| 汽車主旨 ﹝請按主旨作出回應﹞ | 寄件者 | 傳送日期
|
| [#1] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) http://www.review33.com/news/news.php?news_id=20140528134548 全新福特 Fiesta 1.0本週末亮相荃灣廣場車展 活動詳情 日期: 2014 年 5 月 31 日至 6 月 1 日 (星期六及星期日) 時間: 早上 11 時至晚上 9 時 地點: 新界 荃灣 荃灣廣場 查詢電話: 2820 4018 蜚聲國際的福特 EcoBoost 1.0 引擎已隆重抵港，全新 2014 版 Fiesta 1.0 將於本週末亮相福特荃灣廣場車展。香港版 Fiesta 設 Titanium 及 Titanium Plus 兩個版本，首批售價分別為港幣 169,900 元及 179,900 元。 福特 EcoBoost 1.0 引擎連贏 2012 及 2013 年國際引擎大獎，能爆發 100 匹馬力，扭力更達 170Nm，力量充沛，「天下第一偈」美譽當之無愧，勢必掀起熱潮。 全新 Fiesta 是歐洲銷量第一小型汽車，擁有同級獨一無二的 SYNC 聲控通訊及娛樂系統，駕駛者雙手不用離開軚盤，只要透過聲控功能便可以撥打或接聽電話，或者選播喜歡的歌曲。 輸港版 Fiesta 德國製造，配備 PowerShift 六速自動波箱連 Select Shift 加/減檔按扭，駕駛樂趣更高。 新車外貌煥然一新，線條動感十足之餘更有 11 種顏色選擇，加上耀眼的日間行車燈，搶盡收視。Fiesta 的安全設備更傲視同儕，包括電子穩定系統、循跡控制系統、緊急煞車輔助系統及五個安全氣囊。 Fiesta Titanium Plus 版本更擁有升級設備，包括免匙啟動系統、自動頭燈及水撥、電動摺鏡等。 同場展出擁有腳控自動尾門而且安全設備傲視同儕的聰明四驅 Kuga，以及大受用家歡迎的好玩小跑車 Fiesta ST。 福特汽車致力將「先進｣、「環保｣、「優質｣及「安全｣的汽車帶給香港用家，福特荃灣廣場車展將於 5 月 31 日至 6 月 1 日隆重舉行，查詢詳情，請致電: 2820 4018。 網址: www.hkford.com # # # |
review33.com 管理團隊 |
2014-05-28 13:56 | |
|
|
|||
| [#2] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 我試過部車喇。星期六甘岩屋企人接走左兩隻怪獸﹐小弟同太太係港島無野做身痕走左出灣仔行下車行。見Fiesta 1.0L岩岩到就走去望下。入到去，見代理擺左部Copper 色既1.0係到，個色幾靚仔。睇一輪後問sales有無得試，甘岩有半個鐘可以攝，就立刻交上車牌。 車﹕ 998cc EcoBoost, 100PS@6000RPM, 170Nm@1400-4000RPM, 6 Spds Powershift 試車路線﹕ 灣仔告士打道 -＞ 干諾道中 -＞ 干諾道西 -＞ 山市街 -＞士美菲路 -＞ 簿扶林道 -＞沙宣道調頭 -＞ 簿扶林道 -＞ 山道天橋 -＞ 干諾道西 -＞ 干諾道中 -＞ 金鐘道 -＞ 謝斐道 路試﹕ 渣上手第一個感覺係堂電呔幾輕，係停車場渣出告士打道完全唔駛用力。由於第一次渣，諗住就算1.0T，都打定心理準備唔會太好力，渣起上黎完來係另一回事。一路係干諾道中都多車，但一去到干諾道西天橋就閃出右線踩油(D波無用+/-)，夠晒力連過兩部的士。跟住去到士美菲路上山，係浦菲路口燈位特登踩慢部車再地板一野上山。部車好夠力，個底盤都做得好好，轉第一隻左灣都好穩妥 (見坐隔離個sales姐姐個身已經側晒)。全程用比較快既速度上山，張半桶凳都托得住我唔多駛用力。至於個波箱，呢次試車呢就抹走我年多前試果部XC60 6spds powershift既印象，呢部快好多。全程我都唔駛用個+/- (個位有點怪，係個波棍頭右側有兩個+/-，要司機用手指公禁，not my cup of tea)。至於係市區行車，呢副偈就好岩用，慢車唔覺架車chok，要加速又可以好快俾到你，絕對好渣過大部份我渣過既日仔1.5L NA class車。回程轉手俾太座渣，我就走去坐後座，太座話部車唔錯，絕對夠用唔怕俾人蝦。 舒適度﹕ 以細車黎講，呢部野做得唔錯。太座渣車果時我坐後座，空間唔錯，車箱亦都唔覺太嘈，不論個副偈定外邊D聲都唔太大。以3 cylinder黎講，我都覺得算靜同唔震。張凳用Lthos Cloth，好似有點橡膠面甘，會啜住個屁股唔會冼，都幾好坐。車箱內飾唔齋都幾齊料(keyless/dual zone A/C/power fold side mirror)，但係香港top line Titanium Plus，無天窗無皮凳，唯一最唔老黎就為左cut cost淨係有5個袋 (前x 2/前則 x 2/driver knee)，cut 鬼左個Curtain Airbag (有搞錯?