談天說地主旨 ﹝請按主旨作出回應﹞ 下頁 尾頁 | 寄件者 | 傳送日期
![]() ![]() |
[#1] 曾俊華:躺平亦非壞事 DSE無存在價值 香港整個教育系統須徹底改革 https://lihkg.com/thread/3501458/page/1 前財政司司長曾俊華週五(15日)出席香港中文大學崇基學院週會,回應學生有關從政、財政、明日大嶼、教育制度、曾參選特首等問題。他說部分年輕人可能有「躺平」,但非壞事,亦不不相信「個個都躺平」,因他遇到的年輕人均很有創意去製造一些東西,或有改變社會上的不公義。他又指DSE無存在價值,認為香港整個教育系統須徹底改革。 https://www.inmediahk.net/node/%E6%94%BF%E7%B6%93/%E6%9B%BE%E4%BF%8A%E8%8F%AF%EF%BC%9A%E8%BA%BA%E5%B9%B3%E4%BA%A6%E9%9D%9E%E5%A3%9E%E4%BA%8B-dse%E7%84%A1%E5%AD%98%E5%9C%A8%E5%83%B9%E5%80%BC 在司儀代表學生發問環節中,曾俊華被問到對「隨心所欲」或「躺平」的看法。他首先表示,自己擔任財政司司長時,在立法會被前立法會議員李卓人「話我好hea」,其後指有很多人說:「如果我有辦法坐,我就唔會企;如果我有辦法瞓低,我就唔會坐喺度」。他說不相信年輕人「個個都躺平」,因遇到的年輕人均很有創意去製造一些東西,或有改變社會上的不公義。他又指,部分年輕人可能有「躺平」,但亦非壞事。 至於為何從政以及對從政有沒有顧慮,曾俊華表示自己從來沒有思考該問題。他形容自己是隨意的,很享受每一刻,就像此刻與中大學生進行分享,也是一件很享受的事情,「我去到三十幾四十歲我都唔知我自己想做啲咩,咁你點樣叫個小學生,幾十歲都未到就同佢規劃佢成世?點解要做呢啲咁嘅嘢?」 被問自己擔任財政司司長時,如何面對和處理反對聲音。曾俊華表示所有的反對聲音和質疑均有道理,尤其是要真正聆聽和理解,並非「左耳入,有耳出」:「如果你覺得啱嘅,咁你咪改;如果唔啱,就唔好理佢喇。」 在財政方面,曾俊華指《基本法》規定政府財政上,支出不能多於收入,自己擔任10年時間的財政司司長時,每一年均「有錢剩」,自己剛離開政府時,財政儲備超過1萬億,惟本屆政府「依家有幾多我就唔知啦,應該少好多。」台下傳出笑聲。他提到,本屆政府使用了相當多「未來基金」資金:「未來仲未到,我哋都要顧慮一下。」 其後到學生直接發問的環節,曾俊華被問到對消費券的意見及明日大嶼的公帑支出是否太多。他認為,消費券其實沒有太大幫助,台下一眾學生隨即發笑。曾俊華及後又稱:「但我亦都唔係好了解(現屆政府)好多嘅諗法啦。」 至於對明日大嶼的看法,曾俊華表示沒有留意相關規劃,自己並不清楚,「太遠喇嗰個嘢。」惟他又指:「宜家都係講㗎啫,如果你話要做真係十幾廿年之後嘅事,如果你講宜家真係要做呢一樣嘢,要宜家找數,找唔到嘅,如果要找就係你哋找。」台下再傳出笑聲。 曾俊華續稱,自己尚未看到現屆政府向市民交代明日大嶼進度和規劃,不知道是否真的要實行,抑或純粹是政治上的說話:「係咪真係要做?還是一啲係喺政治上出嚟講嘅嘢呢?I don't know(我不知道)。」 有學生向曾俊華問及對中學文憑試(DSE)的看法。曾俊華稱,現時中學畢業生與大學學位的數量差別已不大,「係咪我哋要改變?係咪仲需要一樣咁樣嘅嘢?」他又以美國為例,指現時美國的大學很多已不沿用SAT考試作篩選學生的機制,「佢多啲睇吓個學生或者個學校嘅評語係點樣,嚟到去選啲學生,佢覺得咁樣係比較公平啲。」 曾俊華續指,在中四及中五時,學校主要訓練學生如何考好DSE,變相令學生減少機會學習其他知識,故現今社會應作出一些「基本性的改變」。 