談天說地主旨 ﹝請按主旨作出回應﹞ | 寄件者 | 傳送日期 |
[#1] 離娛圈27年 張麗瑾為供仔女讀U 變師奶股神!! 歌曲《留給最愛的說話》能勾起不少80年代尾集體回憶。主唱的張麗瑾不是唱家班,不是靚女、DJ出身的她,更曾被倪震笑醜樣激到喊!不過,逃離娛樂圈27年的張麗瑾,揚言回憶中沒有不開心的事,又爆為供子女升學變成師奶股神,現在有三層樓加兩個車位揸手。 商台DJ出身的張麗瑾,當年在電台負責節目《日本流行情報》,是80年代日本文化代言人。然而,其夥拍軟硬天師主持的節目《飛越癲狂院》同樣大受歡迎,一首跟廣播劇同名的歌曲《留給最愛的說話》,更加成為80年代尾的集體回憶。 自知唔靚女 離開電台後,張麗瑾曾跟倪震主持亞視節目《熱門週末派》,該節目導演蔡錦源在專欄爆料,指張麗瑾曾衝出錄影廠哭訴:「我是醜,但也不用這麼拿我來說……」日前,張麗瑾接受《蘋果》專訪,問她當年是否被倪震激喊?她厚道說:「冇呢個印象喎,倪震口花花嗰啲,有時講嘢唔就你女仔,佢當我男仔,唔靚女有乜所謂,我知自己唔靚女,我重視個心係善良,男仔梗係鍾意黐靚女,我冇所謂,不過我諗我唔係好適合去電視圈子。」 現年逾50歲的張麗瑾逃離娛樂圈已27年,她表示回想中沒有不開心的事,又指所有事都是紀念。她說:「多謝上天安排我試過呢個經驗,唔好要求紅透半邊天,一首歌hit到咁,一個節目hit到咁,但如果可以再做一個節目,我諗都鍾意嘅,嬉笑怒罵分享人生真諦,將眼光睇遠啲,心情變靚啲。」 於93年結婚,老公黃永恒任職上市保險公司總經理,兩人育有一子一女,今年踏入銀婚25周年。張麗瑾兩夫婦跟升斗市民一樣,為供子女到外國讀書,想盡辦法搵錢儲錢,張麗瑾更因此成了師奶股神,她笑謂:「我老公完全冇錢,佢由messenger做到?家manager,佢係一個好努力嘅人,我哋夠生活就算,到要供仔女去外國讀書,計吓條數,嘩,唔掂喎!於是要諗方法搵嚿錢,有乜可以好快呢?就係做投資。」 點都要儲錢 張麗瑾續說:「成日去聽投資講座,又投資股票、樓市,?家有三層樓,車位有兩個。」說到投資秘方,她不介意公開:「唔使全部用晒自己銀包嘅錢,借囉,真㗎,我唔係呃你,借咗錢返嚟,千祈唔好要嚟買嘢,用錢搵錢,講穿即係買股票,可以將股票按畀銀行,佢就會借番一半嘅錢畀你,咁你多咗嚿錢活用,我試過用呢嚿錢買車位,半年賺十萬。」 目前在元朗手持三層樓,張麗瑾坦言:「因為我未賣,賺幾多唔可以作準,但起碼都有九百萬,不過有一半係欠銀行。」她又分享投資心得:「有啲人好驚借錢,睇你點借,喺銀行借五、六萬,識投資每個月大概可賺一千蚊,借六個月當利息收一千都賺咗五千,唔好睇小呢五千,啲錢係一滴一滴積落嚟,但首先要儲錢,冇錢空談。」 |
cmlwts 正式會員 61.xxx.xxx.178 |
2018-05-25 10:53 | |
|
[#2] 離娛圈27年 張麗瑾為供仔女讀U 變師奶股神!! 倪震呢個賤人,常常以貌取人,劉錫明就咁比佢玩死。 周慧敏真係有眼無珠,嫁個咁嘅人。 |
peter188 正式會員 125.xxx.xxx.142 |
2018-05-25 10:58 |
[#3] 離娛圈27年 張麗瑾為供仔女讀U 變師奶股神!! "她又分享投資心得:「有啲人好驚借錢,睇你點借,喺銀行借五、六萬,識投資每個月大概可賺一千蚊,借六個月當利息收一千都賺咗五千..." +++ 財仔代言人? |
M880 會員 218.xxx.xxx.42 |
2018-05-25 11:05 |
[#4] 離娛圈27年 張麗瑾為供仔女讀U 變師奶股神!! 講到借錢來投資好容易賺錢。不用返工呢!? |
steak 正式會員 61.xxx.xxx.226 |
2018-05-25 11:13 |
[#5] 離娛圈27年 張麗瑾為供仔女讀U 變師奶股神!! 借咗錢返嚟,千祈唔好要嚟買嘢 ------- 其實啲錢用咗、享受咗,先系錢 啲居屋股神手揸上億股票,都喺住層爛鬼居屋,活到七十幾相信未點享受過,唔知賺咁多錢來做咩? 其實從呢個意義來講,宜家的年輕人可能醒過好多投資者 |
