| 汽車主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 改車一問 如果想加強過灣時既穩定性，應該改邊一樣先？ 1. 改 suspension low 低架車？ 2. 改闊軚？ Or other suggestion. Thanks |
ff4300 正式會員124.xxx.xxx.6 |
2013-02-09 19:03 | |
|
|
|||
| [#2] 改車一問 蝦鬚先 |
humber 正式會員 113.xxx.xxx.45 |
2013-02-09 20:02 |
| [#3] 改車一問 車種？用途？要求？已有裝備？budget？環境（大彎定細彎）？技術？接受程度？ 零資料，巧難幫到你啵… 不過，有兩點係放之四海皆通既： 1.如果係著重過彎性能既，千祈唔好諗住靠low低架車，雖然“感覺”上好似定左、快左，但實際速度絕大部份都係會慢左，越low得低就越慢！ 2.善用weight transfer，你識玩weight transfer黎拎盡四條呔既traction的話，乜車原裝過彎都可以好定、好快 |
Enzo 正式會員 42.xxx.xxx.126 |
2013-02-09 20:35 |
| [#4] 改車一問 Enzo ching, point 2可不可以分享多一些？謝謝！ |
mryu 正式會員 61.xxx.xxx.48 |
2013-02-09 22:54 |
| [#5] 改車一問 新年祝大家新年快樂先 Thank humber and Enzo My car details: 車種: BMW F10 523i, 用途: family car, 只係想有時過灣揸快少少 已有裝備: 冇任何改裝 Budget: 唔係要飛車所以只係想簡單改一改. 所以只係諗住換 suspension or low profile wheel. 蝦鬚 --＞ Stabilizer, BMW F10 好似已經有個 active stabilizer.... Point 1. Low低架車乜唔係可令車既重心降低而令過灣穩定d? 點解仲會慢左? Point 2. "可不可以分享多一些" x 2 最後修改時間: 2013-02-10 02:00:43 |
ff4300 正式會員 113.xxx.xxx.144 |
2013-02-10 01:51 |
| [#6] 改車一問 要加強過灣穩定性，先要了解過灣動作裡面，部車點樣唔穩定， -避震問題？車架rigid度？車頭or車尾？入灣or出灣唔穩定？ 要了解(weight transfer) 重心轉移，就先要了解何謂重心，重心係邊 -重心係抽象既野，文字好難表達，一定要靠自已feel...我地通常講車輛重心移去車頭。或者移向車尾。。隨著加速減速，入灣出灣，車輛重心就不斷向前移或者向後移。。。 最簡單講，定速向前行時，你應該唔會感覺到重心係邊的，但當你踩brake時，就會明顯感覺到車輛重心移左去車頭，而大油加速時就會感覺到車輛重心係車尾。。。 下一步到轉灣----正常情況開始扭車太入灣時，重心會向前移；回車太出灣重心就會返番去車尾---------咁入灣同出灣中間果段時間，重心又係邊呢？係灣心重心究竟係頭定係尾呢？重心幾時開始由車頭shift去車尾呢？轉移幅度有幾多？轉移速度要幾快呢？-＜------呢個就係enzo大哥所講既重心轉移既基本。。。學識主動控制呢種重心轉移，再將g-force與之配合，就可以係唔同情況下隨意增減頭胎或尾胎既咬地力(即enzo大哥所指充份利用4條胎既咬地力的意思) ，從而控制或主動制造understeer同oversteer去幫助車輛轉向 最後修改時間: 2013-02-10 02:51:11 |
h9713325 正式會員 220.xxx.xxx.43 |
2013-02-10 02:48 |
| [#7] 改車一問 補充小小： 控制weight transfeR在g-force下會影響轉向能力,其實可以理解為主動調節車頭與車尾所承受離心力既比例；最最最最最簡單咁解釋，將重心轉移向車尾後，即係車尾重過車頭啦(實際上重既意思唔係重量),重d既話離心力自然大d, 車尾離心力大，車尾咪容易向灣外走；車頭離心力細自然容易向灣內走-結果就係增強轉向能力lor;相反將重心轉移向車頭就會令車頭向外推 舉個例子，將一枝鉛筆垂直楝起枱面，無端白事佢唔會跌落黎；但只要輕輕將枝筆推斜好細角度，成枝筆就會自動跌落黎，因為枝筆既重心已向横移，唔能夠同筆頭(支點) balance, 在gravity下鉛筆就會跌-----呢個例子唔太貼切，但原理上有可參考既地方 文字太難形容，我其實講到一舊舊，實際駕駛情況又另一回事。。。舉例：踩brake會增加頭胎貼地能力，理應幫助入灣；但踩brake同時制做出黎既重心前移又相反地增加車頭向外離心力。。。所以落brake既時機先係重點，部車係過灣過程既唔同形態下，駕駛者就算做同一個動作(落brake, 扭車太，加油縮油) ，部車都會有唔同反應，所以先要學識咩時候應該做d咩反應，呢樣野無得教，只有靠實戰經驗累積。。。但到最後，講到底還要靠油門同車太盤既細緻配合先會成功 最後修改時間: 2013-02-10 04:06:49 |