學生追問,很多政府高官的子女到外國讀書,並非跟隨本地DSE的制度,問到政府高官心底裏是否不喜歡香港的教育制度,以及DSE還有沒有存在價值。 曾俊華沒有回應前者問題。至於後者,他直指DSE無存在價值,指經歷疫情後,大家可利用Zoom進行教學,故每間大學其實可錄取無限多的學生。曾俊華稱,外國的大學設免費網上影片課程,供全世界的人在任何時間、任何地方修讀,認為香港可採用該模式:「呢個模式可唔可以改變一吓,等唔同嘅人,唔只係年青人,甚至係做緊工嘅嗰啲人,可以將呢個課程唔需要好長,每一次都上兩三個鐘頭,又可以少少每一次十分鐘咁樣去學習一啲嘢,我相信呢樣嘢應該有相當大嘅改變。」 曾俊華指,多項研究指10年後,有三分之一、四分之一的工作會消失,但亦會產生新的工作,而人們需要新的技能,「咁我哋點樣可以保持得到有咁嘅知識做以後嘅嘢呢?」曾提到,ChatGPT的突然出現,使很多東西被改變。 曾俊華最後直言,DSE不應繼續存在,香港整個教育系統需要徹底的改革,「由幼稚園開始,到大學,都係要改革。」他稱,大家須更了解成人教育和職業教育是甚麼,因現今很多人談及移民英國,而移民的人倘若懂得做水電的工作,找到工作的可能性便會高很多,「咩嘢先至係重要,其實每個時間都係唔同。」 在週會尾聲,有學生提到曾俊華曾參選特首,問他有甚麼得著或看清了甚麼。曾俊華回應稱,太太曾黃蓮華跟他說,自己經過特首選舉後,「你真係OK㗎。」他表示,選舉期間,自己所有的好與壞均會被人挖開,笑稱該段時期太太對自己說:「都冇咩唔好嘢掘到出嚟,所以咁多年嚟(你)都冇呃過我。」台下一眾學生聽畢後發笑和予以掌聲。 |
blackspin![]() 1.xxx.xxx.186 |
2023-09-17 15:25 | |
|
[#2] 曾俊華:躺平亦非壞事 DSE無存在價值 香港整個教育系統須徹底改革 講乜都無用,浪費時間 |
greenhope![]() 110.xxx.xxx.172 |
2023-09-17 15:32 |
[#3] 曾俊華:躺平亦非壞事 DSE無存在價值 香港整個教育系統須徹底改革 鬍鬚曾都係一舊朱古力味嘅屎,冇分别,而家唔喺體制內就講癈話,喺體制内咪一樣係仆街。 |
Seagull![]() 86.xxx.xxx.34 |
2023-09-17 18:16 |
[#4] 曾俊華:躺平亦非壞事 DSE無存在價值 香港整個教育系統須徹底改革 I CAN'T AGREE MORE! |
kk6ata71![]() 146.xxx.xxx.20 |
2023-09-17 18:58 |
[#5] 曾俊華:躺平亦非壞事 DSE無存在價值 香港整個教育系統須徹底改革 何止不是壞事? |
lym![]() 14.xxx.xxx.139 |
2023-09-17 18:59 |
[#6] 曾俊華:躺平亦非壞事 DSE無存在價值 香港整個教育系統須徹底改革 Would not say so if he were the CE. Only attracting more likes, similar to some HKO ex-officers who didn't work hard for more accurate forecasting before retirement. Then blah, blah, blah afterwards. 最後修改時間: 2023-09-18 07:13:51 |
alexanderkoo![]() 223.xxx.xxx.196 |
2023-09-18 07:13 |
