汽車主旨 ﹝請按主旨作出回應﹞ | 寄件者 | 傳送日期 |
[#1] 11萬元新車輕傷 維修費9.7萬 【記者梁御和報道】市場上的小型車款甚受年輕人追捧,由於車價低,車主未必購買較貴的汽車全保,一旦遇上意外損毀,或需承擔全數維修費。有車主斥資11萬元購買熱門二人車Smart fortwo,落地不久即遇意外輕微損毀,卻被徵收9.7萬元維修費,幾乎近九成車價。有汽車業內人士提醒,平價車維修費隨時貴過車價,車主要衡量是否買全保作保障。 「直頭可以買多架新車」 朱小姐去年8月以11萬元,在仁孚行購買一部全新Smart Fortwo,一星期後泊車時疑手掣失靈,車輛溜後滑落至小斜坡,「塊倒後鏡爛咗,車身又花咗,但原廠報價維修費要成9.7萬,直頭可以買多架新車」。 其坐駕主要是車身右邊倒後鏡被樹幹勾甩,車尾一組尾燈無法亮着,車身有少許花痕,未見凹陷,車窗、擋風玻璃則無明顯損毀。不過仁孚行的報價單上顯示,共有九個項目需維修,包括調整車輛定位、更換前輪副框架、控制臂、尾燈組件、尾泵把、倒後鏡和頭尾擋風玻璃等。 朱小姐看到報價單後感到咋舌,並對維修項目感懷疑說:「泵把花咗少少,佢就話要我成個換晒,重要噴過油。」不過,仁孚行表明,若不在該行維修,汽車便會失去兩年免費保養服務,令她進退兩難。仁孚行回應指,向車主發出的維修報價合理,車輛銷售合約內也列明有關保用條款。 建議車主找公證行估價 有汽車維修業內人士表示,同一件零件連人工計,原廠代理收取的維修費,一般較普通車房高出三倍,「普通噴沙板,我哋(車房)收千幾蚊,佢哋(原廠)收三千幾蚊都得,賺得多啲」,而且傾向「小小花」均更換整份部件。 香港汽車工業學會會長李耀培則了解過報價單後指出,「就損壞情況嚟講,維修費應該唔需要車價嘅一半(5.5萬元)」。他建議車主找公證行估價,再與汽車代理議價。李稱,在原廠代理散買零件,定價會較高,「車廠同一時間大量生產車輛,採購零件時自然有較大折扣;相反消費者散買零件維修,要續份計,加埋包裝、運費等,自然較貴」。 李耀培續指,如維修費高於車價,便視為total loss,故平價車種的total loss風險相對較高。他建議購買此類汽車時,買全保好過單單購買第三保,「遇上意外可根據汽車市價向保險公司申請全數索償」,保費主要按車主年齡、駕駛年資和NCB(無索償折扣)等計算,一般為車價的一成。 |
mrbeansr 正式會員 119.xxx.xxx.27 |
2013-02-17 15:44 | |
|
[#2] 11萬元新車輕傷 維修費9.7萬 "原廠代理收取的維修費,一般較普通車房高出三倍" |
mrbeansr 正式會員 119.xxx.xxx.27 |
2013-02-17 15:45 |
[#3] 11萬元新車輕傷 維修費9.7萬 冇買全保預左有事出街整架啦,有乜好嘈?咪話9.7萬,就算打5折比你都貴啦。 |
呀b 正式會員 116.xxx.xxx.164 |
2013-02-17 16:35 |
[#4] 11萬元新車輕傷 維修費9.7萬 > 若不在該行維修,汽車便會失去兩年免費保養服務 就算係換兩套電、四次偈油、一次波箱油、一套迫力皮, 又值得幾錢? 呢D咁既車行擺明釣水魚, 日後有事又幾萬? 痴乜線! |
ctlee 正式會員 61.xxx.xxx.172 |
2013-02-17 17:28 |
[#5] 11萬元新車輕傷 維修費9.7萬 要番廠整就預左比人劏架啦,何況廠驚孭鑊,有少少野都係叫你直接換而唔係維修,唔貴就奇咯 |
Enzo 正式會員 42.xxx.xxx.126 |
2013-02-17 19:06 |
[#6] 11萬元新車輕傷 維修費9.7萬 我當部車右面由車頭爛到尾泵把, 全抄但唔傷車架, 都無理由要新車既九成費用呀..... |
ctlee 正式會員 210.xxx.xxx.78 |
2013-02-17 19:12 |
[#7] 11萬元新車輕傷 維修費9.7萬 "調整車輛定位、更換前輪副框架、控制臂、尾燈組件、尾泵把、倒後鏡和頭尾擋風玻璃等。" 返仁孚換咁多野係咁上下價錢啦。。。。人地報價單有breakdown你睇,明碼實價。。。一早買全保就唔會攪成咁lor 用街邊車房街坊維修做法既價錢去同返廠大執價錢比較都多餘,同投訴酒店餐飲貴過茶記十倍一樣咁低能 |
h9713325 正式會員 220.xxx.xxx.43 |
