NASA唔同意，因為佢已經對波音呢間公司嘅品質控制失去信心。重複嘅錯誤不能再次發生亦都承受唔起呢個嚴重嘅後果，所以臨陣易帥搵咗Space X，條數點計之後先算。 歷史永遠有重複同相似嘅地方，哥倫比亞號本應係紀念挑戰者號而發射，所以佢嘅發射期都非常相近。兩者都係坐咗七個人五男二女，當中都有一個猶太籍嘅成員（好似暫時都係得呢兩個猶太籍嘅成員參與穿梭機嘅任務），世事真係有其驚人相似嘅地方。如果響迷信嘅人嚟講，就十足十找替身嘅靈異事情。 最後修改時間: 2024-08-26 22:55:44 |
DY2036 正式會員 124.xxx.xxx.26 |
2024-08-26 22:40 |
| [#1243] Any Fanling or Sheung Shui hifi friends 4 如果有一日你去旅行，去一個與世無爭嘅小島上面住響一間五星級嘅酒店一個禮拜，當然由出發到抵達心裏面都係滿懷驚喜。住咗幾日正要離開嘅時候突然間船公司宣佈接載你隻船出現問題，需要維修幾個星期，如果你工作上冇乜特別安排可能你都會覺得幾化算喎，俾一個禮拜錢住足一個月。但係如果過咗一個月之後船公司再次同你講隻船有嚴重問題需要大修，可能要幾個月嘅時間。我諗去到呢一刻每個人應該唔係開心而係開始擔心，擔心會唔會遲啲再宣佈要延遲幾年先至可以開船過嚟。五星級酒店住幾日當然開心，住一個月都冇問題但係無了期住落去，就好似被囚禁在監獄一樣失去自由。 等了又等，會唔會好似無間道咁:「三年又三年，三年再三年，噉樣件事幾時先至完。」。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-27 20:25:48 |
DY2036 正式會員 124.xxx.xxx.26 |
2024-08-27 20:23 |
| [#1244] Any Fanling or Sheung Shui hifi friends 4 人類身處嘅太陽系裏面當然自我覺得係創造者和設計者，有能力改變呢個太陽系其他星球嘅狀態。美蘇冷戰期竟然為顯為咗彰顯自己嘅國力，不約而同打算運送核武器響月球上面引爆。呢啲幼稚思維就等於有個鄰居練完身，成日想蝦蝦霸霸不斷喺你面前顯示佢隻老鼠仔有幾大隻。撞著嗰啲好蝦嘅當然買你怕啦速速磅，敲著嗰間內功深厚嘅武林高手，睇見呢個大嚿衰內心只會覺得好笑。畀啲甜頭呢個大嚿衰打發佢走，費事出手嚇親屋裏面的小孩同埋打爛屋企啲傢俬。但係呢個大種乞衣就以為自己天下無敵，打遍全地球...可笑...可笑。 其實如果我哋望遠啲放眼呢個宇宙，地球同呢個太陽系根本連一粒沙都不如。人類就以為自己係天命人，似乎周邊事物同宇宙係為自己而生。其實事實剛剛相反，無論係人類同相關嘅太陽系究竟存唔存在對呢個宇宙嚟講係一啲影響都冇（nothing）。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-28 21:20:03 |
DY2036 正式會員 124.xxx.xxx.26 |
2024-08-28 21:18 |
| [#1245] Any Fanling or Sheung Shui hifi friends 4 今年係地下鐵路四十五週年通車紀念，所以特別翻新咗第一代白頭列車不定時行走每條路線。如果你話地下鐵同音樂有咩關係，我諗好多人都會諗起陳百強嘅一隻歌。呢隻歌係講緊一個單戀嘅愛情故事，既然講得係愛情故事自然主角就會有一男同一女。 DIY信號線接響DAC同擴音機之間，魔改擴音機在推喇叭之後再用咪收錄。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-29 20:59:10 |
DY2036 正式會員 124.xxx.xxx.26 |
2024-08-29 20:57 |
| [#1246] Any Fanling or Sheung Shui hifi friends 4 今日星期五已經係8月尾聲，下個禮拜一就已經踏入9月，9月係一個重要嘅日子，牽動全港好多學子嘅心。因為暑假完咗，要重新收拾心情...一早起身要返學喇。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-30 22:05:43 |
DY2036 正式會員 124.xxx.xxx.26 |
2024-08-30 22:05 |
| [#1247] Any Fanling or Sheung Shui hifi friends 4 現場手機錄音 |
DY2036 正式會員 124.xxx.xxx.26 |
2024-08-31 19:22 |
