| 談天說地主旨 ﹝請按主旨作出回應﹞ | 寄件者 | 傳送日期
|
| [#1] 【極危險】 所謂流出報告根本係幫保皇黨拉票 轉自連登 好中point https://lihkg.com/thread/1894000/page/1 有啲長，但我盡量分析到冇盲點先夠膽開post。:) 首先，份報告唔會係單純「流出」咁簡單。 1. 一份特首俾中央嘅報告，一定會牽涉好多敏感資料同機密文件，唔會係你同我send個email咁簡單，過程一定有好多加密處理，限制邊個人、咩職位有權睇，睇過嘅一定有記錄，如果真係流出嘅其實唔難搵返條友出嚟。 2. 如果真係特首辦有內鬼，其實唔應該揀爆呢份報告出嚟。睇返報告內容，最爆嘅係林鄭話要請求中央幫政府解決疫情，仲講明係為左保皇黨嘅選情而做，然後大家就捉住呢點討論。但老實講，呢樣嘢根本你知我知單眼佬都知，只不過係林鄭冇親口講出嚟姐。特首同保皇蛇鼠一窩，黃嘅一早就知，藍嘅擺明唔介意。如果係內鬼，爆呢樣嘢其實唔係咩新鮮料。相反，做內鬼過去幾個月一定有其他更有價值嘅嘢爆。呢點另一位巴打都講左。 當然，你話個內鬼咁蠢爆完呢份報告黃左，我冇嘢好講。 3. 留意保皇黨嘅反應。蘋果係琴日22/2星期六凌晨出呢份報告嘅新聞，值到依家特首辦都未回應，包括份報告係真定假。但保皇黨同一日黃昏已經出嚟回應。葉劉話份報告會令保皇派尷尬，工聯會就話會檢討，跟住就有匿名保皇派話林鄭「冇得救」。平時嘅保皇一定係等政府有官方回應先出嚟奶鞋底，而且見到係蘋果報導通常都唔會直接回應，但今次就連特首辦都未回應份報告係真定假已經衝出嚟，間接承認左份報告係真係「流出」。 4. 同樣，特首辦到依家過左兩日都未回應，令人產生一種「份報告係堅」嘅感覺。如果份報告流出對特首辦真係一個負面消息，唔會拖咁耐都唔回應。佢要解釋有幾難，都係嗰幾句「特首同中央報告係正常機制，對別有用心嘅人趁機造謠表示遺憾乜乜柒柒」㗎啦。佢咁耐都唔回應就係想引你地鬧，越多人鬧越好，等人相信份報告真係「流出」嘅。 咁如果份報告唔係意外流出，就即係對家固意放份報告出嚟，就即係咁做對佢有好處，好處就係幫保皇拉票。 1. 中共想繼續控制香港，就一定要贏9月立法會選舉。立法會對中共嘅重要性可能仲大過特首呢個位。特首選委票本身就容易控制，基本上搞掂商家同地產商就得，上年區會結果對特首選舉根本冇影響。 2. 但如果中共輸立法會，咁無論個特首幾奶共都冇用，因為立法會議案唔夠票就做唔到嘢。（除非佢乜柒都用緊急法啦） 3. 甚至，中共輸立法會可能連商界地產界嘅特首選委票都輸埋，咁到時就真係香港獨立都似。 4. 所以，中共依家已經全面放棄林鄭，只係想保住保皇黨嘅票，然後2022換個陰毒過林鄭但又冇佢咁蠢嘅上嚟做特首，繼續滅港計劃。 5. 呢份報告「流出」，對我地立法會選情有咩幫助？答案係冇。我地可以笑9林鄭保皇狗咬狗，可以鬧咩林鄭破壞一國兩制乜乜柒柒，但係除左笑同鬧，都只係得笑同鬧。 6. 對家就唔同啦。保皇黨即刻扮死狗，講到自己係咁俾林鄭跣，自己真係變左condom咁，博同情，等人覺得林鄭差係林鄭事，唔係中共問題，亦唔係保皇派問題，然後話自己成日俾意見林鄭，慢慢塑造「我地都同泛民一樣有鬧林鄭」嘅形象，分薄我地票源。 7. 唔好忘記，我地贏區會第一係因為簡單大多數嘅制度，第二係因為警暴。立法會係比例代表制，本身已經難打。依家電視又相對少左警暴畫面，班中立淺藍偽黃絕對會唔記得左件事，然後可憐班撚屌保皇而投票俾佢地。 今次可能就係中共想翻身嘅第一步：叫林鄭「流出」份報告，然後引人將所有矛頭指向佢。我甚至懷疑，佢揀蘋果就係想佢報得大啲，用哂啲搧動人笑/鬧林鄭嘅字眼，目的就係製造空間俾保皇黨拉票。 