| 談天說地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
| [#21] 方力申好波 我對呢件事沒太多的了解，單從表面觀感上覺得是一班圍了爐的既得利益者，以規矩章程去繼續圍威唯。而說方生是為了利益才蓄意揭發，我覺又唔能夠咁睇，不是圈中人怎知圈中事，因利益沖突而開聲屬正常事，大眾應該要把注意力放回揭發之事件上，不能被帶偏走去斟酌揭發人。 最後修改時間: 2024-07-12 09:24:41 |
天富仔 正式會員14.xxx.xxx.39 |
2024-07-12 09:20 | |
|
|
|||
| [#22] 方力申好波 方力申好快會收聲. |
Chia 正式會員 58.xxx.xxx.247 |
2024-07-12 09:36 |
| [#23] 方力申好波 #21 同意。 |
Dlbf 正式會員 14.xxx.xxx.202 |
2024-07-12 09:40 |
| [#24] 方力申好波 十多年前方力申九記清湯腩搭台吃咖哩牛腩，感覺他口味麻麻，哈哈，不過叫做親民。 現在見佢撐女友，覺得佢係一個好人。 |
故人 正式會員 182.xxx.xxx.146 |
2024-07-12 11:23 |
| [#25] 方力申好波 唔知最後究竟會係「万刀甲」出頭，定係方力申去頭呢？ |
御風 正式會員 14.xxx.xxx.137 |
2024-07-12 12:26 |
| [#26] 方力申好波 王吻肛依啲老奸巨滑明妥協，但暗都應該唔會俾到個九歲泳手喺今年錦標賽出賽，死要面子。到時又話檢討，又話制定新機制要做諮詢…. 拖下拖下拖到出年！ 希望霍啟剛都要面可以幫到佢啦！ |
Ming Sir 正式會員 185.xxx.xxx.159 |
2024-07-12 13:10 |
| [#27] 方力申好波 只怕很快有家長投訴 啊万生 性騷擾小朋友，但係之後又會對不足，不了了之嗰啲。 |
ivchan123 正式會員 94.xxx.xxx.92 |
2024-07-12 13:15 |
| [#28] 方力申好波 #26, 指望霍家? 呢個家族已玩爛香港體育多年! #17已列出多年已知個案, 未列出的相信更多. 但多年未改. 以前有蘋果仲可以揭露這些穢事, 如今真不能有同樣期望! 今次係因為方算係一個知名人士, 換著其他冇勢力的人, 相信未見報已要收聲! 愚村已爛到透,不能有所期望! |
kk6ata71 會員 138.xxx.xxx.186 |
2024-07-12 13:56 |
| [#29] 方力申好波 當然唔係期望霍某申張正義啦，祇係小霍生早前跟車好貼，曾出聲話設運動員個人出賽渠道……，希望佢為面子撐大力些少，間接幫到個小朋友咁啫！  |
Ming Sir 正式會員 185.xxx.xxx.159 |
2024-07-12 14:36 |
| [#30] 方力申好波 噢！ 原來如此！ 小修小補， 就算做到， 於大局都於事無補！ |
kk6ata71 會員 138.xxx.xxx.186 |
2024-07-12 14:39 |
| [#31] 方力申好波 都係㗎，朋友中都有全職在體育界工作，佢都話小至學界層面，大至港隊都有好多潛規則，要改變真係唔容易，好多從事前線教練嘅都好清楚依啲所謂潛規則，而且都要無耐地接受，你train 到一個有 talent嘅運動員, 想要更上一層樓，就要拱手送俾人！ 再補充：雖然係要送俾人，但對果個運動員嚟講，佢真係會多咗好多資源幫助佢提升成績和表現。 ↑ 我都係轉述我朋友咁講，可能佢係既得利益者，所以講嘅有保留都未定！ 最後修改時間: 2024-07-12 15:11:26 |
Ming Sir 正式會員 185.xxx.xxx.159 |
2024-07-12 14:54 |
| [#32] 方力申好波 現實社會好多野就係咁，巴士公司就已經係壟斷，點解我唔可以自己買架巴士返黎開工接客啦，點解一定要逼市民幫襯九巴新巴。九巴新巴咪又係為左揾錢。 社會上仲有無數咁多其他嘢，道理都係大同小異。 |
h9713325 正式會員 81.xxx.xxx.26 |
2024-07-12 15:29 |
| [#33] 方力申好波 又唔可以咁講. 諗清楚, 巴士服務同嗰d野, 係兩碼子的事! |
kk6ata71 會員 138.xxx.xxx.186 |
2024-07-12 15:52 |
| [#34] 方力申好波 其實原理係一樣嫁，只不過巴士業或者無數咁多其他行業無一個方力申咁既人物企出黎發聲 |
h9713325 正式會員 81.xxx.xxx.26 |
