| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#232] 何解個個爭住承認 巴勒斯坦國 ?? 地球上最令小弟讚賞的三大家族 1: 東洋家族 2: 日耳曼民族 3: 猶太人 都是從地球戰火洗禮後獲得重生的一群 |
Spong 正式會員14.xxx.xxx.115 |
2025-08-16 07:54 | |
|
|
|||
| [#231] 何解個個爭住承認 巴勒斯坦國 ?? 如果做生意，我比較喜歡同猶太人交手，快狠準，唔反口，無小動作。 |
Dlbf 正式會員 116.xxx.xxx.205 |
2025-08-16 06:33 |
| [#230] 何解個個爭住承認 巴勒斯坦國 ?? 可憐之人必有可恨之處。 |
Dlbf 正式會員 14.xxx.xxx.78 |
2025-08-16 06:26 |
| [#229] 何解個個爭住承認 巴勒斯坦國 ?? 睇嚟閣下係一個喜歡捉字蝨嘅人。 所以我已經打定補針，寫咗「信不信由你」，不過中國文字博大精深，又有什麼隱喻明喻的比喻手法乎，「釘上十字架」到底指什麼，和多重宇宙一樣，可以有不同的看法啊。 我又用多一個比喻，當時羅馬人和猶太人嘅關係，跟英國政府管治初期和新界原居民的關係類似。 只要你有機會同猶太人族羣一起生活過，你會發覺他們跟圍村人有類似嘅地方，冇事嘅時候冇事，有事嘅時候就會顯露他們那種保護族羣嘅排他性。 |
Mc225 正式會員 112.xxx.xxx.238 |
2025-08-16 02:31 |
| [#228] 何解個個爭住承認 巴勒斯坦國 ?? 「把耶穌釘上十字架的正是猶太人。」 耶蘇出沒嘅時代係猶太人地區，但當時由羅馬人佔領，舉報及要求拉耶穌嘅係嗰區嘅人，包括祭司，宗教領袖及羣眾，如果你指係猶太人害死佢，係。 依聖經執行釘十字架嘅係羅馬士兵。 同樣，肥佬泥如果死在冊中，你會唔會有同樣講法？ |
degalle 會員 218.xxx.xxx.146 |
2025-08-15 23:51 |
| [#227] 何解個個爭住承認 巴勒斯坦國 ?? 但都要讚下D猷太人佢地都係有佢地能耐。就算比笪地佢地回歸佢地都要有能搞得起。相反今天的巴人咁多年來好似都無咩建樹。如果爭氣點或姐不至於捱打。而其他亞拉白國家也無義氣，各自為政，屢屢只係利用佢地做爛頭卒去做埋D下把嘢，要幫拖時就個個縮。 |
lym 正式會員 194.xxx.xxx.50 |
2025-08-15 20:59 |
| [#226] 何解個個爭住承認 巴勒斯坦國 ?? 同大家講多一樣嘢。 唔知大家有冇聽過 Kibbutz(集體農場），在以色列立國初期一個重要嘅社會體制，當時回來復國嘅主要係歐洲嘅猶太人，當時以色列大部分土地都係所謂嚝野/無人之地，加沙和西岸才比較繁華。 「集體農場」就是猶太人去到某一個荒野，一齊去開墾土地而暫時居住的地方，咁究竟點解咁多歐洲嘅猶太人願意同一時間峰擁回來建國呢？就係佢哋已經一無所有⋯⋯ N年前我在以色列北部工作同生活嘅時候，有時都會去同事住嘅 Kibbutz, 因為有「免費午餐」。 |
Mc225 正式會員 14.xxx.xxx.142 |
2025-08-15 20:50 |
