談天說地主旨 ﹝請按主旨作出回應﹞ 下頁 尾頁 | 寄件者 | 傳送日期 |
[#1] 香港考牌係咪過於寬鬆? 一個司機, 竟然以為手制就可以令架車行唔郁.... 好多司機都係, 考完個牌乜都唔識. 架車所有熄都唔知點解. 就渣架車出去攞人條命較飛. 【明報專訊】黃大仙昨早發生奪命車禍。昨早11時許,一名男子將私家車停泊在鳴鳳街後下車上廁所,其胞兄欲調整車輛位置時,疑誤將油門當腳掣,撞向一名路過的七旬老婦,再撞向路邊鐵欄,老婦慘遭夾在車頭及路邊鐵欄中間,其夫及子親眼目睹意外經過。老婦被救出後昏迷送院,經搶救後不治。肇事司機涉嫌危險駕駛導致他人死亡被捕。 婦夾車頭鐵欄間 事發於昨早11時許,涉事的本田思域私家車沿飛鳳街往鳴鳳街方向行駛。現場消息指私家車駛至飛鳳街54號對開時,姚姓司機將私家車停泊後下車上洗手間,仍在車上的姚兄欲調整私家車位置,接載上廁所的胞弟,卻誤踩油門當腳掣,私家車隨即直衝向前,撞倒正偕夫路過的70歲婦人劉瑞儀。 私家車失控繼續直衝,至飛鳳街59號對開撞及路邊鐵欄始停下。私家車左邊車頭損毁,路邊一個兩米鐵欄同被撞毁。據了解,姚兄持有車牌,惟疑有一段時間未有駕駛。 劉婦被撞後慘被夾在車頭及路邊鐵欄中間,其丈夫及兒子在場目睹意外後情緒激動,不斷痛哭及指罵涉事司機,並不斷呼召路人幫忙。救護人員接報到場,劉婦被救出後重傷昏迷,身體多處受傷,由救護車送往廣華醫院搶救,但終告不治,現場留下一灘血迹和一隻波鞋。死者家屬於醫院得悉死訊後悲傷不已,蹲在地上嚎哭。 丈夫兒子目睹意外 41歲的兄長姚贊榮涉嫌危險駕駛導致他人死亡被捕,正被扣留調查。據了解,有人被捕後報稱「想去搞部收音機」,錯誤踏錯油門,但強調車輛「有拉手掣」。 肇禍現場附近一間玉飾店,負責人Winnie因聞一聲巨響遂探頭查看,她表示事發時聽到一把女聲呼救,另有一名男子嚎哭大叫「快啲搵人倒車,夾住咗我老母」,惟無人敢幫忙。她續稱,消防於約11時半到場將劉婦救出,並以白布蓋住傷者抬上擔架,惟她未有目擊劉婦傷勢,而涉事司機則在旁全身抖震,「佢都好驚」,且重複說道:「我有拉手掣。」 「想搞收音機」稱有拉手掣 案件交由東九龍總區交通部特別調查隊跟進,警方呼籲任何人如目擊意外發生,可致電2305 7500或2305 7570與警方聯絡。 |
mcdull 正式會員 112.xxx.xxx.21 |
2019-02-18 10:06 | |
|
[#2] 香港考牌係咪過於寬鬆? 雪藏牌又要手痕攪攪震,唔諗下自己幾耐冇坐過司機位。大錯鑄成,恨錯難返。 如果份保險係唔可以借車俾人楂,上身等破產。 |
bankguy 正式會員 165.xxx.xxx.81 |
2019-02-18 10:11 |
[#3] 香港考牌係咪過於寬鬆? 一來鬆,二來教啲野on9. |
Joeyd 正式會員 138.xxx.xxx.95 |
2019-02-18 10:29 |
[#4] 香港考牌係咪過於寬鬆? 考到牌都一次高速公路未上過,迴旋處未去過,淨係幾條路線兜一百幾十次,練習爬頭,cut線機會少之又少。 路試只係要求將基本野做到冇犯錯,唔代表考到牌出街楂得掂。 失敗制度。 最後修改時間: 2019-02-18 10:47:48 |
bankguy 正式會員 165.xxx.xxx.81 |
2019-02-18 10:43 |