Kelvinzy 正式會員 202.xxx.xxx.40 |
2018-05-25 11:17 |
[#6] 離娛圈27年 張麗瑾為供仔女讀U 變師奶股神!! 六萬六個月賺六千 即年息20厘 |
city_man 正式會員 112.xxx.xxx.114 |
2018-05-25 11:17 |
[#7] 離娛圈27年 張麗瑾為供仔女讀U 變師奶股神!! 依D文章, 可信性好低 |
monet90 正式會員 58.xxx.xxx.30 |
2018-05-25 11:31 |
[#8] 離娛圈27年 張麗瑾為供仔女讀U 變師奶股神!! 當笑話就算啦 |
Chia 正式會員 219.xxx.xxx.35 |
2018-05-25 13:11 |
[#9] 離娛圈27年 張麗瑾為供仔女讀U 變師奶股神!! 在元朗手持三層樓,張麗瑾坦言:「因為我未賣,賺幾多唔可以作準,但起碼都有九百萬,不過有一半係欠銀行.. 即係樓上只有450萬係自己..唔係好多錢姐... |
olivea88 會員 61.xxx.xxx.187 |
2018-05-25 13:18 |
[#10] 離娛圈27年 張麗瑾為供仔女讀U 變師奶股神!! 呢d鼓勵人借錢嘅訪問...自己有小朋友就不做為妙。 萬般帶不走,唯有業隨身。 |
spyder 正式會員 14.xxx.xxx.175 |
2018-05-25 13:23 |
[#11] 離娛圈27年 張麗瑾為供仔女讀U 變師奶股神!! "在元朗手持三層樓,張麗瑾坦言:「因為我未賣,賺幾多唔可以作準,但起碼都有九百萬,不過有一半係欠銀行。」" ==== 80年代如用幾萬蚊10%首期供層太古城,市值起碼也賺過千萬,無乜特別。呢位股神仲要一半欠銀行,成績似乎跑輸大市。 |
M880 會員 218.xxx.xxx.42 |
2018-05-25 13:23 |
[#12] 離娛圈27年 張麗瑾為供仔女讀U 變師奶股神!! 每次牛市末期 總會出現呢類騎呢怪 |
668899 會員 103.xxx.xxx.34 |
2018-05-25 13:27 |
[#13] 離娛圈27年 張麗瑾為供仔女讀U 變師奶股神!! 在元朗手持三層樓,張麗瑾坦言:「因為我未賣,賺幾多唔可以作準,但起碼都有九百萬,不過有一半係欠銀行.. 即係樓上只有450萬係自己..唔係好多錢姐... ============================================================ 三層元朗咩嘢樓,九百萬咁平?? 打27年工,唔炒股都可以賺到450萬啦,股神?! |
bigleung 正式會員 202.xxx.xxx.226 |
2018-05-25 14:23 |
[#14] 離娛圈27年 張麗瑾為供仔女讀U 變師奶股神!! 「因為我未賣,賺幾多唔可以作準,但起碼都有九百萬,不過有一半係欠銀行.. ----- 呢句我咁理解,自買番來到宜家三層樓加埋賺了起碼九百萬,但有四百幾萬未還曬給銀行。 即係起碼淨賺了四百幾萬 而唔系三層樓值九百萬 |
Kelvinzy 正式會員 202.xxx.xxx.40 |
2018-05-25 14:39 |
[#15] 離娛圈27年 張麗瑾為供仔女讀U 變師奶股神!! 借銀行錢每月都要找數。你D樓同股未賣點找數 ? |
joey 正式會員 218.xxx.xxx.218 |
2018-05-25 15:07 |
[#16] 離娛圈27年 張麗瑾為供仔女讀U 變師奶股神!! 其實唔用'股神'呢個詞語,無人會插你的;27年,樓都未供甩一間就安個咁嘅稱號,只會俾人譏笑。 不過又可能係報紙佬老作多。 |
bigleung 正式會員 202.xxx.xxx.226 |
2018-05-25 15:16 |
按照傳送日期顯示:由舊至新 由新至舊 |