談天說地主旨 ﹝請按主旨作出回應﹞ | 寄件者 | 傳送日期 |
[#1] 救人!空姐聲援黑衣年青人反遭誣蔑兼起底 https://lihkg.com/thread/1380988/page/1 代post: 求救求救? ? ? ? ? ? ? 我地同事比人網絡欺凌!!!! 請大家救救手足,各自留”好人一生平安” or “ Sing hallelujah to the lord” or 其他狗屎垃圾煲走欺凌既post,令5毛既post沉底,千祈唔好respond to 佢地而引發罵戰 大家亦可以互like https://www.facebook.com/15417313693/posts/10155294768798694?s=583421850&substory_index=0&sfns=mo 因為見到阿叔想蝦黑色衫既後生而不忿出手相救,最後反而比五毛欺凌! 事件經過: ? ? ? ? ? ? ? 晏晝我話:「唔分職級 唔分政見 遇到不公嘅事 記得要為自己發聲。」 估唔到夜晚就發生左件事,最後我嬲到喊。 上環見一見朋友,然後就同老公搭地鐵返屋企。去到北角站轉車,坐係我地對面係兩個著住黑色衫嘅年青情侶,佢地都戴住口罩。後來有位中年男人上車,坐左係佢地旁邊。 開車無耐,老公發現對面個中年男人不停用唔友善眼光咁望住旁邊嘅後生仔,又用自己大隻身體去迫埋佢到,一度塊面好近個年青人。你想像下,一個陌生人坐你隔離,咁近距離望自己又用身體迫自己,任何人睇都覺得好奇怪。 當時我地坐正係佢對面,老公首先問佢做乜事。中年男人即時好激動企係身,由上威脅狀態問:乜撚事呀? 我已經即時叫停個中年男人兼問:你停喇!做乜車控咁埋? 佢無理我口頭阻止,並且幾乎面貼面咁再問:關你乜撚事呀? 見狀我老公都企埋起身,再問佢咁樣咁近望啲細路、望住我做乜。 佢就大嗌打我丫,你打我丫,打交丫。我同佢講無人想打你,亦無人要打你,係問你點解要咁做。你有道理即管講即管俾個解釋。 有位西裝先生都同佢講,你不如搭的士啦,係到恐嚇人。之後陸續好多人上車,佢就不停賴皮話我望人唔得咩?我做咩黎呀? 依家咩事呀?不停loop 呢兩句。 我問佢你望人要望咁近既咩?問你做咩,要控咁埋問既咩?你自己搞亂哂啲次序、思緒亂哂係到屈人。後尾有人問佢你係咪認錯人,係就講聲唔好意思道歉就走。佢話可能認錯嫁,佢地又著黑色衫又戴口罩。 我同佢講,依家係咪著黑色衫唔係做錯事嫁。你咁大個人因為咁樣係街到蝦啲小朋友,你醜唔醜?佢話佢地細? 然後話依家你地圍住我呀。 然後大叫有人打我呀。 跟手一個女仔話,我影住你嫁一直,無人打你。周圍都有人拍緊片。 我地問佢要唔要報警,佢大大聲話報。我話無人打你,你如果同警察講,你所講既就係假證供,你諗清楚未? 佢又笑笑口話你唔好玩,問我識乜野。有人叫佢合返埋對腳俾年青人坐返,男仔一坐佢就依然無理,差起對手,叫佢縮都唔縮。我話唔緊要嫁,你啲不負責行為出哂街。佢最後係油塘落車走左,我同妹妹講,俾人蝦記得要出聲。佢地好有禮貌咁多謝我地,亦向幫手出聲嘅人致戲。 明明係佢企係身兇人,到我地企係身同佢理論,佢又苙水坐返低。同佢理論,佢就賴皮。呢卡車箱就好似社會縮影,後生仔著黑色衫就要被無理對待、要係街受呢啲不友善目光。然後成年人就可以答你「39 分鐘唔係遲」、「無戴錶」、「警察唔需要委任證」太多數唔盡賴皮嘅說話去回應你,將事實扭曲去影響周圍人。廿幾年逐漸被壓榨,佢地充耳不聞。最近幾多不公事發生,佢地都可以視若無睹。無論小朋友幾努力,都得唔到呢班成年人合理對待。你以為元朗件事已經好明顯地令人分出是非,但原來,無良心就永遠唔想亦唔會搵返個良心。 將是非癲到,更加樂在其中。 最後落左車,諗到呢到我嬲到喊。 嬲,點解個社會咁、點解有人咁無理取鬧。 亦為左幫我地手 同 最後一刻都無因為恐懼而離開嘅小情侶。 老公話攬下我個刻,我同自己講一直要堅強個堤防崩裂左,忍唔住喊左。 既然有成年人咁不負責任,我地更加要挺身而出,為左弱小而發聲,保護身邊每一個人。 ? ? ? ? ? ? ? ? 而家甚至有人揚言要殺左我地同事,大家幫幫快推走佢,可以report 但係唔好like/reply/ emoji 佢地既post 大家要團結彼此守護,齊上齊落!✈️ |
blackspin 正式會員 1.xxx.xxx.152 |
2019-07-29 16:23 | |
|
按照傳送日期顯示:由舊至新 由新至舊 |