談天說地主旨 ﹝請按主旨作出回應﹞ | 寄件者 | 傳送日期 |
[#1] [轉載]法庭感動系列 [轉載]法庭感動系列 十六名於8月31日銅鑼灣被捕嘅人士被控暴動今日提堂,罷工嘅兩位店長去咗西九龍裁判法院旁聽,想同大家分享兩個庭外全場鼓掌嘅moment。 ------ ??情境一 控方提出其中一個保釋條件係晚上10點開始嘅宵禁令,幾位辯方代表律師都要求延後至午夜12點開始。裁判官問控方意見,控方指宵禁令係為咗確保公眾安全,裁判官話案發時間係晚上8點,咁點解宵禁令係同時間有關,聽唔到控方答咗啲咩,最後裁判官宣布直接刪去宵禁令一項,庭外全場鼓掌?? ------ ??情境二 其中一位係18歲學生,控方反對保釋,理由係被告有投擲汽油彈嘅激烈行為。辯方指被告只係企喺幾名示威者當中,投擲汽油彈指控並非針對被告。如果無得保釋,起碼要還押一年半載。裁判官問控方投擲汽油彈指控係咪針對被告?控方errrrrr咗一吓,此時庭外所有人一齊跟住errrrrr。裁判官追問控方係咪想喺無針對性指控情況下,將被告還押至案件完結,都係聽唔到控方答咩,最後裁判官指現階段指控籠統,如果唔俾保釋係對被告不公,所以批准保釋。庭外全部人再次掌聲雷動?? ------- 以上內容可能有誤,如有錯漏請指出,感謝。 ------- 後記 去法庭聽審聲援其實非常有用,亦非常安全,鼓勵大家一有機會就去,咁實質有咩可以做? 打氣 每一堂 (唔知係咪咁叫) 完結,被告家屬行出嚟見到幾百個人拍手打氣,其實心理上好有幫助,有同無聲援真係會差好遠。 擔遮 批准保釋後,被告同家屬會去辦保釋手續,現場有過百人擔遮,保護一班未被定罪嘅被告同家屬,護送佢地上車,免於被影相起底。 義載 有一位被告同家屬無預早安排車接送,或者因為經濟問題,唔肯搭的士,堅持要行出去搭地鐵。有車嘅朋友之後請考慮義載,保護佢地。 香港人好有愛,現場有唔少moment都有人感動到喊,希望大家可以一直關注,聲援所有面對濫捕嘅人。 *補充 庭內公眾席座位有限,其實庭外係有電視直播睇,所以唔需要擔心太多人入唔到去,越多人去聲援越好。同埋注意開庭後請保持安靜,唔好影相同錄影,感謝各位有心人!希望更多人可以知道聲援嘅作用! . #感動到我眼濕濕 #香港人加油 #轉載知道出處請告知 #張相知道有出處但搵唔返可否有網友告知補回 |
eatmail2 正式會員 115.xxx.xxx.126 |
2019-09-03 23:00 | |
|
[#2] [轉載]法庭感動系列 Salute! |
伊雲士 正式會員 1.xxx.xxx.96 |
2019-09-03 23:07 |
[#3] [轉載]法庭感動系列 睇文字都眼濕濕, 謝謝分享! |
pat2 正式會員 61.xxx.xxx.224 |
2019-09-04 01:00 |
[#4] [轉載]法庭感動系列 如果冇辯方律師真係全部坐硬,就算之後冇罪都白坐,控方想用大話陰法官。 |
new68u 會員 203.xxx.xxx.124 |
2019-09-04 01:31 |
[#5] [轉載]法庭感動系列 以後係反送中之戰伸延至司法,黑警險毒,法官精明, 律師好野,禾亦眼濕濕了! 最後修改時間: 2019-09-04 02:34:28 |
AndyTKO 正式會員 14.xxx.xxx.127 |
2019-09-04 02:32 |
[#6] [轉載]法庭感動系列 謝謝分享! x2 |
一縷輕煙 會員 2.xxx.xxx.206 |
2019-09-04 07:03 |
[#7] [轉載]法庭感動系列 呢次好運遇到個正常嘅官,如果唔好彩遇到嗰幾隻狗官,結果會好唔一樣! |
noboch 正式會員 219.xxx.xxx.15 |
2019-09-04 08:03 |
按照傳送日期顯示:由舊至新 由新至舊 |