[#5] 香港考牌係咪過於寬鬆? >如果份保險係唔可以借車俾人楂,上身等破產。 又唔會, 任何保險都有保呢啲意外. 呢單野似乎都係司機一時屎忽痕. 車主未必有授意比佢渣. 點都係司機同保險食晒. >一來鬆,二來教啲野on9. 有好多考完牌, 連架車有冇電都唔識睇. 就話做司機出車. brake皮冇又唔識. 長期拖住手制行又唔知. |
mcdull 正式會員 112.xxx.xxx.21 |
2019-02-18 10:45 |
[#6] 香港考牌係咪過於寬鬆? 小弟個牌唔係香港考,但見係香港渣左廿幾年車,有一個好奇怪現像就係香港人開車好鐘意無拿拿開死火燈,乜都開,開左成日都唔記得關,事無大小都開,要停車開,慢車又開,突然掉頭又開,好似開左燈就做乜都得咁,有時真係比呢班人吹脹,原來朋友話係香港學車,師傅千叮萬囑,唔理有乜事最緊要打死火燈... 新年期間出車,特別係年初一二三,果D雪櫃牌一齊出動,年年都差D人撞到,雪櫃牌渣車極度痴線,不能盡錄 香港考版係唔係太寬鬆?我覺得係.. |
Forestpig 正式會員 42.xxx.xxx.95 |
2019-02-18 10:46 |
[#7] 香港考牌係咪過於寬鬆? >師傅千叮萬囑,唔理有乜事最緊要打死火燈... 我係香港學.. 冇啲咁既事, 如果係咁考牌, 亦都會肥. 呢啲壞習慣應該係一傳十十傳百. 主要原因都係因為香港人跟車太貼. 前面急收或塞車, 驚後車收唔切所以會打死火燈, 我都會. 因為香港司機真係好急屎. 我識唔少frd都比後車撞過. 都係因為前面brake,後車唔brake. 所以香港人鍾意打死火燈應該唔關學車事. |
mcdull 正式會員 112.xxx.xxx.21 |
2019-02-18 11:00 |
[#8] 香港考牌係咪過於寬鬆? 香港人開車好鍾意無拿拿開死火燈,乜都開,開左成日都唔記得關,事無大小都開,要停車開,慢車又開,突然掉頭又開,好似開左燈就做乜都得咁 X2 師傅可能未必知車停定先可以打死火燈,何況教 香港師傅只會教你點考牌,唔會教你點揸車,典型香港考試文化 香港司機打燈三大法: 1)打死火燈大晒 2)打燈即出,又係大晒 3)路口出大路打右燈轉左,好似係某汽車雜誌專欄作家教落,係話畀coming traffic知我出啦喎,這是全世界獨門秘方 最後修改時間: 2019-02-18 11:25:17 |
olddude 正式會員 218.xxx.xxx.94 |
2019-02-18 11:13 |
[#9] 香港考牌係咪過於寬鬆? 蠢人累死人又一鐵證(除非俾鬼迷) 最後修改時間: 2019-02-18 11:17:04 |
klinsmanner 正式會員 45.xxx.xxx.10 |
2019-02-18 11:16 |
[#10] 香港考牌係咪過於寬鬆? 其實外國考牌會唔會仲鬆過香港? |
radhk 正式會員 203.xxx.xxx.196 |
2019-02-18 11:20 |
[#11] 香港考牌係咪過於寬鬆? 路試要唔要加埋上快速公路過線扒頭?加辣本來係巧,但可能令考牌官嚇到賴尿,仲可能因學神技術不濟炒車撞壆翻車,學神及考牌官齊齊傷亡。 考牌只係考基本操控及路上操控及應變,唔可能樣樣考 |
bliss33 會員 182.xxx.xxx.29 |
2019-02-18 11:23 |
[#12] 香港考牌係咪過於寬鬆? >其實外國考牌會唔會仲鬆過香港? 香港係考技術,美加係考安全 |
