| 談天說地主旨 ﹝請按主旨作出回應﹞ 上頁 下頁 首頁 尾頁 | 寄件者 | 傳送日期
|
[#81] 回鄉請小心  遭公安扣留的救護員阿B稱，審問他的警員用流利廣東話問「有冇睇過《國產零零漆》？我哋係可以做乜都得架」。 【逆權運動】【港救護員遭公安扣22小時 換囚衣鎖手銬 逼簽悔過書「不再傷國家感情」 】 https://s.nextmedia.com/realtime/a.php?i=20190822&s=6996647&a=59962340 中共政府盲撐香港警察濫捕示威者，內地公安更涉無理拘留往返大陸的抗爭者。自稱「和理非」的阿B（化名）上周六晚經羅湖口岸入境深圳時，被公安發現手機儲存「反送中」遊行照片，結果遭拘留超過22小時「協助調查」。其間，他被要求換上橙色囚衣、鎖上手銬腳鐐，由公安及便衣警通宵盤問及監視；被釋放前亦要自簽兩份悔過書，為參與「傷害國家感情行為」向內地及香港致歉，承諾永不再犯。能夠逃離魔掌，他大嘆幸運，但強調不會畏懼強權欺壓，「佢唔會捉得晒我哋所有人，所以我會繼續出嚟行。」 「我真係諗住要坐（牢）㗎喇。」阿B受訪時仍猶有餘悸。只想到深圳繼續接受杜牙根療程的他，上周六晚約9時與女友於羅湖口岸過關。出境後，內地人員於入境關口前截查他，查出手機存有遊行照片，迅即帶到另一地方再搜查，由其他公安檢查包括WhatsApp等對話內容。其間，公安多次問他「係咪黑衣人」、「有冇用雷射筆射警察」等，他堅稱自己是救護人員，在集會現場作「獨立無立場的人道救援」。 但公安沒有作罷，即場將近70張手機照片傳到資料庫；之後再逼他戴上頭套、跟着人員坐私家車離開。阿B臨行前囑咐沒被截查的女友先行回港，並尋求法律意見。之後，阿B被帶到深圳公安局轄下一個單位「協助調查」，他先在監視下全身赤裸，穿上印有編號的橙色囚衣，接受驗血等身體檢查；再被監視鏡頭「掃勻全身」，「我諗係裝咗人臉識別系統，所以要掃晒身體所有特徵。」之後，他被要求交出WhatsApp、QQ及微信密碼，然後被鎖上手銬，帶到一間百多呎的審問室坐下，並鎖上腳鐐。 阿B稱，審問的警員用流利廣東話問他「有冇衝擊過」、「有冇收組織錢」等後，聲言「你有冇睇過《國產零零漆》？我哋係可以做乜都得㗎」，「但我當時冇驚過，因為周星馳用張一百蚊紙就搞掂佢哋。」他稱之後氣氛逐漸緩和，就趁機向對方「套料」，沒料到對方竟在話語間承認「公安係會喬裝嚟香港做嘢」，原因是「中國人嚟香港做嘢係應份」，他大吃一驚之餘，不忘反駁「香港係有一國兩制」。 約7小時後，阿B再被帶到拘留室，其間不斷播放有關國務院副總理胡春華的片段，及「藍絲」撐中共的畫面，「好似係想教育我咁。」逗留近10小時，內地人員要求他簽署「悔過書」，內容大致是承認因參與反修例活動，「傷害了國家感情」，向內地及香港致歉，並承諾不再參與活動。他無奈簽署後，被蒙頭帶走，坐車到羅湖派出所，人員要求他再簽一份內容相若的「悔過書」才肯放行，「到我完全自由，已經係夜晚7點幾，成廿幾個鐘……我梗係即刻返香港，唔敢去杜牙根喇。」他表示，事後曾向警方及入境處反映事件，但對方均指愛莫能助。 參與過多場民陣大遊行、8.5大罷工等多場集會遊行的他相信，內地雖不敢斷言他干犯罪行，但也想藉「協助調查」為由向「和理非」施壓，「同埋盡量捉晒啲會返大陸嘅勇武派。」他認為自己的經歷正是內地散播白色恐怖的證明，即使如此，他明言不會畏懼強權，會繼續身體力行，追求自由。 最後修改時間: 2019-08-23 07:39:53 |
