| 汽車主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 九龍灣車展motormech check車 岩岩過左父親節老未送禮物，想買部2手Benz S500比dadi報答咁多年既養育之恩。部野都唔平要45萬，小弟又唔熟車。 想問下個度大昌攪既MotorMech驗車信唔信得過，會唔會因為同場車行所以唔夠公正？ 求各位專業既師兄幫幫手，唔想買部整多個渣既麻煩車，比麻煩老人家。 Thanks! |
brianhk 正式會員14.xxx.xxx.93 |
2013-06-23 15:47 | |
|
|
|||
| [#2] 九龍灣車展motormech check車 信得過，大昌=Motormech, 主要分別係大昌serve 代理嘅車,乜都要原裝同行貨，所以會貴好多，motormech都係 under 大昌，但唔一定要用原裝，或用水貨都得，所以會經濟D ! 電腦 Data 呀果D 佢都應該好齊！ |
Ming Sir 正式會員 58.xxx.xxx.148 |
2013-06-23 15:58 |
| [#3] 九龍灣車展motormech check車 二手車場包果D motomech check 車邊信得過，visual check only. 睇唔到內傷。 |
ff4300 正式會員 124.xxx.xxx.12 |
2013-06-23 16:45 |
| [#4] 九龍灣車展motormech check車 佢話check 完pass左包6個月保養，但terms有嘜包有嘜唔包就唔知啦 |
brianhk 正式會員 14.xxx.xxx.93 |
2013-06-23 16:51 |
| [#5] 九龍灣車展motormech check車 佢啲保用（自付保費）信得過，但驗車最好親自睇睇，我響嗰度買過兩架車是20萬水位，報告只提正唔正常，一定話全部OK。唔會講有冇撞過。 第一架攞車一天發現有電油味，原來油喉穿咗，要等正式保單出咗才開始檢查，最後整妥，但前後等咗個月。 第二架攞車個幾星期，覺得軚震，攞去check下，佢話軚心鬆啫，安全嘅，最後要佢整，佢都整咗。 其後再問自己車房，兩架車都係撞過。 自己真要參與檢查車底（架）。 |
wctin1959 正式會員 58.xxx.xxx.209 |
2013-06-23 18:14 |
| [#6] 九龍灣車展motormech check車 唔該曬咁多位師兄既經驗 聽人講佢地d terms 會有好多個d exemption (例如係電子野就話唔包) 有無聽說過呢？ Thanks |
brianhk 正式會員 14.xxx.xxx.93 |
2013-06-23 19:47 |
| [#7] 九龍灣車展motormech check車 電子零部件是不包的，但我上次買埋頭尾杯士要求更換（六年車停車會向前dub一dub),佢地師父話目測沒有問題！最後要自己找車房搞！ |
cypher 正式會員 14.xxx.xxx.36 |
2013-06-23 20:07 |
| [#8] 九龍灣車展motormech check車 你冇睇上次寶馬單新聞？ |
mcdull 正式會員 202.xxx.xxx.31 |
2013-06-24 08:08 |
| [#9] 九龍灣車展motormech check車 八卦一問，寶馬有咩新聞呀師兄? |
paulpoon168 正式會員 124.xxx.xxx.17 |
2013-06-24 10:13 |
| [#10] 九龍灣車展motormech check車 ＞八卦一問，寶馬有咩新聞呀師兄? x2 邊單? |
skyliner 正式會員 210.xxx.xxx.189 |
2013-06-24 10:18 |
