| 汽車主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 二手elgrand 朋友睇中咗部09年elgrand，行貨，行咗未夠三萬咪，齊option(雙天窗，電簾，電趟門，皮凳，前後側泊車鏡頭，dvd，5.1bose音響，藍芽。。。)，車行賣十七萬。朋友好鍾意，佢話相比alphard，平咗又豪華d。 不過間車行sales話一定要去aa驗車，唔去其他車房。擔心車行有古惑。而且問過相熟車房話唔好買，維修貴又大食油，建議買alphard。 係咪alphard好d? |
ahkai 正式會員112.xxx.xxx.213 |
2014-01-05 10:26 | |
|
|
|||
| [#2] 二手elgrand 零件係貴得驚人亦冇雜廠要正廠件,大油耗就一定!此終係7人車,車架空車成二噸,市區停車起步上斜一定係大食油,換取舒適空間.代理商代理品牌(過多)各車款零件存貨也經常不足要訂貨就冇折扣.保養期內也求求其其了事,收費天價也是一定. 部份形號一年前要大量回廠修車換改良版配件提供行車安全性能也未有完善提供作出合理限期內修正更換. 最後修改時間: 2014-01-05 11:50:05 |
cs168 正式會員 218.xxx.xxx.6 |
2014-01-05 11:33 |
| [#3] 二手elgrand 我前後擁有過兩部，過了保養去街外整唔覺得貴，空間感及功能比同期Alpha 好（最新款Alpha就唔知）。唯一食油方面，如果塞車係大食咗D，正常九龍香港行車可以接受。 順帶一提，我兩部車除正常損耗外，都冇特別嘢整。 最後修改時間: 2014-01-05 13:46:47 |
paulpoon168 正式會員 203.xxx.xxx.35 |
2014-01-05 13:08 |
| [#4] 二手elgrand 我用過Cefiro，零件費貴，連火嘴線都特別過人，一般車房唔鍾意整日產，我覺得係多方因素，其中我覺得係拆件煩，整小小野要拆好多其他無事又唔關事既部件先去到，零件又相對少副廠。不過用起上黎唔會差過豐田 |
TAI 正式會員 121.xxx.xxx.49 |
2014-01-05 13:42 |
| [#5] 二手elgrand 邊代cefiro火咀線特別？同其他廠零件相比，點樣特別貴先....？ 我楂過三代cefiro，A32、33，同依家用緊j31，都係行電子點火coil，唔係火咀線o黎架喎.. 而且都係六至七百蚊一隻，同邊個牌子比會特別貴？ 風隔、油隔，全部都無任何特別，油隔正廠都係幾十蚊，同其他日本牌子一樣；迫力皮、碟，同其他正廠都係咁上下，咁...我都想知點解養cefiro會特別貴？ 整小小野要拆好多其他無事又唔關事o既部件！？例如呢？ 一般車房唔鍾意整日產？咁奇怪？ 最後修改時間: 2014-01-05 16:10:00 |
smile 正式會員 42.xxx.xxx.131 |
2014-01-05 16:07 |
| [#6] 二手elgrand 我車方師父都唔建議冒elgrand(08款),佢有客要整冷氣泵,正廠價8仟幾,末計人工,二手價係平,但維修費都唔平,零件偏貴,同期Alphard車價較高,一定有原因 車行佬只AA 驗車,十居其九都係大陸底,AA只証明架車行得走得,就算改咪,都唔關佢事,建議唔好買 |
interbond 正式會員 218.xxx.xxx.178 |
2014-01-05 18:31 |
| [#7] 二手elgrand 先不論車價價錢，兩者相比： 內籠：Alphard空間較大，有超低地台，摺起後座後既空間亦較「實用」，但內籠格局相對較齋，就算係7座既「豪華seat位」亦比唔上Elgrand；Elgrand雖然空間較Alphard細少少，但Elgrand內籠格局豪華好多，seat位亦grand+坐得舒服好多，成張飛機豪華seat位咁 油耗：Alphard一定稍勝，因為差唔多格局下FF（Alphard）車一定比FR（Elgrand）車慳油少少，事關FR車要拖多一組尾牙，動力流失+多一組零件既重量，天生格局如此；不過實際駕駛上，雖然Elgrand真係貴少少，但兩者之間既油耗相差絕對唔會有天與地既分別，起碼就我個人黎講買得呢類車，差果幾毫子一公里未足以因此而影響我既選擇取向 維修：除左Elgrand比Alphard多一組尾牙，換油要換埋尾牙油之外，我睇唔出兩者之間維修保養上有乜明顯分別（包括費用及零件易買程度），如果硬係要講的話，Elgrand既VQ35DE引擎係日產不斷改良下沿用多年，可靠度及一般車房既維修知識一定較為優勝；另外如果論車房「鐘唔鐘意整」的話，相信車房會比較鐘意Elgrand，事關單以最簡單既換火咀黎講，由於Alphard副引擎係打橫放，近firewall果邊既三支coil同火咀不論拆定裝都係盲俠玩估位+好難落架生，而Elgrand由於副引擎係打直放，雖然最近firewall果兩支coil同火咀都係要伸手入去，但最少肉眼睇到，唔使玩盲俠估位+容易落到架生（兩者都係以3.5L V6引擎既引擎佈局黎講） 至於話一定要去AA會驗車…古惑呢方面我覺得兩睇，一般車行黎講驚你唔知拎去邊度驗，又驚到時有唐邊鶴亂咁吹，更怕你既所謂「相熟車房」無料扮四條亂咁彈，所以好多時車行都只係比去AA會驗車免得煩，但亦唔排除有少部份黑店會求其比份影印本既假AA會驗車報告你睇（只係即場比你睇唔比你拎走），或者架車「接駁功夫一流」所以只可去check得唔太深入既AA會驗車……個人認為，如果車行屬前者只係怕麻煩，你搵專人上門驗車的話正當車行正常情況下應該唔會say NO（上網search下，有公司專做幫人上門驗車） 利申：擁有過兩代Alphard，而加都仲渣緊當代呢款，身邊有唔少朋友都有買Elgrand，而我亦擁有同樣係VQ35DE引擎既Fairlady……但我選擇買Alphard既原因純粹只係因為得佢有超低地台，方便我阿嬤上落車，但我阿嬤早前已經過左身，所以再換七人車的話下一架如無意外我會買Elgrand |
