兩聲道
CD機 | MD機 | SACD機 | DAC | CAS | 合拼擴音機 | 前級擴音機 | 後級擴音機 | 接線 | 喇叭線 | 揚聲器 | 耳機 | 耳機擴音機 | LP產品 | 膽機產品 | 開卷式錄音機 | 音響配件 | DIY音響 | 電源 | 家庭影院
電視機 | 投影機 | 錄影機 | DVD影碟機 | Blu-ray影碟機 | 多媒體播放器 | 機頂盒 | 多聲道擴音機 | 多聲道揚聲器 | 多聲道影音組合 | Mini音響組合 | 重低音揚聲器 | 輔助設備 | 同好會
同好會 | Accuphase | B&W | Burmester | Denon | Jadis | KEF | KRELL | Luxman | Marantz | Nuforce | OPPO | Pioneer | TEAC | WEISS | News
News | Blog | 其他
其他 | 所有 |
| 影音天地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#1421] Any Fanling or Sheung Shui hifi friends 4 Sound Stage & Sound Field: https://mp.weixin.qq.com/s/UbOFghojWFcxko4GTrqHsQ 值得大家仔細閱讀。 |
DY2036 正式會員124.xxx.xxx.26 |
2025-03-22 20:53 | |
|
|
|||
| [#1422] Any Fanling or Sheung Shui hifi friends 4 上禮拜有位師兄過嚟家訪交流，佢都好客氣哋講出咗我套系統有好多問題，例如左右聲道唔平衡，人聲位置偏低，低音稍缺...等等。其實我聽在心裏暗覺佩服，有啲問題我係知不過厭煩都係一個字...懶，唔想再拆機去搞。 你唔好以為我錄出嚟啲聲覺得分離度和人聲有唔錯嘅效果，其實背後都做咗啲嘢。先講左右聲道唔平衡，其實好多年前響set up嗰陣時唔知點解總係覺得左聲道比較出（左邊有側牆加上前面有個琴，但係右邊喇叭就冇牆），但係我部機冇balance制唯有將比較強聲嘅左喇叭推後啲又或者張右邊喇叭推拉出啲，雖然咁樣做可以某程度改善咗大細聲呢個問題但係因為左右兩個喇叭到耳仔嘅距離已經不一樣最終導致音場有啲亂。咁樣冇辦法唯有張右聲道個gain改大少少，從此就埋下咗一個伏筆。其實響我開始錄音嘅時候就好肯定有一邊聲道高咗2dB，因為錄完音後我都要響電腦張某聲道增加返2dB才正常。 人聲高度偏低呢個問題，最主要係呢隻喇叭個高音唔係響個喇叭頂而係夾住響兩個六吋單元中間（已經偏低），再加上我坐嗰張係電腦櫈相對高度比較高，呢個問題都困要咗我一段時間最終響淘寶買咗塊墊板托高少少，但係都未足夠之後就懶得再搞。錄音冇呢個問題因為支咪係對住個高音同一高度。 之前畀大家睇嗰篇文係關於Sound Stage & Sound Field，我而家屋企嗰個音效係極度偏向sound stage（無論係人聲或者樂器嘅聚焦，樂器嘅分離度同動態都有唔錯嘅效果），最主要我嘅皇帝位基本上係同喇叭成一等邊三角形，而喇叭係大toe in基本上向住對耳仔，十足就係等於聽緊耳塞嘅效果(99%直接聲）。有時分離度比較高導致前面嘅音場會有留白嘅地方。呢個擺法都係因左聲道有個琴頂住，焗住喇叭要作大toe in先有合理嘅音效。 不過經過師兄將我隱藏咗嘅問題揭返出嚟，我今次真係要認真處理，第一先將擴音機個gain調返一致，將個廳其中一個細嘅書架拎走然後將個鋼琴移前四吋，喇叭而家有足夠空間可以擺平再去教聲。喇叭平放聚焦和樂器分離度嚴重變差，有啲似背景音樂（sound field）。將兩隻喇叭慢慢toe in 直至人聲嘅聚焦去返我覺得合理嘅水平，現時會有適當嘅反射聲。至於人聲嘅高度已經將喇叭向前傾一定角度，人聲已經比之前大約升高返半呎。至於低音今次就未有咩改善方案，不過而家打算買過張HiFi櫈，會低好多到時有機會會嘗試將喇叭塊托板移走，希望喇叭坐低啲會令到個低音有加強嘅效果。 |