h9713325 正式會員 220.xxx.xxx.43 |
2013-02-10 03:45 |
| [#8] 改車一問 h9713325 ching, 詳細解釋，又學到野！ 新年快樂，多謝分享！ |
mryu 正式會員 61.xxx.xxx.48 |
2013-02-10 09:15 |
| [#9] 改車一問 慢入快出. 早收早出灣. 寶馬FR接近5050 weight distribution. 原廠車非常好handling. family car, 唔好攪咁多改裝啦! 尋日年廿九兩單有成3架車cup 4, 行街冇racing line, 切記安全揸車, 祝大家出入平安,路路享通! |
skyliner 正式會員 58.xxx.xxx.92 |
2013-02-10 10:51 |
| [#10] 改車一問 h9713325兄真係專業！ |
呀b 正式會員 116.xxx.xxx.160 |
2013-02-10 12:17 |
| [#11] 改車一問 Hi, I will suggest an aftermarket sway bar. You will feel the difference immediately. Hope it helps. |
bmw1mm3m5 正式會員 202.xxx.xxx.38 |
2013-02-10 14:35 |
| [#12] 改車一問 118I 出左甘耐,暫未見過有人暴走過 反而Golf GTl見好多 |
ef9 正式會員 14.xxx.xxx.58 |
2013-02-10 20:07 |
| [#13] 改車一問 Enzo Hing, h9713325 Hing & ff4300 Hing, 恭喜發財! 身體健康! 心想事成！ 路路暢通! |
dlbc 正式會員 112.xxx.xxx.222 |
2013-02-10 22:40 |
| [#14] 改車一問 所以落山過彎時亦需要適當地加油， 令車尾多些下壓力，從而増加車尾之traction ,保持架車過彎時嘅balance係好重要， 盡量做到constant steering+constant throttle, 唔好突然加油或收油，及unwanted steering 去Upset 架車嘅balance，咁無論你高速又好， 唔高速又好，一定會好穩定地過每一個彎！ Have fun ! |
pKcHaNxX 正式會員 220.xxx.xxx.231 |
2013-02-10 23:13 |
| [#15] 改車一問 祝各位師兄師姐龍馬精神！出入平安！ weight transfer呢家野h9713325兄講得好詳盡，禾都茅乜野補充咯，始終重心轉移係非常抽象既一樣野，如果真係要講的話，寫本書都未講得清楚，只可意會不可言傳…簡單地講，踩油、踩brake、扭呔時機及幅度等動作，全部都同weight transfer有關，如何利用各動作協調達至拎盡四條呔traction，係一個玩到老都未學得晒既課題，淨係講brake呢一個咁單純既動作，識玩weight transfer既人同唔識玩既人兩者既剎車距離都可以有一定分別，如果捉到weight transfer既人，臨重brake之前係會特登快速鬆開油門令重心略向前轉移，跟住有一腳輕brake，令重心壓好頭呔後先真正重brake，當然成個剎車動作其實一般人就算坐係車上兼望實隻腳都係完全感覺唔到個brake實際上係分兩段動作，但呢下正正就係weight transfer既最基本應用；而過彎動作，淨係講扭呔動作都可以話係分兩段，第一下扭呔（好輕微）只係令個重心壓實外側既呔，第二下先係真正導向（當然，同上述一樣，其實外人點留意都分唔到係兩下動作黎…），而彎中更係靠呔盤、油門同brake黎調節重心變化，呢下更加點講都講唔完，因為變數太多… 總之一句到尾，架車幾勁都係得四條呔係與地面接觸，如何有效地盡量拎盡四條呔既traction，就各施各法鳥… ff4300兄 low低架車無錯係可令車既重心降低，但唔好忘記，原裝既懸掛活動角度係以原裝車高為準，就咁low低架車的話就會同時收窄懸掛既活動角度，懸掛組件“無得郁”就無buffer，又點會快得到？