真係睇住呢個segment日仔得前2袋?)。其實，Honda Jazz 賣$169880, Toyota Ractis Plus Verso就賣到$198820，ford開呢口價$179900 cut袋cut天皮好明顯將貨就價，加兩個袋個價會去到Toyota果口，呢個品牌真係唔會多人諗。我個人最反感既係，你cut curtain無問題，老老實實話俾個客知咪得囉，我一入到去個sales sell我其中一個point係部車EuroNCAP 有5星，但人地係用7個袋去撞，我唔問你又唔講部車無curtain，真係......試車之後，太座個comment係張駕駛席無論點較(得4 way手動調整)都托唔都佢條腰，個whiplash 車枕又無得前後調較，坐得唔舒服條腰頗辛苦，我自己就問題不大。即係話身材嬌小的未必好好坐。 總結﹕ 如果買呢部車，最主要就係買個副偈+底盤，真係幾好渣幾適合香港。部車係德國做渣上手亦都好過我以前渣過既Ford，叫做有信心D但品牌問題始終唔可以太貴。老老實實，如果有7袋版，我個人覺得我都會考慮呢部多過Jazz/Ractis。 |
我是一個人 正式會員 202.xxx.xxx.121 |
2014-05-28 14:26 |
| [#3] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 最失敗係三氣缸車都攞唔到環保退稅，如果唔係實銷量報捷。 |
humber 正式會員 118.xxx.xxx.200 |
2014-05-28 15:27 |
| [#4] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) To trim equipment to match price level, I can live without 免匙啟動系統、自動頭燈及水撥, instead of the curtain airbag. German Ford is always very good. Drove one some years ago in Germany - much better than Japanese cars in the same class. |
fkclo 正式會員 14.xxx.xxx.238 |
2014-05-28 16:04 |
| [#5] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) ＞＞＞ 老老實實，如果有7袋版，我個人覺得我都會考慮呢部多過Jazz/Ractis。 -------------- 老老實實，如果既價 ，我個人覺得我都 吾會 考慮呢部 , 我會 choice ST 版 |
ef9 正式會員 210.xxx.xxx.116 |
2014-05-28 17:08 |
| [#6] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 我覺得部ST唔肯返四門係好有問題，明白marketing考慮，但錯失一個省招牌機會 20皮四門棍仔無得書 |
友舞久菜 正式會員 202.xxx.xxx.85 |
2014-05-28 19:11 |
| [#7] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 今代 Mondeo 都好靚, 唔明點解唔入.  |
ff4300 正式會員 113.xxx.xxx.25 |
2014-05-28 21:55 |
| [#8] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 中車已經好難賣，ford 入mondeo, 一年賣唔賣到10部? |
我是一個人 正式會員 58.xxx.xxx.91 |
2014-05-28 23:23 |
| [#9] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 鴉！典解冇手波！？=_=’ |
Somonica 正式會員 207.xxx.xxx.82 |
2014-05-29 05:01 |
| [#10] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 3門ST版咪係囉 |
我是一個人 正式會員 223.xxx.xxx.50 |
2014-05-29 09:29 |
| [#11] News: 全新福特 Fiesta 1.0 本週末亮相荃灣廣場車展 (2014 年 5 月 31 至 6 月 1 日) 哦！ |
Somonica 正式會員 154.xxx.xxx.85 |
2014-05-29 11:11 |
| 按照傳送日期顯示:由舊至新 由新至舊
|