DY2036 正式會員 124.xxx.xxx.26 |
2025-03-22 22:04 |
| [#1423] Any Fanling or Sheung Shui hifi friends 4 音樂界又再損失咗一個重要人物盧國沾先生，或者嚟緊播返幾隻佢創作嘅歌曲懷緬一下昔日嘅時光。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-03-22 23:58:44 |
DY2036 正式會員 124.xxx.xxx.26 |
2025-03-22 23:57 |
| [#1424] Any Fanling or Sheung Shui hifi friends 4 Once more.... DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-03-24 01:33:20 |
DY2036 正式會員 124.xxx.xxx.26 |
2025-03-24 01:32 |
| [#1425] Any Fanling or Sheung Shui hifi friends 4 Once more.... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2025-03-25 02:12 |
| [#1426] Any Fanling or Sheung Shui hifi friends 4 Once more.... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2025-03-25 21:24 |
| [#1427] Any Fanling or Sheung Shui hifi friends 4 Once more.... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2025-03-26 22:48 |
| [#1428] Any Fanling or Sheung Shui hifi friends 4 Once more.... DIY信號線接響DAC同擴音機之間，魔改擴音機在推喇叭之後再用咪收錄。 |
DY2036 正式會員 124.xxx.xxx.26 |
2025-03-29 08:05 |
| [#1429] Any Fanling or Sheung Shui hifi friends 4 而家手機影相嘅質素真係越嚟越高，基本上唔需要買相機。好似我呢部4千唔到嘅小米14T pro，影出嚟嘅相影像非常立體，結像清晰。  |
DY2036 正式會員 182.xxx.xxx.217 |
2025-03-29 16:22 |
| [#1430] Any Fanling or Sheung Shui hifi friends 4 呢個紀念專輯終於去到最後一首歌，咁點解係呢首？ 因為聽聞響昏迷咗四日之後就係因為聽咗呢隻歌而甦醒，究竟係巧合定係呢隻歌對佢嚟講有特殊意義就不得而知。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-03-29 20:38:41 |
DY2036 正式會員 124.xxx.xxx.26 |
2025-03-29 20:37 |
| [#1431] Any Fanling or Sheung Shui hifi friends 4 今年樂壇就似乎真係冇乜好消息，壞消息就好似一個接一個。昨日又聽聞一個資深歌手離世，雖然佢唔係大紅大紫嘅歌手但係如果有返咁上下年紀應該都聽過佢呢一首成名金曲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-03-30 21:26:20 |
DY2036 正式會員 124.xxx.xxx.26 |