| [#11] 九龍灣車展motormech check車 今期壹仔投訴版 二手車行蠱惑招 三十六萬買殘車 買賣二手車糾紛時有，對汽車認識少的買家隨時買入爛車都懵然不知！有讀者買二手車時任由車行安排驗車，收車後卻發現瑕疵多多，擔心之下向本刊求助，始揭發房車是被報細行車里數的中港車，車頭更曾經捱撞！ 鄭生鄭太去年底在會展底層壹號車場內的二手車行「車庫」展銷處，看中○七年出廠的二手寶馬X5房車，經紀稱房車由上手車主僱司機駕駛，只行駛三萬九千多公里，且從無撞過，索價三十六萬。鄭生隨即落訂一成，「車庫」即表示可代為安排大昌行旗下的捷信汽車維修站（MotorMech）驗車。及後捷信提交報告指該車一切正常，並無機件問題，鄭生隨即扑槌買車。 收車後不足一個月，鄭生鄭太駕車外遊期間，車頭的車牌突然掉下，車頭燈水唧蓋亦飛脫，二人懷疑房車尚有其他問題，於是修理車牌時，順道託師傅簡單檢查房車：「點知師傅就咁一睇，就見到車頭泵把底同車轆位塊沙板，無咗幾粒螺絲，剩番幾個螺絲窿！車行明明話係原廠車無撞過，車房又話驗過車，點會咁樣？會唔會下次揸車時甩埋個泵把！」 對汽車不熟悉的鄭太因擔心房車尚有其他潛藏危險，遂向本刊求助。 二手車行「車庫」：房車只行駛過三萬九千多公里。 本刊委託驗車公司：brake碟（制動碟）已磨蝕起坑，車胎brake皮（制動皮）蝕剩20%，行車里數肯定超過三萬九千多公里。 二手車行「車庫」：有螺絲窿位無螺絲屬正常，部分原廠車本來就沒上螺絲，現時很多車的泵把只是黐上去。 本刊委託驗車公司：螺絲問題反映坊間車房維修車時手工馬虎，亦因而可肯定車頭曾作維修。 二手車行「車庫」：房車沒有問題。 本刊委託驗車公司：膠板鬆脫不正常，萬一行車時鬆脫的膠板被扯入轉動中的部件，會影響行車安全。 跟進 - 肯定車頭曾維修 本刊邀請香港驗車有限公司負責人朱祖恩及旗下驗車師傅，替鄭太的房車進行徹底檢驗，即踢爆車行稱房車「無撞過」的謊言：「車頭蓋唔似原裝，佢幾粒螺絲崩晒，如果架車無撞無維修過，根本唔會擰啲螺絲，而且車頭蓋補過油；另外，其實車底啲螺絲根本無上緊，反映喺外面車房維修架車時有甩漏，所以可以100%肯定架車車頭係有維修過。（當時）點撞就唔知，但架車咁新唔會無端端去搞個車頭蓋囉！」 驗車師傅更從車尾噴油痕跡，揭發房車前身實為中港車：「首先由車尾噴油可以睇到，架車曾經掛過中港牌，拆咗之後仲專登喺同一位置噴咗層油，想遮住掛過牌嘅痕，但細心睇係可以見到兩浸油唔同。另外，車身編號呢度張貼紙唔係原裝，如果係原裝歐洲車一定唔會咁，基本上七、八成機會係中港車。」 行車里數遠高於聲稱 房車損耗程度亦反映行車里數遠高於「車庫」聲稱的三萬多公里：「風油軚咁快已經有滲油跡象，一般都係架車老化先會出現，再加上前後胎嘅brake碟（制動碟）已經磨到起坑，其中後面兩條胎嘅brake皮（制動皮）仲蝕到得番20%，所以根據架車嘅損耗程度，好肯定唔止行咗三萬幾公里，單以brake碟磨蝕情況而言，架車有機會行咗超過五萬公里。」 朱祖恩指，行車里數可以刪改，坊間聲稱以電腦查行車里數，結果未必準確，反而車身耗損「無得呃」，更加可信。此外，驗車師傅亦發現房車左方門邊鏡失靈，右前轆內的膠板更有鬆脫跡象，朱祖恩指萬一行車時鬆脫的膠板被扯入轉動中的部件，分分鐘影響行車安全。 對質 - 厚顏耍客 ○九年八月成立的「車庫」，股東為李智達、盧志雄。記者與鄭太一同致電「車庫」負責人Tony Lo，鄭太指車身有螺絲遺失，質疑房車曾有碰撞，Tony Lo卻說︰「阿小姐！原廠車唔一定泵把底有螺絲！有啲車本身就無上螺絲，而家好多車個泵把都係黐上去，有窿位無螺絲係正常o架！你個師傅未必專業囉，個泵把如果真係甩咗先係問題。你想嘅我可以加啲螺絲落去o架！少少事你唔好講到全世界欠咗你咁！」 記者其後再致電Tony Lo，表明驗車師傅發現房車的問題，與其車行聲稱不符，他只表示要先了解事件再作回應便掛線。記者再以電郵、傳真方式查詢，希望了解「車庫」與其委託驗車的捷信有沒有合作關係，但最終無人回覆。 