| [#1248] Any Fanling or Sheung Shui hifi friends 4 其實響學習嘅過程裏面，最難適應就係由小學升到中學嗰一個階段。因為所有同學唔同曬，老師唔同曬，教學嘅方法唔同曬，程度唔同曬，老師嘅要求亦都唔同曬連學習嘅環境都唔同曬。所以最容易出事就係呢個階段，如果一追唔上分分鐘就可能自暴自棄。當然有啲人讀書比較叻，可能佢記性特別好睇一次已經記得九成，但係有啲人好似我噉睇十次都未必記到九成，冇辦法祇有努力再努力。記住就算嗰啲叫做天才嘅人，都係七分靠努力三分才係天賦。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-08-31 19:51:54 |
DY2036 正式會員 124.xxx.xxx.26 |
2024-08-31 19:45 |
| [#1249] Any Fanling or Sheung Shui hifi friends 4 早排響會展嘅美食展裏面行過見到有個檔攤賣緊咖啡豆，駐足觀望咗一陣但係都唔知乜嘢牌子，價錢就係一袋500g賣HK100（好似比超市其它牌子貴一啲）。攤位即刻有個妹妹仔即刻過嚟買藥，大大聲噉樣講我哋啲咖啡好嘢嚟架，好多大酒店其實都係用我哋的咖啡豆。我個腦裏面即刻出現咗一個好大個問號，半信半疑問佢邊間酒店用緊啊。妹妹仔即刻接住講總之好多酒店係用緊啦，不過呢啲係商業秘密我唔可以講個名出嚟。跟住我繼續扯佢，噉你不如講一間半間啦，佢即刻開始由谷變縮，咦咦哦哦之後就話不如叫我哋個推廣總監過嚟同你傾下啦。我話唔使喇唔使喇，祇不過係隨便噏下。跟住佢畀幾樽咖啡豆我聞下，我覺得焗窿啲嘅豆真係比較香啲。跟住費事玩佢諗住買一包就走，跟住點知佢打蛇隨棍上同我講買兩包500g送十包散裝。跟住我同佢講我飲都冇飲過你杯咖啡買埋咁多，有冇得試飲先。就係噉樣一杯免費既熱咖啡隨之奉上，飲落都OK嘅，就係噉幫襯佢買咗兩包500g。當天累計全日消費都超過2000蚊，淨係買啲羊肚菌同埋牛肝菌都要千幾文。唔好成日北上消費，耐不耐都要推動一下本地經濟。 其實我都仲係想講另一個問題，就係而家啲後生仔女出嚟做嘢，當然態度係好重要，不過對產品嘅認識同准準備功夫一樣重要。其實好似捉棋一樣你唔係淨係諗目前呢一步棋，你係需要諗緊往後嘅3到幾5步棋。即是話如果你要同客人互動，噉客人唔會係單方面接收信息亦都會查詢，噉你應該諗定回答嘅方式同答案，當然要令到個客人覺得滿意唔需要追問落去才算成功。   最後修改時間: 2024-09-01 19:57:32 |
DY2036 正式會員 124.xxx.xxx.26 |
2024-09-01 19:57 |
| [#1250] Any Fanling or Sheung Shui hifi friends 4 若100%Arabica豆，一袋500g賣HK100唔算貴。 |
bigleung 正式會員 223.xxx.xxx.197 |
2024-09-01 21:59 |
| [#1251] Any Fanling or Sheung Shui hifi friends 4 如果有一日你嘅太座或者你上司同你講叫你買張單程飛去月球，你會點理解呢句說話。唔通係見你呢排比較辛苦想你放個假? 定係...唔會嘅! 就算真係都係講下嗻。 怕就怕你真係買咗張來回飛機票上太空，你到達咗目的地之後航空公司先至同你講原來你嗰張係單程票，但係你又身無分文，噉樣真係無助到絕望。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-01 23:43:07 |
DY2036 正式會員 124.xxx.xxx.26 |
2024-09-01 23:41 |
| [#1252] Any Fanling or Sheung Shui hifi friends 4 無了期咁困響一個密閉又狹窄嘅環境，自然好容易會胡思亂想，不確定帶來嘅擔憂不斷累積可能會影響心理，再加上有限嘅資源同埋資源嘅分配亦都可能帶來人與人之間嘅衝突。嚴重起嚟會導致個人神志開始模糊，感覺處處俾人針對同埋迫害，進一步會產生幻聽幻覺既現象。再加上負面情緒係會傳染，會導致問題更加嚴重。當然當選得做太空人承受壓力嘅能力絕對勝於一般人，但就算係超人都總有一個底線。 而家唯一可以做嘅，只有極力抑制負面嘅思維同隱藏負面嘅情緒。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-03 00:27:29 |
DY2036 正式會員 124.xxx.xxx.26 |
2024-09-03 00:22 |