2025-03-30 21:25 |
| [#1432] Any Fanling or Sheung Shui hifi friends 4 近期響國內嘅音樂節目見到呢位台灣歌手唱咗佢隻成名作，講真我都好耐冇聽過呢隻歌，當時覺得唱得非常好好動聽。所以即刻搵呢隻歌返出嚟，果然薑係越老越辣以前個聲線係比較幼嫩一啲。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-03-31 23:00:01 |
DY2036 正式會員 124.xxx.xxx.26 |
2025-03-31 22:59 |
| [#1433] Any Fanling or Sheung Shui hifi friends 4 瘋言瘋論篇（電子管燈絲供電）： 不過講開電子管燈絲供電呢個問題，其實有好多師兄嘅情意結都係偏向用交流供電，因為聲音係比較好啲（活啲）。 我細思呢個問題就覺得其實交流供電某程度上等於對音樂信號加咗一個60hz嘅調制訊號，即係話如果有一個1khz嘅信號就會成生多兩個差頻信號（1K +/- 60)，某程度上增加咗聲音嘅厚度，會唔會呢個就係佢比較好聲嘅原因。 但係電源噪音確係比較煩，所以有啲師兄為咗減低電源噪音嘅影響亦都唔想犧牲咗呢個獨特嘅音染，佢哋就會響燈絲加恆流源。冇訊號嗰陣時恆流動源等同直流穩壓，但當有訊號變化嘅時候，燈絲負載變化而導致恆流源電壓產生變化，即係燈絲兩端電壓隨著音樂信號亦都產生變化（當然低頻嘅影響會比較大）。咁樣亦都會產生一定嘅調制訊號，從而令到聲音變厚。 不過以上都係想當然嘅結論，唔知有冇師兄有啲測試數據同聆聽感受可以提供作進一步參考。 最後修改時間: 2025-04-01 12:24:03 |
DY2036 正式會員 182.xxx.xxx.214 |
2025-04-01 12:22 |
| [#1434] Any Fanling or Sheung Shui hifi friends 4 其實呢個世界好奇怪，玩得多路分音嘅師兄信號源都係用LP（類比訊號）比較多，通常越係LP嘅資深發燒友越系討厭數碼訊號嘅聲音。不過呢個世界就係咁奇怪，如果要玩多路分音最準確應該係用電子分音器。但係電子分音器裏面就係先用AD將類比訊號變成數碼訊號，用DSP分頻之後再將每個頻道經過DA轉換同埋數碼濾波變成類比訊號才去前級或後級。 呢個分頻器嘅DA轉換電路比起其他外置嘅獨立解碼電路絕對會係差好多，如果玩多路分音嘅師兄覺得個聲可以玩得非常好嘅話，咁樣佢應該對數碼訊號同埋轉換器不抗拒先至啱，因為佢個系統裏面心臟地帶正正就係作咗多次數類比同碼轉換。 最後修改時間: 2025-04-02 14:57:55 |
DY2036 正式會員 182.xxx.xxx.46 |
2025-04-02 14:56 |
| [#1435] Any Fanling or Sheung Shui hifi friends 4 其實考古學家已經變相證明咗地球係經歷咗幾個文明，不過最終都係毀滅。當然毀滅嘅原因都有幾種，但係最主要都係當人類嘅文明去到某個程度嘅時候，因為有啲個別國家妄想去控制地球上所有其他國家，最終大殺傷力武器可能會被使用，人類累積咗過萬年嘅文明從此重新回到單位數字。 中國有句說話：「花無百日紅」，香港之前最興就係拍啲黑幫電影，當一個黑幫大佬年老色衰嘅時候其實佢就應該交出權力，如果佢仲盞暖權力只會濫殺無辜將所有有威脅甚至只係潛在威脅嘅人或者群體都全部殲滅。為咗達到目可以不擇手段，最終當然天下大亂。我哋呢啲升斗市民響呢啲風起雲湧嘅環境裏面其實乜都做唔到，只可以自求多福。就算嚟緊環境有幾惡劣而面對嘅處境有幾絕望都好，心裏面嘅理念一定要抱有希望，期望明天會更好才可以活下去。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-04-05 00:55:50 |
DY2036 正式會員 124.xxx.xxx.26 |