winning7 正式會員218.xxx.xxx.155 |
2019-08-23 07:39 | |
|
|
|||
| [#82] 回鄉請小心 請參考 而家要簽三份文件 唔知日後會有咩後果 好恐怖 ，，， 我喺羅湖俾人扣留咗12個鐘，你問我答 https://lih.kg/1497120 - 分享自 LIHKG 討論區 ,,, 簽咗三份 第一份係正式搜你身嘅文件 入面有寫你個名，喺羅湖關口被搜同埋時間 第二份係搜完你身發現冇違禁品 呢個要睇得好清楚先好簽 要記住係寫住冇先好簽 第三份就特別啲，要吸手印同簽名 係叫你寫自己嘅個人資料俾佢 包括電話no. 住址 工作地址 同6月到依家有冇出過去遊行示威 冇就寫冇，有就要列名去邊做過咩 其實咁耐我都係keep住等 係後尾有一男一女係咁check我電話 問完我嘢就放我走 最後修改時間: 2019-08-23 09:38:55 |
Matrixneo 正式會員 14.xxx.xxx.27 |
2019-08-23 09:38 |
| [#83] 回鄉請小心 咁嘅時勢無需要唔好上大陸 |
olddude 正式會員 219.xxx.xxx.97 |
2019-08-23 09:53 |
| [#84] 回鄉請小心 from facebook (應該同#81的受害者係同一人) 連桷璋 9 hrs · 「過關俾人 check 電話」經歷第二部分。唔知來龍去脈嘅朋友可以留意返上一個Post： https://www.facebook.com/424864978102734/posts/444649892790909 ——————— 《我在香港合法遊行，在深圳被消失了21小時》(2/3) 繼續講下去前首先回應大家的擔心，多謝大家的關注。其實我在幾個月前已開始杜牙根治療，每隔幾天就要上深圳，原定8月底將會完成治療。其間當然已從網上得知有被拘留風險，試過帶後備手機，也試過不帶手機，最後一次過關當日我決定繼續帶有遊行照片的手機過關。大家會問我為何有這樣的做法。可是參與遊行本來就是基本法賦予的權利，我們不應向白色恐懼低頭。同時亦覺得萬一我被拘留，也可以盡力帶回多一些資訊給大家。 ——— 在黑暗中，我沒有感到絲毫恐懼。與六位進入永遠黑暗及一位右眼永久受損的義士相比，這不算甚麼。黑暗中我只擔心深夜仍在深圳的女友之安危。 車上我想盡力感受車的去向，但失敗了，只記得車轉右比較多。過了大概大半小時，車終於停下來，我蒙著頭被帶離車箱。從聲音得知，在進行登記後我走過了一鐵閘，再之後行了一分鐘進入另一度扇門，便停下了。 他們准許我摘掉頭套。重見光明那一刻，我身處一個約八百呎的新裝修大廳，牆上招牌寫上深圳市公安xxx執行部。三個穿上制服的公安站立於接待員櫃檯之內，與運送我來之公安進行文件手續，我被另外站於櫃檯外的一位制服公安戴上「孖葉」，以及要求到牆邊蹲下。幾個便衣公安走出來，領頭的神情兇狠，先觀看我的口供文件，再逼我將手機電話解鎖及取消密碼鎖定功能。他們查看我的手機，過一會我就被帶入兩度嚴守的鐵門內進行身體檢查及紀錄。 首先解去「孖葉」，換上囚衣，囚衣是一套淺灰色短袖棉運動服，不能穿內褲，另外加一件橙色反光背心，背心寫上編號，要一絲不掛的在一個公安面前換，身上所有衣服物品都會紀錄好及封存在一個袋中，換衫後進行搜身，全身包括私處都會被仔細觸摸，然後用金屬探測儀對全身都掃描一圈。之後要上磅，量度身高、體重和腳掌長度，然後是拍攝正面和兩邊側面全身照。