汽車主旨 ﹝請按主旨作出回應﹞ | 寄件者 | 傳送日期 |
[#1] 雪地渣車.. 去完日本, 比享下我雪地渣車既感覺... 唔係經驗, 因為大把高手教路.. 我只係用新仔既角度去分享下. 首先.. 去雪地四個租車基本配備. 1. 雪呔, 呢個冇得唔用.. 反而鏈係冇人用, 因為裝拆太煩.. 主要道路都有除雪.. 唔駛驚 2. ABS, 應該好難搵到冇ABS既車, 係香港差唔多一年都著唔到一次.. 不過雪地ABS無時無刻都會 kick in. 3. 4WD, 高手當然唔駛, 我地d初哥一定要. 滑呔時轉向好有用.. 救車亦有幫助 4. 除雪鏟/刷 ... 一晚之後你可能搵唔到架車.. 搵到你都有排掃 建議配備 1. Wire.. 拖車帶.. 當你入左雪出唔返來, 有wire可以解你一時之困. 呢個租車未必有.. 可能要自備 同平時渣車分別.. 一個字慢.. 行得要慢, 轉向要慢, 唔好轉變加減速. 尤其係市內, 好多地方結左冰, 我就試過停唔切衝出路口.. 但果時我只係行緊30. 好彩我偷左個角位先冇撞. 4WD同冬天會令油耗增加唔少, 要有計劃 要預除雪暖車時間(15-30 minutes).. 唔好預到行程太緊. 我差唔多唔用腳制.. 最多用來提下後車.. 一般減速用拖波, 會比用腳穩定. 反面教材 - 我係雪地都行得好快.. 前提係前面冇乜車. 過100其實真係幾危險, 你要好集中"感覺"路面變化, 有乜改變就要拖波減速. 行80以下會輕鬆好多. |
mcdull 正式會員 202.xxx.xxx.140 |
2013-02-01 16:26 | |
|
[#2] 雪地渣車.. 你講既差不多全部都對,渣得多你會無晒感覺,4WD>FF>FR。 仲有,最好有一兩樽windshield washer同一包roadsalt係車尾。 |
我是一個人 正式會員 202.xxx.xxx.121 |
2013-02-01 16:35 |
[#3] 雪地渣車.. 我見果度d人都慣晒.. 停車差唔多架架係sir住去.. 定步又係得個轆係咁轉. 舊車尤其係. 有架仲一定冇ABS.. 因為佢係lock住呔咁停.. 我係第一日有一個燈位停唔到.. 其後都ok了. 而家就可以叫做有少少雪地渣車經驗.. 下次可以預多少少行程了.. 不過我9日都行左成 1200KM.. 唔算太短. |
mcdull 正式會員 202.xxx.xxx.140 |
2013-02-01 16:44 |
[#4] 雪地渣車.. >過100其實真係幾危險 唔好随便換線, 高速唔係兩行轆行既線位好易瀬. |
skyliner 正式會員 210.xxx.xxx.189 |
2013-02-01 16:53 |
[#5] 雪地渣車.. >唔好随便換線, 高速唔係兩行轆行既線位好易瀬. 係.. 不過有時冇得揀. 你要超車.. 就要快同換線. 果邊多數係單程, 間唔中會有雙線比你超車.. 仲要超車路果邊 (即快線) 未必經常有除雪. 超車既距離有限.. 所以要加速. 例如得一公里.. 加速又唔可以太快.. 轉線又唔可以太急. 唯有用盡條超車道. 一字寄之曰:慢.. 要慢慢cut 出去.. 同cut 入來. 呢段時間要保持不變速度. 咁就定d. 最後修改時間: 2013-02-01 16:58:36 |
mcdull 正式會員 202.xxx.xxx.140 |
2013-02-01 16:57 |
[#6] 雪地渣車.. 主要道路都有除雪.. 唔駛驚 --------------------- 溶雪再凍番會變冰重危險. 轉彎最好預會有 black ice. |
milano 正式會員 68.xxx.xxx.191 |
2013-02-01 17:36 |
[#7] 雪地渣車.. >>>有乜改變就要拖波減速 雪地唔好慣左手勢拖波,因為低波扭力大,對普通人黎講仲難控制,有D自動波車有雪地起步制,其實就係用2波黎起步,而有雪地mode選擇的話亦會係盡早轉高波,扭力細無咁易spin 總之雪地乜動作都要柔要順 同埋除左小心路面既black ice之外,仲要小心軟雪,萬一大吉利是flat out到軟雪地方時,走勢盡量保持30-45度角插入去,雪地沙地咁樣減速係最effective,萬一角度過大而軟雪唔夠薄的話好易反車 |
Enzo 正式會員 42.xxx.xxx.126 |
2013-02-01 22:03 |
[#8] 雪地渣車.. 公起。 ~~O(∩_∩)O~~ |
Somonica 正式會員 50.xxx.xxx.81 |
2013-02-02 09:32 |
[#9] 雪地渣車.. 好快學識飄移 |
yeeba 正式會員 59.xxx.xxx.54 |
2013-02-02 12:30 |
[#10] 雪地渣車.. 問你點渣 |
yeeba 正式會員 59.xxx.xxx.54 |
2013-02-02 12:51 |
[#11] 雪地渣車.. 貪玩......:p |
dchung 正式會員 74.xxx.xxx.88 |
2013-02-02 14:58 |
按照傳送日期顯示:由舊至新 由新至舊 |