| [#1253] Any Fanling or Sheung Shui hifi friends 4 太空人上去太空站之前需要好長時間嘅培訓，除咗要熟習太空站各樣設備嘅運作、操作和維修之外再要加上做一啲特定嘅實驗。而旅客純粹係商業性質畀錢上去旅遊幾日，大多數情況之下都唔會參與任何實際操作。噉而家嗰兩個旅客響上面咁長時間又冇乜實際工作可以分配畀佢哋做，呢個系相當頭痛嘅問題因為人有太多空閒時間就會亂諗嘢容易胡思亂想。噉可以點做，我諗其實最好花多啲時間做下運動，一來可以鍛鍊番啲肌肉避免因為長期響失重狀態下肌肉會萎縮，亦可以消磨下時間消耗下體力。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-05 00:03:41 |
DY2036 正式會員 124.xxx.xxx.26 |
2024-09-04 23:57 |
| [#1254] Any Fanling or Sheung Shui hifi friends 4 響太空上面健身係必須嘅項目，但總唔可以由朝做到晚，因為做得多就食得多亦都屙得多，噉即是話資源會快啲用盡而廢物垃圾就快啲填滿。噉淨返出嚟咁多時間又可以做乜嘢，我諗聽音樂或者聽下收音機都係一個唔錯嘅選擇，可以穩定下情緒。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-06 00:15:10 |
DY2036 正式會員 124.xxx.xxx.26 |
2024-09-06 00:14 |
| [#1255] Any Fanling or Sheung Shui hifi friends 4 如果聽音樂都唔能夠抑制心裏面嘅恐慌，噉不如跟住大聲唱。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-07 01:33:32 |
DY2036 正式會員 124.xxx.xxx.26 |
2024-09-07 01:32 |
| [#1256] Any Fanling or Sheung Shui hifi friends 4 如果真係憑音樂能夠捱過呢段艱苦歲月，噉都應該講一聲多謝。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-07 22:46:59 |
DY2036 正式會員 124.xxx.xxx.26 |
2024-09-07 22:46 |
| [#1257] Any Fanling or Sheung Shui hifi friends 4 一架曾經出現多方面系統問題嘅太空艙，包括導航系統、推進系統、氣體洩漏...，你係乘客唔夠膽搏一鋪坐佢返地球。就係噉樣NASA決定空艙返地球，考驗下呢部機會唔會響空中解體，如果冇事亦都方便科技人員去研究佢呢部機仲有冇乜嘢隱患，同埋現有問題嘅原因。但係出乎大家意料之外佢竟然冇事，不過如果再加上兩個太空人嘅重量，結果會唔會唔同呢。冇人知，但亦都冇人夠膽搏。 呢兩個被人遺棄嘅太空旅客，我諗而家佢哋心裏面只係想搵一條可以返返屬於佢哋又係熟悉嘅地方嘅路。聽落呢個願望唔係好過分，如果響地球你可以搭乘車或者搭火車再遠啲搭飛機輪船都可以，不過而家佢哋係響外太空。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-09 21:24:16 |
DY2036 正式會員 124.xxx.xxx.26 |
2024-09-09 21:20 |
| [#1258] Any Fanling or Sheung Shui hifi friends 4 DY hing 呢單？ https://www.bbc.com/news/articles/cwy47w9yndpo |
bigleung 正式會員 223.xxx.xxx.197 |
2024-09-09 21:47 |
| [#1259] Any Fanling or Sheung Shui hifi friends 4 呢啲世界性嘅熱聞，我諗都唔需要特別點明。 |
DY2036 正式會員 124.xxx.xxx.26 |
2024-09-09 22:37 |
| [#1260] Any Fanling or Sheung Shui hifi friends 4 好多時當人去到絕境嘅時候就開始相信鬼神，可能佢覺得呢個已經係最後嘅機會。信仰係一個強勁嘅支持力，令到每個人心裏建立咗一個無事不能嘅神去暗中支持佢，I am not alone自然底氣都足的（當然唔係恐怖片嗰啲場景），就算吃點苦再艱辛都可以挺得過。不過凡事都有利有弊，如果太過盲目特別係誤入邪教就好容易畀人操控，做一啲喪失道德倫理甚至出賣肉體嘅事情。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2024-09-11 01:45:42 |
DY2036 正式會員 124.xxx.xxx.26 |
2024-09-11 01:45 |
