| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 戒口 尋晚同艇友吹水，講到比賽經常受傷，扭傷甚至縫針，其中有艇友話縫針一定要戒蝦蟹鵝之類，仲話要戒100日，我就從來冇戒口，又唔覺傷口有問題（受傷縫針好多次），不過近年扭親會戒啤酒，覺得無咁痛同好得快啲。 請教下大家有冇經驗分享。 最後修改時間: 2023-07-21 08:16:30 |
Dlbf 正式會員14.xxx.xxx.167 |
2023-07-21 08:15 | |
|
|
|||
| [#2] 戒口 戒口係為咗減低受外來蛋白質刺激炎症，免疫系統 特別健康嘅人士當然會唔受影響。 |
V.C 正式會員 58.xxx.xxx.22 |
2023-07-21 08:21 |
| [#3] 戒口 以前起香港，有咩傷口，老媽子都會提醒5好食依樣果樣，當然，有聽有做，不過去咗外國幾10年，有咩事乜都冇介，生活如常，冇咩不妥 |
一縷炊煙 會員 176.xxx.xxx.21 |
2023-07-21 08:26 |
| [#4] 戒口 #2 謝謝！即係唔可以食高蛋白質嘅嘢？ |
Dlbf 正式會員 14.xxx.xxx.167 |
2023-07-21 08:36 |
| [#5] 戒口 #3 煙兄，我阿媽要求戒口，但老竇話唔使，我當然企係老竇果邊。 |
Dlbf 正式會員 14.xxx.xxx.167 |
2023-07-21 08:40 |
| [#6] 戒口 #5 傷口復原外觀對女士是非常重要， 女士當然要戒口。 |
V.C 正式會員 58.xxx.xxx.22 |
2023-07-21 08:51 |
| [#7] 戒口 講起介口，憶往事，以前住南區，周不時去海洋公園後灘潛水執螺，手腳俾藤壺介到損哂，又食番捉番泥既螺，如果需要介口，係相當矛盾 |
一縷炊煙 會員 176.xxx.xxx.21 |
2023-07-21 09:05 |
| [#8] 戒口 西醫冇戒口呢家嘢，而中醫就會話唔戒口就食幾多藥都係冇用，睇你自己偏向信邊面吧！ 我自己都會信要戒口，覺得會好得快啲，戒口都算係傳統遺留嘅智慧吧！例如：口龍痛唔食煎炸嘢，寒咳就戒食生冷嘢，我覺得幾有效。 最後修改時間: 2023-07-21 09:17:59 |
天富仔 正式會員 14.xxx.xxx.189 |
2023-07-21 09:14 |
| [#9] 戒口 女仕比較緊張外表可以理解，不過講到要戒100日又太誇張。 喉嚨痛唔食煎炸我都會，但有傷口就從來冇戒口。 中學去露營，好多時夜晚捉蟹，然後生火燒嚟食，有次其中一個同學唔小心？損晒，我同佢講要戒口。。。kakaka |
Dlbf 正式會員 14.xxx.xxx.167 |
2023-07-21 10:36 |
| [#10] 戒口 以前都食好多蝦蟹,更年期後兩公婆真係要戒口,食親蝦蟹都身痕.跌打類要介口,小傷口就無留意,我熱底食嘢冇乜特別留意,我諗寒底就要留意多些. |
S.Chan 正式會員 218.xxx.xxx.242 |
2023-07-21 12:12 |
| [#11] 戒口 #8 “西醫冇戒口呢家嘢” 西醫一樣有戒口,通常係叫Food to Drug Interactions ; Drug to During Interactions . Based on 成份而唔係"寒、熱、濕、毒....” 舊薄血丸有好多Drug Drug, Drug Food interactions. |
ich 正式會員 1.xxx.xxx.239 |
2023-07-21 12:29 |
| [#12] 戒口 #11 唔該ich兄，多謝提點，但西醫藥物相沖嘅戒口，同中醫嗰套爭好遠啊！ |
天富仔 正式會員 14.xxx.xxx.189 |
2023-07-21 13:36 |
| [#13] 戒口 戒口, 好多時係 common sense, 亦有一啲只係民間傳說, 以訛傳訛嘅偏方。 例如你咳緊, 冇理由臨瞓前走去飲杯凍橙汁, 等啲酸性嘅嘢刺激你嘅喉嚨, 咳多幾錢重。 鬼佬無戒口, 但係民間智慧都係叫你傷風感冒飲番杯熱檸蜜或熱茶嚟舒緩。 有好多人話乜做完手術唔好食蝦蟹, 甚至乎有人叫唔好食咁多豉油或老抽, 呢啲民間傳說, 好可能係因為N年前有人本身對食蝦蟹敏感, 跟住做完手術之後再食, 令到傷口繼續發炎而拖慢復原, 一個傳一個以為人人都係咁。 正如話食榴槤唔好飲酒, 如果唔係死得人, 其實好似話係相傳有人飲醉酒食榴槤, 然後哽死, 傳下傳下就係飲酒食榴槤有毒。 鬼佬嘅 Drug to food interaction 都有好多, 但係人哋有曬科學根據, 例如食膽固醇藥 Statin, 就唔可以食西柚。 某類嘅薄血丸亦一樣。 最後修改時間: 2023-07-21 18:19:55 |