2024-07-12 16:03 |
| [#35] 方力申好波 #31 ming兄，說大泳會能提供更多資源比運動員，呢層又真係喎。 我諗最主要係兩個方面嘅改革： 1）要有個人參賽的名額，即運動員達到參賽水平就可參予比賽。 2）小泳會要有升級為大泳會的渠道，不能一群人圍威喂咁霸住晒啲資源。（我估家陣大部分資源都係由政府提供，然後由泳總分配） 最後修改時間: 2024-07-12 16:21:12 |
天富仔 正式會員 14.xxx.xxx.39 |
2024-07-12 16:15 |
| [#36] 方力申好波 万刀甲必定被秋後算賬！！ 最後修改時間: 2024-07-12 16:21:58 |
BB1668 會員 113.xxx.xxx.122 |
2024-07-12 16:21 |
| [#37] 方力申好波 蘋果以前踢爆過! ----------------------------------------------------------------------- 踢爆兩大泳會平租公眾池開賺錢班 涉串謀詐騙 香港業餘游泳總會（泳總）轄下的泳會以非牟利身份平租公眾泳池泳線，早前被揭要求學生將學費存入私人公司戶口，康文署至今未採取任何行動。《蘋果》翻查兩大泳會海天和泳天的賬目，發現當中既無任何租線支出，亦無泳班的收入，反映一直在公眾泳池營運泳班的實際上是泳會背後的私人公司，推算兩間泳會的做法，一年已令政府少收逾1,200萬租金。康文署稱沒有泳會以何種名義繳費的紀錄，拒評論上述賬目情況。有立法會議員指，事件或涉串謀詐騙。 記者 林偉聰 海天體育會及同系的志佩游泳會，被視為泳界業內龍頭，泳班數目繁多。記者根據海天及志佩最新發出的2018年首季泳班章程統計，兩個會在全港17個場地一共開設285班泳班，當中117班在康文署轄下的公眾泳池教授，費用由每小時120元至165元不等。按康文署指引，一條泳線最多可以容納24人，假設海天每班人數20人，一季就可帶來913萬收入；由此推算，兩個泳會一年的學費收入可達3,600萬元，當中使用公眾泳池的泳班收入佔約1,355萬元。 不過，翻查海天體育會的賬目，該會整年的收入只得約10萬元，而且當中並無一項是學費收入。海天過去幾年的主要收入都是一項數萬元的「教練收入」，每年的款額都與一項「教練支出」剛好一樣，兩者互相抵銷，但賬目無解釋有關收支是如何計算。 除了沒有學費收入，海天的賬目亦無任何租用泳池線道的支出。記者根據取得的泳總泳池線道分配表，統計海天在2016年11月至2017年10月這一年間，在康文署泳池的主池租線紀錄，發現海天合共租用了3,073個時段（一條泳線一小時為一時段）。另一龍頭泳天游泳會，年內亦租用了3,024個時段，但賬目同樣既無租線支出，亦無學費收入，反映實際上在公眾泳池營運泳班的根本不是這些非牟利泳會。 非牟利團體泳線時租由41至83元不等，商業機構的泳線時租則由1364至2728不等，以平均價錢計算，兩者相差1984元。如果海天和泳天實際上是以商業機構租泳線開班，一年已經分別向政府少交610萬及600萬租金。 據了解，租線較多的泳會，一般會每兩個月結算向康文署繳交租金，如果泳會以支票或過戶形式交租，署方定必知悉實際交租的是甚麼機構。記者向康文署查詢相關泳會在康文署租線數目、累積繳交的租金數目、泳會交租名義等問題，但署方一概表示沒有紀錄。記者亦向署方指出有關泳會賬目根本無租線開支，是否顯示租線的並非泳會，署方卻稱「有關賬目安排屬租用團體的內部運作事宜」，拒絕正面回應。兩個涉事泳會至今未有回覆查詢。 立法會議員林卓廷認為賬目明顯無法反映泳會實際的財務狀況，如果泳會一方面聲稱自己非牟利，另一方面又以牟利形式收取學費，或已涉串謀詐騙。「如果你虛假聲明自己係非牟利，但其實係賺緊錢，咁你點解可以用超平嘅租金用公眾泳池呢？」他認為政府應追討過去泳線租金的損失。 對於康文署聲稱沒有就泳會繳交租金的款額、方式和名義備存紀錄，林批評是「極之荒謬及不負責任」，他指任何政府部門對收入和開支均有清晰紀錄，相信署方只是不肯翻查相關資料。他認為事件涉及以公眾設施補貼私人牟利活動，署方必須嚴肅跟進。 https://lihkg.com/thread/3737475/page/1 |
kk6ata71 會員 138.xxx.xxx.186 |
2024-07-12 17:41 |
| [#38] 方力申好波 好彩方家有米又佢又有知名度,否則阻住班體育總會元老搵錢,間泳會執硬 |
eckochin 正式會員 203.xxx.xxx.5 |
2024-07-12 17:52 |
