| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 《特朗普總統最新對華政策》（廣東話翻譯） 川咩普, 睇呢d ======================= 《特朗普總統最新對華政策》（廣東話翻譯） 【重點】 ※ 美國敵視中國 ※ 唔再理世衛 ※ 踢中國間牒出境 ※ 要求大陸為武漢老肺作交待 ※ 不再承認香港有自治 ※ 取消對香港嘅優惠 ※ 制裁破壞一國兩制嘅官員 【全文】 《討伐中共，出師有名》 今日我要講美國同中共嘅關系，同保障美國安全嘅各項措施。 中共反復無常，講過唔算數。佢哋成日搵美國笨。因為同中國做生意，美國每年都損失天文數字咁多錢。大陸搞到我哋嘅工人無啖好食，又老笠我哋啲高科技，更加違反貿易協定。 中共出爾反爾，破壞香港嘅自治。 我哋一直想同中國保持良好嘅關系。不過如果我哋繼續咁做，就會賠上我哋國民嘅福祉。因為中國一再走數，兌現唔到佢哋對我哋同埋對其他國家嘅承諾。 我哋唔能夠再坐視不理。中國嘅所作所為已經對世界構成威脅。 《唔再科水畀世衛》 中國隱瞞武漢老肺，搞到個病傳到成個地球都係。數以百萬嘅美國國民同世界各地嘅人類都因此而死。 大陸除咗對世衛隱瞞疫情外，更畀壓力要求世衛幫佢隱瞞埋一份。中共完全控制住世衛。無論我哋畀幾多有用嘅意見世衛，佢哋都當耳邊風。從今日起，我哋會斷絕同世衛嘅關系，一個仙都唔會再畀佢哋。我哋會將啲錢畀其他有能之士。 對呢場疫情，中國要畀世界一個交待。中國明顯向世界輸出病毒。而呢隻毒對人命同財物嘅傷亡係大到一個天文數字，中國一定要找數。 不過因為呢場疫症，我哋而家更加知道美國喺經濟同科技上富強嘅重要性。咁多年以嚟，大陸都放好多枝針喺我哋到，偷咗好多我哋嘅工業科技。今日起我哋會加強呢方面嘅防禦。一切有可能係間牒嘅大陸人，我哋都禁止佢入境，同趕佢哋出境。 我亦會保護美國金融系統嘅尊嚴。我哋會調查喺美國嘅大陸公司，以保障美國嘅投資者。 《香港再無自治》 大陸強推《國安法》。呢樣嘢徹底破壞中國同英國所簽訂嘅條約。一國兩制仲有廿幾年㗎，而家一下子就完咗！對香港人嚟講，呢個係悲劇。 中國美其名係維護國家安全，但事實上香港本來就安全同自由都不得之了。北京呢個決定摧毀咗一切自由同安全。香港而家全無自治可言。中國將一國兩制，變成一國一制。 因此，我哋唔會再對香港有任何優惠待遇。我哋會喺各個領域都唔會再視香港係一個有特殊待遇嘅地方。 另外，我哋會密切留意香港嘅情況，有需要就叫國民唔好去香港呢個越嚟越危險嘅地方。 我哋會對付所有有份破壞香港自治嘅官員。 97年嗰陣，世界都對香港同中國寄予厚望。我哋曾經以為大陸會因為香港而變得越嚟越開明。殊不知，香港卻因為大陸而變得越嚟越落後。 大陸將個 party 玩串曬。我哋美國會做嘢。 https://m.facebook.com/story.php?story_fbid=2711614762403219&id=1551349795096394 |
Yuknow 正式會員42.xxx.xxx.170 |
2020-05-30 07:40 | |
|
|
|||
| 按照傳送日期顯示:由舊至新 由新至舊
|
