汽車主旨 ﹝請按主旨作出回應﹞  下頁  尾頁 寄件者 傳送日期 由舊至新 由新至舊
[#1] 回旋處撞車事故    
事緣是這樣的,我車在回旋處外線行駛,一直行駛至第二出口出回旋處。在經過第一處出口時,內線有架車想出第一個出口,就一野撞咗埋嚟我部車到。

對方下車檢查傷勢影相,我落唔到車,因為佢架車銀咗埋嚟我司機位車門同沙板同泵把。(都蝕得幾入)。我車內朋友從另一車門出去,影下當時大家車的位置,前前後後影了多張。之後佢話大家駛開架車,唔好阻住條路先。之後大家駛出回旋處第一出口前停。

對方開首話賠1千2千。但我堅決要到相熟車房檢驗。我話報警,佢話唔好,無謂攪大佢。我話我唔係整車,我唔知要你應該要賠幾錢。佢話無乜大礙,我立即打電話到我相熟車房師傅問,師傅話一定要報警,之後我send相比師傅睇,師傅話只睇相講唔到維修費,另外因為銀到隻鈴,唔知有冇影響車軸,唔知會唔會影響行車。要斥高架車睇車底先知有冇其他事。

之後我就聽師傅話報警,佢話唔好報警,唔好聽車房師傅講,佢覺得車房師傅想攪大件事。(但我心想師傅同你無仇無怨,又點會想整你。)總之,我就報咗警。

報警後警察嚟到,各自身份證同落初步口供。對方認自己錯同肯賠錢比我。跟住警察就話最好自己私了,和解唔到,就要去交通部話和解唔到落口供。警察比底案件編號,警察就走了。

之後我話要去車房師傅到睇車傷勢,佢話佢都會去佢間車房,問我架車同佢架車要整幾錢。跟住大家交換電話,就分道而行。我去到車房,師傅都好忙,佢返嚟幫我睇架車,沙板,泵把,車門,鈴,都要焗油,有部零件要向車行攞貨,連人工裝拆,整哂唔過1萬。

跟住我比電話個車友,佢話太貴唔賠,車門,泵把,沙板噴油,連撞凹地方搥返原狀,都係2千幾蚊。我同車房師傅講,佢話條友仔根本冇心賠,叫我唔洗同佢講野,直接上直接上庭同claim佢保險。
antonylun
個人訊息 會員
14.xxx.xxx.64
2015-05-25 23:16
[#2] 回旋處撞車事故    
我冇經驗,不過你有冇買全保?有就報保險,等佢地幫你 claim.
ff4300
個人訊息 會員
113.xxx.xxx.127
2015-05-25 23:22
[#3] 回旋處撞車事故    
我都覺得對方冇心賠,我自己都問過幾間車房,都話焗油,一隻車門,一個沙板,一條泵把,無可能,仲要裝拆凹咗部位搥返原狀,二千幾完全無可能。師父直接問我,你有冇唔岩先,我好肯定話冇,因為我原線行走,對方想出線銀埋嚟,我認為係佢內線cut外線出回旋處,冇睇清楚外線有冇車,就直接出。

老實講我冇想借機貪錢,我冇向佢開價,我都係想架車回復未有意外之前的狀況。我同對方講返,無可能二千幾蚊整返咁多野,全港九都冇人做到。我開始嬲嬲地,佢想同車房師傅直接對話,我即時用我電話比車房師傅聽,師傅同佢講果到點計點計,佢就同車房師父講佢冇咁多錢。(但佢揸歐洲貴價車)之後師傅話冇錢就唔好整上庭c之後師傅話冇錢就啊唔好整上庭claim保險。比返電話我聽,我同佢講你自己問下其他車房師傅有冇收多你。唔肯賠就上庭唔肯賠就上庭claim保險。佢話比啲時間佢諗諗。

格了半小時之後打嚟話,可唔可以賠少啲。我話唔得,賠完錢唔係我袋,我只係想架車回復原狀。唔係我錯無理由要我自己墊底。佢話再諗諗。之後又比電話嚟話賠說賠,但要車房師傅比報價單佢先。我話我問問師傅先。車房師傅鬧到我一面屁,話人地唔岩你仲幫人整咁多野,簡單一句賠唔賠,唔賠就claim保險同上庭。而家係人地唔岩,唔係我唔岩,仲要幫人攞報價單,而家大公司呀?嚟到交低錢就寫返收據,唔比錢就點會寫報價單。