我地要預計嚟緊半年中共繼續奇招百出，林鄭會不斷劃花自己塊面，做到自己有咁衰得咁衰。而保皇黨嘅定位將會轉變，由之前嘅「支持政府依法施政嘅投票機器」變做「俾林鄭害死嘅受害者」，吸納搖擺選民。就好似今次咁，保皇派唔會再唔出聲，或者附和港共，而係主動出嚟鬧。睇下麥美娟，今日已經不點名鬧林鄭冇良心，已經拉緊票㗎啦。 當然，成件事可能真係蘋果把炮搵到獨家料，而特首辦真係有個on9仔漏左份嘢出嚟。但就算係咁，保皇黨已經利用緊呢個機會翻身！ 我建議，嚟緊我地嘅宣傳唔好淨係屌林鄭。事實上，依家好多人口講覺得林鄭做得差，但就繼續支持保皇黨。所以我地要重點宣傳保皇黨盲撐政府嘅荒謬！宣傳林鄭做得差就係因為班保皇唔識反對！宣傳送中條例政府做得咁差，搞到香港咁亂，保皇黨都有份！唔可以俾保皇黨乘機洗底！！ 講多次，我地嘅對手係共產黨，唔係普通藍絲廢老！我地反抗中共係業餘，中共打壓我地係職業！我地想贏嘅話就要站係對家嘅立場思考，不斷反省同改進策略！ |
開心溫柔鄉 正式會員223.xxx.xxx.142 |
2020-02-24 13:41 | |
|
|
|||
| [#2] 【極危險】 所謂流出報告根本係幫保皇黨拉票 "我地嘅對手係共產黨，唔係普通藍絲廢老！我地反抗中共係業餘，中共打壓我地係職業！我地想贏嘅話就要站係對家嘅立場思考，不斷反省同改進策略！" x2 |
tonylaibach 正式會員 112.xxx.xxx.177 |
2020-02-24 13:53 |
| [#3] 【極危險】 所謂流出報告根本係幫保皇黨拉票 乜L 危險刀唔怕，記住：「一票不投保皇黨及其隱性黨羽」 |
bliss33 會員 219.xxx.xxx.1 |
2020-02-24 13:56 |
| [#4] 【極危險】 所謂流出報告根本係幫保皇黨拉票 乜L 危險刀唔怕，記住：「一票不投保皇黨及其隱性黨羽」 |
bliss33 會員 219.xxx.xxx.1 |
2020-02-24 13:56 |
| [#5] 【極危險】 所謂流出報告根本係幫保皇黨拉票 一定不會投票給保皇狗 |
minipod 正式會員 223.xxx.xxx.69 |
2020-02-24 13:58 |
| [#6] 【極危險】 所謂流出報告根本係幫保皇黨拉票 支持保皇狗就係香港千古罪人！ |
伊雲士 正式會員 42.xxx.xxx.254 |
2020-02-24 14:07 |
| [#7] 【極危險】 所謂流出報告根本係幫保皇黨拉票 千萬唔好俾柒婆將所有事都攬晒上身 而係要將佢同保皇黨捆綁，一個都不能少，全部落鑊炒！ |
開心溫柔鄉 正式會員 223.xxx.xxx.142 |
2020-02-24 14:35 |
| [#8] 【極危險】 所謂流出報告根本係幫保皇黨拉票 跟住柒婆因腳痛自願離職，遊戲玩完。 |
AndyTKO 正式會員 14.xxx.xxx.188 |
2020-02-24 14:44 |
| [#9] 【極危險】 所謂流出報告根本係幫保皇黨拉票 賊婆最叻設鬼計陷阱裝對手仲伏,臨收皮都要扮割蓆保皇黨.目的為政權保著大量天價工程. |
V.C 正式會員 119.xxx.xxx.159 |
2020-02-24 14:53 |
| [#10] 【極危險】 所謂流出報告根本係幫保皇黨拉票 分式得有道理，一票不投保皇黨。 |
Cypw 正式會員 223.xxx.xxx.23 |
2020-02-24 15:15 |