Enzo 正式會員 42.xxx.xxx.177 |
2014-01-05 19:08 |
| [#8] 二手elgrand 各位師兄真係好pro，又學到野 |
mryu 正式會員 202.xxx.xxx.85 |
2014-01-05 19:25 |
| [#9] 二手elgrand 08年Elgrand 應該未轉款 ，比較同期Aphard 內部空間應該較大。之現役型號空間相對較少。 我之前亦有Previa,反而多東西要整，試過壞了電腦，及車頭出煙，要出滅火筒戒備。打破了我心中T車不壞傳說。 最後修改時間: 2014-01-05 20:25:21 |
paulpoon168 正式會員 203.xxx.xxx.45 |
2014-01-05 20:19 |
| [#10] 二手elgrand T車不壞傳說自從2000年打後已經開始無呢支歌仔唱啦，2000年打後到而家十幾年，大大話話自己同公司o係香港同上海加埋都買過不下十幾架唔同級別既T記車，但除左Land Crusier（左呔）無事無幹又捱得之外，幾乎每一架T記車都曾經試過大大小小唔同程度既濕滯野… 根本Alphard只係架笠左另一個殼既Estima/Previa，從機械佈局到內籠/座椅既用料/設計，根本就係一架van仔黎（仲要係一架行頭轆既van仔！），以價論車，上一代Alphard已經係勉強，呢一代直頭係完全overprice，就算我係兩代Alphard車主都係咁話（再之前係渣Estima）！不過我買佢既原因只係因為市面上可選擇既七人車當中得佢先有超低地台（無計，得FF車先做得到…），我阿嬤行動唔方便，兩架渣晒比佢試但只得Alphard佢先可以容易上落先焗住條氣唔順都要買佢，但佢早前已經過左身，所以換車的話下一架應該都係Elgrand走唔甩 有時同朋友交換車渣，開住架Elgrand感覺真係grand好多，而朋友就咋型好似渣住架van仔… |
Enzo 正式會員 42.xxx.xxx.177 |
2014-01-06 00:09 |
| [#11] 二手elgrand 如果驗車，有無車房介紹，可分辨中港車及專門整日產？謝謝 |
ahkai 正式會員 112.xxx.xxx.213 |
2014-01-06 00:28 |
| [#12] 二手elgrand Enzo Hing: Alphard is "Professional" ma, haha: When we drive an Alphard, people will look at us as a professional "Driver", who drives to make $$$$, haha. People usually think the driver of an Elgrand as the car owner, this is a great difference between Alphard & Elgrand. Ahkai hing, I can PM you a garage for Elgrand if you wish. 最後修改時間: 2014-01-06 02:36:47 |
paulpoon168 正式會員 219.xxx.xxx.162 |
2014-01-06 02:36 |
| [#13] 二手elgrand 新款elgrand 尾箱仲細過serena,不過黎緊小轉款已經改到第三排可前後移。 |
周芬芬 正式會員 124.xxx.xxx.13 |
2014-01-06 09:48 |
| [#14] 二手elgrand 之前問過250 大昌check車要6千幾蚊一次。@@ |
周芬芬 正式會員 124.xxx.xxx.13 |
2014-01-06 09:49 |
| [#15] 二手elgrand Elgrand 09 同 10年車二手價差一個DOUBLE，你都估到乜事。 |
GP 正式會員 1.xxx.xxx.250 |
2014-01-06 10:19 |
| [#16] 二手elgrand 無錯，我試過好多次著恤衫西褲渣住老爸架alphard同老爸老媽去酒店食野，門口valet大部份時間都當左我係司機。 haha~ |
我是一個人 正式會員 202.xxx.xxx.121 |
2014-01-06 10:39 |
| [#17] 二手elgrand 如果只去AA會, 一係你慳返D驗車錢同車行膽搏膽 一係唔買...... 個人經驗, AA好廢, 用來呃下鬼佬係一流 |
jcmbz 正式會員 220.xxx.xxx.157 |
2014-01-06 12:37 |
| [#18] 二手elgrand elgrand 比較少 中港... 朋友話 alphard 夾到 大6油, 所以多中港車..... 實情係吾係 要其他 Ching 指教 thx |
ef9 正式會員 218.xxx.xxx.170 |
2014-01-06 13:22 |
| [#19] 二手elgrand enzo ching, elgrand已轉FWD la. 櫈就elgrand正. |
skyliner 正式會員 14.xxx.xxx.22 |
2014-01-06 13:27 |
| [#20] 二手elgrand #11 無信得過既車房驗車的話，寧願幫襯果D專門幫人驗車既公司，佢地可以帶埋架生上門即場驗車，都係幾百蚊搞掂…如果車行咁都唔肯的話就唔好買 中港車方面，只要架車退左港的話就無紀錄可以查（正常渠道計…），但可留意車身號碼果度有無D紅色（無記錯的話）油留左係度，因為中港車上牌果陣佢地會拓印D號碼，點都會有少少油留低，就算特別去洗都唔係咁易完全洗得甩晒 |
Enzo 正式會員 42.xxx.xxx.177 |
2014-01-06 16:29 |
