談天說地主旨 ﹝請按主旨作出回應﹞ 下頁 尾頁 | 寄件者 | 傳送日期 |
[#1] 汽車保險怪條文 昨天同一間汽車保險 "立橋" , quot 私家車三保 ... 發現 1. 30 NCB後 , 平過用開的"快而保". 2. 已登記的司機 , 墊底費只需 $3000 , 平過用開的 "快而保" (快而保 要 $5000) 已經在電話跟職員扑搥 , 比晒資料 , 在最後機械式讀條文/聲明下 , 發現有一條條例 , 讓我驚訝 , 立即拒婚 , 成唔到親。 那條很奇怪的條文是 , 若出現交通意外提出索賞 , 該司機最少持有 6 分在手 (total 15 分).我 R晒頭反問佢地 , 就算我剩底 1 分 , 運輸署/警方 (香港法例) 都容許我合法地在路面開車行駛 , 為何你地公司不提供有效保險 ?? 職員沒解釋 , 只回答公司規定。 最後 , 大家不能成親 , 浪費了 15 分鐘的對話時間。 現在的保險公司 , 真係千奇百怪 , 諗到乜野保障佢地都加落去。 ** 今天同朋友提起 , 原來依間野同陳健波有關 , 藍店 , 好彩無買到 |
sonyboyhk 正式會員 203.xxx.xxx.180 |
2019-12-28 13:32 | |
|
[#2] 汽車保險怪條文 旅保都係,唔明點解claim過一次後要有冷靜期過冷河先可以再投保。 |
new68u 會員 210.xxx.xxx.20 |
2019-12-28 13:51 |
[#3] 汽車保險怪條文 所有保險公司的practice最終講到尾,都係為自己的(龐大)盈利做保險 |
issac_chan 正式會員 202.xxx.xxx.86 |
2019-12-28 14:23 |
[#4] 汽車保險怪條文 汽車保險靠得住,豬乸會上樹. |
mr-s 正式會員 14.xxx.xxx.89 |
2019-12-28 14:29 |
[#5] 汽車保險怪條文 有病的人根本唔會俾你買醫保。有犯多次交通規則的就唔俾你 claim, 保障公司。 唔知香港係咪咁,澳洲跑車款保費貴過同價值房車好多。 |
ich 正式會員 116.xxx.xxx.93 |
2019-12-28 14:47 |
[#6] 汽車保險怪條文 唔係好明,乜香港吾係法例要求一定要持有有效第三者保險先可以駕駛? 咁喺呢間公司買咗保險,又少過6分揸車係咪犯法? |
hnm 正式會員 219.xxx.xxx.241 |
2019-12-28 14:55 |
[#7] 汽車保險怪條文 [#6] 法例规定要買,唔代表你揸車時份報險有效,兩樣嘢黎。好似有案例話就算醉駕保險唔cover,都唔算觸犯呢條法例。 呢個case 如果發生人命傷亡,相信保險公司賠完會claim返投保人;財物損毀就關人。 一貫做法係續保時主動申報當時有冇被記分,幾多分。 最後修改時間: 2019-12-28 15:18:16 |
bankguy 正式會員 49.xxx.xxx.143 |
2019-12-28 15:10 |
[#8] 汽車保險怪條文 #5 全世界跑車保費一定貴過同價房車因為跑車risk factor高好多 |
olddude 正式會員 203.xxx.xxx.241 |
2019-12-28 15:18 |
[#9] 汽車保險怪條文 [#8] 新牌仔試吓出部兩門車,睇吓有冇公司受保咪知乜事囉。 最後修改時間: 2019-12-28 15:30:40 |
bankguy 正式會員 49.xxx.xxx.143 |
2019-12-28 15:30 |
[#10] 汽車保險怪條文 #9 點會冇? 兩皮, 三保. |
mcdull 正式會員 58.xxx.xxx.134 |
2019-12-28 15:35 |
[#11] 汽車保險怪條文 問題是 , 我買保險時有 15 分在手 一年内如果扣分超過 9 分 , 張保單會失效 痴線的 , 完全不公平條件 以後 black list 依間 "立橋" |
sonyboyhk 正式會員 203.xxx.xxx.175 |
2019-12-28 20:02 |