olddude 正式會員 218.xxx.xxx.94 |
2019-02-18 11:27 |
[#13] 香港考牌係咪過於寬鬆? 有好多考完牌, 連架車有冇電都唔識睇. 就話做司機出車. brake皮冇又唔識. 長期拖住手制行又唔知. --------- 仲有霸住快線撚,東區走廊50kmh撚,蟻速出路口撚,唔識行迴旋處撚,哈哈。 |
Joeyd 正式會員 138.xxx.xxx.95 |
2019-02-18 11:29 |
[#14] 香港考牌係咪過於寬鬆? #13 我老細根本個dash只會睇個speedometer |
olddude 正式會員 218.xxx.xxx.94 |
2019-02-18 11:36 |
[#15] 香港考牌係咪過於寬鬆? >其實外國考牌會唔會仲鬆過香港? 香港係考技術,美加係考安全 ============================== 仲有大陸考紅包 最後修改時間: 2019-02-18 11:45:23 |
奸人堅 正式會員 218.xxx.xxx.157 |
2019-02-18 11:45 |
[#16] 香港考牌係咪過於寬鬆? 香港係考技術<<邊有呀? 考牌係叫揸30kmh就得,邊有技術。 學車時有冇聽過師傅講唔好做快線撚?我諗係零。 快線係比人扒頭,佢超速係佢既事,唔係比你限速內長行, 大把人唔明仲正氣凜然屌返你轉頭。 細個去加拿大已見啲鬼佬開窗屌啲少數快線撚,好記得。 我當年學過吓葵涌試道,係有迴旋處,根本死老野教既就係錯, 即係就算出第二第三路口都一樣永遠一開始就最左線。會教出啲咩人? |
Joeyd 正式會員 138.xxx.xxx.95 |
2019-02-18 11:46 |
[#17] 香港考牌係咪過於寬鬆? 最L憎司機停車唔熄引擎, 取走車匙 每朝早0730~0800時段性方濟小學D大陸司機家長, 最PK就係停車後司機仲要落車送上課室, 都夠薑車匙唔熄引擎, 有D冇人在車里卻唔取走車匙 仲要double park, 搞到繁忙時間四條行車變一條兩條, 塞爆石硤尾屋邨交通 有D父母揸法拉去送學生返學, 朝朝做騷引附近小學生圍觀 |
奸人堅 正式會員 218.xxx.xxx.157 |
2019-02-18 11:56 |
[#18] 香港考牌係咪過於寬鬆? 駕駛態度和執法問題,考牌嚴唔嚴都一樣 考得嚴有乜用,無人執法駕駛態度咪一樣會變差。浄係違泊丶衝黃丶紅燈丶小巴超速,要捉真係易過借火,你唔捉咪越開越快,你睇下旺角紅頂,有無警察放蛇?真係未聽過,我諗紅頂小巴走一轉已經可以扣滿分 另外香港地阻人搵食嚴重過殺人父母。我眼見好多車左抽又抽又超速,其實下個燈位咪又見返佢,快得幾多? |
dttmtong 正式會員 45.xxx.xxx.181 |
2019-02-18 11:56 |
[#19] 香港考牌係咪過於寬鬆? >香港係考技術<<邊有呀? 考牌係叫揸30kmh就得,邊有技術。 估嫁渣,成日聽人講幾多手軚拍位,自動波掉頭又唔知點要入二波之類,我重以為香港考牌好注重技術渣 |
olddude 正式會員 218.xxx.xxx.94 |
2019-02-18 11:59 |
[#20] 香港考牌係咪過於寬鬆? 想起學車, 就快到紅綠燈時都唔知應該點做? 又怕沖燈又怕有排都唔轉燈. |
ie 正式會員 76.xxx.xxx.212 |
2019-02-18 12:01 |