| [#11] 【極危險】 所謂流出報告根本係幫保皇黨拉票 使鬼寫咁多字去分析 柒婆就得一個，建制派成個網路咁多人咁多利益，好難再短時間改頭換面 佢地主觀認為柒婆一個頂曬所有污糟野，咁班保皇黨就可以蒙混過關 |
敗家仔 正式會員 221.xxx.xxx.179 |
2020-02-24 15:57 |
| [#12] 【極危險】 所謂流出報告根本係幫保皇黨拉票 手足唔會受依個“假流出報告”影響，係D淺藍、淺黃、呃下D老人、港豬、道德高地者......果D無乜立場，左搖右擺果D先會被昆！ |
Ming Sir 正式會員 219.xxx.xxx.167 |
2020-02-24 16:42 |
| [#13] 【極危險】 所謂流出報告根本係幫保皇黨拉票 一票不投保皇黨 |
書虫 正式會員 119.xxx.xxx.82 |
2020-02-24 18:20 |
| [#14] 【極危險】 所謂流出報告根本係幫保皇黨拉票 七柒漆罕有行會前見記者全程戴口罩，開聲即咳！ |
DeepSea^^ 正式會員 218.xxx.xxx.231 |
2020-03-03 22:21 |
| [#15] 【極危險】 所謂流出報告根本係幫保皇黨拉票 叫糊 ? 定係扮定有病, 鋪路下台引退 ? |
Ming Sir 正式會員 219.xxx.xxx.167 |
2020-03-03 22:23 |
[#16] 【極危險】 所謂流出報告根本係幫保皇黨拉票  《蘋果》密件揭謊言 林鄭死撐基於「科學理論」（附報告截圖） https://hk.news.appledaily.com/local/20200303/L34OIFY4ZAVC6XEIHTJSRKNFKQ/ 【新增內容】 《蘋果》上周六（22日）獨家報道，特首辦向中央提交的抗疫「小報告」（見截圖及附表），揭露特首林鄭月娥將抗疫失敗諉過於人，除向中央狀告建制派及行會成員，更將抗疫工作視為選舉工程，為建制派助選。特首辦一直拒覆《蘋果》提問，林鄭今日（3日）在行會前見記者，被多間傳媒追問，惟她以政府向來不會回應或評論港府與中央之間的溝通或文書往來為由，即使傳媒3次追問，仍拒評報告，堅稱抗疫以「科學同理論」為本。有議員指從《蘋果》披露的「抗疫小報告」可見，林鄭設法藉疫情，為建制派助選，十分偽善。 林鄭過去在行會前會見記者，都會先除下口罩，待接收請願信時才戴上，但她今早與食衞局局長陳肇始、明天前往武漢接港人回港的政制及內地事務局局長聶德權和入境處處長曾國衞會見傳媒時，罕有全程戴上口罩，更在一開口說了「各位」兩字後咳了兩聲。 特首辦連日拒覆《蘋果》查詢，林鄭亦連日神隱未有出席公開活動；《蘋果》記者今天在記招未獲首個發問機會，其後高聲追問林鄭為何拖延10日仍未回應抗疫報告，林鄭聞言只全程擰頭，未有開腔。 【英語傳媒質疑報告偏幫建制派】 接着提問的記者追問林鄭，指報告獲報道後她一直未有回應，要求交代報告是否屬實，林鄭回應時一度試圖轉移視線，稱自己在2月25日曾公佈「抗疫一月」報告，向公眾交代政府防疫工作的細節，並說：「但係一貫嘅做法，特區政府都唔會回應或者評論我哋同中央嘅溝通或者文書往來」，她又強調自己可以十分肯地向巿民說，政府過去個多月的抗疫工作、所做決定「都係以科學同理論為本」，「差不多」全部重要的決定都是按專家顧問團的寶貴意見作出，「大部份時間」都虛心接受專家意見。 其後獲提問機會的英語傳媒記者亦追問有關抗疫報告問題，指林鄭於報告中曾提及冀透過抗疫工作扭轉民意，藉此助建制派9月立法會選情，問道：「當政府偏幫某一個陣營時，我們如何能夠期望9月的立法會選舉，會是一個公平的選舉？」然而林鄭回應時僅稱政府既定政策和做法是不會評論或回應任何有關香港政府和中央的內部溝通的猜測，「這次也不會例外，我不會對此（報告）提供任何回應」。 