| 談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
|
| [#1] 日本微血管減壓手術開腦經歷,頂唔順香港醫療太貴 https://lihkg.com/thread/4077306/page/1 是咁的，對香港嘅醫療真係有啲感慨。 近年身體成日有啲小毛病，亦有面痛頭痛幾年。 上年的起心肝喺尖沙咀姓彭嘅神經外科， 睇嘅經驗非常唔好，講咗病徵， 一嚟就叫我做全身檢查，做mri做全身嘅CT，抽血， 仲要一嚟先放低3萬蚊過數比lab。 兩年前做MRI同CT佢完全忽略唔開電腦睇，咁乜藥都冇俾就打發咗我走。 之後我去咗港大深圳大醫院睇同樣問題，試試睇下會唔會揾出咩問題， 咁我講咗啲症狀，咁醫生就好重點叫我照三叉神經同微血管， 耳道嗰MRI MRA，先發覺原來個三叉神經痛同有條血管叫做SCA壓住， 咁佢就俾咗啲減神經過敏，食咗之后真系減輕咗， 痛都有少咗一半，但系食咗一排就發覺個人開始太攰。 但港大深圳醫院實在太多scandal， 都唔會繼續係個邊做任何進一步入侵治療。 然后我再試下喺香港睇多次神經外科，睇翻神經外科醫生， 將我深圳嗰邊嘅MRI攞過去，佢一聽到就已經好大反應黑晒面。 借啲意話開唔到，又話唔夠時間load， 先前又唔肯係Google drive dowload 定。 最後開到又係話啲片散收收，係到說教。 又話其他地方嘅MRI片唔達標當場抱怨。 最后，頂唔順自己搵方法AI加上網去睇下有冇治療方法， 搵到一個叫做微血管減壓術。 咁個微血管減壓術就分咗兩大學派 舊嘅方法系會用會喺神經同血管中間加一塊PTFE，叫interposition。 另一種更新嘅方法就系將壓住神經嗰條血管慢慢推走到好遠， 然后搵嘢固定，完全減壓，叫transposition。 前者手術問題后遺症好大， 第一因為PTFE會慢慢融化之後變咗鋼絲擦咁硬， 更加將神經同血管粘住， 制造更多嘅壓力，第二嗰塊物料融化后會黏住喺神經上邊， 會令到佢有黏連，更加痛楚制造咗新嘅壓力。 所以我都系傾向去做後者種新嘅撥管方法。 搵過好多地方，因為新加坡台灣好多神經外科醫生， 或所有香港嘅神經外科醫生都系用舊嘅方法， 往往有好多後遺症，仲有機會有失聰。 咁睇到日本美國上海最勁最勁個班醫生轉咗用新嘅Transposition方法。 唔用PTFE。但係美國嘅就完全唔考慮，因為要成個手術要25萬美金。 之后揾到外國forum講最出名嘅做個手術叫做井上卓郎。 聯絡醫生我都俾晒之前喺國內照嘅片俾佢，醫生即刻睇到問題嘅所在， 醫院都開到我係港大深圳照啲MRI MRA，仲要好配合， 無呀姿呀阻， 佢地最驚你無diagnosis 過嚟無目的咁睇同白走一趟。 最後日本個邊,醫生掛單幾間醫院， 最後揀咗係東京近郊新啲嘅，安排咗一段時間先飛過去。 飛之前再睇香港唔同嘅神經外科做second opinion， 彭姓醫生話做微血管減壓術，佢大約價錢會系30/40萬港紙。 中大醫院已經收22-44萬，有中環嘅專科收緊50,60萬 而井上醫生因為係日本或者世界上做呢個手術權威， 出勁多paper係pubmed，佢個技術到咗出神入化嘅地步， 因為唔放外來物係神經，所以唔會痛楚翻發亦唔會耳聾 之前係啲香港病人group share， 因為唔係唔係個個識pinhole開顱 其他二流醫生開成11cm,仲要開到鬼五馬六彎彎曲曲 而且放PTFE太多case痛楚會翻發。 問清楚日本醫院價錢后，醫院安排咗翻譯員做進一步嘅安排， 而醫生本身喺加拿大UBC做過幾年神經外科， 所以佢英文冇問題， 但係要請翻譯員嘅原因係因為啲職員， 醫護人員英文十分有限公司， 最後佢哋報個價錢係差唔多9000~1萬嘅美金， 即系78000港幣。係香港嘅5份之1 ！ 