| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 搜屋應對需知 Copy自連登 搜屋應對需知： （1）當警察要搜查處所，他們必須出示有效的搜查令，請務必檢查清楚搜查令是否有效： - 必須有正確的被搜者名字（你的名字） - 搜查令賦權搜查的地方（警只可搜該範圍） - 懷疑已經或即將或意圖犯的罪行 - 搜查令下可檢取的物品 - 搜查令的有效期 - 裁判法院蓋印及裁判官簽署 （2）你有權要求有律師在場時才開始進行搜查[/red］ （3）如需律師援助，[red]請inbox 中大學生會或民陣 Facebook page （4）你有權拍攝整個搜查過程 （5）未有列在搜查令入面的物品，你有權拒絕交給警察 （6）如果搜查令無包括搜查電腦電話內的資料，你可以拒絕解鎖 （7）搜查後可要求警察提供檢取物品列表副本 （8）請期間保持箴默，唔好回答任何問題，只需要話「我冇野講」 （9）如警察沒有搜查令，而準備破門入屋，請即錄影 / 見到咁耐都冇人講應對方法，希望大家廣傳，救得一個得一個:~(:~(:~( 最後修改時間: 2019-07-03 02:27:53 |
ys2001 正式會員116.xxx.xxx.37 |
2019-07-03 02:27 | |
|
|
|||
| [#2] 搜屋應對需知 如果有參與行動的朋友，當天的衣物必須棄置，我相信警方搜查你當天的衣物係重點之一，叧所有能洩露行蹤的都要移除，包括八達通或你電話內的apps，如電話有拍攝過任何可能對自己不利的東西都要移除，用android 的要徹底毀滅及案置記憶卡，用iphone的在delete後記得再去最近刪除的檔案再徹底刪除一次。 |
ys2001 正式會員 116.xxx.xxx.37 |
2019-07-03 02:42 |
| [#3] 搜屋應對需知 呢尐係保障自己權益的做法！ |
浩男123 正式會員 172.xxx.xxx.246 |
2019-07-03 04:36 |
| [#4] 搜屋應對需知 R33边会有義士 |
Matrixneo 正式會員 14.xxx.xxx.245 |
2019-07-03 08:49 |
| [#5] 搜屋應對需知 我哋呢一輩當然係有心無力啦.但係可能家中有後生一批都要留意嘅. |
woristse18 正式會員 45.xxx.xxx.229 |
2019-07-03 09:17 |
| [#6] 搜屋應對需知 呢度係老餅多，涉及衝擊行動的一定好少，但呢尐係常識，有備無患！ 最後修改時間: 2019-07-03 09:20:12 |
浩男123 正式會員 172.xxx.xxx.104 |
2019-07-03 09:19 |
| [#7] 搜屋應對需知 去到搜屋階段情況已不好。 最好是平時多留意電腦、外置硬盆和手機資料，剷走冇用資料 |
wincent 正式會員 182.xxx.xxx.153 |
2019-07-03 10:28 |
| [#8] 搜屋應對需知 死士中有一位係爸爸 Post 出黎係好!支持 |
唔係阿化 正式會員 124.xxx.xxx.168 |
2019-07-03 10:31 |
| [#9] 搜屋應對需知 有無用都好，起碼知道點應對，知多D無壞，支持，多謝 |
Forestpig 正式會員 42.xxx.xxx.71 |
2019-07-03 11:26 |
| [#10] 搜屋應對需知 長期鬥爭，萬事都話唔埋， 話唔定R33將來係前線嘅主力，學定好，或者幫到有需要知嘅人。 本人數十年前有被搜屋經驗，係差佬亂做搞錯，佢哋只係漾吓張搜令， 唔肯俾人詳細睇，同佢哋會幾個人分開搜， 好難做到跟住佢哋搜。 最後修改時間: 2019-07-03 11:48:23 |
DcAss 正式會員 219.xxx.xxx.171 |