落場既車可以low到咁低，係因為全部懸掛部件已換左適合呢個高度活動既組件，如果就咁low低的話只會仲差過原裝，架車所受既g-force只會同速度成正比，懸掛唔受咪條呔受囉，條呔咬唔住的話咪派出去囉，條呔咬得到的話仲大獲，遞轆的話唔係個個識控制…我好記得當年珠海賽車場o岩o岩開左無幾耐果陣，我就渣架近乎原裝動力既STi去玩track day，車高都同原裝高度差無幾，出發果陣個個都笑我架車「高腳七」，轉彎又“側”得勁，話我咁樣點去track玩，點之去到之後，笑我架車「高腳七」既人咪全部係我後面食塵囉（尤其是第一日係落雨，跑濕地既時候）… 你又係5系？咁橋既，我都有一架喎，不過我係530i，好車黎架！個人建議，你想換的話可考慮SACHS既套裝避震，又舒服又玩得兩下，又平！（另外我試過KW，唔好制，得個硬字…）我都係全原裝，只係換左套18" BBS鈴，韓仔呔，都試過渣住呢架大牛龜，連埋我車上總共有三個大肥佬，大山落山可以放得甩EVO！當然其實唔係我手車有幾好，只係EVO手車特別屎者，但話晒都係530i VS EVO吖！雖然，後果係四個brake既brake disc都變左紫色兼裂晒蟲紋出黎，而brake pad就碳化晒並開始碎裂…… |
Enzo 正式會員 42.xxx.xxx.126 |
2013-02-11 00:58 |
| [#16] 改車一問 祝各位新一年龍馬精神,事事如意,請請!! enzo兄解釋兩段扭軚踩brake,在駕駛中實際動作其中即係漸進式,腳brake由淺至深踩落去,感應頭胎貼地性既增加進程,按輪胎可承受程度之上升把剎車腳追落去,動作好柔好暢順,乘客當然唔會感覺到兩下分離既動作;..... 扭軚動作原理亦一樣,打軚由慢至快,隨時監控住車頭車尾動態反應,車身前後左右既平衡,以至頭胎咬地力,再按其可接受程度去做加快扭軚(或油門)動作;..唔得唔會夾硬黎,扭軚油門加深速度可增可減.. 小弟解釋得唔好既enzo兄快快指正!..落場時既渣法是否一樣,就要勞煩enzo兄分享一下了,我都好想知.. 題外話: 駕駛技術課題高深莫測,但萬變不離其中!,總之做到時刻因應部車俾咩反應出黎,就以咩動作去配合,才算駕駛技術入門吧;.....掌握呢種渣法後,再睇返以前呢類thread既討論---＞"新胎放頭定放尾?","緊急剎車要點做?","部車操控如何?"等等....,答案自然心裡有數 |
h9713325 正式會員 118.xxx.xxx.124 |
2013-02-12 08:52 |
| [#17] 改車一問 low低架車過彎衰過原裝多數係wheel alignment有問題,low得太低又用番原廠定位數據好易省呔.... |
dchung 正式會員 74.xxx.xxx.18 |
2013-02-12 14:18 |
| [#18] 改車一問 新年進步，萬事如意！ 想問下我架Z4換左Koni Sport+H&R彈弓， 原裝M suspension 有兩隻手指low 低左仲有一隻手指高度，加左H&R 蝦鬚同尾camber桿，數據頭跟原裝（約-3度）尾約-2度，是否正確？ 另M版是有LSD，我的3.0si可以加Quaife LSD, 對起步及入彎速度是否有所提昇？ |
cypher 正式會員 31.xxx.xxx.98 |
2013-02-12 17:54 |
| [#19] 改車一問 多謝各位 ching 咁詳細講解, 所以而家決定改善自己技術先再諗改裝架車. 簡單問一問要轉個灣, 步驟係咪: 1. Brake -＞ 令重心 移至車頭, 此時前輪應有最大 grip. 2. 放 brake, 扭軚 到架車入左灣 3. 慢慢回軚扭直, 比油出灣 .... 打完發覺有好多問題... 如 Brake 用一下輕跟一下重係咪好過一下重 (令重心壓好頭呔後先真正重brake? 一下重係咪唔可以壓好頭呔而加重 oversteer?), 係咪越重 brake, 重心轉移越快, Grip 就越高, 咁係咪入灣前應該加速,到臨入灣一下重brake .... 應該唔係咁呱...) 有機會真係要請各ching出來飲荼食飯慢慢請教. 用 "Weight Transfer" Google 找到下面個 website. 而家努力中 http://www.drivingfast.net/car-control/grip.htm#.URo_qqXF--K |
ff4300 正式會員 113.xxx.xxx.144 |
2013-02-12 21:50 |
| [#20] 改車一問 靠灣前brake黎入灣已經係高級課題，應在入灣前先掌握好速度，保持車身平穩狀態下開始入灣動作 |
h9713325 正式會員 202.xxx.xxx.35 |
2013-02-12 22:10 |