拍照後就問我的香港住址電話和手機通訊軟體的登入密碼（我只給了需要電話短訊認證的資料，而FB及TG我於往羅湖的車上就已經隱藏了)。跟著就以光學電子方式登記每隻手指之指摸及掌紋，最後是用類似捐血前驗血紅素的一個小器材，抽取食指一滴血，據說是驗DNA之用。因為不用做傳說中的通櫃檢查，所以有一刻覺得慶幸。 一輪檢查後，重新戴上「孖葉」。於拘留倉等候一會，就有兩個便衣公安帶我去更深處，開始聽到有辱罵聲及類似逼供的對話。道路兩旁有大約十間一式一樣的「審問室」，每間百多呎，有審犯椅，椅上有手鐐脚鐐。房內還有一張放了電腦的枱，牆有一個很大的電子鐘。進入「審問室」，我先坐到審犯椅，被扣上完全固定的脚鐐(兩個鐵圈) 。 在仔細查閱文件及照片後，其中一個公安以流利廣東話，第一句就說道：「你應該知道自己甚麼原因在這裡吧？自己說說。」 我說：「我不知道。」 另外一位警察說：「你有看過周星馳的國產零零漆吧？我們可以做甚麼都可以！」 他們以為我會害怕，但我沒有。那刻我腦海中記得周星馳在戲中以「100蚊人仔」應付中國公安。 然後，我就經歷了長達7個多小時的盤問及曲折離奇的對話，更窺探出公安種種劣行証據及線索⋯⋯ （待續） #返大陸要小心 #一定要用後備手機 #公安扣查 #被消失 #我在香港合法遊行在深圳被消失了21小時 #顧大顧細 #珍惜一切 最後修改時間: 2019-08-23 09:55:50 |
issac_chan 正式會員 202.xxx.xxx.119 |
2019-08-23 09:54 |
| [#85] 回鄉請小心 #68 如果我地咁樣「自我審查」，其實咪正正係中共想要達到嘅「白色恐怖」嘅目的？x 2 同意！ 應該更多點上去，做死佢哋，塞各爆關囗 你用人海戰術，我地都人海戰術 等佢地密集式查得幾多個，可以玩幾耐 最後大家攬炒，拖慢兩邊商業活動 好似話近日香港批醫生唔上去上堂 而且國內旅客返上去個個都要check, 睇下邊個緊張 最後修改時間: 2019-08-23 10:10:45 |
dennis815 正式會員 45.xxx.xxx.200 |
2019-08-23 10:05 |
| [#86] 回鄉請小心 唔好改帶舊式手機代替，反而會被懷疑。 用番部舊（備用）智能手機，求其影啲風景/食物/無謂嘢，其它社交媒體如果有跟反送中的，盡量唔好裝，又或者delete咗內容先，唔好用呢部機登入過討論區，以免佢地一click入去即入討論區（仲自動login埋，見到你用緊咩網名）。 |
呀金 正式會員 14.xxx.xxx.24 |
2019-08-23 10:07 |
| [#87] 回鄉請小心 #85 你係咪有病呀！仲鼓勵要香港人上鬼国送頭！你用下腦啦！ 最後修改時間: 2019-08-23 10:08:19 |
Camellai2019 會員 14.xxx.xxx.151 |
2019-08-23 10:08 |
| [#88] 回鄉請小心 仲有好多人要上大陸工作工幹，你估人人係學生？ |
呀金 正式會員 14.xxx.xxx.24 |
2019-08-23 10:09 |
| [#89] 回鄉請小心 要上去工作就冇辦法！惟有盡量低調，但係叫香港人特登上去玩野就係叫人送死，係唔係呀？ |
Camellai2019 會員 14.xxx.xxx.151 |
2019-08-23 10:12 |
| [#90] 回鄉請小心 總之冇必要就唔好上去 揼少啲骨啦 如果公幹工作有需要就喺櫃桶摷返部舊電話delete曬啲嘢囉.如果有需要經常返大陸,遊行是最好帶返副黑超面罩啦. |