| [#39] 方力申好波 黑箱作業圍威喂, 政府隻眼開隻眼閉默許這種腐敗行為, 漁村點會有運行? ---------------------------------------------------------------------------------- 11項游泳香港紀錄保持者卓銘浩 控訴遭踢出港隊 07:30 2024-07-12 擁11項游泳香港紀錄保持者卓銘浩，被指於去年9月舉辦的亞運會期間「多次違反港隊及體院規定」，於去年底被香港游泳代表隊要求退隊。卓銘浩接受《星島》獨家專訪時，坦言不知道違反那些規定，印象最深是亞運會回港後病倒，恢復練習首天教練要求他，在1分20秒內只用踢腳游畢100米，他終以1分22秒完成，教練指未達標，「你（卓銘浩）這種訓練態度，對團隊帶來不了甚麼大的作用」。卓銘浩父親質疑，如其子態度不專業，11項紀錄從何而來，要求當局解釋兒子被要求離開的原因，還其清白。 獲形容為新一代「小飛魚」，現年22歲的卓銘浩在泳界無人不識，但他已退出港隊一事卻無人知曉，卓銘浩父親懷疑事件與兒子去年受傷後，曾拒絕代表泳會參加部分比賽所致。卓銘浩稱，事源去年5月參加一項錦標賽在「拍池」時，用力過度打斷了右手腕韌帶，醫生遂建議停賽養傷，「我嘅性格係比較急，我唔可能等慢慢康復」，於8月的香港錦標賽繼續代表志佩游泳會參賽。而其教練張嬋鶯要求他參加4項個人賽、4項接力賽，連同初賽最少游11場，卓銘浩即反映剛康復能否減少參加兩項接力賽，以留力參與9月的亞運會。 張嬋鶯的信息回覆稱「高強度是最好的訓練」，又稱如卓銘浩認為「吃不消」，會建議港隊教練他不用參加亞運會的接力賽，張嬋鶯更指他作為職業運動員游不了4個接力賽，是完全不及格，她會讓年輕運動員歷練、盡早接班，籲卓銘浩「好自為之」。卓銘浩嘆不明白為何她可以「咁大口氣」，「教練唔係應該要體諒運動員？我游得快就要游晒全部？」 卓銘浩父親表示，兒子小四加入泳隊、小六開始跟港隊訓練，「非常理解要幫泳會拎分嘅重要性，10年嚟都無托過手肘，今次都係受傷，又要參加亞運，唔想再受傷。」8月的錦標賽卓銘浩不需參加任何接力賽，而到亞運會接力賽時與隊友再次刷新香港紀錄。 回港後卓銘浩生病休息了數天沒有練水，再次練習時就被要求1分20秒內踢腳游畢100米，卓稱「平時我隨便游都游到，但我真係啱啱病好，呢個要求唔合理」，連續游兩次都不達標後，港隊教練薜瑞鵬要求他上來，斥其練習態度對團隊沒有貢獻，可以簽退隊信。卓銘浩父親與其他家長討論後，認為「有人搞你個仔，千祈唔好簽」，他們因而拒絕簽信退隊。 之後港隊總教練陳劍虹通知卓銘浩，經教練團隊開會後，鑒於其備戰亞運會週期的整體表現，多次違反港隊及體院規定，要求他退出港隊，體育學院游泳部亦決定終止其獎學金運動員資助，2023年12月1日生效。被問到違反那些規定時，卓銘浩稱自己出席率是百分百，想不到亞運期間違反了那些規定，承認曾於節日期間與朋友外出吃飯時喝酒，「我覺得我喺教練眼中做咩都違規，我呼吸可能都係違規。」 卓父反問，若兒子態度不認真「11項香港紀錄係咪大風刮嚟？」，不明白為何因傷提出減少參加錦標賽，就換來這樣的結果，強烈要求當局交代決定的原因。至於有否希望回歸港隊，卓銘浩稱自己得過這麼多獎，真係很愛游泳、更享受運動員的自律，但現已退出就不會輕易重返泳壇。 文化體育及旅遊局發言人表示，基於尊重香港體育學院、各體育總會和教練共同就訓練和管理運動員和香港代表隊所設立的制度。局方不會評論個別運動員離隊的原因，但已經確認有關安排是經過體院、相關體育總會和教練的詳細考慮。 體院回覆稱，有關運動員離隊的原因，由於涉及個人資料不便透露詳情。泳總至截稿前未有回覆。 https://lihkg.com/thread/3737270/page/1 |
kk6ata71 會員 138.xxx.xxx.186 |
2024-07-12 18:06 |
| [#40] 方力申好波 Re#35, 我個從事體育行內朋友不屬游泳界，但愚見認為，無論那個界別／項目，最大個關卡係代表香港，唔俾你參加一些大型賽事，就係第一步對唔肯埋堆嘅人嘅＂封殺＂，無一些國際大賽成績，就做唔到精英運動員，就好難做到全職運動員，即使家中富有，都用唔到體院嘅資源去培訓, 一來成績自然無進步得咁快，二來唔係精英運動員要成為港隊，亦都係好困難。而那些非重點項目，就更加要靠＂會＂去推薦，所以即使開放可以以個人身份參賽，要上到可以有 elite level 嘅參賽資格，真係唔容易，好多有潛質運動員在＂了解＂依個潛規則後，都會＂甘心樂意＂過檔！ |
Ming Sir 正式會員 185.xxx.xxx.157 |
2024-07-12 18:40 |