【被追問報告真偽 林鄭拒評 卻自稱「公開透明」】 其後記者第三度追問報告問題：「究竟個抗疫報告係咪真係屬實？你咁多日無回應，係咪默認咗有呢份報告？同埋你話要為呢個（9月立法會）選舉製造一個良好氛圍（以協助建制派選情），你係咪自打嘴巴，將（抗疫工作）成件事政治化咗？」林鄭仍只稱自己一直強調抗疫工作「要公開、透明」，她本人和司局長都願意按此原則交代抗疫工作，「並不存在特別係迴避」，指上周二碰巧是《財政預算案》前夕，因此沒有行會前會見傳媒的安排。林鄭其後再被問到是否想透過抗疫為建制派助選時便轉身離開。 民主黨立法會議員林卓廷認為林鄭拒絕回應報告內容，「畀人一種感覺，就係報道係準確嘅」，令人有理由相信林鄭的確曾在向中央提交的報告中，不斷將防疫失誤及政治責任推卸予建制派議員和行會成員，「林鄭講到佢自己作為行政長官，係毫無責任咁樣，呢個係非常卸責同毫無承擔嘅態度」。林又指，林鄭在該報告表明政府要透過防疫工作為建制派選情「轉危為機」，「林鄭成日話民生工作唔應該介入政治，呢份報告再一次顯示佢嗰種偽善同自打嘴巴。」 立法會議員涂謹申指出，從公開的機密報告內容可見，林鄭以特首身份呼籲全民抗疫，卻不全面封關，其實是為了向北京顯示忠誠，及謀取個人及建制派政治利益，做法令人齒冷，也令市民看清楚是何等攻於心計和惡毒。 【醫護工會轟「好嘔心」】 醫管局員工陣線主席余慧明回覆《蘋果》說，如政府再自詡所做的抗疫工作做得好，「真係好嘔心。而家全香港市民仲記得沙士時嘅慘痛經歷，人人做好自己嘅防疫措施，係有賴大部份香港人自救㗎咋。」余批評疫情爆發至今，林鄭連為全港市民提供足夠口罩等防疫裝備的最基本一步也做不到，「仲之前話有（口罩）源頭可以refer畀政府做採購，其實任何一個香港人，都睇唔到香港政府做得幾好」。 對於林鄭說每個抗疫工作都以科學及理論為本，及接受專家顧問團意見，余慧明反駁，港大感染及傳染病中心總監何栢良等專家一早已提出全面封關的重要性，重申當時中國內地疫情已很嚴重，工會才會一直爭取全面封關，堵截病毒來港，所謂的全面封關是禁止所有國籍旅客經由中國內地入境本港，「唔係政府抹黑嘅歧視中國籍人士。但政府而家已經對南韓實施緊呢個措施，睇唔到點解香港有咩唔去做（全面封關）。」她斥政府拒封關存在政治考慮，以政治凌駕港人生命安全。 余慧明稱，如該份「小報告」並非屬實，政府慣常做法是一定會公開澄清，惟林鄭仍拒絕評論，「係咪默認緊有呢份小報告」。至於醫管局日前向曾罷工的醫護發信，她說局方未必想即時行動，而是想待日後以表現不良等其他藉口，不與員工續約。她強調如有任何曾參與工業行動的會員因此被針對、不獲續約或被解僱，定必追究到底。 記者 林俊謙 【林鄭「小報告」密件節錄】 ●談疫情與反修例 香港特別行政區經歷了2003年「沙士」的沉痛教訓，面對新型冠狀病毒疫情，不敢掉以輕心，行政長官於疫情開始時便表明特區政府會以「迅速應變」、「嚴陣以待」和「公開透明」的原則辦事，並指令各部門須全力協作。幸好香港特區政府多年來努力建立了穩健應對疫情的機制、組織、防護及隔離設施，以至科研能力和足夠的資源；不幸的是疫情緊接因反修例而引起的社會暴亂，市民對政府的信心大幅下降，反對派和激進網民採取反修例的抹黑、造謠、分化、激化內地和香港矛盾等等相同手段進一步攻擊特區政府的管治，令抗疫工作百上加斤。 ●談建制派及行會成員表現 但政治形勢則不容樂觀，反對派一如既往利用這次疫情大力評擊特區政府，醫療界內的激進反修例分子亦借機鬧事，甚麼「五大訴求」、「全面封關」等的政治口號手段和反修例時同出一轍，網上的中傷、謠言、假消息和「快閃式」的暴力破壞令相關部門在抗疫中面對更大挑戰。