[#12] 汽車保險怪條文 [#11] 合約條款大家你情我願,好難話不公平。呢間係咁,總有第二間肯做,除非係普遍標準條款。 一年前個仔考到車牌,都花咗唔少時間搵一間肯保P牌仔嘅車俾我續保。幫襯開多年嘅agent話無能為力。 光陰似箭,話咁快就甩P。 最後修改時間: 2019-12-28 20:18:06 |
bankguy 正式會員 45.xxx.xxx.177 |
2019-12-28 20:14 |
[#13] 汽車保險怪條文 估計唔係失效,份保單係遇到交通意外時,法定需要保險公司賠償第三方,唔係因為投保者司機因被扣低過某分而失效,而係保險公司先依法賠償,之後保險公司再向投保者討回 |
bliss33 會員 182.xxx.xxx.237 |
2019-12-28 21:49 |
[#14] 汽車保險怪條文 [#14] 只限人命傷亡,財物損失唔包。即係如果你俾個醉酒佬撞到 total loss, 佢份三保唔會賠俾你,要自己向司機民事索償,佢窮鬼一個就至多破產。 不過如果自己份係全保,可以 Claim 自己份保險。 有錯歡迎指正。 最後修改時間: 2019-12-28 22:18:12 |
bankguy 正式會員 165.xxx.xxx.81 |
2019-12-28 22:11 |
[#15] 汽車保險怪條文 知道立橋背景都吾會幫襯。 |
hnm 正式會員 219.xxx.xxx.241 |
2019-12-28 22:52 |
[#16] 汽車保險怪條文 #13 岩 #14 錯 |
skyliner 正式會員 49.xxx.xxx.247 |
2019-12-28 22:58 |
[#17] 汽車保險怪條文 醉駕第三保有效 保險界:「早知或者要賠」 2017年08月14日(一) 14:35 聽到上訴庭的判決,作為司機的你定必滿腦子疑問。(資料圖片) 上訴庭今天(14日)裁定,第三者保險保單有關醉駕的「除外責任條款」無效,兩名上訴司機雖然醉駕,但當時他們仍有第三者保險。那麼,保險公司日後是否仍可以此條款「免責」,不用承擔賠償? 有保險業界人士透露,政府多年前已公開表明,不論受保人有否違反保單條款、包括「醉駕除外」這類責任條款,保險公司仍須就第三者傷亡償付有關申索。不少公司仍有類似「除外條款」,只是希望加強對公司的保障。他相信上訴庭今次判決後,業界會研究條文,有需要時清晰條款內容,但保費可能會因此提高。 現時,汽車保險的宣傳材料,一般都有提到車保與所有保單一樣,有不受保項目,並提醒消費者必須仔細查看保單。而常見不受保項目包括:在指定地區外使用車輛、司機無牌駕駛、酗酒或受藥物影響所導致的損害。 不過,一名保險業界人士指,財經事務及庫務局於2009年曾向立法會指,《汽車保險(第三者風險)條例》第10條及第12條訂明,司機或車主若被法庭裁定,須對交通意外中的第三者傷亡負上法律責任,無論受保人有否違反保單條款,保險公司仍須就第三者傷亡償付有關申索。 他透露,個別公司「除外責任條款」列明受保人若在呼吸、血液或尿液中的酒精比例,超過法律上限,保險公司不會就其招致的損失、損壞或責任負責,但當中沒寫明人身傷亡無得賠:「業界係知道,醉駕造成人身傷亡或者有得賠,大前提係法庭點判,寫個「除外條款」係保障公司遇到索償時,多個有利理據,唔係博懵,亦同法庭告唔告得入無關。」 https://hk.on.cc/hk/bkn/cnt/news/20170814/bkn-20170814143554698-0814_00822_001.html ========================================================================= "他透露,個別公司「除外責任條款」列明受保人若在呼吸、血液或尿液中的酒精比例,超過法律上限,保險公司不會就其招致的損失、損壞或責任負責,但當中沒寫明人身傷亡無得賠" 1) 似乎只針對人命傷亡。 2) "無論受保人有否違反保單條款,保險公司仍須就第三者傷亡償付有關申索",保險公司賠咗之後跟住會追返投保人。如果醉駕藥駕都照賠,三保要收幾多錢至有數維? 最後修改時間: 2019-12-28 23:45:49 |
bankguy 正式會員 45.xxx.xxx.177 |
2019-12-28 23:24 |