之後我同佢講返,單就冇,賠唔賠,唔賠就上庭claim保險。佢立即鬧我話而家佢比生意個車房做,攞報價都冇? 我話呢啲報價係人地行內既商業資料,唔係可以隨便公開。一係就上庭啦。佢話再諗諗,之後比電話嚟,又話睇返行車記錄儀,話我都有錯,外線經第一出口唔出冇打燈,我開始覺得佢冇心賠同玩野。我話你都痴線既,賠就賠唔賠上庭見,對方就話比多5分鐘佢諗。

之後佢打電話嚟話賠,但要寫返張紙。咁就約咗明日去一手交錢,一手簽和解協議書。但過咗陣,佢有另一個男人比電話嚟,未必係佢錯,仲話可能係我錯,又話佢肯賠,但賠少啲,要上公證行。跟住我話你冇誠意出爾反爾,就唔好傾,上庭見,佢就話好。
antonylun
個人訊息 會員
14.xxx.xxx.64
2015-05-25 23:47
[#4] 回旋處撞車事故    
樓主你話我豪三千蚊比佢,佢可以三千蚊以內整返好你部車我請食飯。
不過你亦要小心D,佢第二線出如果有打燈你係要譲的,所以你唔一定全對。
不過比著我係佢,一皮嘢即磅啦。今日又要比自付,出年扣NCB,再加保費⋯
早排某名醫自己部拉利隊咗朋友部拉利,落車問下大家有冇受傷先?冇事就即刻買起對方部車,再叫拖車拖走。


最後修改時間: 2015-05-26 00:01:55
paulpoon168
個人訊息 會員
124.xxx.xxx.13
2015-05-26 00:01
[#5] 回旋處撞車事故    
回paul, 佢內線切入嚟晌我後面,我在佢前面。撞車停定後有相為證,不過件事仲處理中,不方便post出嚟比大家睇,佢在內線較我車後位置切入嚟,撞到我師機位車門,沙板,同頭泵把邊位置。
antonylun
個人訊息 會員
14.xxx.xxx.64
2015-05-26 00:05
[#6] 回旋處撞車事故    
通常執一幅都兩千啦,除非去專做的士喎啲車房
olddude
個人訊息 會員
58.xxx.xxx.126
2015-05-26 00:44
[#7] 回旋處撞車事故    
佢見我樣細個諗住煆我唔識野。好在小弟有讀過汽車維修課程,冇咁易比人呃。
antonylun
個人訊息 會員
14.xxx.xxx.64
2015-05-26 01:13
[#8] 回旋處撞車事故    
報左警claim 佢三保,上庭佢輸仲要告老不扣5分。
車cam好緊要,快d裝。前後都要。
skyliner
個人訊息 會員
202.xxx.xxx.144
2015-05-26 08:32
[#9] 回旋處撞車事故    
ching:
邊個回旋處?
kp
個人訊息 會員
119.xxx.xxx.172
2015-05-26 08:53
[#10] 回旋處撞車事故    
十年前,我都試過類似人地過線隊我車尾K屎,不過我係直路唔係迴旋處。條友初初都係話和解賠俾我,叫我唔好報燕梳棉(我係全保),我OK,話去我自己車房(唔係代理)報價再講。之後報返黎就係$5000咁上下,條友叫個秘書同我deal又係又乜又七縮沙玩拖,結果我無理佢後就去警署開file再報燕梳通知埋對方。條友即刻打電話黎話做乜報燕梳,我話見你無誠意咪自己做野囉。結果條友乖乖俾錢,我無搵佢笨柒,叫佢去車房找數,錢唔經我手。原來條友果日係借老婆公司部車渣撞Q左落我到唔想郁到公司個保險,又on99搵老婆公司個秘書黎同我deal,條秘書又懶醒又乜又七想唔俾結果搞出個大頭佛出黎.....