令人失望的是建制派並沒有和特區政府站在同一陣線，往往以選舉理由加入批評特區政府行列，而個別建制派人士更對行政長官作人身攻擊，行會成員的表現亦強差人意。 ●談疫情與選舉關係 從選舉政治來看，特區政府非常希望能藉有效處理疫情贏取市民的認同和支持，以為建制派創造有利的氛圍。為此，懇請中央能繼續協助特區政府解決以下兩個迫切問題： （一）容許指定數間口罩及防護裝備生產商持續向香港供貨，並為在特區成立本地口罩生產綫的廠商提供機器和原材料；及 （二）容許特區政府與湖北省／武漢市政府商討安排滯留當地的港人分批返港。 上述兩項工作若在中央支持下得以順利落實，既可挽回特區政府的管治威信，亦讓香港市民感受到在「一國兩制」下中央對港人的親切關懷，相信是今年9月立法會選舉前一個難得可扭轉形勢的契機。特區政府將竭盡所能，不負重託，令疫情和選情都有望能轉危為機。 ●談醫護罷工 罷工期間，醫管局啟動了重大事故控制中心，檢視對服務的影響，因應情況調配非緊急服務人手以支援緊急服務及應付疫情，並適時對外發佈資訊。局方多次與職方會面，呼籲員工以服務病人為依歸，盡快返回工作崗位。特區政府拒絕介入，行政長官亦表示毋須與工會見面。在公眾開始對罷工影響服務表示不滿後，工會最終於2月7日停止罷工。特區政府已要求醫管局須嚴肅處理組織罷工的員工，不應容許害群之馬留在醫院工作。 ●談封關 由於香港的感染個案是由內地輸入，一些市民要求特區政府進行所謂全面「封關」。儘管不少市民被這口號式的訴求所誤導而形成一定的主流意見，特區政府堅持不可全面「封關」和不應針對內地旅客的立場。 ●談醫護防疫裝備不足 醫管局的主要供應商（如麥迪康醫療）因其內地廠房被中央調控，令其在出現疫情前按合約恆常訂購的口罩和防護裝備都未能如期付運，供應不足的情況相當嚴峻。另一方面，醫護人員必須在充足的保護裝備下才能妥善治療和照顧患者。雖然醫管局已大幅度削減非必要服務以壓低用量，和透過不同途徑到海外採購，但目前預計庫存亦只能應付一至兩個月的需求，情況岌岌可危。 假如事態不出現轉機，香港整個醫療系統將面對極大衝擊，甚至令全港抗疫工作癱瘓，後果不堪設想。因此，特區政府急切需要中央政府的協助和理解，容許醫管局的供應商（如麥迪康醫療）預留部份產能，供應主要防護裝備（如口罩、面罩和保護衣）予醫管局和香港醫護人員使用。  香港的感染個案均由中國輸入，惟政府堅拒全面封關，繼續容許來自中國的旅客來港， 報告指港府考慮的主要理由是「不應針對內地旅客」；惟後來韓國疫情漸轉嚴重，港府卻即時禁止韓國旅客來港。抗疫報告截圖  港府在報告中懇求中央協助香港解決口罩荒及接走滯留湖北港人，是出於「選舉政治」考慮，希望借機為建制派助選。抗疫報告截圖  政府拖延整整一個月後，終願意派包機接走湖北港人，其中一個考慮因素是擔心如不採取有關行動，將會在道理及政治上難作解釋。  另一派包機接走湖北港人的原因是有反對派政黨開始炒作議題，甚至建制派亦因輿論壓力開始加入。  港府在報告明言香港的疫情是難得的契機，如順利落實抗疫工作有望在9月立法會選舉中「扭轉形勢」。 最後修改時間: 2020-03-03 22:42:42 |
winning7 正式會員 219.xxx.xxx.46 |
2020-03-03 22:41 |
| [#17] 【極危險】 所謂流出報告根本係幫保皇黨拉票 不用理會乜九報告,總之一票不投保皇黨 |
ti 正式會員 14.xxx.xxx.10 |
2020-03-03 22:49 |
| 按照傳送日期顯示:由舊至新 由新至舊
|