Drhandguns 正式會員 193.xxx.xxx.68 |
2023-07-21 18:14 |
| [#14] 戒口 #12 "但西醫藥物相沖嘅戒口，同中醫嗰套爭好遠啊！" 討論首先要定義討論議題。我理解戒口為"有D食物/藥物應該唔好食甚至絕對唔可以食" 咁樣中西醫系統、民間口傳都有某D病、情況下"有D食物/藥物應該唔好食甚至絕對唔可以食"。 我有讀過中藥 cert courses，由中大、浸大教授教。對中藥、中醫有少少基本認識。十八反、十九畏都聽過睇過。 正如#13 手槍醫生兄指出，西醫嘅 Dos and DON'TS都有數據可依，有科學理論去解釋點解要"有D食物/藥物應該唔好食甚至絕對唔可以食"。西醫Anecdotal case reports未定性有問題或知道原因，但 journals上出現就大家小心。西醫戒口基本原因大都可以在 research papers追溯到，可信性高。 我讀唔止一個中藥 cert courses當然覺得中醫藥有用，好奇想學多D，中醫藥發展如果用科學方法就更多人信服。一路都係內經、本草、金匱、傷寒；權威話係咁.........就唔會有進步。其實近代中醫藥好多好多研究，方法亦參考了西方 research methods。上萬方搵中藥 research papers睇，寫法同英文 research papers一樣。 最後修改時間: 2023-07-21 20:08:26 |
ich 正式會員 136.xxx.xxx.81 |
2023-07-21 20:07 |
| [#15] 戒口 戒口E樣野 祖父母辈 已經流傳. 但就欠 科學方法解釋. 鬼佬 可能就 近E_三幾十年普遍d 或者多d研究. 主要方向或係 食物 過敏/成分… Dairy free, Gluten free Nut free Shellfish free Soy free etc…; & 另外 E+有d 有係 西方嘅 解法. e.g. 面包＞熱氣 (Acrylamide) 蛋＞發(choline＞ TMA ＞ TMAO…) 奶＞濕(A1 β-casein protein) |
cornercube 正式會員 14.xxx.xxx.88 |
2023-07-21 21:00 |
| [#16] 戒口 冇三高唔使戒。 |
沉默的膏蟹 正式會員 119.xxx.xxx.221 |
2023-07-21 21:15 |
| [#17] 戒口 食物敏感唔可以叫'戒口', 應該係唔可以食, 因為過敏可大可小。 亞洲人有大半人以上(成年人)係 lactose intolerance, 係遺傳問題, 唔係過敏, 唔好混淆。等同飲酒會面紅同易醉, 唔係你對酒精敏感, 而係你冇遺傳到嗰種酶(酵素) aldehyde dehydrogenase 去分解酒精副產品。 至於熱氣、濕熱, 多同荷爾蒙分泌失調有關, 有時夜瞓煙酒過多, 飲食唔健康, 導致有口氣、便秘、出暗瘡等等, 都係同你嘅壓力荷爾蒙有關。至於食熱氣嘢導致生痱滋、喉嚨痛同出暗瘡又係另外一樣嘢, 熱氣係因為多數煎炸食物比較硬, 進食時後會損壞口腔內膜導致潰瘍, 而且大部分煎炸食物都係好油膩, 導致油脂分泌過多, 所以容易出暗瘡, 油脂亦會令腸胃消化不良, 造成口氣便秘, 情況同以上壓力荷爾蒙過多差唔多, 所以傳統中醫就基本上叫熱氣同濕熱。高熱煎炸食物中含嘅acrylamide同熱氣拉唔上關係, 但係呢樣嘢係致癌同埋neurotoxic, 所以真係少食少食。 最後修改時間: 2023-07-21 21:36:38 |
Drhandguns 正式會員 193.xxx.xxx.68 |
2023-07-21 21:35 |
| [#18] 戒口 我自己對戒口又唔係完全否定，例如扭傷 我會戒啤酒，但係有傷口就從來唔戒口，蝦蟹鵝筍照食。 唔知點解，我由後生到五十幾，每次飛到美國一兩日之後兩邊膊頭會上火好痛，一定要飲涼茶之類解熱。 至於 濕，我真係知係乜。 最後修改時間: 2023-07-22 12:51:10 |
Dlbf 正式會員 14.xxx.xxx.112 |
2023-07-22 12:48 |
| 按照傳送日期顯示:由舊至新 由新至舊
|
