| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 大渣哥欠租5個月 相信今年陸續會有更多舖頭倒閉。 ################ 大渣哥欠租5個月 被業主門外貼通知書 將入稟申請封舖 市道差一直捱打 「渣哥」Eric欠租不欠糧 “我明白合約精神 欠租就係唔啱 “但呢兩年每月入不敷支 員工要養家 兩害取其輕下 選擇出糧畀員工 同找數畀供應商先” ================================= #譚小環 與老公 #渣哥(Eric #蔡強榮)由小食店，做到開埋茶餐廳，位於九龍灣開第一間茶記「大渣哥」，在昨午(28日)被發現遭業主在門外張貼通知書，指「#大渣哥」欠租5個月，將入稟申請封舖。 2019年尾租下九龍灣舖的「大渣哥」，2020年2月正式開業後一度旺場，尤其午市、下午茶經常大排長龍。不過隨着近年移民潮及通關後影響，「大渣哥」與其他食肆一樣，捱過疫情，卻頂唔住通關後更差的市道，處於捱打狀態。 《娛壹》記者今早約十時半到位於九龍灣工業區的「大渣哥」了解，店鋪仍然營業，但十時後的早市只得番幾枱客，生意淡靜。門外貼上大業主大鴻輝旗下子公司「拔創有限公司」的通知書，指自去年十月至今年二月，「大渣哥」茶餐廳共欠租$130萬，連同每月3萬多管理費，合共約欠$150萬。 《娛壹》向店員查訊欠租一事，及生意狀況，惟員工指要交番畀老闆回應。不過問到有冇欠糧，由開業做到今日的員工阿成，指「大渣哥」就算經營困難，仍按時出糧，「直到今日依然準時出糧，供應商亦係準時找數，若果唔係尋日見到門外貼通知書，都唔知公司已經去到咁嚴峻。」 眼見早市十時後已如此淡靜，阿成謂︰「近年生意係逐步下跌，但去到咁靜，呢半年最誇張。」他指一指對面街兩間吉鋪，昔日也是茶餐廳，「吉咗兩年租唔出，九龍灣呢頭近年好難做。」 他希望老闆找到解決方案，讓「大渣哥」繼續營運，「佢一路撐住，我知道無非係想養住我哋班員工。」 《娛壹》之後聯絡渣哥Eric了解，近年香港、加拿大兩邊走的他，現身處加國，對於欠租5個月一事，他慨嘆︰「自通關後，比封關時個市更差，差到想像唔到。以前午市做到三轉，而家只做到兩轉，晚市更加唔使講，好靜。」香港「夜繽紛」莫過於此。 Eric續道︰「其實近兩年生意係入不敷支，捱打咗好耐，但都一路頂住，希望撐得一個月得一個月。」 入不敷支，他寧願選擇欠大業主租金，都唔想員工失業，又顧及供應商經營不易，「我明白合約精神，欠租就係唔啱，但生意難做，已經蝕咗近兩年，我唔想員工有大改變，佢哋要養家，供應商面對同樣困難，兩害取其輕之下，我選擇出糧畀員工， 同找數畀供應商先。 「其實夥計啲糧貴過交租，但我唔想影響員工生計，自己都做過打工仔，所以至今我一蚊都冇欠過員工同供應商，只欠業主。」 「大渣哥」一直唔想開聲嗌告急，「我同好多香港人一樣，撐到一定撐，希望有轉機。但去到而家咁，都知告急啦，唔認都唔得啦！」他說創業作的小食店生意還可以，告急情況沒有茶餐廳「大渣哥」嚴峻。 他寄望之後在庭上，法官能給予多一點時間，在限期前清還。渣哥謂︰「畀多少少時間，畀我喺限期前再奮鬥，捱過呢關。」經歷疫情重創，又面對通關打擊，他曾在租約進入第四年時候，向業主求減租緩困，但遭業主拒絕。 若能清還租金，捱過今次關口，但在這片低迷市道下，仍能樂觀營運？Eric說︰「而家嘅香港好難估，暫時我睇係唔樂觀。不過只要唔係欠租，就算生意每月打個和，我都會繼續做落去，唔想員工有改變，我亦唔捨得。除非影響埋出糧同找數畀供應商，否則幾難都會撐落去。」據知「大渣哥」店舖至今年底約滿。 「大細渣哥」過去與港人一起經歷幾許風雨，2020年更把政府廿萬資助，分20份支持其他小店。如今連「大渣哥」都告急，同舟人互相扶持，一起走過嗎？ #娛壹 |
沉默的膏蟹 正式會員124.xxx.xxx.48 |
2024-02-29 13:59 | |
|
|
|||
| [#2] 大渣哥欠租5個月 喺貴租區開咁大間茶餐廳好危險。 |
0925 正式會員 116.xxx.xxx.144 |
2024-02-29 14:18 |
| [#3] 大渣哥欠租5個月 你好生意佢未搵人攪你？ 無㗎啦，有路數就走囉，出去遠D搵個地方再渣過。 最後修改時間: 2024-02-29 14:24:01 |
lym 正式會員 194.xxx.xxx.28 |
2024-02-29 14:23 |
| [#4] 大渣哥欠租5個月 聽講好似藍絲嚟喎，點會畀人搞 |
Vestbar 會員 58.xxx.xxx.13 |
2024-02-29 14:30 |
| [#5] 大渣哥欠租5個月 太多高消費群離開 一小時通關, 兩地價差 美元匯價高企 網購又平又方便 股樓大跌 本地零售唔易捱 有時, 結業係無可避免 今時今, 不要做資產生意. 最後修改時間: 2024-02-29 14:42:02 |
Chia 正式會員 58.xxx.xxx.47 |