不過你claim對方三保,你預左要搵公正行,大概快則一年後囉返5-7成修理錢咁啦。
我是一個人
個人訊息 會員
219.xxx.xxx.53
2015-05-26 09:39
[#11] 回旋處撞車事故    
>>>> 車門,泵把,沙板噴油,連撞凹地方搥返原狀,都係2千幾蚊
------------------

2千幾蚊 1 樣都還勉強可以....3樣2千幾蚊 大6都未必得....
EF9
個人訊息 會員
221.xxx.xxx.254
2015-05-26 10:17
[#12] 回旋處撞車事故    
情況如此,我係A車,對方係B車。

antonylun
個人訊息 會員
14.xxx.xxx.64
2015-05-26 10:31
[#13] 回旋處撞車事故    
樓主,

現場報警, 第一歩你已經做啱咗!
有冇全保?無就煩d, 要揾公正行影相報價, 最後可能要揾律師幫手, 但多數都會收到錢, 只係要花d時間.

dlbf
個人訊息 會員
210.xxx.xxx.168
2015-05-26 10:48
[#14] 回旋處撞車事故    
有全保
antonylun
個人訊息 會員
14.xxx.xxx.64
2015-05-26 10:49
[#15] 回旋處撞車事故    
有全保就即報, 然後去交通度投訴(無法私了), 無謂浪費d時間係無謂人身上!
dlbf
個人訊息 會員
210.xxx.xxx.168
2015-05-26 10:59
[#16] 回旋處撞車事故    
你在外圈行要打住右燈,選第一路口出冇問題,如選2,3,4路口就要小心(好多人貪方便行外圈),人地內圈有優先權,如果佢撞你車頭而唔係司機位,可能改寫結局,所以你都唔好話自己啱晒

最後修改時間: 2015-05-26 11:06:26
alexlaw88
個人訊息 會員
203.xxx.xxx.215
2015-05-26 11:05
[#17] 回旋處撞車事故    
>無謂浪費d時間係無謂人身上! x2

花d時間, 差人上庭告佢老不, 扣5分!

skyliner
個人訊息 會員
175.xxx.xxx.74
2015-05-26 11:05
[#18] 回旋處撞車事故    
"人地內圈有優先權"

有無邊條法例寫明 ? 我好想知,呢個議提一路都好多人講
Ckkk
個人訊息 會員
101.xxx.xxx.86
2015-05-26 11:26
[#19] 回旋處撞車事故    
#16

>人地內圈有優先權,如果佢撞你車頭而唔係司機位


迴旋處內圈等同普通直路轉線, 右線車要出打完燈都要等安全許可要切線.
監粗黎切線撞外圈車撞到人車門點都係要受哂, 拗乜鬼, 要玩上庭的話等判老不


http://www.td.gov.hk/filemanager/tc/content_1977/tc_go_straight_1.htm
skyliner
個人訊息 會員
175.xxx.xxx.74
2015-05-26 11:29
[#20] 回旋處撞車事故    
自己和親友都遇過同類事件. 處理方法如下:

1)(反口不願賠償), 通知警方和解失敗, 要求調查有無違規.
2) 雇用公証行 (motor survey & adjusters)
3) 原廠估價
4) 當然有意外 claim 唔 claim 都要立即通知保險公司, 不論三保或全部 (對方或乘客可以事後話撞傷了頸之類).

文件 copy 對方.


自已 case 對方最後賠, 大昌修理三萬, 公証行收一千, 入埋對方數.


親友 case 對方 (taxi) 一於不理. 警方告對方不小心駕駛.
罪成後公証行代 claim 對方保險成功, 費用約 20%
用左年幾時間, 當然架車自己先整, keep 住單據.

最後修改時間: 2015-05-26 11:33:15
mrbeansr
個人訊息 會員
119.xxx.xxx.163
2015-05-26 11:29
主旨內容一共有 9 頁,每頁顯示 20 個信息,選擇頁數:  下頁  尾頁
按照傳送日期顯示:由舊至新由舊至新  由新至舊由新至舊
最新資訊 - 影音
NCF 技術加持,FURUTECH 推出 LAN-8 NCF 網路線 2021-01-27

最新資訊 - 影音
Cambridge Audio 首度原生支援 MQA 解碼的 DacMagic 200M 2021-01-27

最新資訊 - 數碼
UNITY Tech 推出智能女神魔鏡及智能保安門鐘 為你打造智能生活 2021-01-27

最新資訊 - 影音
光城精工推出全新汽車音響專用接地盒 ve-02 2021-01-26