日本人用國民醫療保險點數可能收9千港紙都唔洗 咁之后約好晒就的起心肝飛咗去日本做咗一日檢查， MRI MRA ,CT顯影3D檢查。 全程translator同護士帶住。 間醫院非常之乾淨，同埋比香港更warm更人性化， 因為海外病人佢一定係俾細細間單人房，單房好整潔。 大廳遠處望到富士山，心曠神怡。 手術前後住咗十一日，因為涉及開頭顱， 全程屋企人睇住陪住。術後好暈好暈但兩個星期就退晒。 痛楚亦即刻消失晒。 護士真係好caring。 睇返佢有勁多海外病人，而且香港人亦有一定數量， 陰啲陰啲過去搵佢。 因為香港專科實在劏客太嚴重， 同埋完全感受到佢地睇住病人份保險食住上得太嚴重。  |
blackspin 正式會員116.xxx.xxx.162 |
2026-03-08 15:19 | |
|
|
|||
| [#2] 日本微血管減壓手術開腦經歷,頂唔順香港醫療太貴 本土E生有理冇理叫你先做個全餐己成慣例。如知你有保險重會幫你用到盡。好caring D錢。 |
lym 正式會員 194.xxx.xxx.33 |
2026-03-08 16:02 |
| [#3] 日本微血管減壓手術開腦經歷,頂唔順香港醫療太貴 政府醫院都有幅射腦血管造影和生物膠水微創腦血管手術，只要你夠牙力說服政府專科醫生。 |
DeepSea^^ 正式會員 222.xxx.xxx.113 |
2026-03-08 16:10 |
| [#4] 日本微血管減壓手術開腦經歷,頂唔順香港醫療太貴 #3 要病人去說服醫生？ |
olddude 正式會員 218.xxx.xxx.164 |
2026-03-08 16:18 |
| [#5] 日本微血管減壓手術開腦經歷,頂唔順香港醫療太貴 我每次做電療, 即使冇日本醫療保, 總共都係60-120萬円，已經包括所有。沖繩平啲，東京貴大約一倍。 |
sbug 正式會員 182.xxx.xxx.6 |
2026-03-08 16:48 |
| [#6] 日本微血管減壓手術開腦經歷,頂唔順香港醫療太貴 #5 sbug兄 我見啲人驚有事要住ICU 會好貴,但上網查日本平均價毎日約20萬¥,是否屬實？ |
dumbdumb 正式會員 182.xxx.xxx.228 |
2026-03-08 16:55 |
| [#7] 日本微血管減壓手術開腦經歷,頂唔順香港醫療太貴 我冇緊急咁樣住，所以唔可以肯定。但係以前我手術之後住ICU,我記得大約20萬一個晚上。我記得佢一次肺炎切1/4，除咗兩日ICU (我嗌住要走), 物理治療, 手術, 總7晚大約¥150萬, 但係我哋有保險, 所以最後只需要俾¥12萬。（最價錢收入決定。） |
sbug 正式會員 111.xxx.xxx.51 |
2026-03-08 17:33 |
| [#8] 日本微血管減壓手術開腦經歷,頂唔順香港醫療太貴 bug哥，日本醫療保險有冇分咩option， 如危疾？ 定係金額內乜都包？ |
skyliner 正式會員 1.xxx.xxx.174 |
2026-03-08 19:19 |
| [#9] 日本微血管減壓手術開腦經歷,頂唔順香港醫療太貴 請問係咪會痛到食唔到嘢？我老爺生前都有類似，做咗一次開腦手術都搞唔掂。 之後又痛過。 |
oeel 正式會員 212.xxx.xxx.41 |
2026-03-08 19:49 |
| [#10] 日本微血管減壓手術開腦經歷,頂唔順香港醫療太貴 #8 日本國民保險係強制性嘅醫療保險。保險金根據收入而定，收入低，甚至唔需要比。正常睇醫生只需要俾30%，已經包括藥。有陣時大額醫療例如做手術，可以申請大額醫療補助，中等收入上限只需要比¥12萬。如果你真係冇錢，仲有得再講。 另外有啲係私人保險，主要係包括國民保險唔包嘅嘢，或者入醫院嘅時候候住頭等房。但係國民保險大部份已經包，頭頭放亦都唔係貴，我六七年之前住入住，每晚只係需要加¥7500…. 已經包括護士，同埋其他額外費用。所以買嘅人其實唔係好多。，， 但係護士一樣係嗰啲，唔好以為會後生啲。 |