| [#225] 何解個個爭住承認 巴勒斯坦國 ?? #222 你這個問題問得很好，應該根據乜嘢呢？ 歐洲人在二戰前後對猶太人好唔好呢？有一件事我都難以相信，係猶太人自己講嘅，當美軍將猶太人從集中營救出嚟之後，很多人發覺原本自己在歐州不同地方嘅居處已經被佔據、炸毀，亦不被當成自己人，根據猶太人自己講，很多人被迫要回到集中營才有容身之所，所以重回以色列地立國對當時很多猶太人嚟講已經喺唯一選擇。 再講多一件時間再早啲嘅事，就係「猶太復國運動」為什麼會發生，推動者是一個在倫敦居住嘅猶太人，他的父親希望可以晉身英國嘅上流社會，普遍猶太人除了很有錢外，很難跟英國貴族混在一起，他的父親為了這個願望，甚至乎退出猶太教，但並不成功，所以才有回以色列地復國這個信念。 最後一個就信不信由你，因為比較宗教，歐洲人信奉基督教/天主教/東正教，而把耶穌釘上十字架的正是猶太人。 |
Mc225 正式會員 14.xxx.xxx.142 |
2025-08-15 20:24 |
| [#224] 何解個個爭住承認 巴勒斯坦國 ?? 今次我主要係睇到電視上一望無際嘅廢墟，感到唔駛打到咁款吓嘛！反而嗰啲賣慘嘅新聞我避開了沒去看。 今次的思考沒細想歷史及背景等，因為覺得要從中去區分誰是誰非，實在太複雜，所以我只單看打至乜嘢狀況，最後覺得到都夠皮啦！應該要停了。 而各國政府的反應，估計是來自人民的壓力，若論利益及關係，點會理巴勒斯坦吖。今時今日的以色列實在去得太盡，過晒火，文明社會嘅人點睇得過眼呢！ 最後修改時間: 2025-08-15 19:56:35 |
天富仔 正式會員 14.xxx.xxx.151 |
2025-08-15 19:51 |
| [#223] 何解個個爭住承認 巴勒斯坦國 ?? 五眼聯盟有幾眼準備承認「巴勒斯坦國」，加拿大言明並非無條件，英國或會hold 住，澳洲政府點解要，唔該了解下佢哋係咩政治立場。尤其係隻代鼠，啱啱至去舔完200斤！ |
degalle 會員 218.xxx.xxx.146 |
2025-08-15 19:37 |
| [#222] 何解個個爭住承認 巴勒斯坦國 ?? 講歐洲對猶太人冇好感，唔知根據咩呢？憑同猶太人做刁太識得計算？基於佢哋建國後太團結？歷屆政府手段強硬，嚴格控制巴人出入殖民區？ 但歐盟係同以色列喺國際層面上有貿易締約，外交層面上亦友好，近期歐盟國家西班牙，荷蘭，愛爾蘭政府係反對以色列手段聲音唔代表全歐洲（人）。 |
degalle 會員 218.xxx.xxx.146 |
2025-08-15 19:23 |
| [#221] 何解個個爭住承認 巴勒斯坦國 ?? （自己感覺） 猷太人好似吾係咁受歡迎。歷史上好似好多族，國，或者勢力都吾妥佢地，甚或要趕絕佢地。可能又算係應驗左話佢地係天選之民。咁其他的二奶命當然會仇視佢地。 我無乜接觸過猷太人，無第一身感覺係未真係咁難頂。但好多周邊評語話佢地善做生意，算死草。。。那些話就聽好多。要數只能算到自己打工時公司頂頭老總是猷太人，如說做生意咁算係有一手，算死草亦是有。但因相隔好多層，難以說係未好難頂。我淨係記得個時在那公司做每年會有份通知，話如果我做到退休會有幾豐厚的報酬。但問其他老資格的同事話無乜邊個真係收過。直屬的上司也受到通知話佢已積存好多 share option，但佢未到退休就被拜拜。 |
lym 正式會員 194.xxx.xxx.50 |
2025-08-15 19:15 |