2025-04-05 00:55 |
| [#1436] Any Fanling or Sheung Shui hifi friends 4 今日執執下嘢畀我發現咗幾十年前買落攞嚟噴CD嘅補品噴液，噴咗響CD面然後用贈送嗰塊布搽勻會靚聲啲，仲記得當時應該好似賣HK250蚊一支，聲稱可以噴100隻CD。   最後修改時間: 2025-04-05 22:19:01 |
DY2036 正式會員 124.xxx.xxx.26 |
2025-04-05 22:14 |
| [#1437] Any Fanling or Sheung Shui hifi friends 4 都係嗰句冇比較就冇傷害，即係等於你成出去食飯都係幫襯大xx快餐當然你唔覺得有咩嘢特別問題，但係當你偶然幫襯一啲高檔啲嘅食肆食返相同嘅燒臘飯或者炒飯，你就發覺之前大xx嗰啲點解佢啲燒鴨係梅嘅，啲叉燒咁乾嘅，碟炒飯點解啲飯咁淋冇咬口嘅...。如果你有能力咁咪從此唔去大xx嗰度食囉，最怕你條件所限每日都要去返嗰度食晏，但係又諗返起好好食嗰間餐廳你話痛唔痛苦。 事源上個禮拜前輩k.c.78駕臨寒舍聽我套粗嘢，一開聲就擰曬頭話好唔掂，當然我就好奇怪聽開都幾好聲呀唔係咁差呀，前輩真係忍唔住攞咗一對寶貝出嚟(鉛刀)放響我部擴音機下面，神奇嘅事情就發生咗，成個畫面豐富曬之前嘅空洞位消失咗人聲潤澤咗。咁嘅神器顯露咗佢嘅威力之後佢想離開我門口都幾難，好彩前輩都係預咗留低對嘢，否則就好似我上面講嗰個去大xx食飯嘅主人翁咁每次聽歌都會有痛苦嘅回憶。之後呢幾日反覆嘗試發覺都係擺響DAC下面啲聲最啱我口味，咁我錄咗兩隻歌一隻係未加呢把鉛刀一隻係加咗，我就發覺音效有好明顯嘅改善，唔知你又聽唔聽得出。  DIY信號線接響DAC同擴音機之間，魔改擴音機在推喇叭之後再用咪收錄。 (有鉛刀） 最後修改時間: 2025-04-09 00:23:36 |
DY2036 正式會員 124.xxx.xxx.26 |
2025-04-09 00:11 |
| [#1438] Any Fanling or Sheung Shui hifi friends 4 好耐之前喺淘寶買咗部收音機畀老婆喺廚房聽電台，不過呢部收音機係内置天線所以接收得唔係太好，如果天氣差直情噪音仲大過收到嘅訊號。近期摷嘢摷到部擺埋好幾年嘅華為手機，即管叉叉電睇下部機仲得唔得，奇蹟地部機仲叉到電兼且可以正常運作。正諗緊部機仲有乜嘢作用突然靈機一觸不如攞去做網絡電台，將佢嘅輸出插返去收音機嘅line in，咁又唔會浪費咗部機亦都解決咗噪音呢個問題。一不做二不休集齊所有線材同埋叉電牛就即刻搞掂佢，將部普通收音機變成咗網絡電台，慳咗錢又為環保出咗一分力又解決咗個問題，真係very good啦。   最後修改時間: 2025-04-12 20:33:43 |
DY2036 正式會員 124.xxx.xxx.26 |
2025-04-12 20:32 |
| [#1439] Any Fanling or Sheung Shui hifi friends 4 聽咗唔同嘅音樂就發過低音個動態似乎有所收斂，咁就再重新張把刀位置再調整，稍為向裏面再推入約莫一吋低音效果變返正常。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-04-17 00:17:04 |
DY2036 正式會員 124.xxx.xxx.26 |
2025-04-17 00:16 |
| [#1440] Any Fanling or Sheung Shui hifi friends 4 早一輪有個師兄過嚟家訪，並帶咗一啲歌曲嘅wav file兼職特登要點唱呢一隻歌，我聽過之後都覺得幾有試機嘅效果咁不如大家聽聽。 DIY信號線接響DAC同擴音機之間，魔改擴音機在推喇叭之後再用咪收錄。 最後修改時間: 2025-04-19 00:12:40 |
DY2036 正式會員 124.xxx.xxx.26 |
2025-04-19 00:11 |