sbug 正式會員 111.xxx.xxx.51 |
2026-03-08 20:26 |
| [#11] 日本微血管減壓手術開腦經歷,頂唔順香港醫療太貴 香港D醫療費真的很貴 否則那裡有咁多星銶醫生,月銶醫生 保險公司曾反映醫療收費過高 e生團體完全唔理 |
Chia 正式會員 185.xxx.xxx.12 |
2026-03-08 21:24 |
| [#12] 日本微血管減壓手術開腦經歷,頂唔順香港醫療太貴 愚村的係醫商，你估咁多人爭住讀醫有幾多個係啲「尖子」口中為咗醫好病人 |
olddude 正式會員 218.xxx.xxx.164 |
2026-03-08 23:30 |
| [#13] 日本微血管減壓手術開腦經歷,頂唔順香港醫療太貴 前幾個月, 日本市中心洗牙, 香港 1/3 價錢. 老虎電髪 + 染髪, 要分兩次做, 香港價錢一半. 去年台灣大型醫院做比較詳細高階 Body Check, 相同項目, 香港貴接近一倍. |
tst1800 正式會員 70.xxx.xxx.219 |
2026-03-09 07:32 |
| [#14] 日本微血管減壓手術開腦經歷,頂唔順香港醫療太貴 香港乜都貴,連死人一般殮葬可以十幾萬,別家8萬都得,寶福山靈灰位都過20萬,無錢唔好死,所以一定要長命（並非享受） 可排期政府做手術最平,儀器好,但要等幾年,自求多福,去多的黄大仙（我未去過）,不過夏蕙姨都好健康,人板 最後修改時間: 2026-03-09 08:39:01 |
alexanderkoo 正式會員 223.xxx.xxx.69 |
2026-03-09 08:38 |
| [#15] 日本微血管減壓手術開腦經歷,頂唔順香港醫療太貴 睇嚟應該諗吓點樣可以去日本退休。 |
oeel 正式會員 212.xxx.xxx.41 |
2026-03-09 15:20 |
| [#16] 日本微血管減壓手術開腦經歷,頂唔順香港醫療太貴 高市上台後, 已經無咁易永居了 除非, 你的配偶是日本人. |
Chia 正式會員 58.xxx.xxx.223 |
2026-03-09 15:49 |
| [#17] 日本微血管減壓手術開腦經歷,頂唔順香港醫療太貴 醫管局為了節省錢，首選都會用傳統開腦手術，成本低，但後遺創傷高。很多先進高級的手術，政府醫院其實都可以做到，你睇班高官入院的服務同普通市民完全不同就明。 |
DeepSea^^ 正式會員 222.xxx.xxx.113 |
2026-03-09 16:42 |
| [#18] 日本微血管減壓手術開腦經歷,頂唔順香港醫療太貴 真的要買份 大D 醫保 HKD10M+ 如果有閒錢 |
Chia 正式會員 58.xxx.xxx.223 |
2026-03-09 16:44 |
| [#19] 日本微血管減壓手術開腦經歷,頂唔順香港醫療太貴 醫保 HKD10M+ 保守估計，保額10M，由65歲至85歲，總繳交保費駛唔駛HKD200萬？ |
WKW1 正式會員 124.xxx.xxx.178 |
2026-03-09 21:25 |
| [#20] 日本微血管減壓手術開腦經歷,頂唔順香港醫療太貴 取決於墊底多少 如每年5萬墊底,50 歲買 拉匀年均 15000 15000× 50 = 750000 但一定要過到保險公司個 body check |
Chia 正式會員 185.xxx.xxx.207 |
2026-03-09 21:50 |