[#7] 曾俊華:躺平亦非壞事 DSE無存在價值 香港整個教育系統須徹底改革 https://hk.news.yahoo.com/%E6%9B%BE%E4%BF%8A%E8%8F%AF%E8%AB%87%E5%9F%8E%E5%B8%82%E5%90%B8%E5%BC%95%E5%8A%9B%EF%BC%9A%E3%80%8C%E6%B7%A8%E4%BF%82%E9%9D%A0%E7%85%99%E8%8A%B1%E9%AD%9A%E8%9B%8B%E5%91%A2%E5%95%B2%E5%92%81%E6%A8%A3%E5%98%85%E5%98%A2%EF%BC%8C%E5%B0%B1%E7%B5%95%E5%B0%8D%E5%94%94%E4%BF%82%E8%BE%A6%E6%B3%95%E5%95%A6%E3%80%8D-020851838.html 曾俊華談城市吸引力:「淨係靠煙花魚蛋呢啲咁樣嘅嘢,就絕對唔係辦法啦」 【Yahoo新聞報道】前財政司司長曾俊華今日(16 日)在社交平台發文,提及自己與家人以旅客身份遊覽日本大阪及京都,過程中目測街道上看不到「吉舖」,認為是與當地租金較低有關,舉例有 400 呎住宅單位僅月租三千至四千港元,「可動用嘅收入,都係比較多,變咗大家嘅生活質素,都會比其他地方好。」 他又發現,有很多香港人在日本服務行業工作,例如居住的酒店也有來自香港的服務員,大丸百貨的餐廳也有說廣東話的香港人,估計近年不少港人已移居日本。 在文末,曾俊華稱一個地方是否吸引人前來,是要看社會的大環境及氣氛,「畀唔畀到啲市民信任,信心,安心,安全感,淨係靠烟花,魚蛋呢啲咁樣嘅嘢,就絶對唔係辦法啦。」 ![]() |
DeepSea^^![]() 61.xxx.xxx.155 |
2024-06-16 11:12 |
[#8] 曾俊華:躺平亦非壞事 DSE無存在價值 香港整個教育系統須徹底改革 又一個犯xx法 |
eckochin![]() 124.xxx.xxx.2 |
2024-06-16 11:18 |
[#9] 曾俊華:躺平亦非壞事 DSE無存在價值 香港整個教育系統須徹底改革 攪掂個強迫金先啦! 全港打工仔被蠶食鯨吞! |
kk6ata71![]() 185.xxx.xxx.116 |
2024-06-16 11:20 |
[#10] 曾俊華:躺平亦非壞事 DSE無存在價值 香港整個教育系統須徹底改革 改革為新香港人嘅仔女?! ![]() |
simpleman![]() 14.xxx.xxx.194 |
2024-06-16 15:00 |
[#11] 曾俊華:躺平亦非壞事 DSE無存在價值 香港整個教育系統須徹底改革 #7 鄉公所成日話愚村幾危險,係愚民都無安全感啦 |
olddude![]() 78.xxx.xxx.8 |
2024-06-16 15:20 |
[#12] 曾俊華:躺平亦非壞事 DSE無存在價值 香港整個教育系統須徹底改革 丙漒話日日講事實,拉得。 |
pharm![]() 61.xxx.xxx.141 |
2024-06-16 16:22 |
[#13] 曾俊華:躺平亦非壞事 DSE無存在價值 香港整個教育系統須徹底改革 令我諗起小時候HB鉛筆嘅政治用途 我唔知而家香港啲小學仲有冇呢個規矩. 小一就開始要我用HB鉛筆,我自問發育比較慢用HB鉛筆根本寫唔出字,要好大力,我基本上寫完一版字就非常攰非常疲勞。小學成績欠佳,真係有心冇力由HB筆開始。 過到嚟加拿大發現小朋友係用2B開始,老師見同學用HB筆換咗支2B筆俾佢哋,你發現小朋友相當有興趣寫字,因為容易一日可以寫二三十版字都唔覺得攰,再去啲日本文具店睇就發現真係好多2B選擇,全部粗成倍大大支支比小朋友用 就突然醒覺香港HB筆根本就係因為跟考試局變成一個政治用途,相當可恥可悲 政府越規範,所有事情就越就範。好是,壞亦是。 最後修改時間: 2024-06-16 19:58:30 |
