review33.com:影音天地:彌天大謊''音樂味''

分類搜尋 移民 | 借錢 | 投資 | 物流 | 搬運 | 按揭 | 樓盤 | 保險 | 機票 | 酒店 | 升學 | 補習 | 手錶 | 電腦 | 紅酒 | 網購 | 脫髮 | 健身 | 減肥 | 濕疹

影音天地主旨 ﹝請按主旨作出回應﹞ 上頁下頁首頁尾頁

寄件者

傳送日期

[#21] 彌天大謊''音樂味'' 濛同音樂感可以共存但冇相連關係！只不過好多時，對器材或系統，一高一低好難做得好。一係功力未夠，又或者將貨就價，最後得返D易做少少嘅野，中音。咁先就高不成，低不就。濛咗但有能力出到原本樂章上嘅感染力！但久而久之，反正初哥消費者唔清楚，教壞佢地！咁成件事就方便哂。乜器材都賣得出！其實D人講多高音就等同分析力就害死唔少人啦！		shungyan 正式會員 14.xxx.xxx.48	2015-05-15 09:21

[#22] 彌天大謊''音樂味''
音響世界並唔係得一把尺，快和慢是相對，剛和柔是相對，清和濃是相對，光和暗是相對，尖和圓也是相對!柔潤的機種會比清爽的機種播慢版會更溫暖柔潤，清爽的機種播快版會比柔潤的機種更有節奏感和速度反應。如果不明白音色取向是甚麼一回事，在音響世界迷失方向的機會也就越大!

Pilotrol

正式會員
222.xxx.xxx.13

2015-05-15 10:03

[#23] 彌天大謊''音樂味''
以前玩機都會講什麼音樂味?聲厚/簿等等，但當你找到部強悍的機器，你便會發現所有都多餘的，跟本一上電開聲所有的已經齊晒，不厚不簿，需要時的動態起落通通都有，簡單講播樣樣都似，這時侯所講的hifi原素已經樣樣有了!
外面有太多hiend 牌子，價由數萬至數十萬都有，好多人都話勁靚聲云云，但我聽過太多聲音都是過於漂亮，太人工的美聲，舆hi fidelity完全扯不上关系。只是做點討人的聲音而已。

最後修改時間: 2015-05-15 13:14:32

audio_retriever

正式會員
120.xxx.xxx.243

2015-05-15 13:04

[#24] 彌天大謊''音樂味''
器材是工具，音樂是目的!很多發燒友都誤解，認為擁有最頂級的器材，就等同是天下無敵...!可是很多朋友也不知道器材必要和其他器材及聆聽環境互相配合才可以發揮得好!使用者要了解器材的取向和能力，要懂得如何匹配器材使系統取得平衡，要學會調教音色的技術，以上種種個人為因素往往會比器材本身的質素來得更為重要!情況就好像我們買了一架F1回家，不等同我們自己就是舒麥加，要音響重播做得好，首先要學好如何去駕馭器材和了解器材的本質，而不是漫無目的地亂花錢去買器材...!究竟係機玩人，定係人玩機?其實分別就係呢一度!

最後修改時間: 2015-05-15 13:37:04

Pilotrol

正式會員
222.xxx.xxx.13

2015-05-15 13:35

[#25] 彌天大謊''音樂味''
係呀，好同意!很多買得起貴價器材的，都一定幫佢夾d 貴貴嘅線材，好多都係聞其名而買佢最頂級的，但冇諗過夾的問題! 往往越貴的線個性亦越強，好多都唔容易夾得恰當。例如玩細喇叭的，揾條粗過手臂的喇叭線做乜? 就因為佢係旗艦?一定係最好? 反而換低一model的就更適合，但買得起的，個個都只會買flagship!结果去人地屋企聽，貴價组合往往都極難聽，親民價格的組合相反甚多有驚喜!
20萬元的後級，你會因應需要駁條HK$2xx/对8’的speaker cable 嗎?

audio_retriever

正式會員
120.xxx.xxx.243

2015-05-15 16:24

[#26] 彌天大謊''音樂味''
小弟用緊過20萬後級其實都有幾套，不過都係用緊對幾嚿水對嘅德律風根古董喇叭線，其實音響同平貴關係唔大!小弟主要衡量因素都係因為佢較夾中至低功率古董膽機推高至中效率喇叭，配呢種係舊式銅製喇叭線，平衡度和音樂感會好Ｄ(嗰個年代嘅線材由原材料到開線都是一條龍式生產，冇用Recycle銅料，音色純度也較高)!

早兩年小弟有位好朋友見倒小弟用條一千蚊唔洗嘅德律風根香雞線，笑小弟係咪傻嘅!小弟笑說反正又唔係貴嘢，私人醒對比佢返去玩...點知唔試由自可...朋友返到去玩過之後竟然完全笑唔出...因為A/B比較過後，佢發現原來傻嗰係佢自己...用條幾皮嘢水蛇春咁粗嘅喇叭線比條幾嚿水對嘅古董香雞喇叭線一嘢KO咗，都咪話唔嘔血...!先至聲明朋友係用緊中功率古董膽機推高效率古董喇叭。最後條幾皮嘢水春蛇咁粗嘅喇叭線放翻出去二手，當係交學費吧...!