[#18] 汽車保險怪條文 法庭裁定醉駕司機保險仍有效 publish date 21/08/2017 上星期一,南華早報這篇報導講述一單因酒後駕駛而令保險失效的案件,上訴庭的裁決,令警方日後不能再同時控告醉駕司機沒有第三者保險。這對香港駕駛者及其所投保的汽車保險有甚麼意義?這星期,快而保將會為你講解判決對現行狀況所帶來的影響。 醉駕司機提出上訴 兩名醉駕司機因不服判決而提出上訴,上訴庭法官袁家寧將兩宗案件一併審理。兩名被告分別為羅永輝及Gilbert Henry Collins,他們因違反《汽車保險 (第三者風險) 條例》第272章而被定罪。條例指出,當司機體內酒精含量超標,第三保即會失效,所以醉駕司機亦會同時被加控沒有第三者保險駕駛罪。 根據香港法例,所有駕駛者必須至少購備第三者責任保險,當中必須包括最低1億元的第三者人身傷亡保障金額。雖然法例沒有訂明要為第三者的財物損失提供保障,不過這類保險計劃通常會包括2百萬元的財產損毀保障。 上訴庭的裁決 這次上訴得直所造成的最大影響,是令警方日後不能再以保險條例同時起訴醉駕司機在沒有保險下駕駛。案中兩名被告早前因酒後駕駛而令保險失效被控,但上訴庭裁定,保險公司不可因駕駛者的年齡、身體或精神狀況而拒絕賠償第三者保險。 上訴庭法官袁家寧在書面判詞中指出:「 因駕駛者的呼氣、血液或尿液中的酒精含量而拒絕賠償,顯然是針對駕駛者的身體狀况。」這個判決同時獲得上訴庭副庭長楊振權,以及上訴庭法官潘兆初贊同。這代表,警方將不能再控告酒後駕駛的司機沒有第三者責任保險。 保險與醉駕 究竟保險界如何處理涉及醉駕司機的意外索償?我們的保險業夥伴MSIG提供了一個清晰且有用的索償案例 – 投保人在撞到行人後,再撞向巴士。按MSIG解釋,這個案例分別有三項索償需要處理: 受傷行人 第三者財物損毀(即巴士) 投保人的財物損毀 (即其座駕) 由於投保人被控醉酒駕駛,根據除外責任情況,保險公司無需為財物/身體受傷作出賠償。之不過,由於投保人的行為引致第三者身體受傷,根據香港汽車保險局(MIB)所發出之本地條例(Domestic Agreement)內之有關承保人原則(Insurer's Concerned Principle),保險公司仍有可能需要承擔責任。 一般來說,保險公司會先替投保人處理有關第三者身體受傷的索償訴訟;由於投保人違反保險條款,所以必須自行負責第三者之財物損毀。換句話說,保險公司無需為投保人本身之財物/身體受傷作出賠償,及承擔巴士損毀的法律責任。 此外,保險公司更會向投保人追回對第三者身體受傷所作出之賠償。 總括而言,投保人如被證實醉酒駕駛,就需要負責所有賠償費用。保險公司只會在不影響其拒賠原則下,替投保人先行處理有關第三者身體受傷的賠償,之後便會向投保人追回有關金額。 https://kwiksure.com/zh/article/disqualifying-drunk-drivers/ ========================================================================= 1) 即係財物損毁唔會賠。 2) 第三者身體受傷的賠償,之後便會向投保人追回有關金額。 3) 總括而言,投保人如被證實醉酒駕駛,就需要負責所有賠償費用。 最後修改時間: 2019-12-29 00:09:46 |
bankguy 正式會員 45.xxx.xxx.177 |
2019-12-29 00:07 |
[#19] 汽車保險怪條文 #18 用返件案為例,有個問題,假設架車係的士,由間車行擁有,酒精超標,肇事司機係租架的士揸,投保人係間車行,咁應該冰個負責任賠償俾巴士公司及乘客傷亡?車行?肇事司機? |
bliss33 會員 125.xxx.xxx.224 |
2019-12-29 00:47 |
[#20] 汽車保險怪條文 [#18] 的士唔知份保險係點嘅 terms, 真係唔知。 總之我教仔,任何意外牽涉的士,貨van等搵食車,一定要報警報保險,因為唔知人哋點玩,莫因小失大。 |
bankguy 正式會員 45.xxx.xxx.177 |
2019-12-29 01:01 |