416GTA905![]() 142.xxx.xxx.122 |
2024-06-16 19:52 |
[#14] 曾俊華:躺平亦非壞事 DSE無存在價值 香港整個教育系統須徹底改革 剛剛見咗 8 個 fresh grad, 2 個係大陸人,19k 人工力加 bonus 無論英文、中文、對答,中國學生都比香港好 |
dttmtong![]() 14.xxx.xxx.29 |
2024-06-16 20:12 |
[#15] 曾俊華:躺平亦非壞事 DSE無存在價值 香港整個教育系統須徹底改革 討論點去救一個死咗嘅人,仲有乜意思。問題癥結係毛澤東話事。毛澤東死Q咗,咪話有孫中山及黃興,而至少都要有個周恩來翻生。大環境先會有機會翻生,睇個勢未來廿年都無人可以改變個大環境,除非有人革命或戰爭。我哋廿年後都6七8十喇,只有依家立即移民先會有出路機會。 |
bnoer![]() 14.xxx.xxx.250 |
2024-06-16 20:19 |
[#16] 曾俊華:躺平亦非壞事 DSE無存在價值 香港整個教育系統須徹底改革 「無論英文、中文、對答,中國學生都比香港好」 有d qualities 要透過工作及觀察先搵到,例如找出問題,分析問題,解決問題及方法及可行性,工作需要和其他人合作否,責任心,誠實可靠,職業道德及倫理等等,大6 不乏造/答題家 |
degalle![]() 121.xxx.xxx.114 |
2024-06-16 21:44 |
[#17] 曾俊華:躺平亦非壞事 DSE無存在價值 香港整個教育系統須徹底改革 有d qualities 要透過工作及觀察先搵到,例如找出問題,分析問題,解決問題及方法及可行性,工作需要和其他人合作否,責任心,誠實可靠,職業道德及倫理等等,大6 不乏造/答題家 》如果計埋呢啲輸得重慘,我頭先講只係大家 group interview 表現。 其實我只係講出自己見到事實,可能我哋人工得兩萬太少,fresh grad 三四萬一個月個啲應該 sharp 好多 最後修改時間: 2024-06-16 21:55:47 |
dttmtong![]() 58.xxx.xxx.162 |
2024-06-16 21:53 |
[#18] 曾俊華:躺平亦非壞事 DSE無存在價值 香港整個教育系統須徹底改革 咁perfect,聘用咗幾多年搵到及觀察?願聞其詳,可比伯樂,係就盡收唔好錯過^_^ |
degalle![]() 121.xxx.xxx.114 |
2024-06-16 21:59 |
[#19] 曾俊華:躺平亦非壞事 DSE無存在價值 香港整個教育系統須徹底改革 高級啲月薪三四萬至十萬我重有請本港長大嘅印度人、巴基斯坦人、菲律賓人、韓國人、英國人 最後修改時間: 2024-06-16 22:08:02 |
dttmtong![]() 58.xxx.xxx.162 |
2024-06-16 22:00 |
[#20] 曾俊華:躺平亦非壞事 DSE無存在價值 香港整個教育系統須徹底改革 咁perfect,聘用咗幾多年搵到及觀察?願聞其詳,可比伯樂,係就盡收唔好錯過^_^ 》唔駛觀察啦,其實呢十年 on and off 都有人 apply 亦有請. 疫情三年係一個都無,但現在又開始多返 比例計十個 applicants 大概有兩三個係中國人 最後修改時間: 2024-06-16 22:04:03 |
dttmtong![]() 58.xxx.xxx.162 |
2024-06-16 22:03 |