| [#220] 何解個個爭住承認 巴勒斯坦國 ?? 蝦馬屍喺宣傳戰上係強項，加上西方左媒加油添醋，豬民好易上當。由巴游阿拉法做領袖時代已經識得使用「做」新聞，各位唔知有冇睇過70年代新聞，畫面係以色列管理嘅巴勒斯坦「難民營」有bb 「死」咗，著左黑色罩袍女人跪地/壯漢則抱住「bb 屍體」奔跑，呼天搶地，另一畫面就係巴解（全名巴勒斯坦解放陣線）領袖阿拉法，戴住頭巾，一眼上眼罩，斜咩機關槍上街號召巴民反以色列。 後來阿拉法調整立場，以阿有偈傾，至和平咗約干年，跟住喺新聞畫面阿拉法眼罩唔再戴，唔再陀住機關槍，識得咩叫「愚論」嗎？ |
degalle 會員 218.xxx.xxx.146 |
2025-08-15 19:03 |
| [#219] 何解個個爭住承認 巴勒斯坦國 ?? 正確嚟講應該係被美國本土猶太金主驅使下的中東外交政策 從二戰前後的歴史看，歐洲其實普遍對猶太民族沒有好感，而德國希特拉就將這種感覺用極端手段表現岀來。 |
Mc225 正式會員 113.xxx.xxx.34 |
2025-08-15 16:21 |
| [#218] 何解個個爭住承認 巴勒斯坦國 ?? 俾美國批准做中東代理人就真. |
modern123 新會員 218.xxx.xxx.62 |
2025-08-15 11:41 |
| [#217] 何解個個爭住承認 巴勒斯坦國 ?? 預言呢家嘢，都係信不信由你。 舊約聖經年代，人類連地球係圓既都未知。 |
H9713325 正式會員 81.xxx.xxx.249 |
2025-08-15 00:10 |
| [#216] 何解個個爭住承認 巴勒斯坦國 ?? 但個問題係猶太人一早已經被驅趕離開以色列土地，用世仇黎形容極少數留係當地既猶太人同大量既巴勒斯坦人聽落就唔係好恰當。 猶太人又唔係比現今既巴勒斯坦人滅國，巴勒斯坦人亦無比猶太人滅國，直至一百年前，兩幫人一直活係唔同時空，都唔明點樣世仇。 |
H9713325 正式會員 81.xxx.xxx.249 |
2025-08-15 00:04 |
| [#215] 何解個個爭住承認 巴勒斯坦國 ?? 都有好多人深信以色列在二戰後被批準復國係應驗聖經的預言。真係應驗定純綷是歷史發生的事情像是貼合了該預言？ |
lym 正式會員 194.xxx.xxx.37 |
2025-08-14 23:57 |
| [#214] 何解個個爭住承認 巴勒斯坦國 ?? 舊約聖經係純企係猶太人角度，將已經發生左既以色列歷史宗教化咁演繹出黎。 例如以色列打贏仗就係因為當期時以色列人敬畏神，外族拜假偶像，所以神幫助以色列人打勝仗；如果打敗仗被亞述巴比倫滅國，就係果期既以色列人背棄左神，神決定懲罰以色列人。 可蘭經我就完全零興趣去留意喇 |
H9713325 正式會員 81.xxx.xxx.249 |
2025-08-14 23:51 |
| [#213] 何解個個爭住承認 巴勒斯坦國 ?? 甚麼是巴勒斯坦人都唔易搞，大概只能籠统說是那地區裡的非猶太人。相信歷史上出現過好多不同部族或短暫的小國。而那些族與國在那地不停互相戰爭又跟猶人戰争。又再加上外來侵入，波斯，羅馬，十字軍，伊斯蘭… 但卻沒有出現過一個巴勒斯坦國的東西。世仇之說應計上了以色列復國前於該巴勒斯坦地區裡的非猶太人與猶太人之鬥爭。 最後修改時間: 2025-08-14 23:49:13 |
lym 正式會員 194.xxx.xxx.28 |
2025-08-14 23:47 |