其實線材係音響界利潤最高，食水也最深的附件...!一條線用幾多線皮，用幾多金屬料，大家都有數得計...!得嗰12-16呎電線收你一萬幾千銀，你仲要笑笑口咁比錢，由比錢嗰一秒鐘起計，大家都已經知道邊嗰做咗笨...!不過大家買玩具求開心，只要自己覺得開心，究竟邊嗰做笨又有乜嘢關係呢...!只要你唔去諗，你都會係開心嗰個...!但當你要面對現實時，真相往往都係好痛苦嘅...!

線材嘅作用係連接器材與器材，而後級放大器去喇叭，線材便成為平衡後級放大器和喇叭之間音色的一道穚樑。傳統Hi-Fi智慧得知線材是電容、電阻和電感三種原素的結合!如果線材物料和結構一致，聽感上線材越粗AWG值越低，音色比重會傾向低音比較重多高音比重較越少，線材越幼AWG值越高，聽感上音色高音比重會較多而低音比重則較少!線材長度越長，高音會損失得越多，而功率也會下降!長短粗幼和線材物料計算全是為了平衡器材!用眼睛同價錢牌去做評估，其實已經輸咗一大半，因為Hi-Fi係用耳聽而唔係用眼睇，唔信自己耳朵就更加抵輸...!

最後修改時間: 2015-05-15 18:41:01

Pilotrol

正式會員
222.xxx.xxx.13

2015-05-15 18:26

[#27] 彌天大謊''音樂味''
至理明言！

shungyan

正式會員
14.xxx.xxx.127

2015-05-15 20:16

[#28] 彌天大謊''音樂味''
好簡單，你聽下學友同黑人唱 Jazz, 如果你感覺唔到味道節奏有乜分別，咁恭喜你喇，你可以省返好多。

almondhaha

會員
59.xxx.xxx.65

2015-05-15 21:05

[#29] 彌天大謊''音樂味''
好似通常有咩貴價新機展示，梗係要夾十幾廿萬線去比人試聽，明明九唔撘八，都要話幾好幾好! 皆因成套機又可以話幾多幾多M! 幾厲害!聽嘅發燒友一樣有問題，聽完話成套機幾佰萬出d咁嘅聲幾唔惦唔惦，從來冇諗過佢夾緊乜?點樣夾? 啱唔啱夾? Handle個埸有幾大等! 一開聲話唔惦就即判佢死刑。而家d人唔會去思考，成日都問呢部機夾咩電線好? 對喇叭用邊對喇叭線好?hifi明明係一套開聲，梗要將佢分拆開前級配咩線好?後級配咩好? 明明一佰呎地方死都話買座地?!!

最後修改時間: 2015-05-15 21:57:35

audio_retriever

正式會員
120.xxx.xxx.26

2015-05-15 21:50

[#30] 彌天大謊''音樂味''
慘被當水魚...!

Pilotrol

正式會員
222.xxx.xxx.13

2015-05-15 22:30

[#31] 彌天大謊''音樂味''
呢度啲師兄討論音響真係比較理智，小弟很欣賞！唔似隔離啲台，吓吓用錢用品牌去做判斷。

samuelt

會員
42.xxx.xxx.39

2015-05-15 23:01

[#32] 彌天大謊''音樂味''
如果連自己耳仔都唔信真係好難幫倒佢...!

Pilotrol

正式會員
222.xxx.xxx.13

2015-05-15 23:04

[#33] 彌天大謊''音樂味''
今日食嘢覺得D肉好有肉味...

軍城

正式會員
112.xxx.xxx.102

2015-05-16 00:09

[#34] 彌天大謊''音樂味''
依家出去外面食野，D肉唔一定有肉味。

正式會員
203.xxx.xxx.249

2015-05-16 00:54

[#35] 彌天大謊''音樂味''
哈哈，超級同意。根本音響器材要講求匹不匹配。環境大細，cd碟，cdp,dac,音源，線材，前級，後級，喇叭，輸出。根本各機各特性，用家要多留意自己套音響的特性，再配不同器材，線材，音源等。沒有一本通書讀到老，只有掌握更多知識，就能更有把握去把自己套音響，調至自己的口味。玩音響就是不停的學習和思考。過十萬線材未必匹配自己的音響，都要不同找資料分析學習同思考，不能次次都假手於人。

別人的意見始終都是參考，最終耳聽為實。話之你幾百萬一套器材，唔好聽就係唔好聽。

antonylun

會員
183.xxx.xxx.120

2015-05-16 02:26

[#36] 彌天大謊''音樂味''
有時我都覺一D有米的玩家是不是真的聽到所謂的金仔味, 麥仔味...轉過手買完就放. 與其就是保值, 其實台機都未煲好.
或者佢地已有聽覺退化也說不定.

kl122002

會員
112.xxx.xxx.123

2015-05-16 06:13

[#37] 彌天大謊''音樂味''
我理解係聽器材時冇啲好難頂嘅聲，例如尖，硬，桔耳聲，全頻順滑流暢，可以俾我坐低慢慢欣賞隻碟，了解錄咗啲乜嘢音樂，就係有音樂感。如果聽幾分鐘已頂唔順，何來音樂感？

apprentice

正式會員
64.xxx.xxx.138

2015-05-16 08:53

[#38] 彌天大謊''音樂味''
如果聽 Heavy Metal, 係咪可以追求金屬味呢?