woristse18 正式會員 45.xxx.xxx.69 |
2019-08-23 10:13 |
| [#91] 回鄉請小心 上大陸玩嘢即係找死，無謂。 |
呀金 正式會員 14.xxx.xxx.24 |
2019-08-23 10:14 |
| [#92] 回鄉請小心 #87 當然係普通市民上去，你五六十歲，又無衝擊過，用後備電話，點會送頭？ 只在乎一點棉力，幫班後生仔 最後修改時間: 2019-08-23 10:16:10 |
dennis815 正式會員 45.xxx.xxx.200 |
2019-08-23 10:15 |
| [#93] 回鄉請小心 上大陸玩嘢即係找死，無謂 x2 |
Daddy^k 正式會員 1.xxx.xxx.141 |
2019-08-23 10:15 |
| [#94] 回鄉請小心 ＞你五六十歲，又無衝擊過，用後備電話，點會送頭？ 點解會被扣留調查，依家有幾種說法： 1. 手機有示威相 2. 過去兩個月曾經響不同示威場合被黑警登記過ID/拘捕過 3. 過去兩個月曾經參與「衝擊中聯辦」行動被點相 4. 過去兩個月曾經參與和平合法示威活動被點相 |
issac_chan 正式會員 202.xxx.xxx.119 |
2019-08-23 10:30 |
| [#95] 回鄉請小心 # 81 佢自己唔醒目姐 , 冇得怪人 , 明知依家風頭火勢 , 手機存有遊行照片， 返大陸之前又唔洗咗佢 , 搞到俾人捉佢痛腳 , 最後修改時間: 2019-08-23 10:36:27 |
ASDF22 會員 223.xxx.xxx.111 |
2019-08-23 10:35 |
| [#96] 回鄉請小心 我都覺得還是先避其鋒。 若大陸把這套國內白色恐怖長期套用在香港上，根本就是在經濟發展上自取滅亡。 |
天富仔 正式會員 14.xxx.xxx.177 |
2019-08-23 10:35 |
| [#97] 回鄉請小心 奇怪邏輯: 又話送中條例100%係香港內部事務, 係林奠自己主意 咁點解傷害蟈家感情? 點解要中蟈公安搜查香港人手機? 關中蟈政府咩事? |
Daddy^k 正式會員 1.xxx.xxx.141 |
2019-08-23 10:38 |
| [#98] 回鄉請小心 ＞佢自己唔醒目姐 , 冇得怪人 , 明知依家風頭火勢 , 手機存有遊行照片， 返大陸之前又唔洗咗佢 , 搞到俾人佢捉痛腳 , 又唔好咁講，其實你second guess得太多就會入左自我審查個圈套。一國兩制，我參與合法和平遊行示威，點解要被中共扣留非難? 我尊重佢的決定，佢share呢段經歷出來，都係對反送中運動有非常重要的啟示同幫助。 |
issac_chan 正式會員 202.xxx.xxx.119 |
2019-08-23 10:39 |
| [#99] 回鄉請小心 #97... 即係咁.. 大陸係周芷若.. 香港係張無忌.. 張無忌話娶周芷若, 明裡係張無忌主動提出, 暗裡就周芷若安排.. 十大門派都知, 而家張無忌反口, 點會唔傷害周芷若感情呢.... |
mcdull 正式會員 119.xxx.xxx.55 |
2019-08-23 10:41 |
| [#100] 回鄉請小心 #97 西鐵站，有冇列車 都俾 人文日報講。真係乜都管 |
EF9 正式會員 124.xxx.xxx.193 |
2019-08-23 10:42 |