2024-02-29 14:34 |
| [#6] 大渣哥欠租5個月 上年中開始零售都係喺度捱, 我做果度今個月已經執咗2間, 我都要轉行喇. |
沉默的膏蟹 正式會員 124.xxx.xxx.48 |
2024-02-29 14:51 |
| [#7] 大渣哥欠租5個月 全世界零售+舖頭生意都收緊皮 但我哋愚村仲多幾樣攞命嘢： 1）大量中產人口遷移 2）偉大的緊箍咒，即係XX法、XX條 3）廢官+一班走狗議員擋道 4）各大遺址，即係其他幾項支柱行業已經收皮 5）背靠偉大的朝鮮化收緊皮的祖國 即係有權比全世界行快好多步 最後修改時間: 2024-02-29 15:04:26 |
Kelvinzy 正式會員 202.xxx.xxx.40 |
2024-02-29 15:03 |
| [#8] 大渣哥欠租5個月 生意好時都經常畀食環玩, 掛黃店名真係好難捱, 香港無得搞㗎啦, 轉去加國繼續經營啦. |
CodyChan 會員 203.xxx.xxx.82 |
2024-02-29 15:12 |
| [#9] 大渣哥欠租5個月 腳安法下百業蕭條，23肯定再創高峰，直指千業 |
一縷炊煙 會員 2.xxx.xxx.38 |
2024-02-29 15:53 |
| [#10] 大渣哥欠租5個月 唔多唔小都梗係要夾返啲過加拿大繼續經營啦！ 無欠打工仔，無欠供應商，只欠大業主，何其大仁大義。。哈！ |
Dlbf 正式會員 223.xxx.xxx.176 |
2024-02-29 15:54 |
| [#11] 大渣哥欠租5個月 永遠都係一個字，有無錢賺，有錢賺，貴貴都有人搶住租，無生意，搵您做 |
bt99 正式會員 219.xxx.xxx.199 |
2024-02-29 15:58 |
| [#12] 大渣哥欠租5個月 個業主可以比佢拖五個月租都算係咁 |
沉默的膏蟹 正式會員 124.xxx.xxx.48 |
2024-02-29 16:00 |
| [#13] 大渣哥欠租5個月 #12 如果市好, 業主唔會比佢拖, E家, 一吉就吉好耐, 比你搵到新租客, 租一定跌, 又佣, 又 Rent Free 業主, 應該有 3-4 個月按金係手. |
Chia 正式會員 58.xxx.xxx.47 |
2024-02-29 16:08 |
| [#14] 大渣哥欠租5個月 人在加拿大，香港間有限公司欠債只要盤數係蝕就一筆勾銷。 |
Dlbf 正式會員 223.xxx.xxx.176 |
2024-02-29 16:39 |
| [#15] 大渣哥欠租5個月 好似漁村既縮影，貴重有價值都帶走曬，留下來的只有唏噓，等待失業，貧窮，處罸，壓迫，剝奪，鬥爭等命運的判決。 最後修改時間: 2024-02-29 18:00:12 |
Totocrazy 正式會員 78.xxx.xxx.143 |
2024-02-29 17:59 |
| [#16] 大渣哥欠租5個月 好食丶但玩完在 Jau Fai Zi Book online to earn Rice Dollars URL: https://s.openrice.com/QrKS0kk8A00~dSixd7HHo Add.: 1/F & Shop A, G/F, Metro Regalia, 51 Tong Mi Road, Tai Kok Tsui Tel.: 23488389 ===================== Sponsored: Hang Seng Credit Card K11 MUSEA Shopping Privileges: Up to $2,000 Spending Rewards! T&Cs apply. To borrow or not to borrow? Borrow only if you can repay! |
phil.ng 正式會員 223.xxx.xxx.167 |
2024-02-29 19:03 |
| [#17] 大渣哥欠租5個月 昨晚, 經過 CWB , 招牌好光猛, 但街無乜人. 光顧果間食店, 只有 1/4 滿. 無第二輪客. 今次零售飲食寒冬, 寒風入骨. |
Chia 正式會員 58.xxx.xxx.47 |
2024-03-01 09:47 |
| [#18] 大渣哥欠租5個月 https://lihkg.com/thread/3640626/page/1 西門指徑話自己 ??  |
dna_oscar 正式會員 223.xxx.xxx.227 |
2024-03-02 15:08 |
| [#19] 大渣哥欠租5個月 有名你叫 西門屎勁！ |
CodyChan 會員 119.xxx.xxx.157 |
2024-03-02 16:09 |
| [#20] 大渣哥欠租5個月 屎眼畜牲西門屎勁！ |
0925 正式會員 203.xxx.xxx.187 |
2024-03-02 16:11 |