2019-07-03 11:42 |
| [#11] 搜屋應對需知 你可拒絕佢地同時幾個一齊搜，控制佢地一定要在你面前搜，一定要掌控自己的主導權，唔係佢地大哂。 |
ys2001 正式會員 203.xxx.xxx.64 |
2019-07-03 15:10 |
| [#12] 搜屋應對需知 緊急! 我叫Johnny Fok, 是位大律師，曾參與佔中時的義務法律支援。好多人向我查詢和擔心71後法律問題，所以一次過呼籲：如不幸被捕，記得以下事項： 1) 你有權要求見律師/大律師。 2)你有權拒絕為警方解鎖你的電話或電腦。 3)警方無權搜查你屋企，除非已向法庭申請手令，如已有手令，你可以堅持等律師來才讓他們入屋。 4)無論如何，堅持要先見律師拿取法律意見先。盡量打法律支援電話，再打比泛民區議員，他們/她們會認識律師，可以幫手。 5) 無論如何，你有權保持緘默 (right to remain silent) , 即是拒絕簽署任何口供，任何文件。記著，任何文件都不要簽。如果是錄影會面，拍video，你在會面中一樣有權拒絕回答所有問題，例如答：“我無野講!“ 6) 好好 “管理“ 你手機和電腦的敏感資料。(這個自己理解一下) 7) 解釋上述, 重申，你有權拒絕解鎖電腦和電話，你可以指出當中有和律師/大律師的溝通和法律意見， (和律師的溝通是受到法律特權保障的 legal privilege , 如是這，警方絕對不能查看！) 8) 一些 "已經無用的物品" 佔用屋企位置，是時候打掃一下。 緊記！ 請傳給你的朋友！可copy and paste whatsapp telegram 傳出去! Johnny Fok |
布朗. 正式會員 218.xxx.xxx.21 |
2019-07-03 15:11 |
| [#13] 搜屋應對需知 留意佢地有無帶不明物體入你屋,以防插贓. |
老吾老 會員 119.xxx.xxx.6 |
2019-07-03 16:51 |
| [#14] 搜屋應對需知 #12 第5） 點尤其重要，「保持緘默」係被搜者權利，此項亦對在街頭或任何場所被截查（stop) 時適用，以免誤答一些對自己不利（法律權益）嘅問題，咁樣別誤會為唔合作，亦非可構成「阻差辦公」嘅依據，一些盤問在唔損及自己權益下，例如姓名，住址，職業/專業，就職公司名稱和地址 （考慮清楚至答，以免去乃公司制造麻煩和壓力），可斟酌回答，考慮係免卻被扣查嘅冗長時間。小心過程中任何誘導及威嚇嘅提問，如有覺得回答可能損及自身權益，記得「保持緘默」。[免責聲明： 前述文字並非法律意見及可被視為法律意見，疑問應向法律專業人士查詢] |
bliss33 會員 125.xxx.xxx.234 |
2019-07-03 19:07 |
| [#15] 搜屋應對需知 總知一定要找律師，因為警察一見到有律師在場就好多嘢都會縮。 |
ys2001 正式會員 203.xxx.xxx.227 |
2019-07-03 19:23 |
| [#16] 搜屋應對需知 上網 Google 吓呢方面知識，你知啦，今時今日嘅香港，都係知多啲好。 一 search至見一年前有咁嘅討論。 我以為電腦 harddisk 用哂 bitlocker 就有啲保障，最近至知原來如果搜查範圍包括電腦，你係要配合警方解鎖。 咁如果我好緊張嚇到唔記得咗個20個character 嘅密碼呢？你知啦，幾拾歲人唔嚇得。 |
bankguy 正式會員 212.xxx.xxx.18 |
2020-08-28 03:15 |
| [#17] 搜屋應對需知 呢個亂世, 要有思想上既準備. 見新聞話位51歲手足, 0係運輸處網上申請查資料, 咁都拉得. |
radhk 正式會員 112.xxx.xxx.104 |
2020-08-28 05:26 |
| 按照傳送日期顯示:由舊至新 由新至舊
|