捷信汽車維修站則指當日以特惠價為「車庫」驗車，只包括目視及表面評估，「任何結構、組件、機械裝置均不會拆解檢驗」，又指驗車報告只反映房車於驗車當日狀況，「車庫」之代表亦已於驗車報告蓋章作實。捷信亦聲明與「車庫」並無任何形式的合作關係。（陳凱敏） 二手車交易自保攻略 香港驗車有限公司負責人朱祖恩教買家三招自保︰1. 勿任由賣家安排驗車，應自行找獨立車房檢驗，以免賣家與車房「打籠通」。2. 收車當日最好再安排驗車，以免賣家於首次驗車後在車身做手腳。3. 驗車前不應落訂，即使要落訂留車，最多只付一千元訂金，驗車後始落小額訂金。 壹判官 買二手車陷阱多，車行睇準買家唔熟車就詭辯連連，買家要小心提防！評分：劣劣劣劣劣（五個劣為最嚴重） |
mcdull 正式會員 202.xxx.xxx.141 |
2013-06-24 10:25 |
| [#12] 九龍灣車展motormech check車 睇唔晒咁多, 睇一句得啦 捷信汽車維修站則指當日以特惠價為「車庫」驗車，只包括目視及表面評估，「任何結構、組件、機械裝置均不會拆解檢驗」 |
mcdull 正式會員 202.xxx.xxx.141 |
2013-06-24 10:29 |
| [#13] 九龍灣車展motormech check車 評分：劣劣劣劣劣 買二手車仲有果d AA會験車, 瀬硬野 |
skyliner 正式會員 210.xxx.xxx.189 |
2013-06-24 10:32 |
| [#14] 九龍灣車展motormech check車 re#5 其後再問自己車房，兩架車都係撞過。 自己真要參與檢查車底（架）。 ======================================== 你2架車係唔係大撞入陣, 唔係跟本好難就咁睇到. |
explorer99 正式會員 203.xxx.xxx.82 |
2013-06-24 13:44 |
| [#15] 九龍灣車展motormech check車 目視及表面評估 咁就真係唔掂, 加多少少上架check 真D得唔得? |
Ming Sir 正式會員 113.xxx.xxx.61 |
2013-06-24 14:07 |
| [#16] 九龍灣車展motormech check車 各位師兄，HKMI又如何呢? 謝謝！ |
mryu 正式會員 202.xxx.xxx.106 |
2013-06-24 14:22 |
| [#17] 九龍灣車展motormech check車 HKMI睇師父又要睇咩車. 佢地唔check電腦主要check車架同機件. 如果有有料相熟車房緊係首選, 冇得揀惟有 HKMI. |
mcdull 正式會員 202.xxx.xxx.141 |
2013-06-24 14:26 |
| [#18] 九龍灣車展motormech check車 不如比多小小返廠驗。 Motormech 驗車有分Plan ? 目視驗車咁得意，咁收幾錢 ？會唔會有D耳聽驗車 Plan，可以再平D ？ |
humber 正式會員 118.xxx.xxx.200 |
2013-06-24 15:47 |
| [#19] 九龍灣車展motormech check車 車行收車通常佢地都係目視檢驗，唔會上架，睇完就比錢揸走架車返佢地車房執修，所以買車行車都係要搵返自已相熟或指定車房上架驗一驗先得。 |
red wing 正式會員 101.xxx.xxx.2 |
2013-06-24 15:51 |
| [#20] 九龍灣車展motormech check 但係大昌二手車部收人車又會要求人地去motormech上架，真攪笑，相信咁樣可以再壓多D價。 二手車場收車，最緊要係平，至於D車有無撞過，相信係次要。 |
humber 正式會員 118.xxx.xxx.200 |
2013-06-24 16:01 |