2013-02-17 22:21 |
[#8] 11萬元新車輕傷 維修費9.7萬 我有見過有人當年bmw炒左頭及一邊車身, 個樣望落好大穫, 返廠埋單十幾廿個, claim 保險, 整完我完全睇唔出有撞過, 車架陣全部度過. 十年多楂到而家 |
skyliner 正式會員 219.xxx.xxx.106 |
2013-02-17 23:59 |
[#9] 11萬元新車輕傷 維修費9.7萬 "調整車輛定位、更換前輪副框架、控制臂" I think the issue is whether it is necessary for the damage described. |
olddude 正式會員 116.xxx.xxx.86 |
2013-02-18 01:23 |
[#10] 11萬元新車輕傷 維修費9.7萬 #9 你架車撞過, 廠整一定度過所有alignment, 車陣. 車底陣上面有好多孔, 除減重量外更是用來度車架幾何尺寸有無移位. 廠用laser儀器跟足數據度o家! 坊間有陣尺賣, 有幾多整大撞車身鋪有把陣尺去度陣? 我見過一間有, 不過佢邊有咁多車尺寸數據? 廠有責任做足安全本份, 返廠整完仲行唔到直線去來做乜? 一分錢一分貨, 唔買全保事主一早預左自己承擔風險. |
skyliner 正式會員 210.xxx.xxx.189 |
2013-02-18 09:30 |
[#11] 11萬元新車輕傷 維修費9.7萬 車身太單薄及車架剛性不足,一碰即散。試架五分鐘即落車,架Smart有如欏命搏。 |
lst58 正式會員 42.xxx.xxx.133 |
2013-02-18 10:01 |
[#12] 11萬元新車輕傷 維修費9.7萬 >>車身太單薄及車架剛性不足,一碰即散。試架五分鐘即落車,架Smart有如欏命搏。 話雖如此,70MPH撞囉石屎,車架頂得住入面D人都爆晒內臟死得。 |
我是一個人 正式會員 202.xxx.xxx.121 |
2013-02-18 10:20 |
[#13] 11萬元新車輕傷 維修費9.7萬 又唔係即停晒.. 有安全帶同氣袋.. 有得救 |
mcdull 正式會員 202.xxx.xxx.140 |
2013-02-18 10:47 |
[#14] 11萬元新車輕傷 維修費9.7萬 車身太單薄及車架剛性不足,一碰即散。試架五分鐘即落車, ------------------------------------------------ 試架五分鐘即刻知道? ? ? |
mrbeansr 正式會員 119.xxx.xxx.27 |
2013-02-18 12:24 |
[#15] 11萬元新車輕傷 維修費9.7萬 即係唔撞好地地, 一撞就預佐買過架, 呢D車安全系數再高都無用啦. |
ctlee 正式會員 210.xxx.xxx.78 |
2013-02-18 14:40 |
[#16] 11萬元新車輕傷 維修費9.7萬 新車設計係禁..一撞預total lost..大前提係個人無事 |
411 正式會員 59.xxx.xxx.172 |
2013-02-18 14:44 |
[#17] 11萬元新車輕傷 維修費9.7萬 Smart 基本上很浮,要控制它行直線也很吃力。在紅山半島附近試了幾分鐘,對它一點信心也沒有 |
lst58 正式會員 42.xxx.xxx.133 |
2013-02-19 09:27 |
[#18] 11萬元新車輕傷 維修費9.7萬 >即係唔撞好地地, 一撞就預佐買過架 一般撞返廠整幾萬無走雞, 車細d野密質質, 就算一般維修都麻q煩. 又係果句, 咩車都有人買的. |
skyliner 正式會員 210.xxx.xxx.189 |
2013-02-19 09:47 |
[#19] 11萬元新車輕傷 維修費9.7萬 "泊車時疑手掣失靈,車輛溜後滑落至小斜坡" 唔見清單要整手掣,9成係車主自己唔小心就賴手掣問題,學哂"凸手"講野!學車都有教落brake停定拉手掣入波才鬆腳,佢有信心手掣問題導致意外claim番仁孚倒賠都得。另外如無記錯smart沙板係塑膠做,花左唔咪一般(車房)收千幾蚊噴油就得,記者隨便問車房如唔講明車款都有問題! |
rexcclaw 正式會員 223.xxx.xxx.193 |
2013-02-19 12:14 |
按照傳送日期顯示:由舊至新 由新至舊 |