| 汽車主旨 ﹝請按主旨作出回應﹞ | 寄件者 | 傳送日期
|
| [#1] 阿Sir一腳踢 幫Benz換胎 Don't know HK police can help in 換胎 http://hk.apple.nextmedia.com/news/art/20130909/18415239 【隔牆有耳】 八方平時都叫大家唔好戴有色眼鏡睇人，尤其是警隊。點解唔戴得？驚跌爛囉！話說噚日下晝三點幾，有架Benz喺葵涌和宜合道跪低咗，似乎係左尾胎中釘漏氣。不過司機大佬氣定神閒，因為有警察幫手，唧高部車、搬後備胎、換胎一條龍全包。 司機大佬全程齋睇 喺巴士站等緊車嘅市民Alan見到呢幕，睇到眼都凸埋，同八方投訴：「個司機又唔係四肢唔健全，又唔係年紀零舍大喎，全程企喺度望，冇幫手，換完就各有各走。警察唔使捉賊呀？幫人換胎，咁車房唔使做啦？」 當司機遇上警察，唔係多數只會抄牌咩？嗱，呢啲咪係有色眼鏡囉。有資深交通警話，遇到類似情況，一般都係建議司機盡快搵拖車拖走，不過幫手換胎亦經常發生，有時甚至會幫市民架車嘅水箱加埋水，一切都係以安全為大原則，盡快令架車郁得番，唔好阻塞馬路嘛。 曾偉雄話過，警隊形象唔能夠單計個別人士嘅睇法。都啱嘅，惡煞毆打市民拖成個星期先做嘢、低調通緝政治人物、遊行唔封路亂截龍、搵重案組去查塗鴉同講粗口，覺得唔妥嘅都係「個別人士」之嘛。如果個個警察都一心捉賊，或者服務市民，落手落腳換胎，榮獲「2013年公務員優質服務獎勵計劃」最佳公眾形象獎銀獎，就梗係「理所當然」啦。但現實又係點，心照喇！ |
ff4300 正式會員118.xxx.xxx.5 |
2013-09-09 13:32 | |
|
|
|||
| [#2] 阿Sir一腳踢 幫Benz換胎 個BENZ佬一定有背景, 普通人又係咁出事, 連拖車電話都廢事比你. |
ctlee 正式會員 202.xxx.xxx.169 |
2013-09-09 13:43 |
| [#3] 阿Sir一腳踢 幫Benz換胎 唔好咁講.. 係灣仔我親眼見過有架的士跪低左. 正義朋友一到.. 停左架鐵馬係後面. 幾秒內就郁手推車了. 司機當然坐定定係司機位. 大熱天正午, 三十幾度, 正義朋友full gear. |
mcdull 正式會員 202.xxx.xxx.143 |
2013-09-09 13:53 |
| [#4] 阿Sir一腳踢 幫Benz換胎 年幾大..你有後備胎..呀sir一定幫.. 我有個朋友..70到..係公路換胎..阿sir試過好多次幫手.. |
411 正式會員 59.xxx.xxx.172 |
2013-09-09 13:59 |
| [#5] 阿Sir一腳踢 幫Benz換胎 ＞我有個朋友..70到..係公路換胎..阿sir試過好多次幫手.. 你朋友應該換車 |
kimaki 正式會員 202.xxx.xxx.161 |
2013-09-09 14:01 |
| [#6] 阿Sir一腳踢 幫Benz換胎 仲以為只係幫手叫拖車，原來換胎都得！但咁又好似好得過份。 |
ff4300 正式會員 203.xxx.xxx.46 |
2013-09-09 14:04 |
| [#7] 阿Sir一腳踢 幫Benz換胎 關換車咩事...次次都係3號尖沙咀, 葵芳中釘..d釘好新..好似有人放禁樣... |
411 正式會員 59.xxx.xxx.172 |
2013-09-09 14:10 |
| [#8] 阿Sir一腳踢 幫Benz換胎 ＞我有個朋友..70到 報導話年紀唔大. 不過可能佢有暗病你唔知啫.. 呀Sir如果真係攪得掂, 免得過都唔迫人出手, 傷左又投訴. |
mcdull 正式會員 202.xxx.xxx.143 |
2013-09-09 14:14 |
| [#9] 阿Sir一腳踢 幫Benz換胎 ＞關換車咩事...次次都係3號尖沙咀, 葵芳中釘..d釘好新..好似有人放禁樣.. 明白，咁你朋友好黑仔，我楂左4萬km，未中過一粒釘(touchwood)。 |
kimaki 正式會員 202.xxx.xxx.161 |
2013-09-09 16:54 |
| [#10] 阿Sir一腳踢 幫Benz換胎 明白，咁你朋友好黑仔，我楂左4萬km，未中過一粒釘(touchwood)。 ==================================== #9, 好重黑仔, 新車至今 31000km, 四條補過曬, 6-7次中釘 |
3288 正式會員 219.xxx.xxx.249 |
2013-09-12 10:08 |
| [#11] 阿Sir一腳踢 幫Benz換胎 Copy & paste 一輛私家車輪胎被釘子扎破，停在街上，兩名巡警經過，幫助車主把輪胎換好。這事給一個途經的市民看到，跑去跟報紙爆料，投訴說警察不用捉賊嗎？他們幫人換輪胎，還要車房幹什麼？ 一個地方要變壞，是由人心變壞開始的。 如果人心好的話，看見警察在街邊身水身汗幫市民換車胎，一定會稱讚好人好事，讚警察急市民所急，幫市民解決困難。但是人心壞了，看出來的事情也都壞了。 警察在街上執勤，不是單單為了捉賊，他們還要為社會秩序做很多事情，救急扶難是他們的責任。如果那天附近有賊，相信那兩個警察接到通知一定會拋下那輛爆胎的汽車而去奮勇捉賊，但那天沒有賊，他們見到有市民需要幫助，便出手相助，這也有錯？如果這天他們經過那輛拋錨的汽車袖手旁觀，不管不顧，因此阻礙了交通，會不會又有人投訴警察見死不救？ 見到警察在街上無賊可捉而幫市民換輪胎，為什麼不慶幸我們生活在一個治安良好的城市呢？難道你想活在一個警察滿街有賊捉的地方？ 這就是心態，心態不好，邏輯思維不會好，看出來的世界就不好，結果連警察「無賊可捉」和「有賊不捉」的分別都搞不清楚了，如果人同此心，世界就真的不好了。 李純恩 最後修改時間: 2013-09-12 21:54:33 |
mrbeansr 正式會員 116.xxx.xxx.127 |
2013-09-12 21:53 |
| 按照傳送日期顯示:由舊至新 由新至舊
|
